ಸಹ್ಯಾದ್ರಿ ಸೈನ್ಸ್ ಟ್ಯಾಲೆಂಟ್ ಹಂಟ್ (SSTH) ಸೈನೆರ್ಜಿಯಾದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾದ 13ನೇ ಆವೃತ್ತಿಯ ಸಹ್ಯಾದ್ರಿ ಸೈನ್ಸ್ ಟ್ಯಾಲೆಂಟ್ ಹಂಟ್ (SSTH) ಶಾಲಾ ಹಾಗೂ ಪದವಿಪೂರ್ವ ವಿದ್ಯಾರ್ಥಿಗಳಿಗೆ ತಮ್ಮ ನಾವೀನ್ಯಪೂರ್ಣ ಆಲೋಚನೆಗಳನ್ನು ಮತ್ತು ಸ್ಥಳೀಯ ಸಮುದಾಯದ ಸಮಸ್ಯೆಗಳಿಗೆ ಪರಿಹಾರಗಳನ್ನು ಪ್ರಸ್ತುತಪಡಿಸಲು ವೇದಿಕೆಯಾಗಲಿದೆ. ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ಒಟ್ಟು ₹2,00,000 ಮೊತ್ತದ ಆರಂಭಿಕ ಅನುದಾನ (Seed Grant) ನೀಡಲಾಗುವುದು. ಅಲ್ಲದೆ, ಸಹ್ಯಾದ್ರಿ ಕ್ಯಾಂಪಸ್‌ನಲ್ಲಿ ತಜ್ಞರ ಮಾರ್ಗದರ್ಶನ ಹಾಗೂ ನಾವೀನ್ಯತಾ ಮೂಲಸೌಕರ್ಯಗಳನ್ನು ಬಳಸಿಕೊಳ್ಳುವ ಅವಕಾಶ ಕಲ್ಪಿಸಲಾಗುವುದು. ಇದರಿಂದ ವಿದ್ಯಾರ್ಥಿಗಳು ತಮ್ಮ ಆಲೋಚನೆಗಳನ್ನು ಪ್ರಾಯೋಗಿಕ
ಪರಿಕಲ್ಪನಾ ಮಾದರಿಗಳಾಗಿ (Proof of Concept – PoC) ಅಭಿವೃದ್ಧಿಪಡಿಸಿಕೊಳ್ಳಬಹುದು.

ಡೆವ್‌ಹೋಸ್ಟ್ (DevHost)ಈ ಬಾರಿಯ ಸೈನೆರ್ಜಿಯಾದಲ್ಲಿ 9ನೇ ಆವೃತ್ತಿಯ ಡೆವ್‌ಹೋಸ್ಟ್ ಕೂಡ ನಡೆಯಲಿದೆ. EG ಸಂಸ್ಥೆಯು ಇದರ ಶೀರ್ಷಿಕೆ ಪ್ರಾಯೋಜಕರಾಗಿದೆ. ಸಹ್ಯಾದ್ರಿ ಓಪನ್ ಸೋರ್ಸ್ ಕಮ್ಯುನಿಟಿ (SOSC) ಆಯೋಜಿಸುವ ಈ ರಾಷ್ಟ್ರೀಯ ಮಟ್ಟದ ತಾಂತ್ರಿಕ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯೆಂದರೆ 36 ಗಂಟೆಗಳ ಹ್ಯಾಕಥಾನ್. ಇದರೊಂದಿಗೆ ಸಾಫ್ಟ್‌ವೇರ್ ಡೆವಲಪರ್‌ಗಳ ವಿಶೇಷ ಉಪನ್ಯಾಸಗಳು, ಮಾಸ್ಟರ್‌ಕ್ಲಾಸ್‌ಗಳು, ಕೈಗಾರಿಕಾ ತಜ್ಞರಿಂದ ಕಾರ್ಯಾಗಾರಗಳು ಹಾಗೂ ವಿವಿಧ ತಾಂತ್ರಿಕ ಸ್ಪರ್ಧೆಗಳು ನಡೆಯಲಿವೆ.

ಏರೋಫಿಲಿಯಾ (Aerophilia) ಟೀಮ್ ಚಾಲೆಂಜರ್ಸ್ ಆಯೋಜಿಸುವ ಮತ್ತು ನೈನೆಟ್ರಾನ್ ಟೆಕ್ (Ninetron Tech) ಪ್ರಾಯೋಜಕತ್ವ ವಹಿಸಿರುವ ರಾಷ್ಟ್ರೀಯ ಮಟ್ಟದ ಏರೋ-ಟೆಕ್ ಉತ್ಸವ ಏರೋಫಿಲಿಯಾ ಎರಡು ದಿನಗಳ ಕಾಲ ನಡೆಯಲಿದೆ. 13ನೇ ತಾರೀಕು ಬೆಳಿಗ್ಗೆ 9 ಗಂಟೆಗೆ ಏರ್ ಶೋ ನಡೆಯಲಿದೆ ಈ ಉತ್ಸವದಲ್ಲಿ ಏರೋಮಾಡೆಲಿಂಗ್ ಪ್ರದರ್ಶನಗಳು, ಡ್ರೋನ್ ರೇಸಿಂಗ್, ರಿಮೋಟ್ ಕಂಟ್ರೋಲ್ ವಿಮಾನಗಳ ಹಾರಾಟ, ಏರ್ ಶೋಗಳು, ಗೇಮಿಂಗ್ ಸ್ಪರ್ಧೆಗಳು ಹಾಗೂ ಸಂವಾದಾತ್ಮಕ ಕಾರ್ಯಾಗಾರಗಳು ನಡೆಯಲಿವೆ. ಉದಯೋನ್ಮುಖ ತಂತ್ರಜ್ಞಾನಗಳ ಕುರಿತು ವಿದ್ಯಾರ್ಥಿಗಳಲ್ಲಿ ಆಸಕ್ತಿ ಮತ್ತು ಕುತೂಹಲ ಮೂಡಿಸುವುದು ಇದರ ಉದ್ದೇಶವಾಗಿದೆ.

ರೋಬೋಟಿಕ್ಸ್ ಸ್ಪರ್ಧೆಗಳು ಸಹ್ಯಾದ್ರಿ ರೋಬೋಟಿಕ್ಸ್ ಕ್ಲಬ್ (SRC) ವತಿಯಿಂದ ರೋಬೋ ಸಾಕರ್, ಸುಮೋ ರೋಬೋಟಿಕ್ಸ್ ಹಾಗೂ ಸ್ವಯಂಚಾಲಿತ ಸಂಚರಣೆ (Autonomous Navigation) ಸೇರಿದಂತೆ ವಿವಿಧ ರೋಬೋಟಿಕ್ಸ್ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ. ಈ ಸ್ಪರ್ಧೆಗಳು ವಿದ್ಯಾರ್ಥಿಗಳಿಗೆ ಯಾಂತ್ರಿಕ ವಿನ್ಯಾಸ, ನಿಯಂತ್ರಣ ವ್ಯವಸ್ಥೆಗಳು ಮತ್ತು ಸ್ವಯಂಚಾಲಿತ ತಂತ್ರಜ್ಞಾನಗಳಲ್ಲಿನ ತಮ್ಮ ಕೌಶಲ್ಯ ಮತ್ತು ಪ್ರತಿಭೆಯನ್ನು ಪ್ರದರ್ಶಿಸಲು ಉತ್ತಮ ಅವಕಾಶ ಒದಗಿಸಲಿವೆ.

ಯುವ ಉದ್ಯಮಶೀಲತೆಗೆ ಸೈನೆರ್ಜಿಯಾದ ಕೊಡುಗೆ ಕಳೆದ ಹಲವು ವರ್ಷಗಳಿಂದ ಸೈನೆರ್ಜಿಯಾ ಯುವ ವಿದ್ಯಾರ್ಥಿಗಳಿಗೆ ಸ್ಫೂರ್ತಿಯ ಮೂಲವಾಗಿದ್ದು, ಅನೇಕ ಪ್ರಾದೇಶಿಕ
ಸ್ಟಾರ್ಟ್‌ಅಪ್‌ಗಳ ಬೆಳವಣಿಗೆಗೆ ಪ್ರೇರಣೆಯಾಗಿದೆ. ಸಹ್ಯಾದ್ರಿಯ ಇನ್‌ಕ್ಯುಬೇಷನ್ ವ್ಯವಸ್ಥೆಯ ಮೂಲಕ ಬೆಳವಣಿಗೆ ಕಂಡ ಯಶಸ್ವಿ ಉದ್ಯಮಗಳೆಂದರೆ STEM ಆಟಿಕೆಗಳ ಬ್ರ್ಯಾಂಡ್ Dreamkit.cc, ಸಹಾಯಕ ತಂತ್ರಜ್ಞಾನ ಉದ್ಯಮ Prafal ಹಾಗೂ ಡೀಪ್-ಟೆಕ್ ಆಡಿಯೋ ಸ್ಟಾರ್ಟ್‌ಅಪ್ Sonic Lamb. ಇಂತಹ ಯಶೋಗಾಥೆಗಳು ವಿದ್ಯಾರ್ಥಿಗಳ ನವೀನ ಆಲೋಚನೆಗಳನ್ನು ಉದ್ಯಮಶೀಲತೆಯಾಗಿ ಪರಿವರ್ತಿಸುವಲ್ಲಿ ಸೈನೆರ್ಜಿಯಾದ ಪಾತ್ರವನ್ನು ಪ್ರತಿಬಿಂಬಿಸುತ್ತವೆ.

ಸಾರ್ವಜನಿಕರಿಗೆ ಮುಕ್ತ ಆಹ್ವಾನ ಸೈನೆರ್ಜಿಯಾ’26 ಸಾರ್ವಜನಿಕರಿಗೂ ಮುಕ್ತವಾಗಿದ್ದು, ನವೆಂಬರ್ 12ರಿಂದ 14ರವರೆಗೆ ನಡೆಯಲಿರುವ ಈ ಮೂರು ದಿನಗಳ ನಾವೀನ್ಯತಾ ಉತ್ಸವದಲ್ಲಿ ವಿದ್ಯಾರ್ಥಿಗಳು, ಶಿಕ್ಷಕರು, ತಂತ್ರಜ್ಞಾನ ಆಸಕ್ತರು ಹಾಗೂ ಸಾರ್ವಜನಿಕರು ಭಾಗವಹಿಸಬಹುದು. ಆಸಕ್ತರಿಗೆ ಸ್ಥಳದಲ್ಲಿಯೇ ನೋಂದಣಿ (Spot Registration) ಮಾಡಿಕೊಳ್ಳುವ ಅವಕಾಶವಿದೆ. ಈ ಕಾರ್ಯಕ್ರಮದ ಯಶಸ್ಸಿಗೆ ಕೈಜೋಡಿಸಲು ಹಾಗೂ ಭವಿಷ್ಯದ ಬದಲಾವಣೆಯ ಹರಿಕಾರರನ್ನು ರೂಪಿಸಲು ಕೈಗಾರಿಕಾ ಸಂಸ್ಥೆಗಳು ಮತ್ತು ಉದ್ಯಮದ ಪ್ರಮುಖರು ಸಹ್ಯಾದ್ರಿ ಕಾಲೇಜಿನೊಂದಿಗೆ ಸಹಕರಿಸುವಂತೆ ಆಹ್ವಾನಿಸಲಾಗಿದೆ.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:
ಇ-ಮೇಲ್: synergia@sahyadri.edu.in
ಡಾ. ಪ್ರಶಾಂತ್ ರಾವ್ – 9448983914 (ಪ್ರಾದ್ಯಾಪಕ ಸಂಯೋಜಕರು)
ಭವಿಷ್ ಶೆಟ್ಟಿ – 9535670414 (ಕಾರ್ಯಕ್ರಮ ಸಂಯೋಜಕರು)
ಖುಷಿ ಶೆಟ್ಟಿ – 7676938425 (ಕಾರ್ಯಕ್ರಮ ಸಂಯೋಜಕರು)

ಸಹ್ಯಾದ್ರಿ ಕಾಲೇಜು ಆಡಳಿತಾಧಿಕಾರಿ ಮತ್ತು ಟ್ರಸ್ಟೀ ಶ್ರೀಕೃಷ್ಣ ಹೆಗ್ಡೆ, ಪ್ರಾಂಶುಪಾಲ ಡಾ. ಇಂಜಗನೇರಿ, ಡೀನ್ ಅಕ್ಯಾಡೆಮಿಕ್ ಡಾ ಶಮಂತ್ ರೈ ಹಾಗೂ ಕಾರ್ಯಕ್ರಮದ ಸಂಯೋಜಕರು ಮತ್ತು ಡೀನ್ ಸ್ಟೂಡೆಂಟ್ ವೆಲ್ಫೇರ್ ಡಾ. ಪ್ರಶಾತ್ ರಾವ್ ಇವರುಗಳು ಪತ್ರಿಕಾ ಗೋಷ್ಠಿಯಲ್ಲಿ ಭಾಗವಹಿಸಿದ್ದರು.