ನಿಮ್ಮ ನೆಚ್ಚಿನ ಎಸ್‌ಸಿಡಿಸಿಸಿ ಬ್ಯಾಂಕ್ ಈ ವರ್ಷ ದಾಖಲೆ ಮೇಲೆ ದಾಖಲೆ ಮಾಡಿದೆ! 111 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿರುವ ನಮ್ಮ ಬ್ಯಾಂಕ್, ಈ ಸಾರಿ ಬರೋಬ್ಬರಿ 110.40 ಕೋಟಿ ರೂಪಾಯಿ ಲಾಭ ಗಳಿಸಿದೆ. ಇದು ಬ್ಯಾಂಕ್‌ನ ಇತಿಹಾಸದಲ್ಲೇ ಅತಿ ದೊಡ್ಡ ಲಾಭ! ಕಳೆದ ವರ್ಷಕ್ಕಿಂತ ಶೇ. 39 ರಷ್ಟು ಹೆಚ್ಚು ಹಣವನ್ನು ಬ್ಯಾಂಕ್ ಗಳಿಸಿದೆ ಎಂದು ಅಧ್ಯಕ್ಷರಾದ ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಖುಷಿಯಿಂದ ತಿಳಿಸಿದ್ದಾರೆ.

ಮಂಗಳೂರು: ನಿಮ್ಮ ನೆಚ್ಚಿನ ಎಸ್‌ಸಿಡಿಸಿಸಿ ಬ್ಯಾಂಕ್ ಈ ವರ್ಷ ದಾಖಲೆ ಮೇಲೆ ದಾಖಲೆ ಮಾಡಿದೆ! 111 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿರುವ ನಮ್ಮ ಬ್ಯಾಂಕ್, ಈ ಸಾರಿ ಬರೋಬ್ಬರಿ 110.40 ಕೋಟಿ ರೂಪಾಯಿ ಲಾಭ ಗಳಿಸಿದೆ. ಇದು ಬ್ಯಾಂಕ್‌ನ ಇತಿಹಾಸದಲ್ಲೇ ಅತಿ ದೊಡ್ಡ ಲಾಭ! ಕಳೆದ ವರ್ಷಕ್ಕಿಂತ ಶೇ. 39 ರಷ್ಟು ಹೆಚ್ಚು ಹಣವನ್ನು ಬ್ಯಾಂಕ್ ಗಳಿಸಿದೆ ಎಂದು ಅಧ್ಯಕ್ಷರಾದ ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಖುಷಿಯಿಂದ ತಿಳಿಸಿದ್ದಾರೆ.

alt="Ad Widget"/>

ಬ್ಯಾಂಕ್ ಸಭಾಂಗಣದಲ್ಲಿ ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು ಕಳೆದ ವರ್ಷದ ಲಾಭಕ್ಕಿಂತ(79.09 ಕೋ.ರೂ) ಈ ಬಾರಿ ಶೇ.39 ರಷ್ಟು ಹೆಚ್ಚಿದೆ. ಇದರೊಂದಿಗೆ ಬ್ಯಾಂಕಿನ ಅನುತ್ಪಾದಕ ಆಸ್ತಿಯ ಪ್ರಮಾಣವು ಶೇ.3.52ರಿಂದ ಶೇ 2.71ಕ್ಕೆ ಇಳಿಕೆಯಾಗಿರುವುದು ಗಮನಾರ್ಹ ಸಾಧನೆ ಒಟ್ಟು 17,366.68 ಕೋಟಿ ರೂ. ವ್ಯವಹಾರ ದಾಖಲಿಸಿ ಇತಿಹಾಸ ನಿರ್ಮಿಸಿದೆ. ಕಳೆದ ಸಾಲಿಗಿಂತ (໙.15544.34) 2.11.72 2025-26ನೇ ಸಾಲಿಗೆ 19250 ಕೋಟಿ ರೂ. ವ್ಯವಹಾರದ ಗುರಿ ಹೊಂದಲಾಗಿದೆ ಎಂದರು.

<>

ದಾಖಲೆಯ ಠೇವಣಿ ಸಂಗ್ರಹ
ಕೇಂದ್ರ ಹಾಗೂ ರಾಜ್ಯ ಸರಕಾರದ ಠೇವಣೆ ಇಲ್ಲದೆಯೂ ನಮ್ಮ ಬ್ಯಾಂಕ್ 113 ಶಾಖೆಗಳ ಮುಖಾಂತರ 7882.76 ಕೋಟಿ ರೂ. ಠೇವಣಿ ಸಂಗ್ರಹಿಸಿದೆ. ಕಳೆದ ಸಾಲಿಗಿಂತ ಶೇ. 9.11 ರಷ್ಟು ಏರಿಕೆಯಾಗಿದ್ದು, ಠೇವಣಿ ಸಂಗ್ರಹಣೆಯಲ್ಲಿ ಇತರ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ಗಳಿಗಿಂತ ಮುಂಚೂಣಿಯಲ್ಲಿದೆ. ಬ್ಯಾಂಕ್ 7775.44 ಕೋಟಿ ರೂ. ಮುಂಗಡ ನೀಡಿದೆ. ಕೃಷಿ ಹಾಗೂ ಕೃಷಿ ಅಭಿವೃದ್ದಿಗೆ ಅಲ್ಪಾವಧಿ ಸಾಲವಾಗಿ 2130.95 ಕೋಟಿ ರೂ., ಮಧ್ಯಮಾವಧಿ ಸಾಲ 169.79 ಕೋಟಿ ರೂ., ಕೃಷಿ ಕ್ಷೇತ್ರಕ್ಕೆ ಒಟ್ಟು ರೂ.2300.74 ಕೋಟಿ ರೂ. ಸಾಲ ನೀಡಿದ್ದು ಕೃಷಿಯೇತರ ಕ್ಷೇತ್ರಕ್ಕೆ 5474.70 ಕೋಟಿ ರೂ. ಸಾಲ ನೀಡಿದೆ ಕೃಷಿ ಹಾಗೂ ಕೃಷಿಯೇತರ ಸಾಲಗಳ ಹೊರಬಾಕಿ ರೂ.9483.92 ಕೋಟಿ ರೂ. ಎಂದು ಅವರು ತಿಳಿಸಿದರು.

ಸರಕಾರದ ಅಧಿಸೂಚನೆಯಂತೆ ಕೃಷಿಯೇತರ ಸಹಕಾರ ಸಂಘಗಳ ಕ್ಷೇಮನಿಧಿಯನ್ನು ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕಿನಲ್ಲಿ ಹೂಡಿಕೆ ಮಾಡುವ ಕುರಿತು ಕ್ರಮ ಕೈಗೊಂಡಿದ್ದು, ಧಾರ್ಮಿಕ ದತ್ತಿ ಇಲಾಖೆಯ ದೇವಸ್ಥಾನಗಳ ಠೇವಣಿಗಳನ್ನೂ ಹೂಡಿಕೆ ಮಾಡುವಂತೆ ಕೋರಲಾಗಿದೆ ಎಂದರು.

ಶೇ.100 ಸಾಲ ಮರುಪಾವತಿ
ಎಲ್ಲಾ ಕೃಷಿ ಸಾಲಗಳು ಶೇ. 100 ರಷ್ಟು ಮರುಪಾವತಿಯನ್ನು ಕಂಡಿದ್ದು ರಾಷ್ಟ್ರೀಯ ದಾಖಲೆ ಬ್ಯಾಂಕ್‌ಗೆ ಒಟ್ಟು 1086 ಸಂಘಗಳು ಸದಸ್ಯರಾಗಿವೆ. ಇವುಗಳ ಪಾಲು ಬಂಡವಾಳ476 ಕೋಟಿರೂ. ಆಗಿದ್ದು, ದುಡಿಯುವ ಬಂಡವಾಳ 12873.14 ಕೋಟಿ ರೂ. ಆಗಿದ್ದು, ಇದು ಕಳೆದ ವರ್ಷಕ್ಕಿಂತ (11418.68 ಕೋಟಿ ರೂ.) ಶೇ 12,74 ರಷ್ಟು ಏರಿಕೆಯಾಗಿದೆ. ಬ್ಯಾಂಕ್ 270.15 ಕೋಟಿ ರೂ. ವಿವಿಧ ನಿಧಿಗಳನ್ನು ಹೊಂದಿದ್ದು ಶೇ.8.02ರಷ್ಟು ಏರಿಕೆ ಕಂಡಿದೆ ಎಂದರು.

22 ಸಕ್ಕರೆ ಕಾರ್ಖಾನೆಗಳಿಗೆ ಸಾಲ
ರಾಜ್ಯದ 22 ಸಕ್ಕರೆ ಕಾರ್ಖಾನೆಗಳಿಗೆ ಎಸಿಡಿಸಿಸಿ ಬ್ಯಾಂಕ್ ಕನ್ನೋರ್ಟಿಯಂ ಮೂಲಕ ಸಾಲದ ನೆರವು ನೀಡಿ ಅಭಿವೃದ್ಧಿಗೆ ನೆರವಾಗಿದೆ. ಕೇವಲ ಕೃಷಿಗೆ ಮಾತ್ರ ವಲ್ಲದೆ ಉದ್ಯಮ ರಂಗಕ್ಕೂ ಬ್ಯಾಂಕ್ ಸಹಾಯಹಸ್ತ ಚಾಚಿದೆ ಎಂದು ಅವರು ತಿಳಿಸಿದರು.

ಎಸ್‌ಸಿಡಿಸಿಸಿ ಬ್ಯಾಂಕ್‌ನ ಉಪಾಧ್ಯಕ್ಷ ವಿನಯ ಕುಮಾರ್ ಸೂರಿಂಜೆ, ನಿರ್ದೇಶಕರಾದ ಭಾಸ್ಕರ್.ಎಸ್. ಕೋಟ್ಯಾನ್, ಎಂ.ವಾದಿರಾಜ್ ಶೆಟ್ಟಿ, ಶಶಿಕುಮಾರ್ ರೈ ಬಿ., ಡಾ|ದೇವಿ ಪ್ರಸಾದ್ ಶೆಟ್ಟಿ ಕೆ.ಜೈರಾಜ್ ಬಿ. ರೈ, ಮೋನಪ್ಪ ಶೆಟ್ಟಿ ಎಕ್ಕಾರು, ಎಸ್.ಬಿ. ಜಯರಾಮ ರೈ ಸದಾಶಿವ ಉಳ್ಳಾಲ್, ಮುಖ್ಯ ಕಾರ್ಯನಿರ್ವಹಣಾ ಧಿಕಾರಿ ಗೋಪಾಲಕೃಷ್ಣ ಭಟ್ ಕೆ ಉಪಸ್ಥಿತರಿದ್ದರು.‌

ಐಎಂಪಿಎಸ್/ಯುಪಿಐ ಸೌಲಭ್ಯ
ಗ್ರಾಹಕರು ಮೊಬೈಲ್ ಬಳಸಿ ತಮ್ಮ ಖಾತೆಯಿಂದ ಇತರರ ಖಾತೆಗೆ ಹಣ ವರ್ಗಾಯಿಸಲು ಇಂಟರ್ ಬ್ಯಾಂಕ್ ಮೊಬೈಲ್ ಪೇಮೆಂಟ್ ಸಿಸ್ಟಂ(ಐಎಂಪಿಎಸ್) ಜಾರಿಗೊಳಿಸಲು ಪೂರ್ಣ ಸಿದ್ಧತೆ ಆಗಿದೆ. ಅದೇ ರೀತಿ ಸ್ಟಾರ್ಟ್ ಫೋನನ್ನು ವರ್ಚುವಲ್ ಡೆಬಿಟ್ ಕಾರ್ಡ್ ನಂತೆ ಬಳಸುವುದು, ಗೂಗಲ್ ಪೇ, ಫೋನ್ ಪೇ ಮತ್ತಿತರ ಪಾವತಿ ವಿಧಾನ ಬಳಸುವುದು, ಬಿಲ್ ಪಾವತಿಗೆ ಅವಕಾಶ ನೀಡುವ ಯುಪಿಐ ಕೂಡಾ ಬ್ಯಾಂಕ್‌ನಲ್ಲಿ ಜಾರಿಗೆ ಬರಲಿದೆ. ಬ್ಯಾಂಕ್ ಮುಂದಿನ ಅವಧಿಯಲ್ಲಿ 10 ಹೊಸ ಶಾಖೆಗಳನ್ನು ತೆರೆಯಲು ಉದ್ದೇಶಿಸಲಾಗಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಗೂಗಲ್ ಪೇ ಸೌಲಭ್ಯಎಸ್‌ಸಿಡಿಸಿಸಿ ಬ್ಯಾಂಕ್Google Pay facility!MNRSCDCC BankUPI

Up Next

Sabarimala-ಶಬರಿಮಲೆ ಯಾತ್ರಾರ್ಥಿಗಳಿಗೆ ಸಿಹಿಸುದ್ದಿ : ಅಪಘಾತವಾದರೆ ರೂ.5 ಲಕ್ಷ – ಅನಾರೋಗ್ಯದಿಂದ ಮೃತಪಟ್ಟರೆ 3 ಲಕ್ಷ ವಿಮಾ ಪರಿಹಾರ

Don't Miss

Trump-‘ಮೋದಿ ನನ್ನ ಒಳ್ಳೆಯ ಸ್ನೇಹಿತ ಆದರೆ ನಮ್ಮನ್ನು ಸರಿಯಾಗಿ ನಡೆಸಿಕೊಳ್ಳುತ್ತಿಲ್ಲ’ ಅಮೇರಿಕಾದಿಂದ ಭಾರತ ಸೇರಿದಂತೆ ಹಲವು ರಾಷ್ಟ್ರಗಳ ಮೇಲೆ ಹೊಸ ಸುಂಕ ಘೋಷಿಸಿ ಟ್ರಂಪ್ ಘೋಷಣೆ