2022 – 23ನೇ ಸಾಲಿನಲ್ಲಿ ಮಳೆ ಪರಿಹಾರ ಕಾರ್ಯಕ್ರಮದಡಿ 3 ಕೋಟಿ ರೂ. ಸುಳ್ಯ ವಿಧಾನಸಭಾ ಕ್ಷೇತ್ರಕ್ಕೆ ಮಂಜೂರಾಗಿತ್ತು. ಈ ಅನುದಾನದಲ್ಲಿ 20 ಕಾಮಗಾರಿಗಳನ್ನು ಮಾಡಲು ಆಗಿನ ಶಾಸಕ, ಸಚಿವ ಎಸ್.ಅಂಗಾರರು ಜಿ. ಪಂ. ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯವರಿಗೆ ಪತ್ರ ನೀಡಿದ್ದರು. ಶಾಸಕರ ಶಿಫಾರಸಿನಂತೆ ಮಂಜೂರಾದ ಕೆಲವು ಕಾಮಗಾರಿಗಳನ್ನು ಈಗಿನ ಶಾಸಕಿ ಬದಲಾಯಿಸಿದ್ದಾರೆಂಬ ವಿಚಾರ ಸುಳ್ಯ ಬಿಜೆಪಿಯಲ್ಲಿ ವಿವಾದದ ಅಲೆ ಎಬ್ಬಿಸಿದೆ. ಬಿಜೆಪಿ ಕಾರ್ಯಕರ್ತ ಸುಪ್ರೀತ್ ಮೋಂಟಡ್ಕ ಎಂಬವರು ಈ ಬದಲಾವಣೆಯಿಂದ ರೊಚ್ಚಿಗೆದ್ದಿದ್ದು ಪಕ್ಷದ ಮಂಡಲಾಧ್ಯಕ್ಷರಿಗೆ ಮತ್ತು ಜಿಲ್ಲಾಧ್ಯಕ್ಷರಿಗೆ ದೂರು ನೀಡಿದ್ದಾರೆ.

ಹಿಂದಿನ ಸರಕಾರದ ಅವಧಿಯಲ್ಲಿ ಅಂದಿನ ಶಾಸಕರ ಶಿಫಾರಸಿನಂತೆ ಮಳೆಹಾನಿ ಯೋಜನೆಯಡಿ ಮಂಜೂರಾದ ಕೆಲವು ಕಾಮಗಾರಿಗಳನ್ನು ಈಗಿನ ಶಾಸಕಿ ಬದಲಾಯಿಸಿದ್ದಾರೆಂಬ ವಿಚಾರ ಸುಳ್ಯ ಬಿಜೆಪಿಯಲ್ಲಿ ವಿವಾದದ ಅಲೆ ಎಬ್ಬಿಸಿದೆ. ಬಿಜೆಪಿ ಕಾರ್ಯಕರ್ತ ಸುಪ್ರೀತ್ ಮೋಂಟಡ್ಕ ಎಂಬವರು ಈ ಬದಲಾವಣೆಯಿಂದ ರೊಚ್ಚಿಗೆದ್ದಿದ್ದು ಪಕ್ಷದ ಮಂಡಲಾಧ್ಯಕ್ಷರಿಗೆ ಮತ್ತು ಜಿಲ್ಲಾಧ್ಯಕ್ಷರಿಗೆ ದೂರು ನೀಡಿದ್ದಾರೆ. ಈ ವಿಚಾರ ಪಕ್ಷದೊಳಗೆ ಚರ್ಚೆಯ ವಿಷಯವಾಗಿದ್ದು ಬದಲಾವಣೆ ಮಾಡಿದ್ದು ಸರಿಯೇ – ತಪ್ಪೇ ಎಂಬ ಕುರಿತು ಜಿಜ್ಞಾಸೆ ಆರಂಭವಾಗಿದೆ.

alt="Ad Widget"/>

2022 – 23ನೇ ಸಾಲಿನಲ್ಲಿ ಸುರಿದ ಭಾರೀ ಮಳೆ ಮತ್ತು ಪ್ರವಾಹದಿಂದ ಹಾನಿಗೊಳಗಾದ ಗ್ರಾಮೀಣ ರಸ್ತೆ, ಸೇತುವೆ, ಶಾಲೆ, ಅಂಗನವಾಡಿ, ಪ್ರಾಥಮಿಕ ಆರೋಗ್ಯ ಕೇಂದ್ರ,, ಸರಕಾರ ಕಟ್ಟಡಗಳು ಹಾಗೂ ಕೆರೆಗಳ ದುರಸ್ತಿಗಾಗಿ ಮಳೆ ಪರಿಹಾರ ಕಾರ್ಯಕ್ರಮದಡಿ 9.12.2022 ರ ಆದೇಶದ.ತೆ 3 ಕೋಟಿ ರೂ. ಸುಳ್ಯ ವಿಧಾನಸಭಾ ಕ್ಷೇತ್ರಕ್ಕೆ ಮಂಜೂರಾಗಿತ್ತು. ಈ ಅನುದಾನದಲ್ಲಿ 20 ಕಾಮಗಾರಿಗಳನ್ನು ಮಾಡಲು ಆಗಿನ ಶಾಸಕ, ಸಚಿವ ಎಸ್.ಅಂಗಾರರು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯವರಿಗೆ ಪತ್ರ ನೀಡಿದ್ದರು.

<>

ಐವರ್ನಾಡು ಗ್ರಾಮದ ಕಲ್ಲೋಣಿ – ಕುಳ್ಳಂಪಾಡಿ ರಸ್ತೆ ಅಭಿವೃದ್ಧಿ (25 ಲಕ್ಷ), ಐವರ್ನಾಡು ದೇರಾಜೆ ರಸ್ತೆ ಅಭಿವೃದ್ಧಿ (25 ಲಕ್ಷ), ಕೊಡಿಯಾಲಬೈಲು – ಕಮಿಲಡ್ಕ ರಸ್ತೆ ಅಭಿವೃದ್ಧಿ (25 ಲಕ್ಷ), ಅಮರಮುನ್ನೂರು ಗ್ರಾಮದ ಕುಡುಂಬಿಲ – ಕಂಜರ್ಪಣೆ ರಸ್ತೆ ಅಭಿವೃದ್ಧಿ (15 ಲಕ್ಷ), ಕಳಂಜ ಗ್ರಾಮದ ಶೇಣಿ – ಪುಂಡೂರು ರಸ್ತೆ ಅಭಿವೃದ್ಧಿ (15 ಲಕ್ಷ), ಜಾಲ್ಲೂರು ಗ್ರಾಮದ ಆರ್ತಾಜೆ – ನಡುಬೆಟ್ಟು ರಸ್ತೆ ಅಭಿವೃದ್ಧಿ (15 ಲಕ್ಷ), ಜಾಲ್ಲೂರು ಗ್ರಾಮದ ಮೋಂಟಡ್ಕ – ಕುಕ್ಕಂದೂರು – ದೆಯ್ಯಾರ ಮಾಡ ರಸ್ತೆ ಅಭಿವೃದ್ಧಿ (15 ಲಕ್ಷ), ಅಜ್ಞಾವರ ಗ್ರಾಮದ ಓಡಬಾಯಿ ತೂಗುಸೇತುವೆ ದುರಸ್ತಿ (10 ಲಕ್ಷ), ಕೊಡಿಯಾಲಬೈಲು ಸರಕಾರಿ ಕಸ್ತೂರಿ ಪ್ರಥಮ ದರ್ಜೆ ಕಾಲೇಜ್ ರಸ್ತೆಯ ಮುಂಭಾಗ ಇಂಟರ್ಲಾಕ್ ಅಳವಡಿಕೆ (5 ಲಕ್ಷ), ಅಮರಮುಡ್ಡಿರು ಗ್ರಾಮದ ಬೊಳ್ಕೊಡಿ – ಇಟ್ಟಿಗುಂಡಿ ರಸ್ತೆ ಅಭಿವೃದ್ಧಿ (15 ಲಕ್ಷ), ಅಜ್ಞಾವರ ಗ್ರಾಮದ ದೊಡ್ಡರಿ ಕಿರಿಯ ಪಪ್ರಾಥಮಿಕ ಶಾಲಾ ಕೊಠಡಿ ನಿರ್ಮಾಣ (7 ಲಕ್ಷ), ಸುಳ್ಯ ಗಾಂಧಿನಗರದ ಸರಕಾರಿ ಪ್ರೌಢಶಾಲೆಯ ಕಟ್ಟಡ ದುರಸ್ತಿ (8.89 ಲಕ್ಷ), ಏನೆಕಲ್ ಗ್ರಾಮದ ಅಂಗಾರವರ್ಮ ಕೆರೆಯ ದುರಸ್ತಿ (4.26 ಲಕ್ಷ) ಅಲ್ಲದೆ ಕಡಬ ಕರಡು ತಾಲೂಕು ವ್ಯಾಪ್ತಿಯ ಕೆಲವು ಕಾಮಗಾರಿಗಳು ಸೇರಿ 20 ಕಾಮಗಾರಿಗಳು ಅಂಗಾರರಿಂದ ಸೂಚಿಸಲ್ಪಟ್ಟಿದ್ದವು.

ಚುನಾವಣೆಯ ಹೊಸ್ತಿಲಲ್ಲಿ ಈ ಕಾಮಗಾರಿಗಳು ಮಂಜೂರಾದುದರಿಂದ ಇದಕ್ಕೆ ಹಣ ಬಂದಿರಲಿಲ್ಲವೆನ್ನಲಾಗಿದೆ. ಕೆಲವು ಕಾಮಗಾರಿಗಳನ್ನು ಗುತ್ತಿಗೆದಾರರು ಹಣ ಬರುವ ಭರವಸೆಯಲ್ಲಿ ಮಾಡಿದ್ದರೆಂದೂ ಹೇಳಲಾಗುತ್ತಿದೆ. ಇದರಲ್ಲಿ ಸುಮಾರು 16 ಕಾಮಗಾರಿಗಳನ್ನು ಅಂಗಾರರು ನಿರ್ಮಿತಿ ಕೇಂದ್ರದ ಮೂಲಕ ಮಾಡಲು ಸೂಚನೆ ನೀಡಿದ್ದರು.

ರಾಜ್ಯದಲ್ಲಿ ಹೊಸ ಸರಕಾರ ಹಾಗೂ ಸುಳ್ಯ ಕ್ಷೇತ್ರದಲ್ಲಿ ಹೊಸ ಶಾಸಕರು ಚುನಾಯಿತರಾಗಿ ಬಂದ ಬಳಿಕ ಶಾಸಕರು ನಿರ್ಮಿತಿಗೆ ನೀಡಿದ 16 ಕಾಮಗಾರಿಗಳಲ್ಲಿ 6 ಕಾಮಗಾರಿಗಳಿಗೆ ಬದಲಿ ಪ್ರಸ್ತಾವನೆ ನೀಡಿದರೆನ್ನಲಾಗಿದೆ. ಆ ಸಂದರ್ಭ ಜಾಲ್ಲೂರು ಗ್ರಾಮದ ಆರ್ತಾಜೆ – ನಡುಬೆಟ್ಟು ರಸ್ತೆ ಅಭಿವೃದ್ಧಿ, ಮೋಂಟಡ್ಕ ಕುಕ್ಕಂದೂರು ರಸ್ತೆ ಅಭಿವೃದ್ಧಿ, ಬೊಳ್ಳೂಡಿ – ಇಟ್ಟಿಗುಂಡಿ ರಸ್ತೆ ಅಭಿವೃದ್ಧಿ, ಗಾಂಧಿನಗರ ಸರಕಾರಿ ಪ್ರೌಢಶಾಲಾ ಕೊಠಡಿ ದುರಸ್ತಿ ಮೊದಲಾದ 6 ಕಾಮಗಾರಿಗಳನ್ನು ಕೈಬಿಡಲಾಗಿತ್ತೆಂದು ತಿಳಿದು ಬಂದಿದೆ.

ಇದರಿಂದ ಆ ಭಾಗದ ಬಿಜೆಪಿ ಕಾರ್ಯಕರ್ತರು ಬೇಸರಗೊಂಡರೆಂದೂ, ಬೊಳುಬೈಲು ಮೋಂಟಡ್ಗದವರಾದ ಸುಪ್ರೀತ್ ಮೋಂಟಡ್ಕರವರು ಬಿಜೆಪಿ, ಮಂಡಲ ಅಧ್ಯಕ್ಷ ವೆಂಕಟ್ ವಳಲಂಬೆ ಮತ್ತು ಜಿಲ್ಲಾ ಬಿಜೆಪಿ ಅಧ್ಯಕ್ಷರಿಗೆ ಲಿಖಿತ ದೂರು ನೀಡಿದರೆಂದೂ ತಿಳಿದುಬಂದಿದೆ. ಅಂಗಾರರು ಮತ್ತು ಭಾಗೀರಥಿಯವರು ಒಂದೇ ಪಕ್ಷದವರಾಗಿರುವ ಕಾರಣ ಅಂಗಾರರು ಸಾಂಕ್ಷನ್ ಮಾಡಿಸಿಕೊಂಡಿದ್ದ ಕಾಮಗಾರಿಯಲ್ಲಿ ಭಾಗೀರಥಿಯವರು ಬದಲಾವಣೆ ಮಾಡಬಾರದಿತ್ತು ಎಂಬ ಅಭಿಪ್ರಾಯವನ್ನು ಪಕ್ಷದ ಕೆಲವು ನಾಯಕರು ಹೇಳುತ್ತಿದ್ದರೆ, ‘ಶಾಸಕರಾಗಿ ಕಾಮಗಾರಿಗಳನ್ನು ನಿಗದಿಪಡಿಸುವುದು ಭಾಗೀರಥಿಯವರ ಹಕ್ಕು. ಅವರೊಡನೆ ಕಾರ್ಯಕರ್ತರು ಒತ್ತಡ ಹೇರಿ ಕೆಲವು ಬದಲಾವಣೆ ಮಾಡಿಸಿರಬಹುದು’ ಎಂಬ ಅಭಿಪ್ರಾಯ ಹೇಳುವವರೂ ಇದ್ದಾರೆ. ಒಟ್ಟಿನಲ್ಲಿ ಈ ಬೆಳವಣಿಗೆ ಸುಳ್ಯದ ಬಿಜೆಪಿಯಲ್ಲಿ ಚರ್ಚೆಯ ವಿಷಯವಾಗಿದೆ.

ಹಿಂದೆ ಅಂಗಾರರು ಶಾಸಕರಾಗಿರುವಾಗ ಕಾಮಗಾರಿಗಳ ಪಾಟ್ಟಿ ಕೊಟ್ಟಿದ್ದರೂ, ಅದಕ್ಕೆ ಹಣ ಬಿಡುಗಡೆಯಾಗಿರಲಿಲ್ಲ. ನಾನು ಶಾಸಕಿಯಾದ ಬಳಿಕ ಸರಕಾರಕ್ಕೆ ಪತ್ರಕೊಟ್ಟು ಮುತುವರ್ಜಿ ವಹಿಸಿ ಹಣ ಬಿಡುಗಡೆ ಮಾಡಿಸಿದ್ದೇನೆ. ಅದೂ 3 ಕೋಟಿ ಪೂರ್ತಿ ಬಿಡುಗಡೆಯಾಗಿಲ್ಲ. ಮುಂದಕ್ಕೆ ಹಣ ತರಿಸಿಕೊಂಡು ಎಲ್ಲಾ ಕೆಲಸಗಳನ್ನು ಮಾಡಿಸುತ್ತೇನೆ. ಚುನಾವಣೆಯ ಸಂದರ್ಭ ಜನರ ಬಳಿ ಹೋದಾಗ ಕಾರ್ಯಕರ್ತರ ಬೇಡಿಕೆ. ಬಂದ ಮೇರೆಗೆ ಒಂದೆರಡು ಕಾಮಗಾರಿಗೆ ಬದಲಿ ಪ್ರಸ್ತಾವನೆ ನೀಡಿದ್ದೆ. ಅಂಗಾರರ ಪಟ್ಟಿಯಲ್ಲಿದ್ದ ಎಲ್ಲಾ ಕೆಲಸಗಳನ್ನೂ ಮಾಡಿಸುತ್ತೇನೆ.- ಕು. ಭಾಗೀರಥಿ ಮುರುಳ್ಯ, ಶಾಸಕರು.

ನಾನು ಕಾಮಗಾರಿಗಳ ಪಟ್ಟಿ ಕೊಟ್ಟಾಗ ಕೊಟ್ಟಾಗ ಅಲ್ಲಿನ ಅವಶ್ಯಕತೆ ಮತ್ತು ಕಾರ್ಯಕರ್ತರ ಬೇಡಿಕೆಯ ಆಧಾರದಲ್ಲಿ ಕೊಟ್ಟಿದ್ದೆವು. ಈಗ ಅದನ್ನು ಬದಲಾಯಿಸಿದರೆ ಸ್ಥಳೀಯರಿಗೆ ನೋವಾಗುತ್ತದೆ. ಹೆಚ್ಚುವರಿ ಅನುದಾನ ತರಿಸಿಕೊಂಡು ಬೇರೆ! ಕಾಮಗಾರಿ ಮಾಡಬೇಕೇ ಹೊರತು ಪಟ್ಟಿ ಬದಲಾಯಿಸುವುದಲ್ಲ.– ಎಸ್.ಅಂಗಾರ ಮಾಜಿ ಸಚಿವರು

ಅನ್ಯಾಯ ಸರಿಪಡಿಸದಿದ್ದರೆ ಕೋರ್ಟಿಗೆ ಹೋಗುತ್ತೇನೆ : ಸುಪ್ರೀತ್
ಅಂಗಾರರು ಶಾಸಕರಾಗಿರುವಾಗ ಮಂಜೂರುಗೊಳಿಸಿದ ಕಾಮಗಾರಿಗಳನ್ನು ಇವರು ಬದಲಾಯಿಸಿದ್ದು ಸರಿಯಲ್ಲ, ಅದಕ್ಕೆ ನಾವು ಎಷ್ಟು ಕಷ್ಟಪಟ್ಟಿದ್ದೇವೆ ಎಂದು ನನಗೆ ಮತ್ತು ಅಂಗಾರರಿಗೆ ಗೊತ್ತು, ನಾನು ಪಕ್ಷದ ಇಲ್ಲಿಯ ಅಧ್ಯಕ್ಷರಿಗೆ ಮತ್ತು ಜಿಲ್ಲೆಯ ಅಧ್ಯಕ್ಷರಿಗೆ ದೂರು ನೀಡಿದ್ದೇನೆ. ಸರಿಪಡಿಸುವುದಾಗಿ ಜಿಲ್ಲಾಧ್ಯಕ್ಷರು ಸತೀಶ್ ಕುಂಪಲರು ಹೇಳಿದ್ದಾರೆ. ಅನ್ಯಾಯ ಸರಿಪಡಿಸದಿದ್ದರೆ ನಾನು ನ್ಯಾಯಾಲಯಕ್ಕೆ ಹೋಗಿ ಸ್ಟೇ ಮಾಡಿಸುತ್ತೇನೆ ಎಂದು ಸುಪ್ರೀತ್ ಮೋಂಟಡ್ಕ ತಿಳಿಸಿದ್ದಾರೆ.

ನಾನು ಬದಲಾಯಿಸಿಲ್ಲ : ಕಂಜಿಪಿಲಿ
ಕಾಮಗಾರಿ ಬದಲಾಯಿಸಿದ್ದು ನಾನಲ್ಲ. ನಾನು ಮಂಡಲಾಧ್ಯಕ್ಷನಾಗಿರುವಾಗ ಕೆಲವು ಕಡೆಯ ಕಾಮಗಾರಿಗಳನ್ನು ನಾನು ತೀರಾ ಅವಶ್ಯಕತೆಯ ನೆಲೆಯಲ್ಲಿ ಬದಲಾವಣೆ ಮಾಡಿಸಿದ್ದೆ. ಅಧ್ಯಕ್ಷತೆಯ ಅವಧಿ ಮುಗಿದ ಬಳಿಕ ನಾನು ಹಸ್ತಕ್ಷೇಪ ಮಾಡಿಲ್ಲ. ಈ ಪಟ್ಟಿ ಬದಲಾವಣೆ ನನ್ನ ಅವಧಿಯಲ್ಲಿ ಆದುದಲ್ಲ. – ಹರೀಶ್ ಕಂಜಿಪಿಲಿ, ಬಿಜೆಪಿ ಮಾಜಿ ಅಧ್ಯಕ್ಷರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:AkroshaAngaraBhagirathi Murulyabhugiledda bhinnamathaSullia

Up Next

Harish Poonja-ಮೈಸೂರು ಚಲೋ ಪಾದಯಾತ್ರೆಯಲ್ಲಿ ಶಾಸಕ ಹರೀಶ್ ಪೂಂಜ ಹಾಗೂ ಬೆಂಬಲಿಗರಿಂದ ಮಾಧ್ಯಮ ಪ್ರತಿನಿಧಿಗಳಿಗೆ ಹಲ್ಲೆ ಆರೋಪ : ಯಡಿಯೂರಪ್ಪ ಹಾಗೂ ವಿಜಯೇಂದ್ರರಿಗೆ ದೂರು

Don't Miss

Congress-ಬಿಜೆಪಿ ನಾಯಕರ ಮೇಲೆ ತನಿಖಾ ಅಸ್ತ್ರ ಪ್ರಯೋಗಿಸಲು ಸಜ್ಜಾದ ಕಾಂಗ್ರೆಸ್! ಶಾಸಕ ಸುನೀಲ್ ಕುಮಾ‌ರ್ ಟಾರ್ಗೆಟ್!