ಪುತ್ತೂರು:  ಸಾಮಾಜಿಕ ಜಾಲತಾಣಗಳಲ್ಲಿ (Social Media) ವೈರಲ್‌ ಆದ  ಆಕ್ಷೇಪಾರ್ಹ ಚಿತ್ರದ (Viral photo )  ಸತ್ಯಾಸತ್ಯತೆ  ಕ್ಷೇತ್ರದ ಜನತೆ ಮುಂದೆ ಬಹಿರಂಗವಾಗಬೇಕು. ಶಾಸಕರು ಎಲ್ಲ ಪಕ್ಷದ ಆಸ್ತಿಯಾಗಿದ್ದು ಅವರ ಮೇಲೆ ಬಂದ ಆರೋಪದ ಬಗ್ಗೆ ಸಮಗ್ರ ತನಿಖೆಯಾಗಬೇಕು. ಪ್ರಪ್ರಥಮ ಬಾರಿಗೆ ಇಲ್ಲಿನ ಜನ ಪ್ರತಿನಿಧಿಯೊಬ್ಬರ ಕುರಿತಾಗಿ ಈ ರೀತಿಯ ಗುರುತರ ಆರೋಪ ಬಂದಿದ್ದು ಇದು ಪುತ್ತೂರಿನ ಮಾನ ಹಾಗೂ ಗೌರವದ ಪ್ರಶ್ನೆಯೂ ಆಗಿದೆ ಎಂದು ಕಾಂಗ್ರೆಸ್ ಮುಖಂಡ ಅಮಳ ರಾಮಚಂದ್ರ (Amala Ramachandra) ತಿಳಿಸಿದ್ದಾರೆ

ಪುತ್ತೂರಿನಲ್ಲಿ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿದ ಅವರು “ ಫೊಟೊ ವೈರಲ್‌ ಹಿಂದೆ ಬಿಜೆಪಿಯವರೇ ಇರುವುದು ಸ್ಪಷ್ಟ . ಶಾಶಕರಿಗೆ ಟಿಕೆಟ್‌ ತಪ್ಪಿಸಬೇಕು ಎಂಬ ಉದ್ದೇಶದಿಂದಲೇ ಈ ಕೃತ್ಯ ಎಸಗಲಾಗಿದೆ. ಪೋಟೋ ವೈರಲ್‌ ಆದ ಸಮಯವನ್ನು ಸೂಕ್ಷ್ಮವಾಗಿ ಗಮನಿಸಿದರೇ ಈ ಸಂಗತಿಯ ಅರಿವಾಗುತ್ತದೆ. ಒಕ್ಕಲಿಗ ಸಮುದಾಯದ ನಿಯೋಗವೊಂದು ಇವರಿಗೆ ಟಿಕೆಟ್ ನೀಡಬೇಕೆಂದು ಸ್ವಾಮೀಜಿಯ ಬಳಿಗೆ ತೆರಳಿದ ಕೆಲವೇ ಗಂಟೆಯಲ್ಲಿ ಚಿತ್ರ ಬಿತ್ತರವಾಗಿರುವುದನ್ನು ಗಮನಿಸಿದರೆ ಟಿಕೆಟ್ ತಪ್ಪಿಸುವ ಉದ್ದೇಶದಿಂದಲೇ ಈ ಕೃತ್ಯ ಮಾಡಲಾಗಿದೆ ಎಂದು ಸ್ಪಷ್ಟವಾಗುತ್ತದೆ.  ನಿಯೋಗ ಹೋದ ಮೇಲೆ ಹಾಗೂ ಟಿಕೆಟ್ ಘೋಷಣೆಯ ಯಾಗುವ ಮೊದಲು ಚಿತ್ರ ಹೊರ ಬಂದಿರುವುದನ್ನು ಗಮನಿಸಿದರೆ, ಪಕ್ಷದ ಮೇಲಿನ ಕೋಪದ ಬದಲು ವ್ಯಕ್ತಿ ಮೇಲಿನ ವೈಯಕ್ತಿಕ ದ್ವೇಷವೆಂಬುದು ಸ್ಪಷ್ಟವಾಗುತ್ತದೆ” ಎಂದರು.

alt="Ad Widget"/>

ಸಾರ್ವಜನಿಕ ಜೀವನದಲ್ಲಿರುವ ವ್ಯಕ್ತಿ ಕಚ್ಚೆ, ಕೈ, ಬಾಯಿಯನ್ನು ಸ್ವಚ್ಛವಾಗಿಟ್ಟುಕೊಳ್ಳಬೇಕು. ಕೃತ್ಯ ಬೆಳಕಿಗೆ ಬಂದು ದಿನಗಳು ಉರುಳಿದರೂ, ತನಿಖೆಯಲ್ಲಿ ಯಾವುದೇ ಪ್ರಗತಿಯಾಗಿಲ್ಲ. ತನಿಖೆ ಆಗಬಾರದೆಂಬುದೇ ಬಿಜೆಪಿ ಹಿತಾಸಕ್ತಿಯಾಗಿದೆ. ಪುತ್ತೂರಿನ ಗೌರವದ ಪ್ರಶ್ನೆಯಾಗಿರುವ ಹಿನ್ನಲೆಯಲ್ಲಿ ಪೊಲೀಸರು ಘಟನೆಯನ್ನು ಯಾವುದೇ ಒತ್ತಡವಿಲ್ಲದೆ ನಿಷ್ಪಕ್ಷಪಾತದಿಂದ ತನಿಖೆಯನ್ನು ನಡೆಸಬೇಕು. ಕೃತ್ಯ ಬೆಳಕಿಗೆ ಬಂದು 6 ದಿನ ಕಳೆದರೂ ಪೊಲೀಸ್‌ ಇಲಾಖೆ ಷಡ್ಯಂತ್ರ ಬೇಧಿಸುವ ಕಾರ್ಯ ಮಾಡಿಲ್ಲ ಎಂದರು.   

<>

ಪುತ್ತೂರಿನ ಆಕ್ಷೇಪಾರ್ಹ ಚಿತ್ರ ವೈರಲ್ ಆಗಿರುವುದರ ಹಿಂದೆ ಬಿಜೆಪಿಯವರ ಕೈವಾಡ ಇರುವುದು ಸ್ಪಷ್ಟ. ಆರು ತಿಂಗಳ ಹಿಂದಿನಿಂದಲೂ ಈ ವಿಚಾರ ಬಗ್ಗೆ ಅಲ್ಲಲ್ಲಿ ಮಾತುಗಳು ಕೇಳಿ ಬರುತ್ತಿತ್ತು. ಕೆ.ಡಿ.ಪಿ. ಸದಸ್ಯರೊಬ್ಬರ ದೂರವಾಣಿ ಸಂಭಾಷಣೆಯ ಧ್ವನಿಸುರುಳಿಯಲ್ಲಿ ಕೂಡಾ ಸಿಡಿ ವಿಚಾರ ಪ್ರಸ್ತಾಪವಾಗಿದ್ದಾಗಲೇ ಕಾಂಗ್ರೆಸ್ ಈ ವಿಚಾರವನ್ನು ಸ್ಪಷ್ಟಪಡಿಸುವಂತೆ ಆಗ್ರಹಿಸುವ ಕಾರ್ಯ ಮಾಡಿತ್ತು. ಎಂದು ಸೋಮವಾರ ಪ್ರೆಸ್ ಕ್ಲಬ್ ನಲ್ಲಿ ಸುದ್ದಿಗೋಷ್ಠಿ ನಡೆಸಿ ಹೇಳಿದರು.

ಸ್ತ್ರೀಯರನ್ನು ವೇದಿಕೆಯಲ್ಲಿ ಮಾತೆಯರೆಂದು ಹೇಳುವ ಬಿಜೆಪಿಯವರು ಸಮಸ್ಯೆಗಳ ಪರಿಹಾರಕ್ಕೆ ಬಂದ ಮಹಿಳೆಯರನ್ನು ದುರ್ಬಳಕೆ ಮಾಡುವ ಕಾರ್ಯ ಜನಪ್ರತಿನಿಧಿಗಳಿಂದ ನಡೆಯುತ್ತಿದೆ. ನಕಲಿ ಹಿಂದುತ್ವದ ಮೂಲಕ ಅಧಿಕಾರ ಗಳಿಸಿ, ಅವ್ಯವಹಾರಗಳ ಮೂಲಕ ಹಣವನ್ನು ಸಂಪಾಧಿಸಿ ಮಜಾ ಮಾಡುವ ಕಾರ್ಯವನ್ನು ಬಿಜೆಪಿಯ ವ್ಯಕ್ತಿಗಳು ಮಾಡುತ್ತಿದ್ದಾರೆ ಎಂಬ ಆಪಾದನೆ ಈಗ ಸತ್ಯವಾಗಿದೆ. ಜನಪ್ರತಿನಿಧಿಗಳಾದ ಉದ್ದೇಶವನ್ನು ಮರೆತು, ಮಜಾ ಮಾಡುವ ಮೂಲಕ ಅಭಿವೃದ್ಧಿ ಕಾಮಗಾರಿಗಳ ಕುಂಟಿತಕ್ಕೆ ಕಾರಣವಾಗುತ್ತಿದ್ದಾರೆ. ಕಾಗೆ ಹಿಕ್ಕೆ ಹಾಕಿದರೂ ವಿಪಕ್ಷದವರನ್ನು ಬೊಟ್ಟು ಮಾಡುತ್ತಿದ್ದವರು ಚಿತ್ರದ ವಿಚಾರದಲ್ಲಿ ಕಾಂಗ್ರೆಸ್ ಕಡೆ ಬೊಟ್ಟು ಮಾಡಿಲ್ಲ. ನಮ್ಮಲ್ಲಿನ ರಾಜಕೀಯ ವಿರೋಧಿಗಳು ಮಾಡಿದ್ದು ಎಂದು ಹೇಳಿವ ಮೂಲಕ ಅವರ ಪಕ್ಷದವರ ಕಡೆಗೇ ಬೆರಳು ಮಾಡುವ ಕಾರ್ಯವನ್ನು ಶಾಸಕರು ಮಾಡುತ್ತಿದ್ದಾರೆ ಎಂದರು.

ಈಗ ಬಂದಿರುವ ಟ್ರೈಲರ್‌  ʼಪಿಕ್ಚರ್‌ ಅಭಿ ಭಿ  ಬಾಕಿ ಹೇʼ   ಎಂಬ ಮಾತು ಕೇಳಿ ಬರುತ್ತಿದೆ. ಚಿತ್ರ ಸತ್ಯವಾಗಿದ್ದರೂ, ಸುಳ್ಳಾಗಿದ್ದರೂ ಬಿಜೆಪಿ ಬಂಡವಾಳವನ್ನು ಇದು  ಬಯಲು ಮಾಡಿದೆ. ಘಟನೆ ಸತ್ಯವಾಗಿದ್ದರೆ ಶಾಸಕರು, ಸುಳ್ಳಾಗಿದ್ದಾರೆ ಬಿಜೆಪಿ ಬೆಲೆ ತೆರಬೇಕಾಗುತ್ತದೆ. ಪ್ರತೀ ಬಾರಿ ಶಾಸಕರನ್ನು ಸರ್ಥಿಸುತ್ತಿದ್ದವರು, ಈಗ ಮೌನವಾಗಿರುವುದು ನೋಡಿದರೆ ಅವರೆಲ್ಲರೂ ಈ ಕೃತ್ಯದಲ್ಲಿ ಭಾಗಿಯಾರುವಂತೆ ಕಾಣಿಸುತ್ತಿದೆ. ಸ್ತ್ರೀಯ ಮಾನ ಖಂಡನೆ ಮಾಡುವ ಕಾರ್ಯವನ್ನು ಮಾಡಿರುವುದು ಮಹಿಳೆಯರ ಮೇಲೆ ಗೌರವವಿಲ್ಲ ಎಂಬುದು ಸ್ಪಷ್ಟವಾಗುತ್ತದೆ ಎಂದರು.

ಕಾಂಗ್ರೆಸ್ ಮುಖಂಡರಾದ ಜಯಂತಿ ಬಲ್ನಾಡು, ಮಹಮ್ಮದ್ ರಿಯಾಝ್, ಮಹಾಲಿಂಗ ನಾಯ್ಕ ಉಪಸ್ಥಿತರಿದ್ದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಅಮಳ ರಾಮಚಂದ್ರಬಿಜೆಪಿದಕ್ಷಿಣ ಕನ್ನಡಪುತ್ತೂರುBjpDakshina KannadaPuttur

Up Next

Business Sucide: ಮಂಗಳೂರು : ಆರ್ಥಿಕ ಸಂಕಷ್ಟ – ಅಂಗಡಿಯೊಳಗೆ ಆತ್ಮಹತ್ಯೆಗೆ ಶರಣಾದ ಮಾಲಕ

Don't Miss

Puttur BJP | ಹಿಂದುತ್ವದ ಪ್ರಯೋಗಶಾಲೆ ಪುತ್ತೂರಿನಲ್ಲಿ ಜಾತಿ ಪ್ರಯೋಗಕ್ಕೆ ಬಿಜೆಪಿ ಕಾರ್ಯಕರ್ತರ ಅಸಮಾಧಾನ – ಸಾಮಾಜಿಕ ಜಾಲತಾಣದಲ್ಲಿ ನಡೆಯುತ್ತಿದೆ ನೋಟಾ ಅಭಿಯಾನ