ಪುತ್ತೂರು: ಭಾರತೀಯ ವೈದ್ಯಕೀಯ ಸಂಘ (ಐಎಂಎ) ಪುತ್ತೂರು ಶಾಖೆಯ ಪ್ರಧಾನ ಕಾರ್ಯದರ್ಶಿ ಡಾ. ಗಣೇಶ್ ಪ್ರಸಾದ್ ಮುದ್ರಾಜೆ ಅವರ ವಿರುದ್ಧ ಮುನೀರ್ ಕಾಟಿಪಳ್ಳ (Muneer Katipalla) ಎಂಬವರು ಧರ್ಮಾಧಾರಿತ ಅಪಮಾನಕರ ಹೇಳಿಕೆ ನೀಡಿದ್ದಾರೆಂದು ಐಎಂಎ ಪುತ್ತೂರು ಶಾಖೆ ಆರೋಪಿಸಿದೆ.

ಮುನೀರ್‌ ಕಾಟಿಪಳ್ಳ ವಿರುದ್ದ ತಕ್ಷಣ ಎಫ್ಐಆರ್ ದಾಖಲಿಸಿ, ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಐಎಂಎ ಪುತ್ತೂರು ಶಾಖೆಯ ಅಧ್ಯಕ್ಷ ಡಾ. ನರಸಿಂಹ ಶರ್ಮ ಕಾನಾವು ಒತ್ತಾಯಿಸಿದ್ದಾರೆ.

alt="Ad Widget"/>

ಐಎಂಎ ಪುತ್ತೂರು ಶಾಖೆ ಹೊರಡಿಸರುವ ಪ್ರಕಟನೆಯಲ್ಲಿ ಏನಿದೆ ? ಇತ್ತೀಚೆಗೆ ಯೂಟ್ಯೂಬ್ ಚಾನೆಲ್ʼವೊಂದರಲ್ಲಿ ಮುನೀರ್ ಕಾಟಿಪಳ್ಳ ಅವರು, “ಡಾ. ಗಣೇಶ್ ಕೋಮು ಮನೋಭಾವ ಹೊಂದಿದ್ದು, ವೈದ್ಯಧರ್ಮಕ್ಕೆ ವ್ಯತಿರಿಕ್ತವಾಗಿ ನಡೆಯುವುದರಿಂದ ವೈದ್ಯರ ಹೋರಾಟದ ನೇತೃತ್ವ ವಹಿಸಲು ಅವರಿಗೆ ನೈತಿಕ ಹಕ್ಕಿಲ್ಲ” ಎಂದು ಹೇಳಿಕೆ ನೀಡಿದ್ದರು.

<>

ಈ ಹೇಳಿಕೆಯು ಡಾ. ಮುದ್ರಾಜೆ ಅವರ 25 ವರ್ಷಗಳ ವೈದ್ಯಕೀಯ ಸೇವೆ ಮತ್ತು ಐಎಂಎ ಸಂಘಟನೆಯಲ್ಲಿನ ಅವರ ನಿಷ್ಠೆಯನ್ನು ಕುಗ್ಗಿಸುವ ಪ್ರಯತ್ನವಾಗಿದೆ ಎಂದು ಐಎಂಎ ಆಕ್ರೋಶ ವ್ಯಕ್ತಪಡಿಸಿದೆ.ಪುತ್ತೂರು ಸರಕಾರಿ ಆಸ್ಪತ್ರೆಯ ಹಿರಿಯ ವೈದ್ಯೆಯೊಬ್ಬರ ಮೇಲಿನ ದೌರ್ಜನ್ಯ ಖಂಡಿಸಿ ಡಾ. ಮುದ್ರಾಜೆ ನೇತೃತ್ವದಲ್ಲಿ ನಡೆದ ಯಶಸ್ವಿ ಹೋರಾಟದ ನಂತರ ಈ ಹೇಳಿಕೆ ಬಂದಿರುವುದು ಗಮನಾರ್ಹ. ಈ ಹೋರಾಟದಿಂದಾಗಿ ದೌರ್ಜನ್ಯ ಪ್ರಕರಣದ ಎಫ್ಐಆರ್ನಲ್ಲಿ ‘ಕರ್ನಾಟಕ ವೈದ್ಯಕೀಯ ಸೇವಾ ಸಿಬ್ಬಂದಿ ಹಾಗೂ ವೈದ್ಯಕೀಯ ಸಂಸ್ಥೆಗಳ ಮೇಲಿನ ಹಿಂಸಾಚಾರ ತಡೆ ಕಾಯ್ದೆ 2009 (2024ರ ತಿದ್ದುಪಡಿ)’ಯನ್ನು ಸೇರಿಸಲು ಸಾಧ್ಯವಾಗಿತ್ತು.ಡಾ. ಮುದ್ರಾಜೆ ಅವರು ಈ ಧಾರ್ಮಿಕ ನಿಂದನೆ ವಿರುದ್ಧ ಪೊಲೀಸರಿಗೆ ದೂರು ನೀಡಿದರೂ, ತಿದ್ದುಪಡಿ ಕಾಯ್ದೆಯಡಿ ಇದು ಗಂಭೀರ ಅಪರಾಧವಾಗಿದ್ದರೂ (Cognizable Offence), ಪೊಲೀಸರು ಇದನ್ನು ಸಾಮಾನ್ಯ ಆರೋಪವೆಂದು (Non-Cognizable Offence) ದಾಖಲಿಸಿಕೊಂಡಿರುವುದು ಅತ್ಯಂತ ಶೋಚನೀಯ ಎಂದು ಐಎಂಎ ತಿಳಿಸಿದೆ.

ಮುನೀರ್ ಕಾಟಿಪಳ್ಳ ಅವರ ವಿರುದ್ಧ ತಿದ್ದುಪಡಿ ಮಾಡಿದ ಎಫ್ಐಆರ್ ದಾಖಲಿಸಿ, 2009ರ (2024ರ ತಿದ್ದುಪಡಿ) ಕಾಯ್ದೆ, ಮಾನಹಾನಿ ಮತ್ತು ಕೋಮುದ್ವೇಷದ ಹೇಳಿಕೆಗಳ ಅಡಿಯಲ್ಲಿ ಕ್ರಮ ಕೈಗೊಳ್ಳಬೇಕು. ಡಾ. ಮುದ್ರಾಜೆ ಅವರಿಗೆ ಸೂಕ್ತ ಭದ್ರತೆ ನೀಡಬೇಕೆಂದು ಐಎಂಎ ಒತ್ತಾಯಿಸಿದೆ.

“ಡಾ. ಗಣೇಶ್ ಅವರ ಕಾನೂನು ಹೋರಾಟಕ್ಕೆ ನಮ್ಮ ಸಂಪೂರ್ಣ ಬೆಂಬಲವಿದೆ,” ಎಂದು ಐಎಂಎ ಪುತ್ತೂರು ಶಾಖೆಯ ಅಧ್ಯಕ್ಷ ಡಾ. ನರಸಿಂಹ ಶರ್ಮ ಕಾನಾವು ತಿಳಿಸಿದ್ದಾರೆ. ವೈದ್ಯಕೀಯ ಸಿಬ್ಬಂದಿ ವಿರುದ್ಧದ ದೌರ್ಜನ್ಯ ತಡೆ ಕಾಯ್ದೆಯನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲು ಸಂಘವು ಆಗ್ರಹಿಸಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಪುತ್ತೂರುMuneer katipallaPuttur IMa

Up Next

Kukke Subramanya-ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ರಚನೆ; ಇಂದು ಅಧ್ಯಕ್ಷರ ಆಯ್ಕೆ; ಮಹೇಶ್ ಕುಮಾರ್ ಕರಿಕ್ಕಳ ಅಧ್ಯಕ್ಷ ಸ್ಥಾನಕ್ಕೆ ಒಮ್ಮತದ ಅಭ್ಯರ್ಥಿ?

Don't Miss

Operation Sindoor | ಆಪರೇಷನ್ ಸಿಂಧೂರ್ ನಲ್ಲಿ ನಮ್ಮ 5 ಸೈನಿಕರು ಹುತಾತ್ಮರಾಗಿದ್ದಾರೆ – ಪಾಕ್ ನ 35 ಸೈನಿಕರು 100ಕ್ಕೂ ಮಿಕ್ಕಿ ಭಯೋತ್ಪಾದಕರು ಸಾವನ್ನಪ್ಪಿ 9 ಭಯೋತ್ಪಾದಕ ಹಾಗೂ ಸೇನಾ ನೆಲೆ ದ್ವಂಸ ಮಾಡಿದ್ದೇವೆ – ಪೆಹಲ್ಗಾಮ್ ದಾಳಿಯಲ್ಲಿ ಮೃತರಾದ 26 ಕುಟುಂಬಗಳಿಗೆ ನ್ಯಾಯ ಒದಗಿಸಿದ್ದೇವೆ : ‘ನಮ್ಮ ಕೆಲಸ ಶತ್ರುಗಳ ಟಾರ್ಗೆಟ್ ನಾಶ ಮಾಡೋದು. ಅಲ್ಲಿ ಸತ್ತಿರುವ ಜನರ ಲೆಕ್ಕ ಹಾಕೋದು ಅವರ ಕೆಲಸʼ ಎಂದ ಡಿಜಿಎಂಒ ರಾಜೀವ್ ಘಾಯ್ – ರಾಫೇಲ್ ಹೊಡೆದುರುಳಿಸಲಾಗಿದೆ ಎಂಬ ಆರೋಪಕ್ಕೆ ಭಾರ್ತಿ ಕೊಟ್ಟ ಉತ್ತರವೇನೂ..?