ಸಂಶಯವಿದ್ದರೆ ಸಂಪರ್ಕಿಸಿ

ಈ ಸಂಬಂಧ ಪ್ರಕಟನೆ ಹೊರಡಿಸಿರುವ ಪುತ್ತೂರು ತಾಲೂಕು ಪತ್ರಕರ್ತರ ಸಂಘದ ಹಿರಿಯ ಪತ್ರಕರ್ತ ಐ.ಬಿ.ಸಂದೀಪ್ ಕುಮಾರ್, “ಸಂಘದಲ್ಲಿ ಪಾರದರ್ಶಕ ರೀತಿ ಆಡಳಿತ ನಡೆಸಲಾಗುತ್ತಿದೆ. ಸಂಶಯವಿದ್ದವರು ಖಂಡಿತವಾಗಿ ಪ್ರೆಸ್ ಕ್ಲಬ್ ಅನ್ನು ಸಂಪರ್ಕಿಸಬಹುದು. ಸಂಘದ ಚುನಾವಣೆಯನ್ನು ಮುಂದೂಡುವ ಹಿಂದೆಯೂ ಸ್ಥಳೀಯ ಪತ್ರಿಕೆಯ ಕೈವಾಡವಿದೆ. ಆಗಸ್ಟ್ 6 ರಂದು ಸಂಘದ ಚುನಾವಣೆಗೆ ದಿನ ನಿಗದಿಗೊಳಿಸಲಾಗಿತ್ತು. ಜುಲೈ 15 ರಂದು ನಾಮಪತ್ರ ಸಲ್ಲಿಸುವುದೆಂದು ತಿರ್ಮಾನಿಸಿ ನಿರ್ಣಯಿಸಲಾಗಿತ್ತು ಎಂದು ವಿವರಿಸಿದ್ದಾರೆ.

ಆದರೆ ಚುನಾವಣಾಧಿಕಾರಿಯಾಗಿ ಆಯ್ಕೆಯಾಗಿದ್ದ ಪತ್ರಕರ್ತ ದಿ.ಗೋಪಾಲ ನಾಯ್ಕ್ ಅವರ ಪುತ್ರ ಸುಧಾಕರ್ ಪಡೀಲ್ (53) ಎಂಬವರು ಚುನಾವಣೆಯನ್ನು ಮುಂದೂಡಿದ್ದಾರೆ. ಸದಸ್ಯರೋರ್ವರು ಮೌಕಿಕವಾಗಿ ಮನವಿ ಸಲ್ಲಿಸಿದ ಹಿನ್ನಲೆಯಲ್ಲಿ ಚುನಾವಣೆಯನ್ನು ಮುಂದೂಡಲಾಗಿದೆ ಎಂದು ಸ್ಥಳೀಯ ಪತ್ರಿಕೆಗೆ ಅವರು ಮಾಹಿತಿ ನೀಡಿರುವುದಾಗಿ ಆ ಪತ್ರಿಕೆಯಲ್ಲಿ ವರದಿ ಪ್ರಕಟವಾಗಿತ್ತು.

ಸುದ್ದಿ ಬಿಡುಗಡೆಯ ಶಿವಾನಂದ ಹಾಗೂ ಸಹಚರರು ಕ್ರಿಮಿನಲ್‌ ಪ್ರಕರಣ ರದ್ದು ಕೋರಿ ಹೈಕೋರ್ಟಿಗೆ ಸಲ್ಲಿಸಿದ ಅರ್ಜಿ ವಜಾ – ತೀವ್ರ ಮುಖಭಂಗ

ವರದಿಯಲ್ಲಿರುವ ದಿನ ಹಾಗೂ ಅಂಟಿಸಿದ ದಿನ ಬೇರೆ ಬೇರೆ

ಆದರೆ ಚುನಾವಣೆ ಮುಂದೂಡಿದ ಬಗ್ಗೆ ಪುತ್ತೂರು ಪತ್ರಕರ್ತರ ಸಂಘದ ಸದಸ್ಯರ ಗಮನಕ್ಕೆ ತಂದಿರಲಿಲ್ಲ ಹಾಗೂ ಸಂಘದ ಕಛೇರಿಯಲ್ಲಿ ಚುನಾವಣೆ ಮುಂದೂಡಿರುವುದರ ಬಗ್ಗೆ ಕನಿಷ್ಟ ನೋಟೀಸ್ ಕೂಡಾ ಹಾಕಿಲ್ಲ. ಅಲ್ಲದೇ ಅದೇ ಲೋಕಲ್ ಪತ್ರಿಕೆಯಲ್ಲಿ ಚುನಾವಣೆ ಮುಂದೂಡಿದ ಬಗ್ಗೆ ಚುನಾವಣಾಧಿಕಾರಿ ಸುಧಾಕರ್ ಪಡೀಲ್ ಪತ್ರಿಕಾಭವನದ ಕಛೇರಿಯಲ್ಲಿ ಜುಲೈ 16 ರಂದು ನೋಟೀಸ್ ಅಂಟಿಸುತ್ತಿರುವುದು ಎನ್ನುವ ಪೋಟೋವನ್ನು ವರದಿಯಲ್ಲಿ ಉಲ್ಲೇಖಿಸಲಾಗಿತ್ತು.

ಆದರೆ ವಾಸ್ತವವಾಗಿ ಈ ನೋಟೀಸ್ ಅನ್ನು ಜುಲೈ 22 ರಂದು ಪತ್ರಿಕಾಭವನದ ಕಛೇರಿಯಲ್ಲಿ ಚುನಾವಣಾ ಅಧಿಕಾರಿ ಸುಧಾಕರ್ ಪಡೀಲ್ ಅಂಟಿಸುತ್ತಿರುವ ವಿಡಿಯೋ ಸಹಿತ ಎಲ್ಲಾ ದಾಖಲೆಗಳು ಲಭ್ಯವಿದೆ. ಹೀಗಾಗಿ ಪತ್ರಕರ್ತರ ಸಂಘದಲ್ಲಿ ಅವ್ಯವಹಾರ ಎನ್ನುವ ಕಪೋಲಕಲ್ಪಿತ ವರದಿಯ ಹಿಂದಿರುವ ಶಕ್ತಿ ಯಾವುದು ಎನ್ನುವುದು ಸಾಮಾನ್ಯ ಜ್ಞಾನವಿಲ್ಲದವರಿಗೂ ತಿಳಿಯುವ ಮಾಹಿತಿಯಾಗಿದೆ.

ಸಾಕ್ಷಿ ಹೇಳಿದಕ್ಕೆ ತೇಜೋವಧೆ

ಈ ಹಿಂದೆ ಪುತ್ತೂರಿನಲ್ಲಿ ಯುವ ಭಾರತ್ ತಂಡ ಮತ್ತು ಇದೇ ಪತ್ರಿಕೆಯ ಸಿಬಂದಿಗಳ ನಡುವೆ ನಡೆದ ಸಂಘರ್ಷ ಕ್ಕೆ ಸಂಬಂಧಿಸಿದ ಕೇಸು ನ್ಯಾಯಾಲಯ ವಿಚಾರಣಾ ಹಂತದಲ್ಲಿದೆ. ಪತ್ರಿಕಾಗೋಷ್ಠಿಗೆ ಆಗಮಿಸಿದವರ ವಿರುದ್ಧ ಹಲ್ಲೆ ನಡೆಸಿದ ವಿಚಾರಕ್ಕೆ ಸಂಬಂಧಿಸಿದಂತೆ ಸತ್ಯ ಸಾಕ್ಷಿ ನುಡಿದ ಸಾಕ್ಷಿದಾರ ಪತ್ರಕರ್ತರನ್ನು ಗುರಿಯಾಗಿಸಿಕೊಂಡು ಸಂಘದ ತೇಜೋವಧೆ ಮಾಡುವ ಪ್ರಯತ್ನಗಳಾಗುತ್ತಿದೆ. ಸಂಘದ ಅಧ್ಯಕ್ಷರೇ ಇದರಲ್ಲಿ ಸೇರಿಕೊಂಡಿರುವುದು ವಿಶೇಷವಾಗಿದೆ ಎಂದು ಪತ್ರಿಕಾ ಪ್ರಕಟನೆಯಲ್ಲಿ ತಿಳಿಸಲಾಗಿದೆ.