ಪುತ್ತೂರು ನಗರದ ಮಯೂರ ಜಂಕ್ಷನ್‌ನಲ್ಲಿ 50 ಲಕ್ಷ ರೂ. ವೆಚ್ಚದಲ್ಲಿ ನಡೆಯುತ್ತಿರುವ ರಾಜಕಾಲುವೆ ಡ್ರೈನೇಜ್ ಮತ್ತು ಸ್ಲ್ಯಾಬ್ ಅಳವಡಿಕೆ ಕಾಮಗಾರಿಯ ಗುಣಮಟ್ಟದ ಬಗ್ಗೆ ಗಂಭೀರ ಆರೋಪಗಳು ಕೇಳಿಬಂದಿದ್ದು, ಪುತ್ತೂರು ನಗರ ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ (ಪುಡಾ) ಅಧ್ಯಕ್ಷ ಅಮಳ ರಾಮಚಂದ್ರ ಅವರು ಕಾಮಗಾರಿಯ ಬಿಲ್ ಪಾವತಿಯನ್ನು ತಕ್ಷಣ ಸ್ಥಗಿತಗೊಳಿಸುವಂತೆ ನಗರಸಭೆಗೆ ಸೂಚಿಸಿದ್ದಾರೆ.

ಪುತ್ತೂರು: ನಗರದ ಮಯೂರ ಜಂಕ್ಷನ್‌ನಲ್ಲಿ 50 ಲಕ್ಷ ರೂ. ವೆಚ್ಚದಲ್ಲಿ ನಡೆಯುತ್ತಿರುವ ರಾಜಕಾಲುವೆ ಡ್ರೈನೇಜ್ ಮತ್ತು ಸ್ಲ್ಯಾಬ್ ಅಳವಡಿಕೆ ಕಾಮಗಾರಿಯ ಗುಣಮಟ್ಟದ ಬಗ್ಗೆ ಗಂಭೀರ ಆರೋಪಗಳು ಕೇಳಿಬಂದಿದ್ದು, ಪುತ್ತೂರು ನಗರ ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ (ಪುಡಾ) ಅಧ್ಯಕ್ಷ ಅಮಳ ರಾಮಚಂದ್ರ ಅವರು ಕಾಮಗಾರಿಯ ಬಿಲ್ ಪಾವತಿಯನ್ನು ತಕ್ಷಣ ಸ್ಥಗಿತಗೊಳಿಸುವಂತೆ ನಗರಸಭೆಗೆ ಸೂಚಿಸಿದ್ದಾರೆ.

alt="Ad Widget"/>

ಕಾಮಗಾರಿಯಲ್ಲಿ ಲೋಪದೋಷಗಳ ಪತ್ತೆ:
ಈ ಕಾಮಗಾರಿಯು ಆರಂಭವಾದಾಗಿನಿಂದಲೂ ಪುಡಾ ಅಧ್ಯಕ್ಷ ಅಮಳ ರಾಮಚಂದ್ರ ಅವರು ಇದರ ಗುಣಮಟ್ಟದ ಬಗ್ಗೆ ನಿರಂತರವಾಗಿ ಪರಿಶೀಲನೆ ನಡೆಸುತ್ತಿದ್ದರು. ಕಾಮಗಾರಿ ನಡೆಸುವ ಒಂದು ವಾರದ ಮೊದಲು, ಕಬ್ಬಿಣದ ಸರಳುಗಳನ್ನು ಸರಿಯಾಗಿ ಕಟ್ಟದಿರುವುದು ಮತ್ತು ಹಲಿಗೆಗಳ ನಡುವಿನ ಸೀಳುಗಳನ್ನು ಕಾಗದ ರಟ್ಟಿನಲ್ಲಿ ಮುಚ್ಚಿರುವುದು ಪತ್ತೆಯಾಗಿತ್ತು. ಇದನ್ನು ಗಮನಿಸಿ, ಅಮಳ ರಾಮಚಂದ್ರರವರು ಗುತ್ತಿಗೆದಾರರಿಗೆ ಮತ್ತು ಇಂಜಿನಿಯರ್‌ಗೆ ಲೋಪದೋಷಗಳನ್ನು ಸರಿಪಡಿಸುವಂತೆ ಸೂಚಿಸಿದ್ದರು. ಅಲ್ಲದೆ, ಕಾಂಕ್ರೀಟ್ ಹಾಕುವ ಮರದ ಹಲಗೆಗಳ ಮೇಲೆ ಪ್ಲಾಸ್ಟಿಕ್ ಶೀಟ್ ಅಳವಡಿಸುವಂತೆ ತಾಕೀತು ಮಾಡಿದ್ದರು. ಗ್ಯಾಪ್‌ಗಳಲ್ಲಿ ಸಿಮೆಂಟ್ ಸೋರಿಕೆಯಾದರೆ ಕಾಮಗಾರಿ ಕಳಪೆಯಾಗುತ್ತದೆ ಎಂದು ಅವರು ಎಚ್ಚರಿಸಿದ್ದರು.

<>

ಪೂರ್ಣಗೊಂಡ ಕಾಮಗಾರಿಯಲ್ಲಿ ಕಳಪೆ ಗುಣಮಟ್ಟ ಸ್ಪಷ್ಟ:
ಆದರೆ, ಎಚ್ಚರಿಕೆಗಳನ್ನು ಗಣನೆಗೆ ತೆಗೆದುಕೊಳ್ಳದೆ ಕಾಮಗಾರಿಯನ್ನು ಪೂರ್ಣಗೊಳಿಸಲಾಗಿದೆ. ಮಂಗಳವಾರ ಅಮಳ ರಾಮಚಂದ್ರರವರು ಮತ್ತೊಮ್ಮೆ ನಗರಸಭೆ ಇಂಜಿನಿಯರ್ ಕೃಷ್ಣಮೂರ್ತಿ ರೆಡ್ಡಿ ಅವರ ಸಮ್ಮುಖದಲ್ಲಿ ಕಾಮಗಾರಿಯ ಗುಣಮಟ್ಟವನ್ನು ಪರಿಶೀಲಿಸಿದಾಗ, ಹಲವು ಲೋಪದೋಷಗಳು ಸ್ಪಷ್ಟವಾಗಿ ಗೋಚರಿಸಿದವು. ರಟ್ಟು ಇಟ್ಟಲ್ಲಿ ಸಿಮೆಂಟ್ ಸೋರಿಕೆಯಾಗಿ ಗಟ್ಟಿಯಾಗಿದ್ದು, ಅಲ್ಲಲ್ಲಿ ಸಿಮೆಂಟ್ ಬಿದ್ದು ಜಲ್ಲಿ ಕಾಣುತ್ತಿರುವುದು ಕಂಡುಬಂದಿದೆ. ಕೊಳಚೆ ನೀರಿನಲ್ಲಿ ಸೋರಿಕೆಯಾದ ಸಿಮೆಂಟ್ ಗಟ್ಟಿಯಾಗಿರುವುದು ಕೂಡ ಪತ್ತೆಯಾಗಿದೆ.

ಪುಡಾ ಅಧ್ಯಕ್ಷರ ಆಕ್ರೋಶ ಮತ್ತು ಬಿಲ್ ಸ್ಥಗಿತಕ್ಕೆ ಆದೇಶ:
ಈ ಎಲ್ಲ ಲೋಪದೋಷಗಳನ್ನು ಇಂಜಿನಿಯರ್ ಕೃಷ್ಣಮೂರ್ತಿ ರೆಡ್ಡಿ ಅವರಿಗೆ ತೋರಿಸಿದ ಅಮಳ ರಾಮಚಂದ್ರರವರು ಗುಣಮಟ್ಟದ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. “ಕೆಲವು ಕಡೆ ಸಿಮೆಂಟ್‌ನಲ್ಲಿ ಸೀಳು ಕಾಣಿಸಿದ್ದು, ಇದರಲ್ಲಿ ತೇವಾಂಶ ಮತ್ತು ಗಾಳಿ ಹೋಗಿ ಕಬ್ಬಿಣ ಹಾನಿಯಾಗುತ್ತದೆ. ಇದು ಸೇತುವೆ ಕುಸಿಯುವ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ,” ಎಂದು ಅವರು ಕಳವಳ ವ್ಯಕ್ತಪಡಿಸಿದರು.
“ಅಭಿವೃದ್ಧಿ ಕಾರ್ಯಕ್ಕಾಗಿ ಪುಡಾ ಅನುದಾನವನ್ನು ನಗರಸಭೆಗೆ ನೀಡಲಾಗಿದ್ದು, ಕಾಮಗಾರಿ ಕಳಪೆಯಾಗಿರುವುದು ಮೇಲ್ನೋಟಕ್ಕೆ ಕಾಣಿಸುತ್ತಿದೆ. ಗುತ್ತಿಗೆದಾರ ಹಂಝ ಅವರು ಯಾವುದೇ ಪ್ರತಿಕ್ರಿಯೆ ನೀಡದೆ ಕಾಮಗಾರಿಯನ್ನು ಮುಗಿಸಿದ್ದಾರೆ. ಈ ಕುರಿತು ಪುಡಾ ಸಭೆಯಲ್ಲಿಯೂ ಪ್ರಸ್ತಾಪ ಮಾಡಲಾಗಿತ್ತು,” ಎಂದು ಅಮಳ ರಾಮಚಂದ್ರ ತಿಳಿಸಿದರು.

ಈ ಹಿನ್ನೆಲೆಯಲ್ಲಿ, “ಕಾಮಗಾರಿಗೆ ಬಿಲ್ ಪಾವತಿ ಮಾಡದಂತೆ ಪ್ರಾಧಿಕಾರದಿಂದ ನಗರಸಭೆಗೆ ಪತ್ರ ಬರೆಯಲಾಗುವುದು,” ಎಂದು ಅಮಳ ರಾಮಚಂದ್ರ ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ನಗರಸಭೆ ಪೌರಾಯುಕ್ತರಿಗೆ ಪತ್ರ ಬರೆದು ಕಾಮಗಾರಿಯನ್ನು ತಕ್ಷಣ ನಿಲ್ಲಿಸುವ ಜತೆಗೆ, ಕೆಲಸಕ್ಕೆ ಯಾವುದೇ ಹಣವನ್ನು ಪಾವತಿ ಮಾಡದಂತೆ ತಿಳಿಸುವುದಾಗಿ ಅವರು ಸ್ಪಷ್ಟಪಡಿಸಿದ್ದಾರೆ.

ಗಂ ಬೂಟ್ ಧರಿಸಿ ರಾಜಕಾಲುವೆಗಿಳಿದ ಅಮಳ ರಾಮಚಂದ್ರ ಸಾರ್ವಜನಿಕ ವಲಯದಲ್ಲಿ ಶ್ಲಾಘನೆ:
ಕಾಮಗಾರಿಯ ಪ್ರತಿಯೊಂದು ಹಂತದಲ್ಲೂ ವೈಯಕ್ತಿಕವಾಗಿ ಪರಿಶೀಲನೆ ನಡೆಸುತ್ತಿರುವ ಪುಡಾ ಅಧ್ಯಕ್ಷ ಅಮಳ ರಾಮಚಂದ್ರ ರವರು, ಮಾರ್ಚ್ 17 ರಂದು ರಾಜಕಾಲುವೆಗೆ ಅಳವಡಿಸಿದ ಸ್ಲ್ಯಾಬ್‌ಗಳ ಅಡಿಯೂ ಇಳಿದು ಪರಿಶೀಲನೆ ನಡೆಸಿದ್ದಾರೆ. ಇತರರು ಕೊಳಕು ತ್ಯಾಜ್ಯಗಳಿರುವ ರಾಜಕಾಲುವೆಯೊಳಗೆ ಇಳಿಯಲು ಹಿಂಜರಿಯುತ್ತಿದ್ದಾಗ, ಅಮಳ ರಾಮಚಂದ್ರ ಅವರು ಗಂ ಬೂಟ್ ಧರಿಸಿ ಧೈರ್ಯವಾಗಿ ಕೆಳಗೆ ಇಳಿದು ಕಾಮಗಾರಿಯ ಗುಣಮಟ್ಟವನ್ನು ಸೂಕ್ಷ್ಮವಾಗಿ ಪರೀಕ್ಷಿಸಿದ್ದಾರೆ. ಅವರ ಈ ಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ವ್ಯಾಪಕ ಶ್ಲಾಘನೆ ವ್ಯಕ್ತವಾಗಿದೆ.

ಸಭೆಯಲ್ಲಿ ಪ್ರಸ್ತಾಪ ಮತ್ತು ಇಂಜಿನಿಯರ್‌ಗಳ ಅಸಹಕಾರ:
ಪುಡಾ ಸಭೆಯಲ್ಲಿಯೂ ಜಂಕ್ಷನ್ ಅಭಿವೃದ್ಧಿ ಕಾಮಗಾರಿಯಲ್ಲಿ ನಡೆಯುವ ಲೋಪದೋಷಗಳ ಬಗ್ಗೆ ಚರ್ಚೆ ನಡೆದಿತ್ತು. ಈ ಸಂದರ್ಭ, ಕಾಮಗಾರಿ ಪೂರ್ವದಲ್ಲೇ ಕಳಪೆ ಕಾಮಗಾರಿಯ ಆರೋಪ ಸರಿಯಲ್ಲ ಎಂದು ಇಂಜಿನಿಯರ್ ವಿಭಾಗದಿಂದ ಕೇಳಿಬಂದಿತ್ತು. ಆದರೆ ಈಗ ಕಾಮಗಾರಿ ನಡೆದು, ಎಲ್ಲೆಂದರಲ್ಲಿ ಸಿಮೆಂಟ್ ಸೋರಿಕೆಯಾಗಿ ಜಲ್ಲಿ ಕಾಣುವಂತಾಗಿದೆ. ಸಭೆಯಲ್ಲಿ ಮೌಖಿಕವಾಗಿ ಪರಿಶೀಲಿಸುವುದಾಗಿ ಹೇಳಿದ್ದರೂ, ಸ್ಥಳ ಪರಿಶೀಲನೆ ಸಂದರ್ಭ ಇಂಜಿನಿಯರ್‌ಗಳು ಸ್ಥಳಕ್ಕೆ ಬಾರದೆ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದಾರೆ ಎಂಬ ಆರೋಪವೂ ಕೇಳಿಬಂದಿದೆ.

ಸಿಮೆಂಟ್ ತೆರವು ಕಾರ್ಯಾಚರಣೆ ಆದರೆ, ಕಳಪೆ ಗುಣಮಟ್ಟ ಮರೆಮಾಚಲು ಅಸಾಧ್ಯ:
ಕಾಮಗಾರಿಯ ಸಂದರ್ಭ ಕೊಳಚೆ ನೀರಿಗೆ ಬಿದ್ದಿದ್ದ ಸಿಮೆಂಟ್ ಅನ್ನು ಸ್ಥಳದಿಂದ ತೆರವು ಮಾಡುವ ಕಾರ್ಯವಾಗಿದೆ. ಆದರೆ, ಜಲ್ಲಿ ಕಾಣುವುದನ್ನು ಮರೆಮಾಚುವುದಕ್ಕೆ ಸಾಧ್ಯವಾಗಿಲ್ಲ. ಇದೆಲ್ಲವನ್ನೂ ಗಮನಿಸಿದರೆ ಕಾಮಗಾರಿಯಲ್ಲಿ ದೋಷವಾಗಿರುವುದು ಖಚಿತವಾಗಿದೆ.

ಈ ಬೆಳವಣಿಗೆಯೊಂದಿಗೆ, ಪುತ್ತೂರಿನಲ್ಲಿ ಮಯೂರ ಜಂಕ್ಷನ್ ಅಭಿವೃದ್ಧಿ ಕಾಮಗಾರಿಯು ಮತ್ತಷ್ಟು ವಿವಾದಕ್ಕೆ ಸಿಲುಕುವ ಸಾಧ್ಯತೆ ಇದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಅಭಿವೃದ್ಧಿ ಕಾಮಗಾರಿ ಲೋಪ ಆರೋಪಅಮಳ ರಾಮಚಂದ್ರಅಮಳ ರಾಮಚಂದ್ರರಿಂದ ಪರಿಶೀಲನೆಮಯೂರ ಜಂಕ್ಷನ್ಬಿಲ್ ಸ್ಥಗಿತಪುಡಾ ಅಧ್ಯಕ್ಷAmal RamachandraMayur JunctionPUDA president

Up Next

Bomb attack-ಹೊರ್ಮುಜ್ ಜಲಸಂಧಿ ಬಳಿ ಇರಾನ್ ಕ್ಷಿಪಣಿ ತಾಣಗಳಿಗೆ ಅಮೇರಿಕಾದಿಂದ ‘ಬಂಕರ್ ಬಸ್ಟರ್’ ಬಾಂಬ್ ದಾಳಿ..!

Don't Miss

Ali Larijani-ಇಸ್ರೇಲ್ ಪ್ರಹಾರಕ್ಕೆ ಇರಾನ್‌ನ ಭದ್ರತಾ ಮುಖ್ಯಸ್ಥ ‘ಮಾಸ್ಟರ್ ಮೈಂಡ್’ ಅಲಿ ಲಾರಿಜಾನಿ ಬಲಿ?