ಪಾಕಿಸ್ತಾನದ ಬೇಡಿಕೆಯಂತೆ ಕದನ ವಿರಾಮ ಒಪ್ಪಂದಕ್ಕೆ ಸಮ್ಮತಿಸಲಾಯಿತು. ಅಮೆರಿಕ ಮಧ್ಯಸ್ಥಿಕೆಯಲ್ಲಿ ಮಾತುಕತೆ ನಡೆಯಿತು ಎಂಬುದು ಸತ್ಯಕ್ಕೆ ದೂರವಾದ ಮಾತು ಎಂದು ಮಂಗಳವಾರ ವಿದೇಶಾಂಗ ವ್ಯವಹಾರಗಳ ಇಲಾಖೆ ಸ್ಪಷ್ಟಪಡಿಸಿದೆ.

ಹೊಸದಿಲ್ಲಿ: ಪಾಕಿಸ್ತಾನದ ಬೇಡಿಕೆಯಂತೆ ಕದನ ವಿರಾಮ ಒಪ್ಪಂದಕ್ಕೆ ಸಮ್ಮತಿಸಲಾಯಿತು. ಅಮೆರಿಕ ಮಧ್ಯಸ್ಥಿಕೆಯಲ್ಲಿ ಮಾತುಕತೆ ನಡೆಯಿತು ಎಂಬುದು ಸತ್ಯಕ್ಕೆ ದೂರವಾದ ಮಾತು ಎಂದು ಮಂಗಳವಾರ ವಿದೇಶಾಂಗ ವ್ಯವಹಾರಗಳ ಇಲಾಖೆ ಸ್ಪಷ್ಟಪಡಿಸಿದೆ.

alt="Ad Widget"/>

ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ವಕ್ತಾರ ರಣಧೀರ್‌ ಜೈಸ್ವಾಲ್‌ ಹೊಸದಿಲ್ಲಿಯಲ್ಲಿ ಸುದ್ದಿಗಾರರ ಜತೆ ಮಾತನಾಡಿ ಭಾರತ – ಪಾಕಿಸ್ತಾನ ಡಿಜಿಎಂಗಳ ಮಟ್ಟದಲ್ಲಿ ಸೇನಾ ಸಂಘರ್ಷ ಶಮನಗೊಳಿಸುವ ಮಾತುಕತೆಗಳು ಮೇ 10ರ ಮಧ್ಯಾಹ್ನ 12 ಗಂಟೆಗೆ ಆರಂಭವಾಗಿದ್ದವು. ಹಾಟ್‌ಲೈನ್‌ಗಳಲ್ಲಿಉಂಟಾಗಿದ್ದ ತಾಂತ್ರಿಕ ಅಡಚಣೆಯಿಂದ ಮಾತುಕತೆ ತಡವಾಯಿತು. ಮಧ್ಯಾಹ್ನ 3.25ಕ್ಕೆ ಉಭಯ ದೇಶಗಳ ಡಿಜಿಎಂಒಗಳ ನಡುವಿನ ಮಾತುಕತೆ ಪೂರ್ಣಗೊಂಡಿತು. ಪಾಕಿಸ್ತಾನದ ಬೇಡಿಕೆಯಂತೆ ಕದನ ವಿರಾಮ ಒಪ್ಪಂದಕ್ಕೆ ಸಮ್ಮತಿಸಲಾಯಿತು. ಅಮೆರಿಕ ಮಧ್ಯಸ್ಥಿಕೆಯಲ್ಲಿ ಮಾತುಕತೆ ನಡೆಯಿತು ಎಂಬುದು ಸತ್ಯಕ್ಕೆ ದೂರವಾದ ಮಾತು,” ಎಂದು ಸ್ಪಷ್ಟನೆ ನೀಡಿದರು.

<>

ಭಾರತ-ಪಾಕಿಸ್ತಾನ ನಡುವೆ ಕದನ ವಿರಾಮ ಒಪ್ಪಂದ ಏರ್ಪಡಿಸಲು ವ್ಯಾಪಾರ ಬಹಿಷ್ಕರಿಸುವುದಾಗಿ ಹೇಳಿಕೆ ನೀಡಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಹೇಳಿಕೆ ಅಲ್ಲಗಳೆದ ವಿದೇಶಾಂಗ ಸಚಿವಾಲಯ, ”ಸೇನಾ ಸಂಘರ್ಷದ ಮಾತುಕತೆಯ ಮಧ್ಯೆ ವ್ಯಾಪಾರ ವ್ಯವಹಾರದ ಚರ್ಚೆಗೆ ಅವಕಾಶ ನೀಡಿಲ್ಲ,” ಎಂದರು.

”ಉಗ್ರರ ವಿರುದ್ಧ ಮೇ 7ರಂದು ಆರಂಭವಾದ ‘ಆಪರೇಷನ್‌ ಸಿಂದೂರ’ ಕಾರ್ಯಾಚರಣೆಯಿಂದ ಮೇ 10ರ ವರೆಗೆ ನಡೆದ ಸೇನಾ ಸಂಘರ್ಷ ಕುರಿತು ಭಾರತ – ಅಮೆರಿಕ ನಾಯಕರು ಚರ್ಚೆ ನಡೆಸಿದ್ದಾರೆ. ಉದ್ವಿಗ್ನತೆ ಶಮನಗೊಳಿಸಲು ಸಮಾಲೋಚಿಸಿದ್ದಾರೆ. ಆದರೆ, ವ್ಯಾಪರ ಒಪ್ಪಂದ ವಿಚಾರಗಳು ಚರ್ಚೆಗೆ ಬಂದಿಲ್ಲ,” ಎಂದರು.

ಭಾರತ ಮಧ್ಯಸ್ಥಿಕೆಯನ್ನು ಬಯಸುವುದಿಲ್ಲ
”ಜಮ್ಮು ಮತ್ತು ಕಾಶ್ಮೀರ ವಿಚಾರದಲ್ಲಿ ಮೂರನೇಯವರ ಮಧ್ಯಸ್ಥಿಕೆಯನ್ನು ಭಾರತ ಎಂದೂ ಬಯಸುವುದಿಲ್ಲ. ಇದು ನಮ್ಮ ದೀರ್ಘಕಾಲದ ನೀತಿಯಾಗಿದೆ. ಕಾಶ್ಮೀರ ವಿಚಾರವನ್ನು ಪಾಕಿಸ್ತಾನ ಜತೆ ದ್ವಿಪಕ್ಷೀಯ ಮಾತುಕತೆ ಮೂಲಕ ಮಾತ್ರ ಪರಿಹರಿಸಿಕೊಳ್ಳಲು ಭಾರತ ಬಯಸುತ್ತದೆಯೇ ಹೊರತು ಮೂರನೇಯವರ ಮಧ್ಯ ಪ್ರವೇಶಕ್ಕೆ ಅವಕಾಶ ನೀಡುವುದಿಲ್ಲ,” ಎಂದು ಜೈಸ್ವಾಲ್‌ ಹೇಳಿದರು.

ಸಿಂಧು ಒಪ್ಪಂದ ಅಮಾನತು-ವೀಸಾ ರದ್ದು
”ಉಗ್ರವಾದವನ್ನು ಪೂರ್ಣವಾಗಿ ನಿಲ್ಲಿಸುವ ತನಕ ಸಿಂಧು ಜಲ ಒಪ್ಪಂದ ಅಮಾನತು ಹಿಂತೆಗೆದುಕೊಳ್ಳುವ ಮಾತೇ ಇಲ್ಲ. ವೀಸಾ ರದ್ದು ಸೇರಿದಂತೆ ರಾಜತಾಂತ್ರಿಕ ಕ್ರಮಗಳು ಯಥಾವತ್ತಾಗಿ ಮುಂದುವರಿಯಲಿವೆ,”ಎಂದು ತಿಳಿಸಿದ ರಣಧೀರ್‌ ಜೈಸ್ವಾಲ್‌, ”ಪಾಕಿಸ್ತಾನದ ವರ್ತನೆ ಬದಲಾಗದಿದ್ದರೆ ನಮ್ಮ ನೀತಿಗಳಲ್ಲಿ ಯಾವ ಬದಲಾವಣೆಯೂ ಆಗುವುದಿಲ್ಲ,” ಎಂದು ತಿಳಿಸಿದರು.

‘ಕಿರ್ನಾಹಿಲ್‌’ ಮೇಲೆ ದಾಳಿ ಮಾಡಿಲ್ಲ
ಪಾಕಿಸ್ತಾನದ ಕಿರ್ನಾಹಿಲ್‌ ಪರಮಾಣು ಸ್ಥಾವರ ಮೇಲೆ ದಾಳಿ ನಡೆಸಲಾಗಿದೆ ಎಂಬ ವದಂತಿ ನಿರಾಕರಿಸಿದ ಜೈಸ್ವಾಲ್‌, ”ನಮ್ಮ ಸೈನಿಕ ಕಾರ್ಯಾಚರಣೆ ನಿರ್ದಿಷ್ಟ ಪ್ರದೇಶದ ಮೇಲೆ ಮಾತ್ರ ಕೇಂದ್ರೀಕರಿಸಲಾಗಿತ್ತು. ಉಗ್ರ ನೆಲೆಗಳು, ವಾಯುನೆಲೆಗಳ ಮೇಲೆ ಮಾತ್ರ ದಾಳಿ ನಡೆಸಲಾಗಿದೆ. ಪರಮಾಣು ಕೇಂದ್ರದಲ್ಲಿಉಂಟಾಗಿರುವ ವಿಕಿರಣ ಸೋರಿಕೆಗೂ ನಮ್ಮ ಕಾರ್ಯಾಚರಣೆಗೂ ಸಂಬಂಧವಿಲ್ಲ. ಅಲ್ಲೇನಾಗಿದೆ ಎಂಬುದನ್ನು ಪಾಕಿಸ್ತಾನದ ಅಧಿಕಾರಿಗಳೇ ತಿಳಿಸಬೇಕು,” ಎಂದು ತಿಳಿಸಿದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಸ್ಪಷ್ಟನೆಅಮೆರಿಕ ಮಧ್ಯಸ್ಥಿಕೆಕದನ ವಿರಾಮಪಾಕಿಸ್ತಾನದ ಬೇಡಿಕೆವಿದೇಶಾಂಗ ವ್ಯವಹಾರಗಳ ಇಲಾಖೆAmerica's mediationDepartment of Foreign Affairs

Up Next

Pakistan-ಕದನ ವಿರಾಮ : ಅಮೇರಿಕಾ ಮೆಚ್ಚಿಸಲು ಹೋಗಿ ಚೀನಾದ ಕೆಂಗಣ್ಣಿಗೆ ಗುರಿಯಾದ ಪಾಕ್..!

Don't Miss

Rajaram Tallur post-ರಾಕೇಶ್ ಪೂಜಾರಿ ಹಠಾತ್‌ ಸಾವು; ʻಇನ್ನಾದರೂ ಎಚ್ಚೆತ್ತುಕೊಳ್ಳಿ, ಸರ್ಕಾರಕ್ಕೆ ಒತ್ತಾಯ ಹೇರಿʼ- ಹಿರಿಯ ಪತ್ರಕರ್ತ ರಾಜಾರಾಂ ತಲ್ಲೂರು ಪೋಸ್ಟ್