ಸಿನೆಮಾ
Swagatha Krishnan-ಸೌಂಡ್ ಪ್ರೂಫ್ ಸ್ಟುಡಿಯೋದಲ್ಲಿ ಲೈಂಗಿಕ ದೌರ್ಜನ್ಯ: ಖ್ಯಾತ ಗಾಯಕಿ ಸ್ವಾಗತ ಕೃಷ್ಣನ್ ಬಿಚ್ಚಿಟ್ಟರು ಸಿನಿಮಾ ಲೋಕದ ಕರಾಳ ಸತ್ಯ..!
ಸಿನಿಮಾ ರಂಗದ ಗ್ಲಾಮರ್ ಲೋಕದ ಆಕರ್ಷಣೆಯ ಹಿಂದೆ ಅತ್ಯಂತ ಭೀಕರವಾದ ಕರಾಳ ಮುಖವೊಂದು ಅಡಗಿದೆ ಎನ್ನುವುದನ್ನು ತಮಿಳು ಮತ್ತು ತೆಲುಗಿನ ಖ್ಯಾತ ಗಾಯಕಿ ಸ್ವಾಗತ ಕೃಷ್ಣನ್ (Swagatha Krishnan) ಬಹಿರಂಗಪಡಿಸಿದ್ದಾರೆ. ಸಂಗೀತ ನಿರ್ದೇಶಕನೊಬ್ಬನಿಂದ ತಾನು ಅನುಭವಿಸಿದ ಲೈಂಗಿಕ ದೌರ್ಜನ್ಯ ಮತ್ತು ಕಿರುಕುಳದ ಬಗ್ಗೆ ಅವರು ನೀಡಿರುವ ಹೇಳಿಕೆ ಈಗ ಚಿತ್ರರಂಗದಲ್ಲಿ ಆತಂಕ ಮತ್ತು ಆಕ್ರೋಶಕ್ಕೆ ಕಾರಣವಾಗಿದೆ.
ಚೆನ್ನೈ: ಸಿನಿಮಾ ರಂಗದ ಗ್ಲಾಮರ್ ಲೋಕದ ಆಕರ್ಷಣೆಯ ಹಿಂದೆ ಅತ್ಯಂತ ಭೀಕರವಾದ ಕರಾಳ ಮುಖವೊಂದು ಅಡಗಿದೆ ಎನ್ನುವುದನ್ನು ತಮಿಳು ಮತ್ತು ತೆಲುಗಿನ ಖ್ಯಾತ ಗಾಯಕಿ ಸ್ವಾಗತ ಕೃಷ್ಣನ್ (Swagatha Krishnan) ಬಹಿರಂಗಪಡಿಸಿದ್ದಾರೆ. ಸಂಗೀತ ನಿರ್ದೇಶಕನೊಬ್ಬನಿಂದ ತಾನು ಅನುಭವಿಸಿದ ಲೈಂಗಿಕ ದೌರ್ಜನ್ಯ ಮತ್ತು ಕಿರುಕುಳದ ಬಗ್ಗೆ ಅವರು ನೀಡಿರುವ ಹೇಳಿಕೆ ಈಗ ಚಿತ್ರರಂಗದಲ್ಲಿ ಆತಂಕ ಮತ್ತು ಆಕ್ರೋಶಕ್ಕೆ ಕಾರಣವಾಗಿದೆ.
ನಂಬಿಸಿ ಮೋಸ ಮಾಡಿದ ‘ಮಾರ್ಗದರ್ಶಕ’:
‘ಬ್ಯಾಚುಲರ್’ ನಂತಹ ಹಿಟ್ ಚಿತ್ರಗಳ ಹಾಡುಗಳ ಮೂಲಕ ಪ್ರಸಿದ್ಧರಾಗಿರುವ ಸ್ವಾಗತ ಕೃಷ್ಣನ್, ಇತ್ತೀಚೆಗೆ ಯೂಟ್ಯೂಬ್ ಚಾನೆಲ್ ಒಂದಕ್ಕೆ ನೀಡಿದ ಸಂದರ್ಶನದಲ್ಲಿ ತಮ್ಮ ನೋವನ್ನು ಹಂಚಿಕೊಂಡಿದ್ದಾರೆ. “ಆ ಸಂಗೀತ ನಿರ್ದೇಶಕ ಮೊದಲು ತನ್ನನ್ನು ಒಬ್ಬ ‘ಮಾರ್ಗದರ್ಶಕ’ (Mentor) ಎಂದು ಬಿಂಬಿಸಿಕೊಂಡು ನನ್ನ ನಂಬಿಕೆ ಗಳಿಸಿದ್ದ. ನಂತರ ಆರ್ಥಿಕ ಸಹಾಯ ಮಾಡುವ ನೆಪದಲ್ಲಿ ಮಾನಸಿಕವಾಗಿ ಕುಗ್ಗುವಂತೆ ಮಾಡಿದ್ದ,” ಎಂದು ಸ್ವಾಗತ ದೂರಿದ್ದಾರೆ. ಆರೋಪಿ ಸಂಗೀತ ನಿರ್ದೇಶಕನನ್ನು ಅವರು ‘ಮದ್ರಾಸ್ನ ಎಪ್ಸ್ಟೀನ್’ ಎಂದು ಕರೆದಿದ್ದು, ಆತ ಎಷ್ಟು ವ್ಯವಸ್ಥಿತವಾಗಿ ಈ ಕೃತ್ಯ ಎಸಗುತ್ತಿದ್ದ ಎಂಬುದನ್ನು ವಿವರಿಸಿದ್ದಾರೆ.
ಸೌಂಡ್ ಪ್ರೂಫ್ ಸ್ಟುಡಿಯೋ ಎಂಬ ನರಕ:
ದೌರ್ಜನ್ಯ ನಡೆದ ಭಯಾನಕ ಕ್ಷಣಗಳನ್ನು ನೆನಪಿಸಿಕೊಂಡ ಅವರು, “ಅದೊಂದು ಸೌಂಡ್ ಪ್ರೂಫ್ ಸ್ಟುಡಿಯೋ ಆಗಿತ್ತು. ಅಲ್ಲಿ ನಾನು ಕಿರುಚಿದರೂ ನನ್ನ ಧ್ವನಿ ಯಾರಿಗೂ ಕೇಳಿಸಲಿಲ್ಲ. ಅಲ್ಲಿ ಗುಪ್ತ ಕ್ಯಾಮೆರಾಗಳನ್ನು ಅಳವಡಿಸಲಾಗಿತ್ತು. ದೌರ್ಜನ್ಯದ ದೃಶ್ಯಗಳನ್ನು ರಹಸ್ಯವಾಗಿ ರೆಕಾರ್ಡ್ ಮಾಡಿಕೊಂಡಿದ್ದ ಆ ವ್ಯಕ್ತಿ, ನಂತರ ಆ ವಿಡಿಯೋಗಳನ್ನು ಬಳಸಿ ನನಗೆ ಬೆದರಿಕೆ ಹಾಕಲು ಶುರು ಮಾಡಿದ,” ಎಂದು ಕಣ್ಣೀರಿಟ್ಟಿದ್ದಾರೆ.
ಮಾನಸಿಕ ಆಘಾತ ಮತ್ತು ಚರ್ಮದ ಚಿಕಿತ್ಸೆ:
ಈ ಘಟನೆಯಿಂದ ಸ್ವಾಗತ ಅವರು ಎಷ್ಟರಮಟ್ಟಿಗೆ ನೊಂದಿದ್ದಾರೆ ಎಂದರೆ, “ಅವನು ಮುಟ್ಟಿದ ನನ್ನ ದೇಹದ ಭಾಗಗಳು ಅಸ್ತಿತ್ವದಲ್ಲೇ ಇರಬಾರದು ಎನಿಸಿತ್ತು. ಆ ಕರಾಳ ನೆನಪುಗಳನ್ನು ಅಳಿಸಿಹಾಕಲು ನಾನು ಚರ್ಮದ ಚಿಕಿತ್ಸೆಗೂ ಒಳಗಾಗಬೇಕಾಯಿತು. ದಿನಗಟ್ಟಲೆ ನನ್ನನ್ನು ನಾನು ಕೋಣೆಯಲ್ಲಿ ಕೂಡಿ ಹಾಕಿಕೊಂಡಿದ್ದೆ,” ಎಂದು ತಮ್ಮ ಮಾನಸಿಕ ಸ್ಥಿತಿಯನ್ನು ಹಂಚಿಕೊಂಡಿದ್ದಾರೆ.
ಕಾನೂನು ಹೋರಾಟಕ್ಕೆ ಸಿದ್ಧತೆ:
ಸದ್ಯಕ್ಕೆ ಸಂಗೀತ ನಿರ್ದೇಶಕನ ಹೆಸರನ್ನು ಬಹಿರಂಗಪಡಿಸದಿದ್ದರೂ, ಅವನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ಸ್ವಾಗತ ನಿರ್ಧರಿಸಿದ್ದಾರೆ. “ಇದು ಕೇವಲ ಸೇಡಿಗಾಗಿ ಅಲ್ಲ, ಬದಲಾಗಿ ಬೇರೆ ಯಾವುದೇ ಮಹಿಳೆ ಅಥವಾ ಮಕ್ಕಳಿಗೆ ಈ ಪರಿಸ್ಥಿತಿ ಬರಬಾರದು ಎಂಬುದು ನನ್ನ ಉದ್ದೇಶ. ಇದೇ ವ್ಯಕ್ತಿಯಿಂದ ತೊಂದರೆ ಅನುಭವಿಸಿದ ಹಲವು ಮಹಿಳೆಯರು ಈಗ ನನಗೆ ಸಂದೇಶ ಕಳುಹಿಸುತ್ತಿದ್ದಾರೆ,” ಎಂದು ಅವರು ತಿಳಿಸಿದ್ದಾರೆ.
ಈ ಘಟನೆಯು ಚಿತ್ರರಂಗದಲ್ಲಿ ಮಹಿಳೆಯರ ಸುರಕ್ಷತೆಯ ಬಗ್ಗೆ ಮತ್ತೆ ದೊಡ್ಡ ಚರ್ಚೆಯನ್ನು ಹುಟ್ಟುಹಾಕಿದೆ.
ಸಿನೆಮಾ
Arjun Sarja-ಪುತ್ರಿ ಐಶ್ವರ್ಯಾ ವಿರುದ್ಧ ಅವಹೇಳನಕಾರಿ ವರದಿ: ಮಾಧ್ಯಮಗಳ ವಿರುದ್ಧ ಸಿಡಿದೆದ್ದ ಅರ್ಜುನ್ ಸರ್ಜಾ; ಅಧಿಕೃತ ದೂರು ದಾಖಲು
ಹಿರಿಯ ಪುತ್ರಿ ಐಶ್ವರ್ಯಾ ಅವರ ವೈಯಕ್ತಿಕ ಜೀವನದ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಹಾಗೂ ಕೆಲವು ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಆಧಾರರಹಿತ ಮತ್ತು ಅವಹೇಳನಕಾರಿ ಆರೋಪಗಳ ವಿರುದ್ಧ ಬಹುಭಾಷಾ ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ಅರ್ಜುನ್ ಸರ್ಜಾ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಸಂಬಂಧ ಸಂಬಂಧಪಟ್ಟ ಅಧಿಕಾರಿಗಳಿಗೆ ಈಗಾಗಲೇ ಅಧಿಕೃತ ದೂರು ಸಲ್ಲಿಸಿರುವುದಾಗಿ ಅವರು ತಿಳಿಸಿದ್ದಾರೆ.
ಚೆನ್ನೈ: ಹಿರಿಯ ಪುತ್ರಿ ಐಶ್ವರ್ಯಾ ಅವರ ವೈಯಕ್ತಿಕ ಜೀವನದ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಹಾಗೂ ಕೆಲವು ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಆಧಾರರಹಿತ ಮತ್ತು ಅವಹೇಳನಕಾರಿ ಆರೋಪಗಳ ವಿರುದ್ಧ ಬಹುಭಾಷಾ ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ಅರ್ಜುನ್ ಸರ್ಜಾ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಸಂಬಂಧ ಸಂಬಂಧಪಟ್ಟ ಅಧಿಕಾರಿಗಳಿಗೆ ಈಗಾಗಲೇ ಅಧಿಕೃತ ದೂರು ಸಲ್ಲಿಸಿರುವುದಾಗಿ ಅವರು ತಿಳಿಸಿದ್ದಾರೆ.
ಇತ್ತೀಚೆಗೆ ಅರ್ಜುನ್ ಸರ್ಜಾ ಅವರ ಕಿರಿಯ ಪುತ್ರಿಯ ವಿವಾಹ ಸಮಾರಂಭದಲ್ಲಿ ಅಳಿಯ ಉಮಾಪತಿ ರಾಮಯ್ಯ ಅವರು ಹೆಚ್ಚಾಗಿ ಕಾಣಿಸಿಕೊಳ್ಳದ ಹಿನ್ನೆಲೆಯಲ್ಲಿ, ಐಶ್ವರ್ಯಾ ಮತ್ತು ಉಮಾಪತಿ ಅವರ ದಾಂಪತ್ಯ ಜೀವನದಲ್ಲಿ ಬಿರುಕು ಮೂಡಿದೆ ಎಂಬ ಸುದ್ದಿಗಳು ಕೆಲವು ಆನ್ಲೈನ್ ಪೋರ್ಟಲ್ಗಳಲ್ಲಿ ಪ್ರಕಟವಾಗಿದ್ದವು. ಇದರ ಬೆನ್ನಲ್ಲೇ ಕೆಲವು ಮಾಧ್ಯಮಗಳು ಐಶ್ವರ್ಯಾ ಅವರನ್ನು ಮದ್ಯವ್ಯಸನಿ ಎಂದು ಬಿಂಬಿಸುವ ವರದಿಗಳನ್ನೂ ಪ್ರಸಾರ ಮಾಡಿದ್ದವು.
ಈ ವರದಿಗಳ ವಿರುದ್ಧ ಇನ್ಸ್ಟಾಗ್ರಾಮ್ನಲ್ಲಿ ಸುದೀರ್ಘ ಪೋಸ್ಟ್ ಹಂಚಿಕೊಂಡಿರುವ ಅರ್ಜುನ್ ಸರ್ಜಾ, ವ್ಯಕ್ತಿಯ ಗೌರವ ಮತ್ತು ಘನತೆಯ ವಿಚಾರದಲ್ಲಿ ಯಾವುದೇ ರಾಜಿ ಸಾಧ್ಯವಿಲ್ಲ ಎಂದು ಖಡಕ್ ಸಂದೇಶ ನೀಡಿದ್ದಾರೆ.
“ಕಲಾವಿದರ ಸಾರ್ವಜನಿಕ ಜೀವನದಲ್ಲಿ ಊಹಾಪೋಹಗಳು ಮತ್ತು ಟೀಕೆಗಳು ಸಹಜ. ಆದರೆ ಊಹಾಪೋಹಗಳಿಗೂ ಉದ್ದೇಶಪೂರ್ವಕವಾಗಿ ಆಧಾರರಹಿತ ಆರೋಪಗಳನ್ನು ಹರಡುವುದಕ್ಕೂ ಸಾಕಷ್ಟು ವ್ಯತ್ಯಾಸವಿದೆ. ಸಾರ್ವಜನಿಕ ವಿಮರ್ಶೆಯ ಹೆಸರಿನಲ್ಲಿ ಕಟ್ಟುಕಥೆಗಳನ್ನು ಸೃಷ್ಟಿಸಲು ಅಥವಾ ವ್ಯಕ್ತಿಯ ಚಾರಿತ್ರ್ಯವಧೆ ಮಾಡಲು ಯಾರಿಗೂ ಅಧಿಕಾರವಿಲ್ಲ. ಯಾವುದೇ ಆಧಾರವಿಲ್ಲದೆ ಮಹಿಳೆಯೊಬ್ಬರನ್ನು ಮದ್ಯವ್ಯಸನಿ ಎಂದು ಕರೆಯುವುದು ಅತ್ಯಂತ ಬೇಜವಾಬ್ದಾರಿಯುತ ಮತ್ತು ಸ್ವೀಕಾರಾರ್ಹವಲ್ಲದ ವರ್ತನೆ” ಎಂದು ಅವರು ಕಿಡಿಕಾರಿದ್ದಾರೆ.
ಮೌನವನ್ನು ಒಪ್ಪಿಗೆ ಎಂದು ಭಾವಿಸಬೇಡಿ
ತಂದೆಯಾಗಿ ಪುತ್ರಿಯ ವಿರುದ್ಧದ ಇಂತಹ ಆರೋಪಗಳನ್ನು ಸಹಿಸಿಕೊಂಡು ಮೌನವಾಗಿರಲು ಸಾಧ್ಯವಿಲ್ಲ ಎಂದು ಅರ್ಜುನ್ ಸರ್ಜಾ ಸ್ಪಷ್ಟಪಡಿಸಿದ್ದಾರೆ.
“ಮೌನವೇ ಅತ್ಯಂತ ಘನತೆಯ ಪ್ರತಿಕ್ರಿಯೆ ಎಂದು ನಾವು ನಂಬಿದ್ದೇವೆ. ಆದರೆ ನಮ್ಮ ಮೌನವನ್ನು ಒಪ್ಪಿಗೆ ಎಂದು ಭಾವಿಸಬಾರದು. ತಪ್ಪು ಮಾಹಿತಿಯನ್ನು ಪದೇಪದೆ ಹರಡಲು ಅವಕಾಶ ನೀಡಲೂ ಸಾಧ್ಯವಿಲ್ಲ. ಹೀಗಾಗಿ ಸಂಬಂಧಪಟ್ಟ ಅಧಿಕಾರಿಗಳಿಗೆ ಅಧಿಕೃತ ದೂರು ಸಲ್ಲಿಸಿ ಸೂಕ್ತ ಕ್ರಮಕ್ಕೆ ಮುಂದಾಗಿದ್ದೇವೆ” ಎಂದು ತಿಳಿಸಿದ್ದಾರೆ.
ಇದು ಕೇವಲ ತಮ್ಮ ಪುತ್ರಿಗೆ ಸಂಬಂಧಿಸಿದ ವಿಚಾರವಲ್ಲ. ಮಹಿಳೆಯರ ಘನತೆಗೆ ಧಕ್ಕೆ ಉಂಟಾದಾಗ ಹಾಗೂ ಅವರ ವೈಯಕ್ತಿಕ ಆಯ್ಕೆಗಳನ್ನು ಸಾರ್ವಜನಿಕವಾಗಿ ಪ್ರಶ್ನಿಸಿದಾಗ ಎದುರಾಗುವ ನೋವಿನ ವಿಚಾರವೂ ಹೌದು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಕುಟುಂಬದ ಬೆಂಬಲವಿಲ್ಲದ ಮಹಿಳೆಯರಿಗೆ ಇಂತಹ ಆರೋಪಗಳು ಮತ್ತಷ್ಟು ನೋವುಂಟುಮಾಡಬಹುದು. ಯಾವುದೇ ಮಹಿಳೆ ಇಂತಹ ಪರಿಸ್ಥಿತಿಯನ್ನು ಏಕಾಂಗಿಯಾಗಿ ಎದುರಿಸುವಂತಾಗಬಾರದು ಅಥವಾ ತನ್ನ ಜೀವನಶೈಲಿಯನ್ನು ಸಮರ್ಥಿಸಿಕೊಳ್ಳಬೇಕಾದ ಅನಿವಾರ್ಯತೆ ಸೃಷ್ಟಿಯಾಗಬಾರದು ಎಂದು ಅರ್ಜುನ್ ಸರ್ಜಾ ತಮ್ಮ ಪೋಸ್ಟ್ನಲ್ಲಿ ಹೇಳಿದ್ದಾರೆ.
ಸಿನೆಮಾ
Ramya Krishnan-ಪತಿಯಿಂದ ದೂರವಿದ್ದರೂ ದಾಂಪತ್ಯ ಗಟ್ಟಿಯಾಗಿದೆ..! ವಿಚ್ಛೇದನ ವದಂತಿಗೆ ರಮ್ಯಾ ಕೃಷ್ಣನ್ ಸ್ಪಷ್ಟನೆ
ತೆಲುಗು ಚಿತ್ರರಂಗದ ಖ್ಯಾತ ನಟಿ ರಮ್ಯಾ ಕೃಷ್ಣನ್ ಮತ್ತು ನಿರ್ದೇಶಕ ಕೃಷ್ಣ ವಂಶಿ ದಾಂಪತ್ಯ ಜೀವನದಲ್ಲಿ ಬಿರುಕು ಮೂಡಿದೆ ಎಂಬ ವದಂತಿಗಳು ಕಳೆದ ಹಲವು ವರ್ಷಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಇದೀಗ ಈ ಎಲ್ಲಾ ಊಹಾಪೋಹಗಳಿಗೆ ನಟಿ ರಮ್ಯಾ ಕೃಷ್ಣನ್ ಸ್ಪಷ್ಟನೆ ನೀಡಿದ್ದು, ತಮ್ಮ ದಾಂಪತ್ಯ ಜೀವನದಲ್ಲಿ ಯಾವುದೇ ಸಮಸ್ಯೆಯಿಲ್ಲ ಎಂದು ತಿಳಿಸಿದ್ದಾರೆ.
ತೆಲುಗು ಚಿತ್ರರಂಗದ ಖ್ಯಾತ ನಟಿ ರಮ್ಯಾ ಕೃಷ್ಣನ್ ಮತ್ತು ನಿರ್ದೇಶಕ ಕೃಷ್ಣ ವಂಶಿ ದಾಂಪತ್ಯ ಜೀವನದಲ್ಲಿ ಬಿರುಕು ಮೂಡಿದೆ ಎಂಬ ವದಂತಿಗಳು ಕಳೆದ ಹಲವು ವರ್ಷಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಇದೀಗ ಈ ಎಲ್ಲಾ ಊಹಾಪೋಹಗಳಿಗೆ ನಟಿ ರಮ್ಯಾ ಕೃಷ್ಣನ್ ಸ್ಪಷ್ಟನೆ ನೀಡಿದ್ದು, ತಮ್ಮ ದಾಂಪತ್ಯ ಜೀವನದಲ್ಲಿ ಯಾವುದೇ ಸಮಸ್ಯೆಯಿಲ್ಲ ಎಂದು ತಿಳಿಸಿದ್ದಾರೆ.
ವೃತ್ತಿಪರ ಕಾರಣಗಳಿಂದಾಗಿ ತಾವು ಮತ್ತು ಪತಿ ಕೃಷ್ಣ ವಂಶಿ ಬೇರೆ ಬೇರೆ ನಗರಗಳಲ್ಲಿ ವಾಸಿಸುತ್ತಿದ್ದೇವೆ. ಆದರೆ, ಇದರಿಂದ ತಮ್ಮ ಸಂಬಂಧಕ್ಕೆ ಯಾವುದೇ ಧಕ್ಕೆಯಾಗಿಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಇತ್ತೀಚೆಗೆ ‘ರಾ ಟಾಕ್ಸ್ ವಿತ್ ವಿಕೆ’ ಪಾಡ್ಕಾಸ್ಟ್ನಲ್ಲಿ ಮಾತನಾಡಿದ ರಮ್ಯಾ ಕೃಷ್ಣನ್, “ನಾವಿನ್ನೂ ದಂಪತಿಯಾಗಿಯೇ ಇದ್ದೇವೆ. ನಮ್ಮ ಅನುಕೂಲಕ್ಕೆ ತಕ್ಕಂತೆ ಬೇರೆ ಬೇರೆ ನಗರಗಳಲ್ಲಿ ಸಂತೋಷದಿಂದ ವಾಸಿಸುತ್ತಿದ್ದೇವೆ. ನಮ್ಮ ವೃತ್ತಿಜೀವನದ ಕಾರಣದಿಂದಾಗಿ ಈ ನಿರ್ಧಾರ ತೆಗೆದುಕೊಂಡಿದ್ದೇವೆ” ಎಂದು ಹೇಳಿದ್ದಾರೆ.
ಮಗನ ಆರೋಗ್ಯಕ್ಕಾಗಿ ಬೇರೆ ನಗರಗಳಲ್ಲಿ ವಾಸ!
ತಮ್ಮ ಕುಟುಂಬದ ನಿರ್ಧಾರದ ಹಿಂದಿನ ಕಾರಣವನ್ನು ವಿವರಿಸಿದ ರಮ್ಯಾ ಕೃಷ್ಣನ್, ಹೈದರಾಬಾದ್ನಿಂದ ಚೆನ್ನೈಗೆ ಪ್ರತಿ 15 ದಿನಗಳಿಗೊಮ್ಮೆ ಚಿತ್ರೀಕರಣಕ್ಕಾಗಿ ಪ್ರಯಾಣಿಸಬೇಕಾಗುತ್ತಿತ್ತು. ಈ ನಿರಂತರ ಪ್ರಯಾಣವು ಮಗನ ಆರೋಗ್ಯದ ಮೇಲೆ ಪರಿಣಾಮ ಬೀರಲು ಆರಂಭಿಸಿತ್ತು ಎಂದು ತಿಳಿಸಿದ್ದಾರೆ.
“ನಾನು ಪ್ರತಿ ಬಾರಿ ನಗರದಿಂದ ಹೊರಟಾಗಲೂ ನನ್ನ ಮಗ ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದ. ಹೀಗಾಗಿ, ಆತನ ಆರೋಗ್ಯದ ದೃಷ್ಟಿಯಿಂದ ಚೆನ್ನೈನಲ್ಲಿರುವ ಶಾಲೆಗೆ ಸೇರಿಸಲು ನಿರ್ಧರಿಸಿದೆವು. ಅಂದಿನಿಂದ ನಾವು ಬೇರೆ ಬೇರೆ ನಗರಗಳಲ್ಲಿ ವಾಸಿಸುತ್ತಿದ್ದೇವೆ. ಈ ವ್ಯವಸ್ಥೆಯು ನಮ್ಮ ನಡುವಿನ ಬಾಂಧವ್ಯವನ್ನು ಮತ್ತಷ್ಟು ಗಟ್ಟಿಗೊಳಿಸಿದೆ. ಅಲ್ಲದೆ, ನಮ್ಮ ನಡುವಿನ ಭಿನ್ನಾಭಿಪ್ರಾಯಗಳನ್ನೂ ಕಡಿಮೆ ಮಾಡಿದೆ” ಎಂದು ರಮ್ಯಾ ವಿವರಿಸಿದ್ದಾರೆ.
2003ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಜೋಡಿ
ರಮ್ಯಾ ಕೃಷ್ಣನ್ ಮತ್ತು ಕೃಷ್ಣ ವಂಶಿ ಅವರು 2003ರ ಜೂನ್ 12ರಂದು ವಿವಾಹವಾಗಿದ್ದರು. 2005ರ ಫೆಬ್ರುವರಿಯಲ್ಲಿ ಈ ದಂಪತಿಗೆ ಪುತ್ರ ರಿತ್ವಿಕ್ ವಂಶಿ ಜನಿಸಿದ್ದಾನೆ.
ಇವರಿಬ್ಬರೂ ಮೊದಲ ಬಾರಿಗೆ 1998ರಲ್ಲಿ ಬಿಡುಗಡೆಯಾದ ತೆಲುಗಿನ ರೊಮ್ಯಾಂಟಿಕ್ ಕಾಮಿಡಿ-ಥ್ರಿಲ್ಲರ್ ಸಿನಿಮಾ ‘ಚಂದ್ರಲೇಖಾ’ದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು.
‘ರಾಕಾ’ ಸಿನಿಮಾದಲ್ಲಿ ರಮ್ಯಾ ಕೃಷ್ಣನ್
ಸದ್ಯ ರಮ್ಯಾ ಕೃಷ್ಣನ್ ಅವರು ನಿರ್ದೇಶಕ ಅಟ್ಲಿ ಅವರ ಬಹುನಿರೀಕ್ಷಿತ ಆ್ಯಕ್ಷನ್-ಥ್ರಿಲ್ಲರ್ ಸಿನಿಮಾ ‘ರಾಕಾ’ದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲು ಅರ್ಜುನ್ ಮತ್ತು ದೀಪಿಕಾ ಪಡುಕಣೆ ನಟನೆಯ ಈ ಸಿನಿಮಾ 2027ರ ಡಿಸೆಂಬರ್ನಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.
ಇದರ ಜೊತೆಗೆ, ಮಂಚು ಮನೋಜ್ ಮತ್ತು ಮಾರಿಯಾ ರಯಾಬೊಶಪ್ಯಾ ನಟನೆಯ ‘ಡೇವಿಡ್ ರೆಡ್ಡಿ’ ಸಿನಿಮಾದಲ್ಲೂ ರಮ್ಯಾ ಕೃಷ್ಣನ್ ಅಭಿನಯಿಸುತ್ತಿದ್ದಾರೆ.
ಸಿನೆಮಾ
James Bond-`ಬಾಂಡ್..ಜೇಮ್ಸ್ ಬಾಂಡ್’..! 6 ದಶಕಗಳ ಸರಣಿಗಳ ಮೂಲಕ ಸಿನಿರಸಿಕರ ಮನಗೆದ್ದ ‘ಜೇಮ್ಸ್ ಬಾಂಡ್’ ಸರಣಿಗೆ ಹೊಸ ನಟ ನಾಯಕ ಎಂಟ್ರಿ
ಆರು ದಶಕಗಳಿಂದ ವಿಶ್ವದ ಸಿನಿರಸಿಕರನ್ನು ರೋಮಾಂಚನಗೊಳಿಸುತ್ತಿರುವ ಜೇಮ್ಸ್ ಬಾಂಡ್ ಸರಣಿಗೆ ಇದೀಗ ಹೊಸ ನಾಯಕನ ಪ್ರವೇಶವಾಗಿದೆ. ‘ಟ್ವಿಲೈಟ್’, ‘ಹ್ಯಾರಿ ಪಾಟರ್’, ‘ಟೆನೆಟ್’ ಮತ್ತು ‘ದಿ ಬ್ಯಾಟ್ಮ್ಯಾನ್’ ಚಿತ್ರಗಳ ಮೂಲಕ ಗುರುತಿಸಿಕೊಂಡಿರುವ ಬ್ರಿಟಿಷ್ ನಟ ರಾಬರ್ಟ್ ಪ್ಯಾಟಿನ್ಸನ್ ಅವರು ಮುಂದಿನ 007 ಏಜೆಂಟ್ ಆಗಿ ಆಯ್ಕೆಯಾಗಿದ್ದಾರೆ.
ಆರು ದಶಕಗಳಿಂದ ವಿಶ್ವದ ಸಿನಿರಸಿಕರನ್ನು ರೋಮಾಂಚನಗೊಳಿಸುತ್ತಿರುವ ಜೇಮ್ಸ್ ಬಾಂಡ್ ಸರಣಿಗೆ ಇದೀಗ ಹೊಸ ನಾಯಕನ ಪ್ರವೇಶವಾಗಿದೆ. ‘ಟ್ವಿಲೈಟ್’, ‘ಹ್ಯಾರಿ ಪಾಟರ್’, ‘ಟೆನೆಟ್’ ಮತ್ತು ‘ದಿ ಬ್ಯಾಟ್ಮ್ಯಾನ್’ ಚಿತ್ರಗಳ ಮೂಲಕ ಗುರುತಿಸಿಕೊಂಡಿರುವ ಬ್ರಿಟಿಷ್ ನಟ ರಾಬರ್ಟ್ ಪ್ಯಾಟಿನ್ಸನ್ ಅವರು ಮುಂದಿನ 007 ಏಜೆಂಟ್ ಆಗಿ ಆಯ್ಕೆಯಾಗಿದ್ದಾರೆ. ನವೆಂಬರ್ 16ರಂದು ಅಮೆಜಾನ್ ಎಂಜಿಎಂ ಸ್ಟುಡಿಯೋಸ್ ಅಧಿಕೃತವಾಗಿ ಈ ಘೋಷಣೆ ಮಾಡಿದ್ದು, ಡೇನಿಯಲ್ ಕ್ರೇಗ್ ನಂತರ ಜೇಮ್ಸ್ ಬಾಂಡ್ ಪಾತ್ರದಲ್ಲಿ ಪ್ಯಾಟಿನ್ಸನ್ ಕಾಣಿಸಿಕೊಳ್ಳಲಿದ್ದಾರೆ.
ಎಂಥವರನ್ನೂ ಸೂಜಿಗಲ್ಲಿನಂತೆ ಸೆಳೆಯುವ ಆಕರ್ಷಕ ರೂಪ, ಸ್ಟೈಲಿಷ್ ಸೂಟ್, ಲೋಹವನ್ನೇ ಕರಗಿಸುವ ಲೇಸರ್ ಕಿರಣ ಸೂಸುವ ಕೈಗಡಿಯಾರ, ಬಾಂಬ್ ಸಿಡಿಸುವ ಮತ್ತು ನೀರಿನಲ್ಲೂ ಸಂಚರಿಸುವ ಕಾರು… ಎದುರಾಳಿಗಳೊಂದಿಗೆ ಹೋರಾಡಿ ಮಿಂಚಿನಂತೆ ಪುಟಿದೆದ್ದು, ‘ಮೈ ನೇಮ್ ಈಸ್ ಬಾಂಡ್, ಜೇಮ್ಸ್ ಬಾಂಡ್’ ಎನ್ನುವ ಆ ಖಡಕ್ ಸಂಭಾಷಣೆ! ಇವೆಲ್ಲವೂ ಜೇಮ್ಸ್ ಬಾಂಡ್ ಎಂದಾಕ್ಷಣ ನೆನಪಿಗೆ ಬರುವ ಸಂಗತಿಗಳು.
ಬಾಲ್ಯದಲ್ಲಿ ಈ ಸಂಭಾಷಣೆಯನ್ನು ಅನುಕರಿಸದ ಸಿನಿಮಾ ಪ್ರೇಮಿಗಳೇ ವಿರಳ. ಇದೀಗ ಅದೇ ಜನಪ್ರಿಯ ಗೂಢಚಾರನ ಪಾತ್ರಕ್ಕೆ ಹೊಸ ಮುಖ ಸಿಕ್ಕಿದೆ.
‘ನೋ ಟೈಮ್ ಟು ಡೈ’, ‘ಕ್ಯಾಸಿನೊ ರಾಯಲ್’, ‘ಸ್ಕೈಫಾಲ್’ ಸೇರಿದಂತೆ ಹಲವು ಯಶಸ್ವಿ ಚಿತ್ರಗಳಲ್ಲಿ 007 ಆಗಿ ಮಿಂಚಿದ್ದ ಡೇನಿಯಲ್ ಕ್ರೇಗ್ ಅವರ ನಂತರ ರಾಬರ್ಟ್ ಪ್ಯಾಟಿನ್ಸನ್ ಈ ಜವಾಬ್ದಾರಿ ವಹಿಸಿಕೊಳ್ಳಲಿದ್ದಾರೆ. ಆರು ದಶಕಗಳಿಗೂ ಹೆಚ್ಚು ಕಾಲ ಜಗತ್ತಿನಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ ಬಾಂಡ್ ಸರಣಿಯ 26ನೇ ಚಿತ್ರದಲ್ಲಿ ಅವರು ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಸಾಹಿತ್ಯದ ಪುಟದಿಂದ ಬೆಳ್ಳಿತೆರೆಗೆ ಬಂದ ಬಾಂಡ್
ಜೇಮ್ಸ್ ಬಾಂಡ್ ಎಂಬ ಕಾಲ್ಪನಿಕ ನಾಯಕನ ಸೃಷ್ಟಿಯಾಗಿದ್ದು ಸಿನಿಮಾದಲ್ಲಿ ಅಲ್ಲ, ಸಾಹಿತ್ಯದಲ್ಲಿ. ಬ್ರಿಟಿಷ್ ಲೇಖಕ ಇಯಾನ್ ಫ್ಲೆಮಿಂಗ್ ಅವರು 1953ರಲ್ಲಿ ಪ್ರಕಟಿಸಿದ ‘ಕ್ಯಾಸಿನೊ ರಾಯಲ್’ ಕಾದಂಬರಿಯ ಮೂಲಕ ಈ ಗೂಢಚಾರನನ್ನು ಜಗತ್ತಿಗೆ ಪರಿಚಯಿಸಿದರು.
ಎರಡನೇ ಮಹಾಯುದ್ಧದ ಸಂದರ್ಭದಲ್ಲಿ ಬ್ರಿಟಿಷ್ ನೌಕಾಪಡೆಯ ಗುಪ್ತಚರ ವಿಭಾಗದಲ್ಲಿ ಕಾರ್ಯನಿರ್ವಹಿಸಿದ್ದ ಫ್ಲೆಮಿಂಗ್ ಅವರ ಅನುಭವಗಳು ಬಾಂಡ್ ಪಾತ್ರದ ಸೃಷ್ಟಿಗೆ ಪ್ರೇರಣೆಯಾಗಿದ್ದವು.
1962ರಲ್ಲಿ ಬಿಡುಗಡೆಯಾದ ‘ಡಾ. ನೋ’ ಚಿತ್ರದ ಮೂಲಕ ಜೇಮ್ಸ್ ಬಾಂಡ್ ಬೆಳ್ಳಿತೆರೆಗೆ ಪ್ರವೇಶಿಸಿದ. ಸೀನ್ ಕಾನರಿ ಮೊದಲ ಬಾರಿಗೆ ಈ ಪಾತ್ರದಲ್ಲಿ ಕಾಣಿಸಿಕೊಂಡರು. ನಂತರ ಜಾರ್ಜ್ ಲೇಜೆನ್ಬಿ, ರೋಜರ್ ಮೂರ್, ಟಿಮೋಥಿ ಡಾಲ್ಟನ್, ಪಿಯರ್ಸ್ ಬ್ರಾಸ್ನನ್ ಹಾಗೂ ಡೇನಿಯಲ್ ಕ್ರೇಗ್ ಈ ಪಾತ್ರಕ್ಕೆ ಜೀವ ತುಂಬಿದರು. ಇದೀಗ ರಾಬರ್ಟ್ ಪ್ಯಾಟಿನ್ಸನ್ ಏಳನೇ ಅಧಿಕೃತ ಜೇಮ್ಸ್ ಬಾಂಡ್ ಆಗಲಿದ್ದಾರೆ.
ಕಾಲಕ್ಕೆ ತಕ್ಕಂತೆ ಬದಲಾದ ಬಾಂಡ್
ಜೇಮ್ಸ್ ಬಾಂಡ್ ಸರಣಿಯ ಸುದೀರ್ಘ ಯಶಸ್ಸಿನ ಹಿಂದಿರುವ ಪ್ರಮುಖ ಕಾರಣ ಕಾಲಕ್ಕೆ ತಕ್ಕಂತೆ ಬದಲಾಗುವ ಅದರ ಗುಣ. ಪ್ರತಿಯೊಬ್ಬ ನಟನ ಕಾಲದಲ್ಲೂ ಬಾಂಡ್ ಪಾತ್ರ ವಿಭಿನ್ನ ಸ್ವರೂಪ ಪಡೆದುಕೊಂಡಿದೆ.
ಸೀನ್ ಕಾನರಿ ಅವರ ಬಾಂಡ್ ಆತ್ಮವಿಶ್ವಾಸ, ಗಂಭೀರತೆ ಮತ್ತು ಆಕರ್ಷಣೆಯ ಪ್ರತೀಕವಾಗಿದ್ದರೆ, ರೋಜರ್ ಮೂರ್ ಅವರ ಪಾತ್ರದಲ್ಲಿ ಹಾಸ್ಯ ಹಾಗೂ ಲವಲವಿಕೆ ಹೆಚ್ಚಿತ್ತು. ಟಿಮೋಥಿ ಡಾಲ್ಟನ್ ಬಾಂಡ್ ಪಾತ್ರಕ್ಕೆ ಗಂಭೀರ ಸ್ವರೂಪ ನೀಡಿದರು. ಪಿಯರ್ಸ್ ಬ್ರಾಸ್ನನ್ ಅವರ ಕಾಲದಲ್ಲಿ ಆಧುನಿಕ ತಂತ್ರಜ್ಞಾನ, ಅತ್ಯಾಧುನಿಕ ಗ್ಯಾಜೆಟ್ಗಳು ಮತ್ತು ಸಾಹಸ ದೃಶ್ಯಗಳಿಗೆ ಹೆಚ್ಚಿನ ಒತ್ತು ದೊರೆಯಿತು.
ಡೇನಿಯಲ್ ಕ್ರೇಗ್ ಅವರ ಕಾಲದಲ್ಲಿ ಬಾಂಡ್ ಹೆಚ್ಚು ಮಾನವೀಯ ವ್ಯಕ್ತಿಯಾಗಿ ಕಾಣಿಸಿಕೊಂಡ. ನೋವು, ಪ್ರೀತಿ, ನಷ್ಟ, ಮಾನಸಿಕ ಸಂಘರ್ಷ ಹಾಗೂ ವೈಯಕ್ತಿಕ ಸಂಬಂಧಗಳಿಗೂ ಕಥೆಯಲ್ಲಿ ಮಹತ್ವ ಸಿಕ್ಕಿತು. ಕೇವಲ ಸಾಹಸ ನಾಯಕನಾಗಿರದೆ ಭಾವನೆಗಳಿರುವ ವ್ಯಕ್ತಿಯಾಗಿಯೂ ಬಾಂಡ್ ಪ್ರೇಕ್ಷಕರ ಮನಗೆದ್ದ.
ಅದೇ ರೀತಿ ಶೀತಲ ಸಮರದ ಕಾಲದ ಶತ್ರುಗಳಿಂದ ಹಿಡಿದು ಸೈಬರ್ ಅಪರಾಧ, ಜಾಗತಿಕ ಭಯೋತ್ಪಾದನೆ ಮತ್ತು ಆಧುನಿಕ ತಂತ್ರಜ್ಞಾನದ ಅಪಾಯಗಳವರೆಗೆ ಕಥಾವಸ್ತುಗಳೂ ಕಾಲಕ್ಕೆ ತಕ್ಕಂತೆ ಬದಲಾಗಿವೆ.
ಹೊಸ ಬಾಂಡ್ ಕುರಿತ ಐದು ಪ್ರಮುಖ ಸಂಗತಿಗಳು
- ಟ್ವಿಲೈಟ್ನಿಂದ 007ವರೆಗೆ:
40 ವರ್ಷದ ರಾಬರ್ಟ್ ಪ್ಯಾಟಿನ್ಸನ್ ‘ಹ್ಯಾರಿ ಪಾಟರ್ ಅಂಡ್ ದಿ ಗೋಬ್ಲೆಟ್ ಆಫ್ ಫೈರ್’, ‘ಟ್ವಿಲೈಟ್’ ಸರಣಿ, ‘ಟೆನೆಟ್’ ಹಾಗೂ ‘ದಿ ಬ್ಯಾಟ್ಮ್ಯಾನ್’ ಚಿತ್ರಗಳ ಮೂಲಕ ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಂಡಿದ್ದಾರೆ. ವಿಭಿನ್ನ ರೀತಿಯ ಪಾತ್ರಗಳಲ್ಲಿ ನಟಿಸಿರುವ ಅನುಭವ ಅವರ ಸಿನಿ ಪಯಣಕ್ಕೆ ಹೊಸ ಆಯಾಮ ನೀಡಿದೆ. - ನಿರ್ದೇಶನದ ಹೊಣೆ ಡೆನಿಸ್ ವಿಲ್ನ್ಯೂವ್ಗೆ:
‘ಡ್ಯೂನ್’ ಸರಣಿ ಹಾಗೂ ‘ಅರೈವಲ್’ ಚಿತ್ರಗಳ ಮೂಲಕ ಗುರುತಿಸಿಕೊಂಡಿರುವ ಖ್ಯಾತ ನಿರ್ದೇಶಕ ಡೆನಿಸ್ ವಿಲ್ನ್ಯೂವ್ ಹೊಸ ಜೇಮ್ಸ್ ಬಾಂಡ್ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಅವರ ನಿರ್ದೇಶನದಲ್ಲಿ 007ನ ಸಾಹಸ ಜಗತ್ತು ಹೇಗೆ ಮೂಡಿಬರಲಿದೆ ಎಂಬ ಕುತೂಹಲ ಹೆಚ್ಚಾಗಿದೆ. - ಪೀಕಿ ಬ್ಲೈಂಡರ್ಸ್ ಖ್ಯಾತಿಯ ಲೇಖಕರ ಚಿತ್ರಕಥೆ:
ಜನಪ್ರಿಯ ‘ಪೀಕಿ ಬ್ಲೈಂಡರ್ಸ್’ ಸರಣಿಯ ಸೃಷ್ಟಿಕರ್ತ ಸ್ಟೀವನ್ ನೈಟ್ ಹೊಸ ಬಾಂಡ್ ಚಿತ್ರದ ಚಿತ್ರಕಥೆ ಬರೆಯಲಿದ್ದಾರೆ. ಹೀಗಾಗಿ ಗೂಢಚಾರಿಕೆ, ಅಪರಾಧ ಜಗತ್ತು ಮತ್ತು ಪಾತ್ರಗಳ ಮನೋವೈಜ್ಞಾನಿಕ ಆಯಾಮಗಳಿಗೆ ಕಥೆಯಲ್ಲಿ ಯಾವ ರೀತಿಯ ಸ್ಥಾನ ಸಿಗಲಿದೆ ಎಂಬ ನಿರೀಕ್ಷೆಯಿದೆ. - ಅಮೆಜಾನ್ ಎಂಜಿಎಂನ ಹೊಸ ಅಧ್ಯಾಯ:
2025ರಲ್ಲಿ ಜೇಮ್ಸ್ ಬಾಂಡ್ ಸರಣಿಯ ಹಕ್ಕುಗಳಿಗೆ ಸಂಬಂಧಿಸಿದಂತೆ ಅಮೆಜಾನ್ ಎಂಜಿಎಂ ಸ್ಟುಡಿಯೋಸ್ ಮಹತ್ವದ ಒಪ್ಪಂದ ಮಾಡಿಕೊಂಡಿತ್ತು. ಇದೀಗ ಸಂಸ್ಥೆಯ ಸೃಜನಾತ್ಮಕ ನಿಯಂತ್ರಣದಡಿ ಮೂಡಿಬರುತ್ತಿರುವ ಮೊದಲ ಜೇಮ್ಸ್ ಬಾಂಡ್ ಚಿತ್ರ ಇದಾಗಿದ್ದು, ಸರಣಿಯಲ್ಲಿ ಹೊಸ ಅಧ್ಯಾಯ ಆರಂಭವಾಗಲಿದೆ. - ಇನ್ನೂ ಬಹಿರಂಗವಾಗದ ವಿವರಗಳು:
ಹೊಸ ಚಿತ್ರದ ಹೆಸರು, ಸಂಪೂರ್ಣ ಕಥಾವಸ್ತು, ಇತರ ಕಲಾವಿದರ ವಿವರಗಳು ಹಾಗೂ ಬಿಡುಗಡೆಯ ದಿನಾಂಕವನ್ನು ಇನ್ನೂ ಪ್ರಕಟಿಸಿಲ್ಲ. ಆದರೆ ರಾಬರ್ಟ್ ಪ್ಯಾಟಿನ್ಸನ್ ಆಯ್ಕೆಯ ಘೋಷಣೆಯೇ ಜಾಗತಿಕ ಸಿನಿಪ್ರಿಯರಲ್ಲಿ ಭಾರಿ ಕುತೂಹಲ ಮೂಡಿಸಿದೆ.
ಬಾಂಡ್ ಎಂದರೆ ಕೇವಲ ನಾಯಕನಲ್ಲ!
25 ಅಧಿಕೃತ ಚಿತ್ರಗಳು, ಆರು ದಶಕಗಳ ಇತಿಹಾಸ ಮತ್ತು ವಿಶ್ವದಾದ್ಯಂತ ಕೋಟ್ಯಂತರ ಅಭಿಮಾನಿಗಳು… ಜೇಮ್ಸ್ ಬಾಂಡ್ ಸರಣಿಯ ಜನಪ್ರಿಯತೆಗೆ ಇವು ಸಾಕ್ಷಿ. ಮಾರ್ಟಿನಿ ಪಾನೀಯ, ಆಸ್ಟನ್ ಮಾರ್ಟಿನ್ ಕಾರು, 007 ಗುರುತು, ಬಾಂಡ್ ಪ್ರವೇಶದ ಹಿನ್ನೆಲೆ ಸಂಗೀತ, ಎಂಐ6 ಕಚೇರಿ ಮತ್ತು ‘ಕ್ಯೂ’ ವಿಭಾಗದ ಅತ್ಯಾಧುನಿಕ ಗ್ಯಾಜೆಟ್ಗಳು ಈ ಸರಣಿಯ ಅವಿಭಾಜ್ಯ ಭಾಗಗಳಾಗಿವೆ.
ಇದೀಗ ಹೊಸ ನಾಯಕನೊಂದಿಗೆ ಬಾಂಡ್ ಜಗತ್ತು ಮತ್ತೊಂದು ತಲೆಮಾರಿಗೆ ತೆರೆದುಕೊಳ್ಳುತ್ತಿದೆ. ಹಳೆಯ ಅಭಿಮಾನಿಗಳ ನಿರೀಕ್ಷೆಗಳನ್ನು ಉಳಿಸಿಕೊಂಡು ಹೊಸ ಪ್ರೇಕ್ಷಕರನ್ನೂ ಸೆಳೆಯುವುದು ರಾಬರ್ಟ್ ಪ್ಯಾಟಿನ್ಸನ್ ಮುಂದಿರುವ ದೊಡ್ಡ ಸವಾಲು.
ಬಾಂಡ್ನ ಶೈಲಿ ಬದಲಾಗಬಹುದು, ತಂತ್ರಜ್ಞಾನ ಬದಲಾಗಬಹುದು, ಶತ್ರುಗಳ ಸ್ವರೂಪ ಬದಲಾಗಬಹುದು. ಆದರೆ ‘ಲೈಸೆನ್ಸ್ ಟು ಕಿಲ್’ ಹೊಂದಿರುವ 007ನ ಸಾಹಸ ಮತ್ತು ರೋಮಾಂಚನ ಮಾತ್ರ ಎಂದಿಗೂ ಮಾಸುವುದಿಲ್ಲ ಎಂಬುದು ಅಭಿಮಾನಿಗಳ ಆಶಯ.
-
ಬಿಗ್ ನ್ಯೂಸ್18 hours agoNeralakatte-Big Breaking: ನೇರಳಕಟ್ಟೆ : ಲಾರಿ ಡಿಕ್ಕಿಯಾಗಿ ರಸ್ತೆ ದಾಟುತ್ತಿದ್ದ 14ರ ಬಾಲಕಿ ದುರ್ಮರಣ
-
ಅಂತರ ರಾಜ್ಯ24 hours agoToll Plaza-ವಾಹನ ಸವಾರರೇ ಗಮನಿಸಿ; ಇನ್ಮುಂದೆ ಟೋಲ್ನಲ್ಲೇ ವಾಹನ ವಿಮೆ ಪರಿಶೀಲನೆ: ಅವಧಿ ಮುಗಿದಿದ್ದರೆ ಮೊಬೈಲ್ಗೆ SMS, 10 ಸಾವಿರ ರೂ.ವರೆಗೆ ದಂಡ..!
-
ಆರೋಗ್ಯ20 hours agoPuttur-ಪುತ್ತೂರು: ಸಿಟಿ ಆಸ್ಪತ್ರೆಯಲ್ಲಿ ಉಚಿತ ಮೂಳೆ ಖನಿಜ ಸಾಂದ್ರತೆ (BMD) ಚಿಕಿತ್ಸಾ ಶಿಬಿರ
-
ಶಿಕ್ಷಣ3 hours agoVivekananda-ವಿವೇಕಾನಂದ ಪಾಲಿಟೆಕ್ನಿಕ್ – ನೂತನ ಆಡಳಿತ ಮಂಡಳಿಯ ರಚನೆ : ಅಧ್ಯಕ್ಷರಾಗಿ ಕೃಷ್ಣಕುಮಾರ್ ಅತ್ರಿಜಾಲು, ಸಂಚಾಲಕರಾಗಿ ನರಸಿಂಹ ಪೈ
-
ಬಿಗ್ ನ್ಯೂಸ್24 hours agoPuttur-ಎಸ್ಡಿಪಿಐ ನಿರಂತರ ಪ್ರಯತ್ನ: ಪುತ್ತೂರಿನ ಅಲ್ಪಸಂಖ್ಯಾತರ ಸೇವಾ ಕೇಂದ್ರ ಪುನರಾರಂಭ
-
ಅಪರಾಧ2 hours agoMangalore-ಮಂಗಳೂರು: ಅಪ್ರಾಪ್ತ ಬಾಲಕನಿಗೆ ಲೈಂಗಿಕ ಕಿರುಕುಳ ಆರೋಪ: ಮತ್ತೊಂದು ಪೋಕ್ಸೋ ಪ್ರಕರಣದಲ್ಲಿ ಧರ್ಮಗುರು ಮರುಬಂಧನ
-
ಸ್ಥಳೀಯ2 hours agoBaindoor-ರೈಲಿನಲ್ಲಿ ಮೊಬೈಲ್ ಕಳವು, UPI ಮೂಲಕ ಹಣ ವರ್ಗಾವಣೆ: ಬೈಂದೂರು ಪೊಲೀಸರಿಂದ ಕುಖ್ಯಾತ ಆರೋಪಿ ಬಂಧನ
-
Uncategorized4 hours ago
ನೆಲಪ್ಪಾಲು ವೀರಾಂಜನೇಯ ಕ್ಷೇತ್ರದಲ್ಲಿ ಪಂಚಮುಖಿ ಆಂಜನೇಯ ಹವನ- ಆಟೋ ರಿಕ್ಷಾಗಳಿಗೆ ಸ್ಟಿಕ್ಕರ್ ಅಭಿಯಾನಕ್ಕೆ ವಿಪಕ್ಷ ನಾಯಕ ಆರ್ ಅಶೋಕ್ ಚಾಲನೆ















