ಕಾಣಿಯೂರು : ಅ 21:  ಕಂಬಳಿ ಮಾರುವ ಸೋಗಿನಲ್ಲಿ ಬಂದು ಕಾಣಿಯೂರು ಸಮೀಪದ ದೊಳ್ಪಾಡಿಯಲ್ಲಿ  ಮಹಿಳೆಯೊಬ್ಬರ  ಮಾನ ಭಂಗಕ್ಕೆ ಯತ್ನಿಸಿದ ಬಗ್ಗೆ ಅ.20 ರಂದು ಕಡಬ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಇದೀಗ ಈ ಪ್ರಕರಣದ ಆರೋಪಿಗಳು ಬೆಳ್ಳಾರೆ ಠಾಣೆಯಲ್ಲಿ ಪ್ರತಿ ದೂರು ದಾಖಲಿಸಿದ್ದು ನಮ್ಮ ಮೇಲೆ ಗುಂಪೊಂದು ಹಲ್ಲೆ ನಡೆಸಿರುವುದಾಗಿ ಆರೋಪಿಸಿದ್ದಾರೆ.  ಹಲ್ಲೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಮಂಗಳೂರು ತಾಲೂಕಿನ ಅಡ್ಡೂರು  ಗ್ರಾಮದ ಹೊಳೆ ಬದಿ ನಿವಾಸಿ,ರಮೀಜುದ್ದಿನ್ ಮತ್ತು ಆತನ ಸಂಬಂಧಿಕ  ಮಹಮ್ಮದ್ ರಫೀಕ್ ಹಲ್ಲೆಗೊಳಗಾದ ಬಗ್ಗೆ ದೂರು ನೀಡಿದವರು. ಕಡಬ  ತಾಲೂಕಿನ ದೊಳ್ಪಾಡಿ  ಗ್ರಾಮದ ಪರಿಶಿಷ್ಠ ಜಾತಿಗೆ ಸೇರಿದ 44 ರ ಹರೆಯದ ಮಹಿಳೆಯೊಬ್ಬರು ಈ ಇಬ್ಬರು ಮಾನಭಂಗಕ್ಕೆ ಯತ್ನಿಸಿರುವ ಹಾಗೂ ಜಾತಿ ನಿಂದನೆ ಮಾಡಿದ ಬಗ್ಗೆ ಕಡಬ ಠಾಣೆಯಲ್ಲಿ ದೂರು ನೀಡಿದ್ದು ಪ್ರಕರಣ ದಾಖಲಾಗಿದೆ .

alt="Ad Widget"/>

ಮಹಿಳೆ ನೀಡಿದ ದೂರಿನಲ್ಲಿ ಏನಿದೆ ?

ಸಂತ್ರಸ್ತ ಮಹಿಳೆ ಪರಿಶಿಷ್ಠ ಜಾತಿಯವರಾಗಿದ್ದು ಕೂಲಿ ಕೆಲಸ ಮಾಡಿಕೊಂಡಿರುತ್ತಾರೆ.  ಅ.20 ರಂದು ಅವರು  ಕೂಲಿ ಕೆಲಸಕ್ಕೆ ಹೋಗದೇ ಮನೆಯಲ್ಲಿದ್ದರು. ಅಂದು ಆರೋಪಿಗಳಾದ  ರಮೀಜುದ್ದಿನ್ ಮತ್ತು ಮಹಮ್ಮದ್ ರಫೀಕ್  ಮಧ್ಯಾಹ್ನ  12.30 ಗಂಟೆಗೆ  ನೀಲಿ ಬಣ್ಣದ ಕಾರಿನಲ್ಲಿ ಮನೆಗೆ ಬಂದಿದ್ದು ಬೆಡ್‌ಶೀಟ್‌ ಮಾರಾಟಕ್ಕೆ ಯತ್ನಿಸಿದ್ದಾರೆ,  ಬಾಗಿಲಿನ ಬಳಿ ಬಂದ ಆರೋಪಿಗಳು  ಬೆಡ್‌ಶೀಟ್‌ ಬೇಕಾ ಎಂದು ಕೇಳಿದ್ದು, ಮಹಿಳೆಯೂ  ದರ ವಿಚಾರಿಸಿದ್ದಾರೆ.   

<>

ಆದರೇ ರೇಟ್‌ ಹೇಳದ ಅವರು ಕಡಿಮೆ ಮಾಡಿ ಕೊಡುವ ಎಂದು ಹೇಳಿದ್ದು, ನನ್ನಲ್ಲಿ ಅಷ್ಟು ಹಣವಿಲ್ಲ, ನೀವು ರೇಟ್‌ ಹೆಳಿದರೇ ನಾನು ಬೆಡ್‌ಶೀಟ್‌ ನೋಡುತ್ತೇನೆ ಎಂದು ಮಹಿಳೆ ಉತ್ತರಿಸಿದ್ದಾರೆ. ಆಗ ಆರೋಪಿಗಳ ಪೈಕಿ ಓರ್ವ “ನಿಮ್ಮಲ್ಲಿ ಹಣವಿಲ್ಲದಿದ್ದರೇ ನೀವು ನನ್ನೊಂದಿಗೆ ಸ್ವಲ್ಪ ಅಡ್ಜೆಸ್ಟ್ ಮಾಡಿಕೊಂಡು ನಮ್ಮೋಂದಿಗೆ ಮಲಗಿದರೆ ನಿಮಗೆ ಬೇಕಾದರೇ ನಾವು ಹಣವನ್ನು ಸಹ ಕೊಟ್ಟು ಹೋಗುತ್ತೇವೆ ಎಂದು ಹೇಳಿರುವುದಾಗಿ ಆರೋಪಿಸಲಾಗಿದೆ

 ನಾವು ಆ ರೀತಿ ಜನರಲ್ಲ. ನೀವು ಮನೆಯಿಂದ ಹೋಗಿ ಎಂದು  ಮಹಿಳೆ ಹೇಳಿದ್ದು ಆಗ ಆರೋಪಿಯು   ಆಕೆಯ  ಕೈಹಿಡಿದು ಎಳೆದಿದ್ದು, ಮನೆಯೊಳಗಡೆ ಬಂದು ಮಾನಭಂಗಕ್ಕೆ ಯತ್ನಿಸಿದ್ದಾನೆ . ಆಗ ಮಹಿಳೆಯು ಜೋರಾಗಿ ಬೊಬ್ಬೆ ಹೊಡೆದಿದ್ದು ಆರೋಪಿಗಳು ಪರಾರಿಯಾಗಿದ್ದಾರೆಂದು ದೂರಿನಲ್ಲಿ ತಿಳಿಸಲಾಗಿದೆ. ಆರೋಪಿಗಳ ವಿರುದ್ದ  ಐಪಿಸಿ ಕಲಂ : 448,354,ಜೊತೆಗೆ 34 ಮತ್ತು ಕಲಂ:3(2)(Va) SC and ST amendment Act  2015ರಂತೆ ಪ್ರಕರಣ ದಾಖಲಾಗಿದೆ.

Kadaba | ಕಾಣಿಯೂರು : ಬಟ್ಟೆ ಮಾರುವ ನೆಪದಲ್ಲಿ ಬಂದು ಹಾಡುಹಗಲೇ ಮಹಿಳೆಯ ಮಾನಭಂಗಕ್ಕೆ ಯತ್ನ – ಪರಾರಿಯಾಗುವ ವೇಳೆ ಕಾರು ಅಪಘಾತಕ್ಕಿಡಾಗಿ ಇಬ್ಬರಿಗೆ ಗಾಯ | ರಫೀಕ್, ರಮೀಜ್ ವಿರುದ್ದ ಪ್ರಕರಣ ದಾಖಲು

ಪ್ರತಿ ದೂರಿನಲ್ಲಿ ಏನಿದೆ ?

ದೂರುದಾರರಾದ ರಮೀಜುದ್ದಿನ್ ಮತ್ತು ಮಹಮ್ಮದ್ ರಫೀಕ್  ರವರಿಗೆ  ಮನೆ ಮನೆಗೆ ತೆರಳಿ  ಬೆಡ್ ಶೀಟ್ ಮಾರಾಟ  ಮಾಡುವ  ಉದ್ಯೋಗ. ಅ.20 ರಂದು ಅವರು ತಮ್ಮ ಕಾರಿನಲ್ಲಿ ಕಡಬ ತಾಲೂಕಿನ  ಎಡಮಂಗಲ ಹಾಗೂ ದೋಲ್ಪಾಡಿ ಗ್ರಾಮದಲ್ಲಿ ಬೆಡ್ ಶೀಟ್ ಮಾರಾಟ  ಮಾಡಲು ಬಂದಿದ್ದಾರೆ.

 ಈ ಸಂದರ್ಭ ಮನೆಯೊಂದರದಲ್ಲಿದ್ದ  ಮಹಿಳೆಯ  ಜೊತೆ ಬೆಡ್ ಶೀಟ್ ಮಾರಾಟದ ವಿಚಾರದಲ್ಲಿ ತಕರಾರು ಉಂಟಾಗಿದೆ. ಬಳಿಕ ಅವರು  ಅಲ್ಲಿಂದ ವಾಪಸ್ಸು  ಬಂದಿದ್ದು ಮಧ್ಯಾಹ್ನ 2.00ಗಂಟೆ ಸುಮಾರಿಗೆ  ಕಾಣಿಯೂರು ಗ್ರಾಮದ ಬೆದ್ರಾಜೆ ಎಂಬಲ್ಲಿಗೆ  ತಲುಪಿದ್ದಾರೆ.  ಅಲ್ಲಿ ಉದ್ರಿಕ್ತ  ಗುಂಪೊಂದು ಪಿಕಪ್ ವಾಹನವೊಂದನ್ನು ರಸ್ತೆಗೆ ಅಡ್ಡವಾಗಿಟ್ಟು  ಕಾರನ್ನು ತಡೆದು ನಿಲ್ಲಿಸಿದ್ದಾರೆ.   ಬಳಿಕ ಕಾರಿನಲ್ಲಿದ್ದ ದೂರುದಾರರನ್ನು ರಸ್ತೆಗೆ ಬೀಳಿಸಿ ಅವಾಚ್ಯ ಶಬ್ದಗಳಿಂದ ಬೈದಿದ್ದಾರೆ. ಗುಂಪಿನಲ್ಲಿದ್ದವರು ದೊಣ್ಣೆ ಹಾಗೂ ಕಬ್ಬಿಣದ ರಾಡಿನಿಂದ  ಹೊಡೆದು,  ಕಾಲಿನಿಂದ ತುಳಿದು ರಸ್ತೆಯಲ್ಲಿ ಎಳೆದಾಡಿ ಹಿಂಸಿಸಿದ್ದಾರೆ.

ಅಲ್ಲದೇ ಕಾರನ್ನು ಹುಡಿ ಮಾಡಿ ರೂ 1.50 ಲಕ್ಷ ನಷ್ಟ ಉಂಟು ಮಾಡಿದ್ದಾರೆ. ಜತೆಗೆ ಕಾರಿನಲ್ಲಿದ್ದ 25 ಸಾವಿರ ರೂಪಾಯಿ ಮೌಲ್ಯದ ಬೆಡ್‌ ಶೀಟ್‌ ಅನ್ನು ಬಿಸಾಡಿ ಹಾನಿ ಮಾಡಿರುವುದಾಗಿ ಆರೋಪಿಸಲಾಗಿದೆ. ಗುಂಪು ಹಲ್ಲೆಯಿಂದ ದೂರುದಾರರ ದೇಹವಿಡಿ  ತರಚಿದ,ಗುದ್ದಿದ ಗಾಯಗಳಾಗಿವೆ ಎಂದು ದೂರಲಾಗಿದೆ.

 ವಿಡಿಯೋ ವೈರಲ್‌

ದೂರಿನಲ್ಲಿ ಅಪರಿಚಿತರು ಹಲ್ಲೆ ನಡೆಸಿರುವುದಾಗಿ ತಿಳಿಸಲಾಗಿದ್ದು, ತೋರಿಸಿದರೆ ಗುರುತು ಪತ್ತೆ ಹಚ್ಚುವುದಾಗಿಯೂ ತಿಳಿಸಿದ್ದಾರೆ .  ಅಪರಿಚಿತ ಆರೋಪಿಗಳ ವಿರುದ್ದ ಬೆಳ್ಳಾರೆ ಠಾಣೆಯಲ್ಲಿ ಐಪಿಸಿ ಕಲಂ 143,144,341,504,323,324,427,ಜೊತೆಗೆ 149 ರಂತೆ ಪ್ರಕರಣ ದಾಖಲಾಗಿದೆ.  ಗುಂಪು ಇಬ್ಬರ ಮೇಲೆ ಹಲ್ಲೆ ನಡೆಸುವ ಎರಡು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ರಾಷ್ಟ್ರೀಯ ಚಾನೆಲ್‌ ಒಂದರ ವರದಿಗಾರರು ಟ್ವಿಟರ್‌ ನಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

Health Tips :ಮೊಸರು ಸೇವನೆಯಿಂದ ಸಿಗಲಿದೆ ಈ ಆರು ಪ್ರಯೋಜನಗಳು

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಪುತ್ತೂರುCrime NewsDakshina KannadaPuttur

Up Next

Big Breaking : ದಕ್ಷಿಣ ಕನ್ನಡ  ಜಿಲ್ಲಾಧಿಕಾರಿ ಡಾ| ರಾಜೇಂದ್ರ ಕೆ. ವಿ ವರ್ಗಾವಣೆ

Don't Miss

Accident : ಬಂಟ್ವಾಳ : ಎರಡು ಕಾರು ಹಾಗೂ ಬಸ್ಸು ಮಧ್ಯೆ ಭೀಕರ ಅಪಘಾತ – ವಿಟ್ಲದ ಮೆಸ್ಕಾಂ ಇಲಾಖೆಯ ಎಇಇ ಪ್ರವೀಣ್ ಜೋಶಿ ಮೃತ್ಯು