ಬುಲ್ಡೋಜರ್ ಬಾಬಾ ಶೈಲಿಯ ಆಡಳಿತ

“ನಮ್ಮ ಸರ್ಕಾರ ಅಧಿಕಾರಕ್ಕೆ ಬಂದರೆ, ರಾಜ್ಯದಾದ್ಯಂತ ಅಕ್ರಮ ಮಸೀದಿಗಳನ್ನು ತೆರವುಗೊಳಿಸುತ್ತೇವೆ. ಕರ್ನಾಟಕಕ್ಕೆ ಬುಲ್ಡೋಜರ್ ಬಾಬಾ ರೀತಿಯ ಆಡಳಿತ ಬೇಕೇ? ಮುಸ್ಲಿಮರಿಗೆ ಮೀಸಲಾತಿ, ಗುತ್ತಿಗೆ, ವಕ್ಫ್ ದೇಣಿಗೆ ನೀಡುವ ಸರ್ಕಾರ ಬೇಕೇ? ಇನ್ನು ಮುಂದೆ ಇಂತಹದ್ದು ಕರ್ನಾಟಕದಲ್ಲಿ ನಡೆಯದು. ಉತ್ತರ ಪ್ರದೇಶದ ಯೋಗಿ ಆದಿತ್ಯನಾಥ್ ಶೈಲಿಯ ಆಡಳಿತವನ್ನು ಇಲ್ಲಿ ತರುತ್ತೇವೆ,” ಎಂದು ಘೋಷಿಸಿದರು.

ಸಾಮಾಜಿಕ ಘರ್ಷಣೆಗೆ ಕರೆ

“ಗಣೇಶ ಮೆರವಣಿಗೆ ಸಂದರ್ಭದಲ್ಲಿ ಕಲ್ಲು ತೂರಾಟ ಮಾಡುವವರಿದ್ದಾರೆ. ಆದರೆ, ಈದ್ ಮೀಲಾದ್‌ನಲ್ಲಿ ನಾವು ಕಲ್ಲು ತೂರಿದರೆ? ದೇಶದಲ್ಲಿ ಇರಬೇಕಾದರೆ ನಮ್ಮೊಂದಿಗೆ ಸೌಹಾರ್ದವಾಗಿರಿ, ಇಲ್ಲವಾದರೆ ಪಾಕಿಸ್ತಾನಕ್ಕೆ ಹೋಗಿ,” ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಸಿದ್ದರಾಮಯ್ಯ ವಿರುದ್ಧ ಟೀಕೆ

“ಮುಖ್ಯಮಂತ್ರಿ ಸಿದ್ದರಾಮಯ್ಯನವರಿಗೆ ಹಿಂದೂಗಳು, ಕುಂಕುಮ, ಪೇಟೆಯ ವಿರುದ್ಧ ದ್ವೇಷವೇಕೆ? ಡಿಜೆ ಹಾಕಬೇಡಿ ಎನ್ನುತ್ತೀರಿ, ಆದರೆ ಮಸೀದಿಗಳಲ್ಲಿ ದಿನಕ್ಕೆ ಎರಡು ಬಾರಿ ಮೈಕ್‌ಗೆ ಅವಕಾಶವಿದೆ. ತಾಕತ್ತಿದ್ದರೆ ಮಸೀದಿಗಳ ಮೈಕ್‌ ತೆಗೆಯಿರಿ,” ಎಂದು ಸವಾಲು ಹಾಕಿದರು.

“ನೀವು ಮುಂದಿನ ಜನ್ಮದಲ್ಲಿ ಮುಸ್ಲಿಮರಾಗಿ ಹುಟ್ಟುವುದಾಗಿ ಹೇಳುತ್ತೀರಿ. ಈಗಲೇ ಮತಾಂತರಗೊಳ್ಳಿ. ಈ ದೇಶದ ಅನ್ನ ತಿಂದು ಪಾಕಿಸ್ತಾನದ ಧ್ವಜ ಹಾರಿಸುವವರ ವಿರುದ್ಧ ಪೊಲೀಸರು ಕ್ರಮ ಕೈಗೊಳ್ಳುವುದಿಲ್ಲ,” ಎಂದು ಆರೋಪಿಸಿದರು.

ಮಂಡ್ಯದ ಸ್ವಾಭಿಮಾನ

“ಮಂಡ್ಯ ಜಿಲ್ಲೆಯ ಜನ ಸ್ವಾಭಿಮಾನಿಗಳು. ಯಾರಿಗೂ ಹೆದರದವರು. ಆದ್ದರಿಂದ, ಸಕ್ಕರೆ ನಾಡಿನಿಂದಲೇ ನನ್ನ ಹೋರಾಟ ಆರಂಭವಾಗಲಿದೆ. ಹಿಂದೂ ಕಾರ್ಯಕರ್ತರ ಮೇಲೆ ಕಲ್ಲೆಸೆದವರಿಗೆ ಕಠಿಣ ಶಿಕ್ಷೆಯಾಗಬೇಕು. ಸನಾತನ ಹಿಂದೂ ಧರ್ಮ ಎಚ್ಚೆತ್ತಿದೆ. ಸಿದ್ದರಾಮಯ್ಯನವರೇ, ನೇಪಾಳದಂತಹ ಸ್ಥಿತಿ ಬರುವ ಮೊದಲು ಎಚ್ಚರಿಕೆಯಿಂದಿರಿ,” ಎಂದು ಎಚ್ಚರಿಕೆ ನೀಡಿದರು.