ಜಾಗತಿಕ ಮಾರುಕಟ್ಟೆಯಲ್ಲಿನ ಬೆಳವಣಿಗೆಗಳ ಪರಿಣಾಮವಾಗಿ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆಯಲ್ಲಿ (Gold and Silver Price) ಹಿಂದೆಂದೂ ಕಾಣದ ರೀತಿಯಲ್ಲಿ ಭಾರಿ ಏರಿಕೆ ಕಂಡುಬಂದಿದೆ. ಸತತ ಮೂರು ವಾರಗಳ ಸ್ಥಿರತೆಯ ನಂತರ, ಏಪ್ರಿಲ್ 8ರಂದು ದರಗಳು ಗಗನಕ್ಕೇರಿವೆ.

ಬೆಂಗಳೂರು: ಜಾಗತಿಕ ಮಾರುಕಟ್ಟೆಯಲ್ಲಿನ ಬೆಳವಣಿಗೆಗಳ ಪರಿಣಾಮವಾಗಿ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆಯಲ್ಲಿ (Gold and Silver Price) ಹಿಂದೆಂದೂ ಕಾಣದ ರೀತಿಯಲ್ಲಿ ಭಾರಿ ಏರಿಕೆ ಕಂಡುಬಂದಿದೆ. ಸತತ ಮೂರು ವಾರಗಳ ಸ್ಥಿರತೆಯ ನಂತರ, ಏಪ್ರಿಲ್ 8ರಂದು ದರಗಳು ಗಗನಕ್ಕೇರಿವೆ.

alt="Ad Widget"/>

ಬೆಲೆ ಏರಿಕೆಗೆ ಕಾರಣವೇನು?:
ಇರಾನ್-ಇಸ್ರೇಲ್ ಮತ್ತು ಅಮೆರಿಕ ನಡುವಿನ ಯುದ್ಧದ ಭೀತಿ ಕಡಿಮೆಯಾಗಿ, ಎರಡು ಕಡೆಗಳಿಂದ ಕದನ ವಿರಾಮ ಘೋಷಣೆಯಾದ ಬೆನ್ನಲ್ಲೇ ಈ ಬದಲಾವಣೆ ಕಂಡುಬಂದಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆ ಭಾರಿ ಕುಸಿತ ಕಂಡಿದ್ದರೂ, ಹೂಡಿಕೆದಾರರ ಒಲವು ಚಿನ್ನದ ಕಡೆಗೆ ತಿರುಗಿರುವುದರಿಂದ ಬೆಲೆಗಳಲ್ಲಿ ಅನಿರೀಕ್ಷಿತ ಏರಿಕೆಯಾಗಿದೆ.

<>

ಇಂದಿನ ಚಿನ್ನದ ದರ ವಿವರ (10 ಗ್ರಾಂಗೆ):
24 ಕ್ಯಾರೆಟ್ ಚಿನ್ನ: ಅತ್ಯಂತ ಶುದ್ಧವಾದ 10 ಗ್ರಾಂ ಚಿನ್ನದ ಬೆಲೆ ಈಗ 1,53,820 ರೂ. ಆಗಿದೆ. ನಿನ್ನೆಗೆ (ಏಪ್ರಿಲ್ 7) ಹೋಲಿಸಿದರೆ ಇಂದು ಒಂದೇ ದಿನದಲ್ಲಿ 3,980 ರೂ. ಏರಿಕೆಯಾಗಿದೆ.
22 ಕ್ಯಾರೆಟ್ ಚಿನ್ನ: ಆಭರಣ ಚಿನ್ನದ ಬೆಲೆ 10 ಗ್ರಾಂಗೆ 1,41,000 ರೂ. ತಲುಪಿದೆ. ಇದು ನಿನ್ನೆಯ ದರಕ್ಕಿಂತ 3,650 ರೂ. ಹೆಚ್ಚಳವಾಗಿದೆ.
18 ಕ್ಯಾರೆಟ್ ಚಿನ್ನ: 10 ಗ್ರಾಂ ಚಿನ್ನದ ಬೆಲೆ 1,15,370 ರೂ. ಆಗಿದ್ದು, 2,990 ರೂ. ಏರಿಕೆ ಕಂಡಿದೆ.

ಬೆಳ್ಳಿಯಲ್ಲೂ ಭಾರಿ ಜಿಗಿತ:
ಚಿನ್ನದ ಹಾದಿಯನ್ನೇ ಹಿಡಿದಿರುವ ಬೆಳ್ಳಿಯ ಬೆಲೆಯೂ ದಾಖಲೆ ಬರೆದಿದೆ. ಒಂದು ಕೆಜಿ ಬೆಳ್ಳಿಯ ದರವು ಬರೋಬ್ಬರಿ 10,000 ರೂ. ಏರಿಕೆಯಾಗುವ ಮೂಲಕ 2,60,000 ರೂ. (2.60 ಲಕ್ಷ) ತಲುಪಿದೆ. ನಿನ್ನೆ ಇದು 2.50 ಲಕ್ಷ ರೂಪಾಯಿ ಇತ್ತು.

ಒಟ್ಟಾರೆಯಾಗಿ, ಯುದ್ಧದ ಪರಿಸ್ಥಿತಿ ತಿಳಿಯಾಗುತ್ತಿದ್ದಂತೆಯೇ ಮಾರುಕಟ್ಟೆಯಲ್ಲಿ ಉಂಟಾದ ಈ ದಿಢೀರ್ ಬದಲಾವಣೆಯು ಆಭರಣ ಖರೀದಿದಾರರಿಗೆ ದೊಡ್ಡ ಆಘಾತ ನೀಡಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print