ನಿನ್ನೆಯ ಪ್ರತಿಭಟನೆಯಿಂದ ಸೌಜನ್ಯನಿಗೆ ಯಾವ ನ್ಯಾಯ ಸಿಗುತ್ತದೆ ಸಿಬಿಐ ತನಿಖೆಯನ್ನು ಚೆನ್ನಾಗಿ ಮಾಡಿ ಸೌಜನ್ಯನಿಗೆ ನ್ಯಾಯ ಕೊಡಿಸಬಹುದಿತ್ತು. ಸೌಜನ್ಯ ಪ್ರಕರಣ ಈಗ ಕೇಂದ್ರ ಸರ್ಕಾರದ ವಶದಲ್ಲಿದೆ .ರಾಜ್ಯ ಸರ್ಕಾರ ಈ ಪ್ರಕರಣವನ್ನು ನೇರ ತನಿಖೆ ಮಾಡಲು ಸಾಧ್ಯವಿಲ್ಲ. ಕೇಂದ್ರ ಸರ್ಕಾರ, ರಾಜ್ಯ ಸರ್ಕಾರಕ್ಕೆ ಈ ಪ್ರಕರಣವನ್ನು ಬಿಟ್ಟು ಕೊಡಬೇಕು. ಆದರೆ ಕರಾವಳಿಯ ಬಿಜೆಪಿ ಶಾಸಕರು ಹಾಗೂ ಸಂಸದರಿಗೆ ಮೋದಿ ಸರಕಾರದ ನಂಬಿಕೆಯಿಲ್ಲ. ಅದಕ್ಕಾಗಿ ಸಿದ್ದರಾಮಯ್ಯ ಸರಕಾರವನ್ನು ಪ್ರಕರಣದ ತನಿಖೆ ನಡೆಸುವಂತೆ ಒತ್ತಾಯಿಸುತ್ತಿದೆ. ಸಿದ್ದರಾಮಯ್ಯನವರ ಮೇಲೆ ನಂಬಿಕೆ ಇರುವ ನೀವು ಕಾಂಗ್ರೆಸ್‌ ಸೇರಿ ನಿಮಗೆ ನಾನುಭವ್ಯ ಸ್ವಾಗತ ಮಾಡುತ್ತೇವೆ. ಮತ್ತೆ ಒಟ್ಟಾಗಿ ಸೌಜನ್ಯಳಿಗೆ ನ್ಯಾಯ ದೊರಕಿಸಿ ಕೊಡಲು ಹೋರಾಡುವ ಎಂದು ವ್ಯಂಗ್ಯವಾಡಿದರು.

ಕಾರ್ಕಳದ ಸುನಿಲ್ ಕುಮಾರ್ ಶಾಸಕ ಮತ್ತು ಮಂತ್ರಿ ಆಗಿದ್ದವರು. ಯಾಕೆ ಸದನದಲ್ಲಿ ಯಾಕೆ ಅವರು ಸೌಜನ್ಯ ಪ್ರಕರಣ ವಿಷಯ ಎತ್ತಿಲ್ಲ ? ಏನು ಸುನಿಲ್ ಕುಮಾರ್ ಸೊಪ್ಪು ಕಡಿಯಲು ಹೋಗಿದ್ರಾ?”   ಹರೀಶ್ ಪೂಂಜಾ ಕೂಡಾ ಸದನದಲ್ಲಿ ಯಾವತ್ತೂ ಪ್ರಸ್ತಾಪಿಸಿಲ್ಲ.  40% ಕಮೀಷನ್‌ ಹೊಡೆಯುವುದರಲ್ಲಿ ನಿಷ್ಣಾತ ರಾಗಿರುವ ಪೂಂಜಾ ಸಿಎಂಗಿಂತಲೂ ಮಿಗಿಲಾದ ಗಣ್ಯರು ಎಂದರು

2013 ರಲ್ಲಿ ಬೆಳ್ತಂಗಡಿಯಲ್ಲಿ ನಡೆದ ಸ್ವಾತಂತ್ರ್ಯೋತ್ಸವದ ಸಮಾರಂಭದಲ್ಲಿ ಸಿಬಿಐಗೆ ಕೊಡದೆ ನಾನು ಬೆಳ್ತಂಗಡಿಗೆ ಬರಲ್ಲ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಆಗ ‘ ನೋಡಿ ಬಂಗೇರ, ಇದೆಲ್ಲ ಬೇಡ ‘ ಎಂದಿದ್ದರು. ಆ ನಂತರ ನನ್ನನ್ನು ಕರೆದು ಸಿದ್ದರಾಮಯ್ಯ ಒಂದೂವರೇ ಗಂಟೆ ಮಾತಾಡಿದ್ರು. ನಾನು ಸರಿಯಾಗಿ ವಿವರಿಸಿದೆ. ನಂತರ ಮತ್ತೆ ಸದನ ಶುರುವಾಯಿತು. ಅಲ್ಲಿ ಸಿದ್ದರಾಮಯ್ಯ ನೇರವಾಗಿ ಬಂದು ಸಿಬಿಐ ತನಿಖೆಗೆ ಆದೇಶ ಕೊಟ್ರು. ಆಗ ಕಾಂಗ್ರೆಸ್ ಸರ್ಕಾರ ಕೂಡಾ ಕೇಂದ್ರದಲ್ಲಿ ಇತ್ತು. 

ಬಿಜೆಪಿ ಶಾಸಕರು ನನಗೆ ರಕ್ಷಣೆ ಕೊಡುವ ಮಾತುಗಳನ್ನು ಆಡಿದ್ದಾರೆ. ಬಿಜೆಪಿ ಮುಖಂಡರಿಗೆ ಮೋದಿ ಬಳಿ ಹೋಗಲು ಧೈರ್ಯ ಇಲ್ವಾ?  ನಾನು ನಿಮ್ಮನ್ನು ಮೋದಿ ಬಳಿ ಕರೆದುಕೊಂಡು ಹೋಗುತ್ತೇನೆ ಹೆದರಿ ಓಡುವ‌ ನಿಮಗೆ ಮೋದಿ ಎದುರು ನಿಲ್ಲುವ ಶಕ್ತಿ ಇಲ್ಲ ಮೋದಿ ನೋಡಲು ನಳಿನ್ ಬ್ಯಾರಿಕೇಡ್ ನಲ್ಲಿ ನೇತಾಡುತ್ತಾರೆ ಎಂದು ಕಟಕಿಯಾಡಿದರು.

ಮಾಜಿ ಸಚಿವ ಸುನೀಲ್ ಕುಮಾರ್ ಹೆಬ್ರಿಯ ಸುಚಿತ್ರ ಶೆಟ್ಟಿ ಹತ್ಯೆ  ಪ್ರಕರಣವನ್ನು ಮುಂದಿಟ್ಟುಕೊಂಡು ನ್ಯಾಯ ದೊರಕಿಸಿ ಕೊಡುವುದಾಗಿ  ಹೇಳಿ  ಚುನಾವಣೆಯಲ್ಲಿ ಗೆದ್ದಿದ್ರು. ಸುನೀಲ್ ಕುಮಾರ್ ಹತ್ಯೆಯಾದ ಹೆಬ್ರಿಯ ಸುಚಿತ್ರ ಶೆಟ್ಟಿಗೆ ನ್ಯಾಯ ಕೊಟ್ಟಿದ್ದಾರಾ? ಎಂದರು.

ಒಡನಾಡಿ ನಿರ್ದೇಶಕರಾದ ಸ್ಟ್ಯಾನ್ಲಿ, ಪರಶುರಾಮ , ಸಿಐಟಿಯು ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸುನಿಲ್ ಕುಮಾರ್, ಸಾಹಿತಿ ಮತ್ತು ಕಾಮ್ರೇಡ್ ನೀಲಾ, ಛಲವಾದಿ ಸಂಘಟನೆ ನಾಯಕ ಮೀನಾಕ್ಷಿ, ಮುನೀರ್ ಕಾಟಿಪಳ್ಳ, ಸುರೇಂದ್ರ ರಾವ್, ಮಹಿಳಾ ಚಳವಳಿ ನಾಯಕಿ ಸಂಗಾತಿ ಗೌರಮ್ಮ, ರೈತ ಸಂಘ ಮುಖಂಡ ಭರತ್ ರಾಜ್, ಪತ್ರಕರ್ತ ವಿಠಲ್ ಮಲೆಕುಡಿಯ, ಸಿಪಿಐ ನಾಯಕರು, ಪ್ರಭಾ ಬೆಳವಂಗಳ, ವಿಚಾರವಾದಿ ನರೇಂದ್ರ ನಾಯಕ್, ಬೆಂಗಳೂರು ವಿವಿಯ ಮಾಜಿ ಸೆನೆಟ್ ಸದಸ್ಯೆ ಲಕ್ಷ್ಮೀ, ಸಬೀಹಾ ಭೂಮಿಗೌಡ, ಪ್ರಗತಿಪರ ಸಂಘಟನೆಗಳು, ಹೈ ಕೋರ್ಟ್ ವಕೀಲ ಶ್ರೀನಿವಾಸ್,ಬಿ.ಎಂ.ಭಟ್ ಮುಂತಾದ 100 ಕ್ಕೂ ಹೆಚ್ಚು ಸಂಘಟನೆಗಳು ಈ ಬೃಹತ್ ಚಳವಳಿಗೆ ತಮ್ಮ ಬೆಂಬಲ ನೀಡಿ ಆಗಮಿಸಿದ್ದರು.