ಪೊಲೀಸರು ತನಿಖೆ ಇಳಿದಾಗ ಬೆಳಕಿಗೆ  ಬಂದ ಮತ್ತೊಂದು ಮಹತ್ವದ ಸಂಗತಿಯೆಂದರೆ ಸಾಯುವುದಕ್ಕೆ 15 ದಿನಗಳ ಹಿಂದೆ ಗೂಗಲ್ ಸರ್ಚ್ ಮಾಡಿದ ಅತುಲ್‌, ಅದರಲ್ಲಿ  ವರದಕ್ಷಿಣೆ ಕಿರುಕುಳಕ್ಕೆ ಸಂಬಂಧಿಸಿದಂತೆ ಯಾರನ್ನೆಲ್ಲ ಸಂಪರ್ಕಿಸಬಹುದು ಎನ್ನುವ ವಿಷಯವನ್ನು ಹುಡುಕಾಟ ನಡೆಸಿದ್ದಾನೆ. ರಾಷ್ಟ್ರಪತಿ, ಪ್ರಧಾನಿ ನ್ಯಾಯಾಧೀಶರ ಮೇಲ್‌ ಐಡಿಗಾಗಿ ಸರ್ಚ್‌ ಮಾಡಿದ್ದಾನೆ. ಇಂತಹುದೇ ಬೇರೆ ಪ್ರಕರಣದಲ್ಲಿ ವಿವಿಧ ನ್ಯಾಯಧೀಶರು, ನ್ಯಾಯಾಲಯಗಳು ಯಾವ ಯಾವ ತೀರ್ಪು ನೀಡಿವೆ  ಎನ್ನುವ ವಿಚಾರದಲ್ಲೂ ಆತ ಶೋಧಿಸಿದ್ದಾನೆ.  

Atul Subhash Techie Suicide ಬೆಂಗಳೂರು : ಡಿ 15: ರಾಷ್ಟ್ರಮಟ್ಟದಲ್ಲಿ ಸಂಚಲನ ಮೂಡಿಸಿರುವ ಟೆಕ್ಕಿ ಅತುಲ್ ಸುಭಾಷ್ ಆತ್ಮಹತ್ಯೆ ಪ್ರಕರಣದಲ್ಲಿ ಮಹತ್ವದ ಬೆಳವಣಿಯಾಗಿದ್ದು ಪೊಲೀಸರ ತನಿಖೆಯ  ವೇಳೆ ಹಲವು ಸ್ಪೋಟಕ ವಿಷಯಗಳು ಬೆಳಕಿಗೆ ಬಂದಿದೆ.  ತಾನು  ಆತ್ಮಹತ್ಯೆಗೆ ಶರಣಾಗುವುದಕ್ಕೆ   15 ದಿನಗಳ ಮೊದಲೇ ಆತ ಸಾಯುವುದಕ್ಕೆ ಬೇಕಾದ  ಪ್ರಿಪರೇಷನ್ ಮಾಡಿಕೊಂಡಿದ್ದ ಎಂದು ತಿಳಿದುಬಂದಿದೆ. ಇದರಿಂದ ಆತ ಪತ್ನಿ ಹಾಗೂ ಆಕೆಯ ಕುಟುಂಬಸ್ಥರ ಕಿರುಕುಳದಿಂದ ಎಷ್ಟರಮಟ್ಟಿಗೆ  ರೋಸಿ ಹೋಗಿದ್ದ ಎಂದು ತಿಳಿದು ಬರುತ್ತದೆ.

alt="Ad Widget"/>

ಇನ್ನು ಆತ ಸಾಯುವ  ಮೂರು ದಿನಗಳ ಹಿಂದೆ ಡೆತ್ ನೋಟ್ ಬರೆಯಲು ಆರಂಭಿಸಿರುವುದು  ಆತನ ಮೊಬೈಲ್ ಲ್ಯಾಪ್ಟಾಪ್ ಓಪನ್ ಮಾಡಿ ತನಿಖೆ ನಡೆಸುತ್ತಿರುವ ಪೊಲೀಸರಿಗೆ ಗೊತ್ತಾಗಿದೆ. ಆತ್ಮಹತ್ಯೆ ಎನ್ನುವುದು ಆ ಕ್ಷಣದ ನಿರ್ಧಾರ ಎಂಬ ಮಾತುಗಳನ್ನು ಈ ಘಟನೆ ಹುಸಿ ಮಾಡಿದೆ. ಪ್ರಕರಣದ ತನಿಖೆಯನ್ನು  ಬೆಂಗಳೂರಿನ ಮಾರ್ತಹಳ್ಳಿ ಪೊಲೀಸರು ಮಾಡುತ್ತಿದ್ದಾರೆ.

<>

 ಅತುಲ್ ಆತ್ಮಹತ್ಯೆ ಬಳಿಕ ತಲೆಮರೆಸಿಕೊಂಡಿದ್ದ ಆತನ ಪತ್ನಿ ನಿಕಿತಾ ಸಿಂಘಾಣಿಯ,  ಅತ್ತೆ ನಿಶಾ ಸಿಂಘಾಣಿಯ  ಹಾಗೂ ಬಾಮೈದ  ಅನುರಾಗ್‌ ಸಿಂಘಾಣಿಯನನ್ನು ಕೊನೆಗೂ ಪೊಲೀಸರು ಬಂಧಿಸಿದ್ದಾರೆ. ಆರೋಪಿಗಳ ಬಂಧನಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಒತ್ತಡ ಹೇರಲಾಗುತ್ತಿತ್ತು. ಅಭಿಯಾನಗಳು ನಡೆದಿದ್ದವು. ಪ್ರಕರಣಗಳಲ್ಲಿ ಪುರುಷರು ಆರೋಪಿಯಾಗಿದ್ದರೆ ಯಾವುದೇ ಸಾಕ್ಷ್ಯ ಇಲ್ಲದಿದ್ದರೂ ಬಂಧಿಸುವ ಪೊಲೀಸರು, ಮಹಿಳೆಯಾದಾಗ ಪರಿಣಾಮಕಾರಿ ಸಾಕ್ಷ್ಯ ಇದ್ದರೂ ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ ಎಂಬ ಆರೋಪಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿ ಬಂದಿತ್ತು.  ಅತುಲ್‌ ಪತ್ನಿಯನ್ನು ಪೊಲೀಸರು ಹರಿಯಾಣದ ಗುರುಗ್ರಾಮದಲ್ಲಿ ವಶಕ್ಕೆ ಪಡೆದರೆ, ಅತ್ತೆ ಹಾಗೂ ಬಾಮೈದನನ್ನು ಉತ್ತರ ಪ್ರದೇಶದಲ್ಲಿ ಲಾಕ್‌ ಮಾಡಲಾಗಿದೆ.

ಇನ್ನು ಅತುಲ್ ಬರೆದಿರುವ 30 ಪುಟಗಳ ಡೆತ್ ನೋಟಿನಲ್ಲಿ  ಹಾಗೂ ಸಾಯುವುದಕ್ಕೆ ಕೆಲ ಗಂಟೆಗಳ ಮೊದಲು  ಪೋಸ್ಟ್‌ ಮಾಡಲಾದ ಒಂದು ಗಂಟೆಗೂ ಅಧಿಕ  ಉದ್ದದ ವಿಡಿಯೋದಲ್ಲಿ ನಿಖಿತಾ ಕುಟುಂಬದ ಹಿಂಸೆ, ತನ್ನ ಮೇಲೆ ದಾಖಲಾದ ಸುಳ್ಳು ಕೇಸಿನ ವಿಚಾರ ಹಾಗೂ ಕೋರ್ಟ್‌ ನಲ್ಲಾದ ಬೆಳವಣಿಗೆಗಳ ಬಗ್ಗೆ ವಿಸ್ತ್ರತವಾಗಿ ಅತುಲ್‌ ಉಲ್ಲೇಖ ಮಾಡಿದ್ದಾರೆ . ಇದು ಸಾರ್ವಜನಿಕಗೊಳ್ಳುತ್ತಲೇ ಈ ಪ್ರಕರಣ ರಾಷ್ಟ್ರಮಟ್ಟದಲ್ಲಿ ಸುದ್ದಿಯಾಯಿತು. ಮಹಿಳೆಯರ ಮೇಲಿನ ದೌರ್ಜನ್ಯ ತಡೆಯಲು ನೀಡಲಾದ ವಿಶೇಷ ಕಾನೂನಿನ ಸೌಲಭ್ಯವನ್ನು ಬಳಸಿಕೊಂಡು ಕೆಲ ಮಹಿಳೆಯರು ಪುರುಷರ ಮೇಲೆ ಸುಳ್ಳು ಕೇಸ್‌ ಗಳನ್ನು  ಹಾಕಿ ಹಿಂಸೆ ನೀಡುತ್ತಿದ್ದು, ಈ ಆಕ್ರೋಶವನ್ನು ಹೊರ ಹಾಕಲು ಈ ಪ್ರಕರಣವನ್ನು  ನೆಟ್ಟಿಗರು ಹಾಗೂ ಸಾರ್ವಜನಿಕರು ಸಮರ್ಥವಾಗಿ ಬಳಸಿಕೊಂಡರು. ಆರೋಪಿಗಳ ಬಂಧನಕ್ಕಾಗಿ ಅಭಿಯಾನಗಳನ್ನು ನಡೆಸಿದರು.

ಪೊಲೀಸರು ತನಿಖೆಗೆ ಇಳಿದಾಗ ಬೆಳಕಿಗೆ  ಬಂದ ಮತ್ತೊಂದು ಮಹತ್ವದ ಸಂಗತಿಯೆಂದರೆ ಸಾಯುವುದಕ್ಕೆ 15 ದಿನಗಳ ಹಿಂದೆ ಗೂಗಲ್ ಸರ್ಚ್ ಮಾಡಿದ ಅತುಲ್‌, ಅದರಲ್ಲಿ  ವರದಕ್ಷಿಣೆ ಕಿರುಕುಳಕ್ಕೆ ಸಂಬಂಧಿಸಿದಂತೆ ಯಾರನ್ನೆಲ್ಲ ಸಂಪರ್ಕಿಸಬಹುದು ಎನ್ನುವ ವಿಷಯವನ್ನು ಹುಡುಕಾಟ ನಡೆಸಿದ್ದಾನೆ. ರಾಷ್ಟ್ರಪತಿ, ಪ್ರಧಾನಿ, ನ್ಯಾಯಾಧೀಶರ ಮೇಲ್‌ ಐಡಿಗಾಗಿ ಸರ್ಚ್‌ ಮಾಡಿದ್ದಾನೆ. ಇಂತಹುದೇ ಬೇರೆ ಪ್ರಕರಣದಲ್ಲಿ ವಿವಿಧ ನ್ಯಾಯಾಧೀಶರು, ನ್ಯಾಯಲಯಗಳು ಯಾವ ಯಾವ ತೀರ್ಪು ನೀಡಿವೆ ಎನ್ನುವ ವಿಚಾರದಲ್ಲೂ ಆತ ಶೋಧಿಸಿದ್ದಾನೆ.  

ಸದ್ಯ ಪೊಲೀಸರು ಅತುಲ್ ಲ್ಯಾಪ್ಟಾಪ್ ಹಾಗೂ ಮೊಬೈಲ್ ಫೋನನ್ನು ಆಳಕ್ಕಿಳಿದು ಪರಿಶೀಲನೆ ನಡೆಸುತ್ತಿದ್ದಾರೆ. ಇನ್ನೊಂದೆಡೆ ಬಂಧಿತ ಆರೋಪಿಗಳ ಹೇಳಿಕೆಯನ್ನು ಪಡೆಯುವುದಕ್ಕೆ ತನಿಖೆಯನ್ನು ಕೇಂದ್ರೀಕರಿಸಿದ್ದಾರೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ನ್ಯಾಯಾಲಯ ವಿಚಾರಣೆಸಾಮಾಜಿಕ ಜಾಲತಾಣ ಅಭಿಯಾನಸುಳ್ಳು ಕೇಸ್ ಆರೋಪಅತುಲ್ ಸುಭಾಷ್ ಆತ್ಮಹತ್ಯೆ ಪ್ರಕರಣಅತುಲ್ ಡೆತ್ ನೋಟ್ಮಾನಸಿಕ ಕಿರುಕುಳಆತ್ಮಹತ್ಯೆ ತಯಾರಿಆತ್ಮಹತ್ಯೆ ಪ್ರಕರಣಕುಟುಂಬ ಕಿರುಕುಳಬೆಂಗಳೂರು ಪೊಲೀಸರುತನಿಖಾ ಪ್ರಗತಿತಪ್ಪು ಆರೋಪಪತ್ನಿ ಬಂಧನಟೆಕ್ಕಿ ಆತ್ಮಹತ್ಯೆ ತನಿಖೆಟೆಕ್ಕಿಯ ದುಃಖಾಂತ ಸಾವುವರದಕ್ಷಿಣೆ ಕಿರುಕುಳAtul Subhash death noteAtul Subhash suicide caseBengaluru police investigationcourt proceedingsDowry Harassmentfalse case allegationsfamily harassmentinvestigation progressmental harassmentpolice arrest wifeself-harm casesocial media campaignsuicide preparationtechie suicide investigationtechie’s tragic deathwrongful accusation

Up Next

ಶಬರಿಮಲೆ ಯಾತ್ರಾರ್ಥಿಗಳ ಬಸ್ – ಕಾರು ನಡುವೆ ಭೀಕರ ಅಪಘಾತ: ಮಲೇಶಿಯದಲ್ಲಿ ಹನಿಮೂನ್ ಮುಗಿಸಿ ಬರುತ್ತಿದ್ದ ದಂಪತಿ ಸಹಿತ ಒಂದೇ ಕುಟುಂಬದ ನಾಲ್ವರು ಮೃತ್ಯು

Don't Miss

KSRTC service-ಮಂಗಳೂರು – ಕಾರ್ಕಳ ಪ್ರಪ್ರಥಮ ಬಾರಿಗೆ KSRTC ಸೇವೆ ಪ್ರಾರಂಭ : ಗ್ಯಾರಂಟಿ ಅನುಷ್ಠಾನ ಸಮಿತಿಯಿಂದ ಮಂಗಳೂರಿನಲ್ಲಿ ಚಾಲನೆ