Uncategorized
Soujanya Case ಅಶ್ರತ್ ಖಾಲೀದ್ ಹೆಣ್ಣೋ ಗಂಡೋ – ತನಿಖಾಧಿಕಾರಿ ಯೋಗೀಶ್ ಗೆ ಮಾಹಿತಿಯಿಲ್ಲ..! ಇದು ತನಿಖೆಯ ಲೆವಲ್ ಅನ್ನು ತೋರಿಸುತ್ತಾದೆ; ಸಂತೋಷ್ ರಾವ್ ಪರ ವಕೀಲ ಮೋಹಿತ್ ಬಿಚ್ಚಿಟ್ಟ ಸೌಜನ್ಯ ತನಿಖೆಯ ವೈಫಲ್ಯಗಳ ಪಟ್ಟಿ – ನಿಜಕ್ಕೂ ಬೆಚ್ಚಿ ಬೀಳಿಸುವಂತಿದೆ…
Soujanya case : ಸೋಮವಾರ ನೆಲ್ಲಿಕಟ್ಟೆ ಖಾಸಗೀ ಬಸ್ ನಿಲ್ದಾಣದಲ್ಲಿ ಪುತ್ತೂರು ಅಭಿನವ ಭಾರತ ಮಿತ್ರ ಮಂಡಳಿ ಮತ್ತು ಬೆಳ್ತಂಗಡಿ ಪ್ರಜಾಪ್ರಭುತ್ವ ವೇದಿಕೆ ಜಂಟಿ ಆಶ್ರಯದಲ್ಲಿ ಸೌಜನ್ಯ ಅತ್ಯಾಚಾರ ಮತ್ತು ಹತ್ಯೆಯನ್ನು ಖಂಡಿಸಿ ಬೃಹತ್ ಕಾಲ್ನಡಿಗೆ ಜಾಥಾ ಮತ್ತು ಜನ ಜಾಗೃತಿ ಸಭೆ ನಡೆಯಿತು. ಇದರಲ್ಲಿ ಸೌಜನ್ಯ ಹತ್ಯೆ ಮತ್ತು ಅತ್ಯಾಚಾರ ಪ್ರಕರಣದಲ್ಲಿ ಆರೋಪಿಯಾಗಿದ್ದ ಸಂತೋಷ್ ರಾವ್ ಪರ ಸಿಬಿಐ ಕೋರ್ಟಿನಲ್ಲಿ ವಾದಿಸಿದ ನ್ಯಾಯಾವಾದಿ ಮೋಹೀತ್ ಅವರು ಮಾತನಾಡಿ ತನಿಖಾ ಸಂಸ್ಥೆಗಳು ಈ ಪ್ರಕರಣದ ತನಿಖೆ ವೇಳೆ ಮಾಡಿದ ಘನ ಘೋರ ತಪ್ಪುಗಳನ್ನು ವಿವರಿಸಿದರು.
ಈ ಪ್ರಕರಣವನ್ನು ಮೊದಲಿಗೆ ಬೆಳ್ತಂಗಡಿ ಪೊಲೀಸರು , ಬಳಿಕ ಸಿಒಡಿ ಪೊಲೀಸರು ಹಾಗೂ ಅಂತಿಮವಾಗಿ ಸಿಬಿಐ ತನಿಖೆ ನಡೆಸಿತ್ತು . ಸಿಒಡಿ ಹಾಗೂ ಸಿಬಿಐ ತನಿಖೆ ಪೂರ್ಣಗೊಳಿಸಿ ಸಂತೋಷ್ ರಾವ್ ಅನ್ನು ಆರೋಪಿ ಎಂದು ಉಲ್ಲೇಖಿಸಿ ನ್ಯಾಯಾಲಯಕ್ಕೆ ಚಾರ್ಜ್ ಶೀಟ್ ಕೂಡ ಸಲ್ಲಿಸಿತ್ತು . ಈ ತನಿಖೆಯ ವೇಳೆ ಮೂರು ತನಿಖಾ ಸಂಸ್ಥೆಗಳು ಹಾಗೂ ಮರಣೋತ್ತಾರ ಪರೀಕ್ಷೆ ನಡೆಸಿದ ವೈದ್ಯಾಧಿಕಾರಿಗಳು ಹಲವು ಗುರುತರ ತಪ್ಪುಗಳನ್ನು ಮಾಡಿದ ಕಾರಣ ಈ ಪ್ರಕೃನದಲ್ಲಿ ಸೌಜನ್ಯ ನ್ಯಾಯದಿಂದ ವಂಚಿತಳಾಗಬೇಕಾಯಿತು ಎಂದು ಅವರು ತಿಳಿಸಿದ್ದರು.
ಮೋಹಿತ್ ಕುಮಾರ್ ಪಟ್ಟಿ ಮಾಡಿದ ಅಂಶಗಳು ಯಾವುದು ?
ಸೌಜನ್ಯ ಪ್ರಕರಣ 2012ರಲ್ಲಿ ನಡೆದಿದ್ದು , ಅಕ್ಟೋಬರ್ 9 ರಂದು ಆಕೆ ಕಾಣೆಯಾಗುತ್ತಾಳೆ ಮರುದಿನ ಆಕೆಯ ಮೃತದೇಹ ನೇತ್ರಾವತಿ ಸ್ನಾನಘಟ್ಟದ ಪಕ್ಕದ ಕಾಡಿನಲ್ಲಿ ಮಣ್ಣಸಂಕ ಎಂಬಲ್ಲಿ ದೊರಯುತ್ತದೆ. ಪ್ರಕರಣದ ತನಿಖೆ ವಿಚಾರಣೆ ನಡೆದು ಜೂ 16 ರಂದು ಸಿಬಿಐ ನ್ಯಾಯಾಲಯ ತೀರ್ಪು ನೀಡಿದ್ದು, ಅದರ ಜಡ್ಜ್ ಮೆಂಟ್ ಪ್ರತಿಯಲ್ಲಿ ಆಕ್ಟೋಬರ್ 10 ಮತ್ತು 11 ರಂದು ಪೊಲೀಸ್ ಇಲಾಖೆ ಹೇಗೆ ಸಾಕ್ಷ್ಯಗಳನ್ನು ಹಂತ ಹಂತವಾಗಿ ನಾಶ ಮಾಡಿತ್ತು ಎನ್ನುವುದನ್ನು ಸ್ಪಷ್ಟವಾಗಿ ಬರೆಯಲಾಗಿದೆ. ನಾನು ಇಲ್ಲಿ ಏನನ್ನು ಹೇಳುತ್ತೇನೆಯೋ ಅದು ಜಡ್ಜ್ ಮೆಂಟ್ ಪ್ರತಿ ಮತ್ತು ಚಾರ್ಜ್ ಶೀಟ್ ನಲ್ಲಿರುವುದು ಮಾತ್ರ ಎಂದು ಅವರು ಸ್ಪಷ್ಟ ಪಡಿಸಿದ್ದಾರೆ
ಪ್ರಕರಣದ ತನಿಖೆಯ ಮೊದಲ ದಿನ (ಅ 10 ರಂದು ) ಮಾಡಲಾದ ತನಿಖಾ ವೈಫಲ್ಯದಿಂದಾಗಿ ಈ ಪ್ರಕರಣದಲ್ಲಿ ಯಾವುದೇ ಸಾಕ್ಷಗಳಿಲ್ಲ ಎನ್ನುವುದನ್ನು ನ್ಯಾಯಾದೀಶರು ನಮೋದಿಸಿದ್ದಾರೆ. ಅ. 11 ರಂದು ಬಂಧಿತನಾಗುವ ಸಂತೋಷ್ ರಾವ್ ನನ್ನು ರಕ್ಷಿಸಲು ಅ.10 ರಂದು ಸಾಕ್ಷ್ಯಗಳನ್ನು ನಾಶ ಮಾಡುತ್ತಾರೆ . ಹೀಗೆ ಮಾಡಬೇಕಾದರೇ ಆರೋಪಿ ಪ್ರಭಾವಿ ಆಗಿದ್ದರೇ ಮಾತ್ರ ಸಾಧ್ಯ . ಹಾಗಾದರೇ ಸಂತೋಷ್ ರಾವ್ ಪೊಲೀಸರ ತನಿಖೆಯ ಮೇಲೆ ಪ್ರಭಾವ ಬೀರುವಷ್ಟು ಪ್ರಭಾವಿಯಾಗಿದ್ದನೇ? ಎನ್ನುವುದು ನನ್ನನ್ನೂ ಸೇರಿದಂತೆ ಎಲ್ಲರನ್ನು ಕಾಡುತ್ತಿರುವ ಪ್ರಶ್ನೆ . ಅಥಾವ ಸಂತೋಷ್ ಪ್ರಭಾವ ಬೀರಿಲ್ಲವಾದರೇ ಬೇರೆ ಯಾವ ಕಾರಣಕ್ಕೆ ಸಾಕ್ಷ್ಯಗಳನ್ನು ನಾಶ ಮಾಡಲಾಯಿತು ಎನ್ನುವುದು ನಮ್ಮ ಮುಂದಿರುವ ಪ್ರಶ್ನೆ.
ನಾಶವಾದ ಸಾಕ್ಷ್ಯಗಳ ವಿವರ :
ಪೊಲೀಸ್ ಇಲಾಖೆ, ಸಿಒಡಿ ಮತ್ತು ದೇಶದ ಅತ್ಯುನ್ನತ ತನಿಖಾ ಸಂಸ್ಥೆ ಸಿಬಿಐ ಈ ಪ್ರಕರಣದ ತನಿಖೆ ನಡೆಸಿದ್ದು, ಸಂತೋಷ್ ರಾವ್ ಅವರನ್ನು ಆರೋಪಿ ಎಂದು ಗುರುತಿಸಿ ಚಾರ್ಜ್ ಶೀಟ್ ಹಾಕಿವೆ.
ಸಂತೋಷ್ ರಾವ್ ಟೆಂಟ್
ಚಾರ್ಜ್ ಶೀಟ್ ನಲ್ಲಿ 9 ಮತ್ತು 10 ನೇ ತಾರೀಕು ಕೃತ್ಯ ನಡೆದ ಸ್ಥಳದಲ್ಲಿ ಸಂತೋಷ್ ರಾವ್ ಇದ್ದ ಎನ್ನುವುದಕ್ಕೆ ಯಾವುದೇ ಸಾಕ್ಷ್ಯವಿಲ್ಲ . ಮೃತದೇಹ ಸಿಕ್ಕ 100 ಮೀ ದೂರದಲ್ಲಿ ಸಂತೋಷ್ ರಾವ್ ಟೆಂಟ್ ಹಾಕಿ ಕೂತಿದ್ದ ಎನ್ನುವುದಾದರೇ 9 ಮತ್ತು 10 ರಂದು ದೊಡ್ಡ ಸಂಖ್ಯೆಯಲ್ಲಿ ಆ ಭಾಗದಲ್ಲಿ ಜನರು ಸೌಜನ್ಯಳಿಗಾಗಿ ಹುಡುಕಾಡಿದ್ದಾರೆ. ಆಗ ಆ ಟೆಂಟ್ ಪತ್ತೆಯಾಗಿರಲಿಲ್ಲ. 10 ನೇ ತಾರೀಕು ಮೃತದೇಹ ಸಿಕ್ಕಾಗ 5 ರಿಂದ 6 ಸಾವಿರ ಮಂದಿ ಅಲ್ಲಿ ಜಮಾಯಿಸಿದ್ದು ಆಗ ಸಂತೋಷ್ ರಾವ್ ಯಾರಿಗೂ ಕಾಣಿಸಿಲ್ಲ ಟೆಂಟ್ ಸಹ ಕಾಣಿಸಿಲ್ಲ ಇದು ಹೇಗೆ ಸಾಧ್ಯ?
ಸಿಸಿಟಿವಿ ಫೊಟೇಜ್
ಸೌಜನ್ಯ ಬಸ್ಸಿಳಿದು ನಡೆದುಕೊಂಡು ಹೋಗುವ ದಾರಿಯಲ್ಲಿ ಪ್ರಕೃತಿ ಚಿಕಿತ್ಸಾಲಾಯವಿದ್ದು, ಅದರಲ್ಲಿ ಸಿಸಿಟಿವಿ ಅಳವಡಿಸಲಾಗಿತ್ತು ಎಂಬ ಮಾಹಿತಿಯನ್ನು ಸ್ವತ: ಪೊಲೀಸ್ ಅಧಿಕಾರಿಯವರೆ ತಿಳಿಸಿದ್ದಾರೆ. ಹಾಗಿದ್ದೂ ಆ ಸಿಸಿಟಿವಿ ಪೋಟೆಜ್ ಗಳನ್ನು ಸಂಗ್ರಹಿಸಿಲ್ಲ, ಮತ್ತೂ ಸಾಕ್ಷ್ಯವಾಗಿ ಅದನ್ನು ನ್ಯಾಯಾಲಯಕ್ಕೆ ನೀಡದಿರಲು ಕಾರಣವೇನು ? ಇದು ತನಿಖೆಯ ವೈಫಲ್ಯ ಅಲ್ಲವೇ ?
ಕೊಡೆ ಚಪ್ಪಲ್ಲಿ ಎಲ್ಲಿ ?
ಸೌಜನ್ಯ ಆ ದಿವಸ ಕೊಡೆ ಹಿಡಿದುಕೊಂಡು ಮಳೆಯಲ್ಲಿ ನಡೆದುಕೊಂಡು ಹೋಗಿದ್ದು , ಆ ಕೊಡೆ ಪತ್ತೆಯಾಗಿಲ್ಲ. ಕಾಲಲ್ಲಿ ಧರಿಸಿದ ಚಪ್ಪಲಿಗಳ ಪೈಕಿ ಒಂದು ಮಾತ್ರ ಪತ್ತೆಯಾಗಿದ್ದು ಇನ್ನೊಂದಿಲ್ಲ . ಕೃತ್ಯ ಅಲ್ಲಿಯೇ ನಡೆದಿದ್ದರೇ ಕೊಡೆ ಹಾಗೂ ಇನ್ನೊಂದು ಚಪ್ಪಲಿಯು ಅಲ್ಲೆ ಪತ್ತೆಯಾಗಬೇಕಿತ್ತು ಅಲ್ಲವೇ ?
ಹೆಗಲ ಮೇಲೆ ಹೊತ್ತುಕೊಂಡು ತೋಡು ದಾಟಿದ್ದನೇ ?
ಸೌಜನ್ಯ ನಾಪತ್ತೆಯಾದ 9 ರಂದು ವಿಪರೀತ ಮಳೆಯಾಗುತಿತ್ತು ಅನ್ನುವುದನ್ನು ಸ್ಥಳೀಯರು ಹಲವರು ಹೇಳಿದ್ದಾರೆ ಹಾಗೂ ಪೊಲೀಸ್ ಅಧಿಕಾರಿಗಳು ಕೂಡ ಅದನ್ನು ಒಪ್ಪಿಕೊಂಡಿದ್ದಾರೆ. , ಒಬ್ಬ ವ್ಯಕ್ತಿ , ಒಂದು ಹುಡುಗಿಯನ್ನು ಹೆಗಲ ಮೇಲೆ ಹಾಕಿಕೊಂಡು 4 ರಿಂದ 5 ಆಡಿ ಆಳದ ತೋಡಿನಲ್ಲಿ ಈ ಕಡೆಯಿಂದ ಆ ಕಡೆ ಹೊತ್ತುಕೊಂಡು ದಾಟಲು ಸಾಧ್ಯವೇ ? ಒಂದು ವೇಳೆ ಹೊತ್ತುಕೊಂಡು ಹೋದರು , ಆಗ ಯುವತಿ ಪರಿಚಿದ ಗಾಯಗಳು ಆತನ ಮೈ ಮೇಲೆ ಆಗುವುದಿಲ್ಲವೇ ?
ಒಬ್ಬರು ಇನ್ನೊಬ್ಬರನ್ನು ತೋರಿಸುತ್ತಾರೆ
ಈ ರೀತಿಯ ಪ್ರಶ್ನೆಗಳನ್ನು ಪೊಲೀಸರ ಬಳಿ ಕೇಳಿದಾಗ ಅವರ ಬಳಿ ಉತ್ತರವಿಲ್ಲ. ತನಿಖಾಧಿಕಾರಿಯಾಗಿದ್ದ ಯೋಗೀಶ್ ಅವರಲ್ಲಿ ಕೇಳಿದ್ದಾಗ ಅವರು ಭಾಸ್ಕರ್ ರೈಯನ್ನು ತೋರಿಸಿತ್ತಾರೆ, ಅವರಲ್ಲಿ ಕೇಳಿದರೆ ರುದ್ರಮುನಿಯನ್ನು ತೋರಿಸುತ್ತಾರೆ. ಹೀಗೆ ಒಬ್ಬರು ಇನ್ನೊಬ್ಬರನ್ನು ತೋರಿಸುತ್ತ , ತೋರಿಸುತ್ತ ಕೇಸ್ ನ್ನು ಮುಗಿಸಿ ಬಿಟ್ಟಿದ್ದಾರೆ.
ಬೆಳಕಿನ ವ್ಯವಸ್ಥೆ ಇಲ್ಲದೇ ಪೋಸ್ಟ್ ಮಾರ್ಟಮ್
ಅ.10 ರ ಸಂಜೆ 6 ಗಂಟೆಗೆ ದೇಹವನ್ನು ಮರೋಣೋತ್ತಾರ ಪರೀಕ್ಷೆಗೆ ಆಸ್ಫತ್ರೆಗೆ ತರಲಾಗುತ್ತೆ. 7 ಗಂಟೆಗೆ ಪೋಸ್ಟ್ ಮಾರ್ಟಮ್ ನಡೆಸಲಾಗುತ್ತದೆ. ಪೋಸ್ಟ್ ಮಾರ್ಟಮ್ ನಡೆಸುವಾಗ ಸರಿಯಾದ ಬೆಳಕಿನ ವ್ಯವಸ್ಥೆ ಇರಲಿಲ್ಲ ಎಂದು ಅದನ್ನು ಮಾಡಿದ ತನಿಖಾಧಿಕಾರಿ ಆದಂ ರವರು ಹೇಳುತ್ತಾರೆ. ಯಾವ ಕಾರಣಕ್ಕೆ ಸರಿಯಾದ ಬೆಳಕಿನ ವ್ಯವಸ್ಥೆ ಇಲ್ಲದಿದ್ದರೂ ಪೋಸ್ಟ್ ಮಾರ್ಟಮ್ ಮಾಡಲಾಯಿತು ?
ಒಬ್ಬನಲ್ಲ
ಈ ಅಪರಾಧ ಒಬ್ಬ ಮಾಡಿರುವುದಲ್ಲ , ಒಬ್ಬರಿಗಿಂತ ಹೆಚ್ಚು ಜನರು ಸೇರಿ ಕೃತ್ಯ ಎಸಗಿರುವುದಾಗಿ ಗಿ ಪೋಸ್ಟ್ ಮಾರ್ಟಮ್ ಮಾಡಿದ ವೈದ್ಯಾಧಿಕಾರಿ ಆದಂ ಅವರು ಹೇಳಿದ್ದಾರೆ. ಹಾಗಾದರೇ ಸಂತೋಷ್ ಜತೆಗಿದ್ದ ಉಳಿದ ವ್ಯಕ್ತಿಗಳು ಯಾರು ? ಅವರನ್ಯಾಕೆ ಪೊಲೀಸರು ಪತ್ತೆ ಹಚ್ಚಿಲ್ಲ ಎಂದು ಪ್ರಶ್ನಿಸಿದರು.
ಯಾವುದೇ ಸಾಕ್ಷ್ಯಾದಾರಗಳಿಲ್ಲ
ಸಾಕ್ಷ್ಯಧಾರಗಳ ಕೊರತೆಯಿಂದ (Lack of Evidence) ಸಂತೋಷ್ ರಾವ್ ರವರನ್ನು ಈ ಪ್ರಕರಣದಿಂದ ಖುಲಾಸೆಗೊಳಿಸಿದಲ್ಲ, ಈ ಪ್ರಕರಣದಲ್ಲಿ ಸಂತೋಷ್ ರಾವ್ ಕನೆಕ್ಟ್ ಮಾಡಲು ಯಾವುದೇ ಸಾಕ್ಷ್ಯಾದಾರಗಳಿಲ್ಲ (Absolutly No evidence) ಎಂದು ನ್ಯಾಯಾದೀಶರು ತೀರ್ಪಿನಲ್ಲಿ ಸ್ಪಷ್ಟವಾಗಿ ಉಲ್ಲೇಖಿಸಿದ್ದಾರೆ.
ಸಂತೋಷ್ ರಾವ್ ಮತ್ತು ಮಂಪರು ಪರೀಕ್ಷೆ ವಿವಾದ
ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಂತೋಷ್ ರಾವ್ ಮಂಪರು ಪರೀಕ್ಷೆಗೆ ಒಳಪಡಲು ನಿರಾಕರಿಸಿರುವುದಾಗಿ ಸುದ್ದಿಗಳನ್ನು ಹಬ್ಬಿಸಲಾಗುತ್ತಿದೆ. ಒಂದನೇಯದಾಗಿ ಮಂಪರು ಪರೀಕ್ಷೆಗೆ ಒಪ್ಪುವಂತದ್ದು ಬಿಡುವಂತದ್ದು ಸಂವಿಧಾನ ವ್ಯಕ್ತಿಯೊಬ್ಬನಿಗೆ ಕೊಡಮಾಡಿರುವ ಹಕ್ಕು.
ಎರಡನೇಯದು ತನಿಖಾ ಸಂಸ್ಥೆಗಳು ಸಲ್ಲಿಸಿರುವ ಚಾರ್ಜ್ ಶೀಟ್ ನಲ್ಲಿ ಸಂತೋಷ್ ರಾವ್ ಮಂಪರು ಪರೀಕ್ಷೆಗೆ ಒಪ್ಪದಿರುವುದರಿಂದ ಅಗತ್ಯ ಸಾಕ್ಷ್ಯ ಸಂಗ್ರಹಿಸಲು ಸಾಧ್ಯವಾಗಿಲ್ಲ ಅಥಾವ ಹಿನ್ನಡೆಯಾಗಿಲ್ಲ ಎಂದು ಎಲ್ಲಿಯೂ ಉಲ್ಲೇಖಿಸಿಲ್ಲ . ಇದರರ್ಥ ಸಂತೋಷ್ ರಾವ್ ಅನ್ನು ಮಂಪರು ಪರೀಕ್ಷೆಗೆ ಒಳಪಡಿಸದಿರುವುದರಿಂದ ಪೊಲೀಸರ ತನಿಖೆಗೆ ಯಾವುದೇ ರೀತಿಯ ತೊಂದರೆಯಾಗಿಲ್ಲ.
” ಸಂತೋಷ್ ರಾವ್ ಗೆ ಮಂಪರು ಪರೀಕ್ಷೆಗೆ ಒಳಪಡುವಂತೆ ನಾವು ನೊಟೀಸ್ ಕೊಟ್ಟಿದ್ದೇವೆ. ಅದಕ್ಕೆ ಆತ ಉತ್ತರಿಸಿರುವ ಆತ ನಾನು ಮಂಪರು ಪರೀಕ್ಷೆಗೆ ತಯಾರಿಲ್ಲ ಎಂದಿರುವುದಾಗಿ ಮಾತ್ರ ಕೋರ್ಟ್ ಗೆ ಸಲ್ಲಿಸಿರುವ ಚಾರ್ಚ್ ಶೀಟ್ ನಲ್ಲಿ ಉಲ್ಲೇಖಿಸಲಾಗಿದ್ದು, ಈ ಕುರಿತ ಬೇರಾವುದೆ ಮಾಹಿತಿ ಅದರಲ್ಲಿ ಇಲ್ಲ. ಆದರೇ ಸಂತೋಷ್ ರಾವ್ ನೀಡಿದ್ದಾನೆಂದು ಹೇಳಲಾಗುತ್ತಿರುವ ರಿಪ್ಲೈ ನೋಟಿಸ್ ಎಲ್ಲಿದೆ ? ಅದನ್ನು ಯಾಕೆ ಚಾರ್ಚ್ ಶೀಟ್ ನೊಂದಿಗೆ ಮಾರ್ಕ್ ಮಾಡಿ ನ್ಯಾಯಾಲಯಕ್ಕೆ ಸಲ್ಲಿಸಿಲ್ಲ ? ಮಾರ್ಕ್ ಮಾಡಿ ಕೋರ್ಟ್ ಗೆ ಸಲ್ಲಿಸುವುದು ತನಿಖಾಧಿಕಾರಿಯ ಕರ್ತವ್ಯವಲ್ಲವೇ ?
ಮಂಪರು ಪರೀಕ್ಷೆಗೆ ನಿಯಮಗಳೇನು ?
ತನಿಖಾ ಸಂಸ್ಥೆ ವ್ಯಕ್ತಿಯ ಮಂಪರು ಪರೀಕ್ಷೆ ನಡೆಸಲು ಉದ್ದೇಶಿಸಿದ್ದರೇ, ಈ ಕುರಿತು ಅರ್ಜಿಯನ್ನು ನ್ಯಾಯಾಲಯದ ಮುಂದೆ ಸಲ್ಲಿಸಬೇಕು. ನೇರವಾಗಿ ವ್ಯಕ್ತಿಯನ್ನು ಸಂಪರ್ಕಿಸಲು ಸಾಧ್ಯವಿಲ್ಲ. ತನಿಖಾಧಿಕಾರಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದರೇ, ನ್ಯಾಯಾಲಯವು ಸಂಬಂಧಿತ ವ್ಯಕ್ತಿಗೆ ನೊಟೀಸ್ ಜಾರಿ ಮಾಡಿ ಆತನ ಒಪ್ಪಿಗೆ ಇದೆಯೇ ಇಲ್ಲವೇ ಎನ್ನುವುದನ್ನು ನ್ಯಾಯಪೀಠದ ಮುಂಭಾಗ ನಿರ್ದರಿಸಲಾಗುತ್ತದೆ. ಅಂತಹ ಯಾವುದೇ ಪ್ರಯತ್ನ ಪ್ರಾಷಿಕ್ಯೂಷನ್ ಕಡೆಯಿಂದ ಈ ಪ್ರಕರಣದಲ್ಲಿ ಆಗಿಲ್ಲ ಯಾಕೇ ? ತನಿಖಾಧಿಕಾರಿ ನೇರವಾಗಿ ಸಂಬಂಧಿತ ವ್ಯಕ್ತಿಗೆ ನೋಟಿಸ್ ಕೊಡುವ ಪದ್ದತಿಯಿಲ್ಲ. ಹಾಗೊಂದು ವೇಳೆ ಕೊಟ್ಟಿದ್ದರೂ ಆ ರಿಪ್ಲೈ ಅರ್ಜಿಯನ್ನು ಯಾವ ಕಾರಣಕ್ಕಾಗಿ ಮಾರ್ಕ್ ಮಾಡಿಲ್ಲ ? ಎಂದು ಪ್ರಶ್ನಿಸಿದರು.
ಅಶ್ರತ್ ಖಾಲೀದ್ ಹೆಣ್ಣೋ ಗಂಡೋ – ತನಿಖಾಧಿಕಾರಿಗೆ ಮಾಹಿತಿಯಿಲ್ಲ
1 ಗಂಟೆಯಿಂದ 2 ಗಂಟೆ ಹೊತ್ತಿಗೆ 3- 4 ಜನ ಅಲ್ಲಿದ್ದರು ಎಂಬ ವರ್ಷಾಳ ಹೇಳಿಕೆಯನ್ನು ಸಿಬಿಐನವರು ಯಾಕೇ ಪಡೆದಿಲ್ಲ… ಅದು ಅವರಿಗೆ ಮಹತ್ವದ ಸಾಕ್ಷಿ ಅಂತಾ ಅನಿಸಿಲ್ವಾ ?
ಅಶ್ರತ್ ಖಾಲೀದ್ ಎನ್ನುವ ಹುಡುಗಿ ಆ ದುರಾದೃಷ್ಟಕರ ದಿನ ಸೌಜನ್ಯ ಜತೆ ಬಸ್ಸಿನಿಂದ ಇಳಿದಿದ್ದಾಳೆ. ಆ ದಿನ, ಬಸ್ಸಿನಿಂದ ಇಳಿದ ವ್ಯಕ್ತಿ ಹೆಣ್ಣೋ ಗಂಡೋ ಎನ್ನುವುದು ನಿಮಗೆ ಗೊತ್ತಿಲ್ಲ ಎಂದಾದರೇ ನೀವು ಯಾವ ರೀತಿಯ ತನಿಖಾಧಿಕಾರಿ ? ನಿಮ್ಮದ್ದು ಯಾವ ಮಟ್ಟದ ತನಿಖೆ ? ಯೋಗೀಶ್ ಕುಮಾರ್ ಎಂಬ ತನಿಖಾಧಿಕಾರಿಗೆ ಅಶ್ರತ್ ಖಾಲೀದ್ ಎನ್ನುವ ಹುಡುಗಿ ಹೆಣ್ಣೋ ಗಂಡೋ ಎನ್ನುವ ಬಗ್ಗೆ ಮಾಹಿತಿಯಿಲ್ಲ. ಆಕೆ ಸಾಂದರ್ಭಿಕ ಸಾಕ್ಷ್ಯ ಅಲ್ಲ ಅನ್ನುವುದನ್ನು ಯಾವ ಕಾರಣಕ್ಕೆ ಪೊಲೀಸರು ನಿರ್ಧರಿಸಿದರು ?
ಅಶ್ರತ್ ಖಾಲೀದ್ ಮತ್ತು ಸೌಜನ್ಯ ಜತೆಯಾಗಿ ಬಸ್ಸಿನಿಂದ ಇಳಿದಿದ್ದು, ಅದಾದ 5 ನಿಮಿಷದ ಬಳಿಕ ಸೌಜನ್ಯ ಕಾಣೆಯಾಗಿದ್ದಾಳೆ. ಅಶ್ರತ್ ಖಾಲೀದ್ ಮನೆ ಎಲ್ಲಿದೆಯೆಂದು ಆದರೂ ನೀವು ಹುಡುಕಾಡ ನಡೆಸಿದ್ದೀರಾ ? ಅಶ್ರತ್ ಖಾಲೀದ್ ಆಕೆಯ ಮುಂದಿನ ವರ್ಷದ ಶಿಕ್ಷಣವನ್ನು ಕೂಡ ಅದೇ ಕಾಲೇಜಿನಲ್ಲಿ ಮುಂದುವರಿಸಿದ್ದಾಳೆ. ಆಕೆ ಸಿಕ್ಕಿಲ್ಲ , ಎಲ್ಲಿಯೂ ಇಲ್ಲ ಎಂಬ ಬೇಜಾವಬ್ದಾರಿಯುತ ಹೇಳಿಕೆಯನ್ನು ತನಿಖಾಧಿಕಾರಿ ನ್ಯಾಯಾಲಯದ ಮುಂದೆ ನೀಡಿದ್ದು ಇದನ್ನು ನಂಬಲು ಯಾರು ತಯಾರಿಲ್ಲ ಎಂದರು.
ಸ್ಟೇ ತಂದವರು ಯಾರು ? ತಂದದ್ದು ಯಾಕೇ ?
ಸೌಜನ್ಯ ಮನೆಯವರು ನಾಲ್ಕು ಜನರ ಕುರಿತು ಅನುಮಾನ ವ್ಯಕ್ತಪಡಿಸಿ ದೂರು ನೀಡಿ ವಿಚಾರಣೆ ನಡೆಸುವಂತೆ ತಿಳಿಸಿದ್ದು, ಅದು ಹೈ ಕೋರ್ಟು ಮೆಟ್ಟೀಲೇರಿತ್ತು. ಬಳಿಕ ನಾನಾ ಕಾರಣಗಳಿಂದು ಅದು ಬಿದ್ದು ಹೋಯಿತು. ಆ ಬಳಿಕ ಮತ್ತೆ ಆ ಕುರಿತು ತನಿಖೆ ಮುಂದುವರಿದಿದ್ದು (Further Investigation) ಅದಕ್ಕೆ ಸ್ಟೇ ತಂದವರು ಯಾರು ? ಆ ತನಿಖೆ ಯಾರ ಮೇಲೂ ಬೇಕಾದರೂ ಆಗಬಹುದಿತ್ತು . ಅದರಲ್ಲಿ ನಿರ್ದಿಷ್ಟವಾಗಿ ಆರೋಪಿಗಳ ಹೆಸರನ್ನು ಉಲ್ಲೇಖಿಸಿರಲಿಲ್ಲ … ಹಾಗಿದ್ದೂ ಯಾವ ಕಾರಣಕ್ಕಾಗಿ ಆ ತನಿಖೆಗೆ ತಡೆ ತಂದ್ರಿ ? ಮತ್ತು ಆ ತಡೆ ತಂದವರು ಯಾರು ? ಸಂತೋಷ್ ರಾವ್ ಹೊರತು ಪಡಿಸಿ ಬೇರೆ ಯಾರದ್ರೂ ಈ ಪ್ರಕರಣದಲ್ಲಿ ಆರೋಪಿಗಳು ಇದ್ದಾರೆಯೇ ಎಂಬುದನ್ನು ಕಂಡುಕೊಳ್ಳಲಷ್ಟೆ Further Investigation ನಡೆಸಲಾಗುತಿತ್ತು ಹೊರತು ಇಂತಿಂಥವರು ಎಂದು ನಿರ್ದಿಷ್ಟ ವ್ಯಕ್ತಿಗಳ ಹೆಸರನ್ನು ಉಲ್ಲೇಖಿಸಿರಲಿಲ್ಲ . ಹಾಗಿದ್ದೂ ಅದಕ್ಕೆ ಸ್ಟೇ ತರುವ ಜರೂರತ್ತು ಏನಿತ್ತು ? ಇದನ್ನು ಸ್ಟೇ ತಂದವರು ಜನತೆಗೆ ವಿವರಿಸಬೇಕು.
ಕೈಯಲ್ಲಿದ್ದ ಬ್ಯಾಗ್ ಗುಡ್ಡದಲ್ಲಿ ಹೇಗೆ ಬಂತು ?
ಆರೋಪಿಯನ್ನು ಹಿಡಿಯುವ ವೇಳೆ ಆತನ ಕೈಯಲ್ಲಿ ಬ್ಯಾಗಿತ್ತು. ಅದನ್ನು ಪೊಲೀಸರು ಸೀಝ್ ಮಾಡುವುದಿಲ್ಲ. ಬ್ಯಾಗಿನಲ್ಲಿ ದುಡ್ಡು , ಜಪ ಮಾಲೆ, ಲುಂಗಿ ಇತ್ತು ಎಂದು ಹಿಡಿದವರು ಸಾಕ್ಷ್ಯ ನುಡಿದಿದ್ದಾರೆ. ನನ್ನಲ್ಲಿ ಬ್ಯಾಗ್ ಇತ್ತು ನಾನು ಸುಬ್ರಹ್ಮಣ್ಯಕ್ಕೆ ಹೋಗಿದ್ದೆ ಅಲ್ಲಿಂದ ಧರ್ಮಸ್ಥಳಕ್ಕೆ ಬಂದಿದ್ದೇನೆ ಅಲ್ಲಿಂದ ಮನೆಗೆ ಹೋಗುವ ಸಂದರ್ಭ ನನ್ನನ್ನೂ ಹಿಡಿದಿರುವುದಾಗಿ ಸಂತೋಷ್ ರಾವ್ ಹೇಳಿದ್ದಾನೆ. ಹಾಗದರೇ ಆ ಬ್ಯಾಗ್ ಕಾಡಿನೊಳಗೆ ಹೇಗೆ ಹೋಯಿತು ? ಜನ ಸಮೂಹ ದಾಳಿ ನಡೆಸಿ ಹಿಡಿದ ವ್ಯಕ್ತಿಯ ಕೈಯಲ್ಲಿದ್ದ ಬ್ಯಾಗ್ ಕಾಡಿನೊಳಗೆ ಹೇಗೆ ಹೋಯಿತು ? ಅದನ್ನು ಯಾರು ತೆಗೆದುಕೊಂಡು ಹೋದರು ?
ಬಟ್ಟೆಯಲ್ಲಿದ್ದ 6 ನೇ ಕೂದಲು ಯಾರದು ?
ಸಂತೋಷ್ ರಾವ್ ಬಟ್ಟೆಯಲ್ಲಿ 6 ಕೂದಲು ಸಿಕ್ಕಿದ್ದು ಅದರಲ್ಲಿ 5 ಕೂದಲು ಆತನದೇ… ಇನ್ನೊಂದು ಕೊದಲು ಗಂಡಸಿದ್ದು ..! ಆ ಕೂದಲು ಯಾರದ್ದು ಎಂದು ಪೊಲೀಸರು ಯಾಕೇ ತನಿಖೆ ಮಾಡಿಲ್ಲ ?
ಸ್ಯಾಂಪಲ್ ಸಂಗ್ರಹದಲ್ಲಿ ಮಾಡಿದ ಎಡವಟ್ಟು ..!
ಮರಣೋತ್ತಾರ ಪರೀಕ್ಷೆ ನಡೆಸಿದ ವೈದ್ಯರು 10 ನೇ ತಾರೀಕಿಗೆ ಮೃತದೇಹದಿಂದ ಯೋನಿ ಸ್ವ್ಯಾಬ್ (vaginal swab) ಸಂಗ್ರಹಿಸಿದ್ದು ಅದನ್ನು 20 ನೇ ತಾರೀಕಿಗೆ FSL ಗೆ ಕಳುಹಿಸುತ್ತಾರೆ. ಕಳುಹಿಸಿದ ಸ್ಯಾಂಪಲನ್ನು ಲ್ಯಾಬ್ ಗೆ ಕಳುಹಿಸುವಾಗ ಅಗತ್ಯ ಕ್ರಮಗಳನ್ನು ಅನುಸರಿಸಿಲ್ಲ. ಸರಿಯಾಗಿ ಒಣಗಿಸದೇ ಕಳುಹಿಸಿದ ಕಾರಣ ಸ್ಯಾಂಪಲ್ ಗೆ ಫಂಗಸ್ ಹಿಡಿದಿದೆ. ಸಂಗ್ರಹಿಸಿದ 72 ಗಂಟೆಯೊಳಗಡೆ ಲ್ಯಾಬ್ ಗೆ ಕಳುಹಿಸಿದರೇ ಮಾತ್ರ ವರದಿ ನೀಡುತ್ತೇವೆ ಎಂದು ಸ್ಯಾಂಪಲ್ ಪರಿಶೀಲಿಸಿದ ವಿಧಿ ವಿಜ್ಞಾನ ಲ್ಯಾಬ್ ನವರು ತಿಳಿಸಿದ್ದಾರೆ. 10 ನೇ ತಾರೀಕಿಗೆ ಸಂತೋಷ್ ರಾವ್ ಪ್ರಕರಣದ ಆರೋಪಿಯೇ ಆಗಿರಲಿಲ್ಲ… ಹಾಗಿದ್ದೂ ಈ ವೈಫಲ್ಯ ಹೇಗಾಯಿತು ? ಮತ್ತು ತನಿಖೆಯ ಮೇಲೆ ಪ್ರಭಾವ ಬೀರಿದವರು ಯಾರು ? ಈ ಎಲ್ಲ ಅಂಶಗಳನ್ನು ತೀರ್ಪಿನಲ್ಲಿ ನ್ಯಾಯಾದೀಶರು ಅಚ್ಚುಕಟ್ಟಾಗಿ ಉಲ್ಲೇಖಿಸಿದ್ದಾರೆ.
ಅನುಮಾನಿತರನ್ನು ತನಿಖೆಗೆ ಒಳಪಡಿಸಿಲ್ಲ
ಜಡ್ಜ್ ಮೆಂಟ್ ಪ್ರತಿಯ 136ನೇ ಪ್ಯಾರಾದಲ್ಲಿ ಮತ್ತೊಂದು ಆಸಕ್ತಿದಾಯಕ ಅಂಶವನ್ನು ನ್ಯಾಯಾದೀಶರು ಉಲ್ಲೇಖಿಸಿದ್ದಾರೆ. ಸೌಜನ್ಯ ಮನೆಯವರು ಅನುಮಾನ ವ್ಯಕ್ತಪಡಿಸರುವ 3-4 ಜನರನ್ನು ತನಿಖೆಗೆ ಒಳಪಡಿಸುವಲ್ಲಿ ಯಾವುದೇ ಪ್ರಯತ್ನ ಪಟ್ಟಿಲ್ಲ ಎನ್ನುವುದನ್ನು ಸ್ಪಷ್ಟವಾಗಿ ನಮೊದಿಸಿದ್ದಾರೆ.
ಜೈಲಿಗೆ ಹೋಗುವಲ್ಲಿಯವರೆಗೂ ನನಗೆ ಅಲ್ಲಿ ಇಂತಹದೊಂದು ಕೃತ್ಯ ನಡೆದಿದೆ ಎಂಬ ಮಾಹಿತಿಯೇ ಇರಲಿಲ್ಲ ಎಂದು ಸಂತೋಷ್ ರಾವ್ ನನ್ನಲ್ಲಿ ತಿಳಿಸಿದ್ದರು. ದೇಶದ ಅತ್ಯುನ್ನತ ತನಿಖಾ ಸಂಸ್ಥೆಯೂ ಸೇರಿದಂತೆ ಎರೆಡೆರಡು ತನಿಖಾ ಸಂಸ್ಥೆಗಳು ಇಂತಹ ವ್ಯಕ್ತಿಯನ್ನು ಆರೋಪಿಯನ್ನು ಚಾರ್ಜ್ ಶೀಟ್ ನಲ್ಲಿ ಆರೋಪಿಯಾಗಿ ಉಲ್ಲೇಖಿಸಿವೆ. ಭಾರತದಲ್ಲಿ ತನಿಖಾ ಸಂಸ್ಥೆಗಳು ಇಷ್ಟೊಂದು ಬರಗೆಟ್ಟಿವೆಯೇ ?
Uncategorized
ಹಿರಿಯ ಸಹಕಾರಿ ಧುರೀಣ ಕೆ.ಕೆ. ನಾರಾಯಣ ಚಳ್ಳಂಗಾರು ನಿಧನ

ಕಲ್ಮಡ್ಕ: ತಾಲೂಕಿನ ಹಿರಿಯ ಸಹಕಾರಿ ಧುರೀಣ, ಸಾಮಾಜಿಕ ಮುಖಂಡ, ಬಹುಮುಖ ಚಿಂತಕ ಕಲ್ಮಡ್ಕ ಗ್ರಾಮದ ಚಳ್ಳಂಗಾರು ಕೆ.ಕೆ. ನಾರಾಯಣ (88) ಅವರು ವಯೋಸಹಜ ಅನಾರೋಗ್ಯದಿಂದ ಗುರುವಾರ ಸಂಜೆ ನಿಧನರಾದರು.
ಮಂಡಲ ಪಂಚಾಯತ್ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದ ಅವರು, ತಮ್ಮ ಅವಧಿಯಲ್ಲಿ ಗ್ರಾಮದಲ್ಲಿ ಅಭಿವೃದ್ಧಿಯ ಹೊಸ ಶಕೆಗೆ ನಾಂದಿ ಹಾಡಿದ್ದರು. ಕಲ್ಮಡ್ಕ ಸಹಕಾರಿ ಸಂಘದ ನಿರ್ದೇಶಕರಾಗಿ ಸಂಸ್ಥೆಯ ಬೆಳವಣಿಗೆಗೆ ಮಹತ್ವದ ಕೊಡುಗೆ ನೀಡಿದ್ದ ಅವರು, ಸಹಕಾರ ಕ್ಷೇತ್ರದಲ್ಲಿ ಅಪಾರ ಅನುಭವ ಹೊಂದಿದ್ದರು. ಪ್ರಗತಿಪರ ಕೃಷಿಕರಾಗಿಯೂ ಗುರುತಿಸಿಕೊಂಡಿದ್ದರು.
ಕಲ್ಮಡ್ಕ ಪ್ರಾಥಮಿಕ ಶಾಲೆಯ ಅಭಿವೃದ್ಧಿಗೆ ವಿಶೇಷ ಶ್ರಮ ವಹಿಸಿದ್ದ ಅವರು, ಹಿರಿಯ ವಿದ್ಯಾರ್ಥಿ ಸಂಘದ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು. ಯಕ್ಷಗಾನದ ಅರ್ಥಧಾರಿಯಾಗಿ ಕಲಾ ಕ್ಷೇತ್ರದಲ್ಲಿಯೂ ಗುರುತಿಸಿಕೊಂಡಿದ್ದ ನಾರಾಯಣ ಅವರು, ಸಂಗಮ ಕಲಾ ಸಂಘದ ನಿರ್ದೇಶಕರಾಗಿ ಹಲವು ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದರು. ಉತ್ತಮ ಓದುಗ ಹಾಗೂ ವಿಮರ್ಶಕರಾಗಿದ್ದ ಅವರು ಸಾಹಿತ್ಯ, ಕಲೆ, ಸಹಕಾರ ಮತ್ತು ಸಾಮಾಜಿಕ ಕ್ಷೇತ್ರಗಳಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದರು.
ಮೃತರು ಪತ್ನಿ ಸುಬ್ಬಮ್ಮ, ಪುತ್ರಿಯರಾದ ವಿದ್ಯಾ, ಜಯಶ್ರೀ, ದೀಪಿಕಾ, ಪುತ್ರ, ಕ್ಯಾಂಪ್ಕೋ ನಿರ್ದೇಶಕ ಹಾಗೂ ಬಿಜೆಪಿ ಮುಖಂಡ ನ್ಯಾಯವಾದಿ ಮುರಳಿಕೃಷ್ಣ ಚಳ್ಳಂಗಾರು, ಸೊಸೆ ರಮ್ಯಾ ಸೇರಿದಂತೆ ಅಪಾರ ಬಂಧುಮಿತ್ರರನ್ನು ಅಗಲಿದ್ದಾರೆ.
Uncategorized
ನೆಲಪ್ಪಾಲು ವೀರಾಂಜನೇಯ ಕ್ಷೇತ್ರದಲ್ಲಿ ಪಂಚಮುಖಿ ಆಂಜನೇಯ ಹವನ- ಆಟೋ ರಿಕ್ಷಾಗಳಿಗೆ ಸ್ಟಿಕ್ಕರ್ ಅಭಿಯಾನಕ್ಕೆ ವಿಪಕ್ಷ ನಾಯಕ ಆರ್ ಅಶೋಕ್ ಚಾಲನೆ

ಪುತ್ತೂರು: ಲೋಕಕಲ್ಯಾಣ ಹಾಗೂ ಹಿಂದೂ ಸಮಾಜದ ಏಕತೆಯ ಸಂಕಲ್ಪದೊಂದಿಗೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಪ್ರಥಮ ಬಾರಿಗೆ ಪುತ್ತೂರು ತಾಲೂಕಿನ ನೆಲಪ್ಪಾಲು ವೀರಾಂಜನೇಯ ಕ್ಷೇತ್ರದಲ್ಲಿ ನ.26ರಿಂದ 29ರವರೆಗೆ ನಡೆಯಲಿರುವ ಪಂಚಮುಖಿ ಆಂಜನೇಯ ಹವನದ ಪ್ರಚಾರಾರ್ಥ ಆಟೋ ರಿಕ್ಷಾಗಳಿಗೆ ಸ್ಟಿಕ್ಕರ್ ಅಭಿಯಾನಕ್ಕೆ ವಿಧಾನಸಭೆಯ ವಿರೋಧಪಕ್ಷದ ನಾಯಕ ಆರ್.ಅಶೋಕ್ ಅವರು ಚಾಲನೆ ನೀಡಿದರು.
ನ.19ರಂದು ಪುತ್ತೂರಿನಲ್ಲಿ ಖಾಸಗಿ ಕಾರ್ಯಕ್ರಮಕ್ಕೆ ಆಗಮಿಸಿದ ಅವರು ಪುತ್ತೂರು ಕೆ.ಎಸ್.ಆರ್.ಟಿ.ಸಿ ಬಸ್ ನಿಲ್ದಾಣದ ಬಳಿ ವೀರಾಂಜನೇಯ ಕ್ಷೇತ್ರದಲ್ಲಿ ನಡೆಯುವ ಪಂಚಮುಖಿ ಆಂಜನೇಯ ಹವನದ ಸ್ಟಿಕ್ಕರ್ ಅನ್ನು ಆಟೋ ರಿಕ್ಷಾಗಳಿಗೆ ಅಂಟಿಸುವ ಮೂಲಕ ಚಾಲನೆ ನೀಡಿ ಕಾರ್ಯಕ್ರಮಕ್ಕೆ ಯಶಸ್ಸು ಕೋರಿದರು.
ಆಟೋ ರಿಕ್ಷಾಗಳ ಎದುರಿನ ಮತ್ತು ಹಿಂಬದಿಯ ಭಾಗಕ್ಕೆ ತಾವೆ ಸ್ವತಃ ಸ್ಟಿಕ್ಕರ್ ಅಂಟಿಸಿ ಎಲ್ಲರೂ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಮನವಿ ಮಾಡಿದರು.
ಈ ಸಂದರ್ಭ ಮಾಜಿ ಶಾಸಕ ಸಂಜೀವ ಮಠಂದೂರು, ಪಂಚಮುಖಿ ಆಂಜನೇಯ ಯಾಗ ಸಮಿತಿ ಪ್ರಧಾನ ಕಾರ್ಯದರ್ಶಿ ಮುರಳಿಕೃಷ್ಣ ಹಸಂತಡ್ಕ, ಬಿಜೆಪಿ ಜಿಲ್ಲಾಧ್ಯಕ್ಷ ಸತೀಶ್ ಕುಂಪಲ, ಬಿಜೆಪಿ ಗ್ರಾಮಾಂತರ ಮಂಡಲದ ಅಧ್ಯಕ್ಷ ದಯಾನಂದ ಶೆಟ್ಟಿ ಉಜಿರೆಮಾರು, ಪ್ರಧಾನ ಕಾರ್ಯದರ್ಶಿ ಸುನಿಲ್ ದಡ್ಡು, ಯಾಗ ಸಮಿತಿಯ ಪ್ರಮುಖರಾದ ಶ್ಯಾಮ ಸುದರ್ಶನ್ ಹೊಸಮೂಲೆ, ಜಯಂತ ಶೆಟ್ಟಿ ಕಂಬಳತ್ತಡ್ಕ, ಶ್ರೀಧರ್ ತೆಂಕಿಲ ಸಹಿತ ಆಟೋ ರಿಕ್ಷಾ ಚಾಲಕರು ಮತ್ತು ಮಾಲಕರು ಉಪಸ್ಥಿತರಿದ್ದರು.
Uncategorized
Puttur-ಪುತ್ತೂರು: ಕೃಷ್ಣನಗರದಲ್ಲಿ ಮನೆ ಕಳ್ಳತನ- 2.19 ಲಕ್ಷ ರೂ. ಮೌಲ್ಯದ ಸೊತ್ತು ಕಳವು
ಮದುವೆ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಕುಟುಂಬ ಸಮೇತರಾಗಿ ಊರಿಗೆ ತೆರಳಿದ್ದ ಸಂದರ್ಭವನ್ನು ದುರುಪಯೋಗಪಡಿಸಿಕೊಂಡ ಕಳ್ಳರು ಮನೆಯ ಬೀಗ ಮುರಿದು ಚಿನ್ನಾಭರಣ ಹಾಗೂ ನಗದು ಹಣ ಕಳವು ಮಾಡಿರುವ ಘಟನೆ ಪುತ್ತೂರು ತಾಲೂಕಿನ ಚಿಕ್ಕಮುಡೂರು ಗ್ರಾಮದ ಕೃಷ್ಣನಗರದಲ್ಲಿ ನಡೆದಿದೆ.
ಪುತ್ತೂರು: ಮದುವೆ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಕುಟುಂಬ ಸಮೇತರಾಗಿ ಊರಿಗೆ ತೆರಳಿದ್ದ ಸಂದರ್ಭವನ್ನು ದುರುಪಯೋಗಪಡಿಸಿಕೊಂಡ ಕಳ್ಳರು ಮನೆಯ ಬೀಗ ಮುರಿದು ಚಿನ್ನಾಭರಣ ಹಾಗೂ ನಗದು ಹಣ ಕಳವು ಮಾಡಿರುವ ಘಟನೆ ಪುತ್ತೂರು ತಾಲೂಕಿನ ಚಿಕ್ಕಮುಡೂರು ಗ್ರಾಮದ ಕೃಷ್ಣನಗರದಲ್ಲಿ ನಡೆದಿದೆ.
ಕೃಷ್ಣನಗರದಲ್ಲಿ ಉದಯ ಕುಮಾರ್ ಅವರಿಗೆ ಸೇರಿದ ಬಾಡಿಗೆ ಮನೆಯಲ್ಲಿ ಹಿರೇಬಂಡಾಡಿ ಮೂಲದ ಯತೀಶ್ ಅವರು ಕುಟುಂಬ ಸಮೇತರಾಗಿ ವಾಸವಾಗಿದ್ದಾರೆ. ಸಹೋದರ ತಿಲಕ್ ಅವರ ಮದುವೆ ಕಾರ್ಯಕ್ರಮದ ನಿಮಿತ್ತ ನ.12ರಂದು ರಾತ್ರಿ ಮನೆಗೆ ಬೀಗ ಹಾಕಿ ಕುಟುಂಬದೊಂದಿಗೆ ಹಿರೇಬಂಡಾಡಿ ಗ್ರಾಮದ ಕೆಮ್ಮಾರದಲ್ಲಿರುವ ತಮ್ಮ ಮನೆಗೆ ತೆರಳಿದ್ದರು.
ಮದುವೆ ಕಾರ್ಯಕ್ರಮ ಮುಗಿಸಿ, ನ.16ರಂದು ರಾತ್ರಿ ನಡೆಯಲಿದ್ದ ಔತಣಕೂಟಕ್ಕೆ ತೆರಳುವ ಮೊದಲು ಮಗುವಿನ ಬಟ್ಟೆ ಹಾಗೂ ಇತರ ಅಗತ್ಯ ವಸ್ತುಗಳನ್ನು ತೆಗೆದುಕೊಂಡು ಹೋಗಲು ಸಂಜೆ ವೇಳೆ ಬಾಡಿಗೆ ಮನೆಗೆ ಬಂದಾಗ ಮನೆಯ ಮುಂಭಾಗದ ಬಾಗಿಲಿನ ಬೀಗ ಮುರಿದಿರುವುದು ಗಮನಕ್ಕೆ ಬಂದಿದೆ.
ತಕ್ಷಣ ಮನೆಯೊಳಗೆ ತೆರಳಿ ಪರಿಶೀಲಿಸಿದಾಗ ಎರಡು ಕಬ್ಬಿಣದ ಕಪಾಟುಗಳ ಬಾಗಿಲುಗಳನ್ನು ಯಾವುದೋ ಸಾಧನದಿಂದ ಮೀಟಿ ತೆರೆಯಲಾಗಿತ್ತು. ಕಪಾಟಿನಲ್ಲಿದ್ದ ಚಿನ್ನಾಭರಣ ಹಾಗೂ ನಗದು ಹಣ ಕಳವಾಗಿರುವುದು ಬೆಳಕಿಗೆ ಬಂದಿದೆ.
ಕಳ್ಳರು ಮೂರು ಜೊತೆ ಚಿನ್ನದ ಬೆಂಡೋಲೆ (12 ಗ್ರಾಂ), ಒಂದು ಮೂಗುತಿ (1 ಗ್ರಾಂ), ಮಗುವಿನ ಎರಡು ಜೊತೆ ಕಿವಿಯೋಲೆಗಳು (ಒಟ್ಟು 5 ಗ್ರಾಂ), ಎರಡು ಮಗುವಿನ ಬಳೆಗಳು (4 ಗ್ರಾಂ), 40 ಸಾವಿರ ರೂ. ಮೌಲ್ಯದ ಡೈಮಂಡ್ ಪೆಂಡೆಂಟ್ ಹಾಗೂ 3 ಸಾವಿರ ರೂ. ನಗದು ಹಣವನ್ನು ಕಳವು ಮಾಡಿದ್ದಾರೆ.
ಕಳವಾದ ಚಿನ್ನಾಭರಣಗಳ ಒಟ್ಟು ತೂಕ ಸುಮಾರು 22 ಗ್ರಾಂ ಆಗಿದ್ದು, ನಗದು ಹಣ ಹಾಗೂ ಡೈಮಂಡ್ ಪೆಂಡೆಂಟ್ ಸೇರಿದಂತೆ ಕಳವಾದ ಸೊತ್ತುಗಳ ಒಟ್ಟು ಅಂದಾಜು ಮೌಲ್ಯ 2.19 ಲಕ್ಷ ರೂ. ಎಂದು ದೂರಿನಲ್ಲಿ ತಿಳಿಸಲಾಗಿದೆ.
ಈ ಕುರಿತು ಪುತ್ತೂರು ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
-
ಅಪರಾಧ21 hours agoMangalore-ಕಣಚೂರು ಮೆಡಿಕಲ್ ಕಾಲೇಜು ಆವರಣದಲ್ಲೇ ವಿದ್ಯಾರ್ಥಿನಿ ಅಪಹರಣ..! ಹಿಂದೂ ಯುವಕ ಲವ್ ಆರೋಪ – ವಿಡಿಯೋ ವೈರಲ್ : ತನಿಖೆಗೆ ಕಮಿಷನರ್ ಸೂಚನೆ
-
ರಾಜಕೀಯ21 hours agoBJP leaders-ಗಡಿಪಾರಿಗೊಳಗಾದ ನರಸಿಂಹ ಮಾಣಿ ಮನೆಗೆ ಬಿಜೆಪಿ ಮುಖಂಡರ ಭೇಟಿ; ಕುಟುಂಬಕ್ಕೆ ಆತ್ಮಸ್ಥೈರ್ಯ
-
ಬಿಗ್ ನ್ಯೂಸ್20 hours agoHigh Court-Social Media ಅಕೌಂಟ್ ಇದ್ದ ಮಾತ್ರಕ್ಕೆ ಮನಸ್ಸಿಗೆ ಬಂದಿದ್ದನ್ನೆಲ್ಲ ಪೋಸ್ಟ್ ಮಾಡುವ Free Licence ಇಲ್ಲ : ಬೆಳ್ತಂಗಡಿಯ ಮೋಹನ್ ಬೋಳಂಗಡಿ – ಶುಭಾ ರೈ ವಿರುದ್ಧ ದಾಖಲಾದ ಪ್ರಕರಣದಲ್ಲಿ ಹೈಕೋರ್ಟ್ ಮಹತ್ವದ ಎಚ್ಚರಿಕೆ
-
ನಿಧನ ವಾರ್ತೆ19 hours agoSavitri Devi-ಸಿಎಂ ಯೋಗಿ ಆದಿತ್ಯನಾಥ್ ತಾಯಿ ಸಾವಿತ್ರಿ ದೇವಿ ನಿಧನ
-
ದಕ್ಷಿಣ ಕನ್ನಡ18 hours ago
Ashok janamana 2026 : ಪುತ್ತೂರಿನಲ್ಲಿ ಅದ್ದೂರಿ ‘ಅಶೋಕ ಜನಮನ-2026’ ಸಂಭ್ರಮಕ್ಕೆ ಕ್ಷಣಗಣನೆ ! ಬಿ.ಕೆ. ಹರಿಪ್ರಸಾದ್, ಕೃಷ್ಣ ಬೈರೇಗೌಡ, ಯು.ಟಿ. ಖಾದರ್ ಸಹಿತ ರಾಜಕೀಯ, ಧಾರ್ಮಿಕ ಗಣ್ಯರ ಸಮಾಗಮ
-
ಅಪರಾಧ19 hours agoMangalore-ಮಂಗಳೂರು: ಕೆಲಸ ಮಾಡಿದ ಹಣ ನೀಡದ ವಿಚಾರಕ್ಕೆ ಮನೆ ಮಾಲೀಕನ ಕೊಲೆ; ಆರೋಪಿಗೆ ಜೀವಾವಧಿ ಶಿಕ್ಷೆ, ಮತ್ತೊಬ್ಬ ಖುಲಾಸೆ
-
ಬಿಗ್ ನ್ಯೂಸ್24 hours agoMuraleedhar Rai-ಮೆಸ್ಕಾಂ ನಿರ್ದೇಶಕರಾಗಿ ಮುರಳೀಧರ ರೈ ಮಠಂತಬೆಟ್ಟು ಸರ್ಕಾರದಿಂದ ನೇಮಕ
-
ಮಂಗಳೂರು19 hours agoSavanuru Cooperative Society-ʻಅತ್ಯುತ್ತಮ ವಿವಿಧೋದ್ದೇಶ ಸಹಕಾರ ಸಂಘʼಪ್ರಶಸ್ತಿಯ ಗರಿ ಮುಡಿಗೇರಿಸಿಕೊಂಡ ‘ಆದರ್ಶ ವಿವಿಧೋದ್ದೇಶ ಸಹಕಾರ ಸಂಘ’; ಸವಣೂರು ಸೀತಾರಾಮ ರೈ ಅವರಿಗೆ ಜಿ.ಟಿ. ದೇವೇಗೌಡರಿಂದ ಪ್ರಶಸ್ತಿ ಪ್ರಧಾನ















