ಸರಕಾರದಿಂದಲೇ ‘ಬ್ಲ್ಯಾಕ್ ಸ್ಪಾಟ್’ ಎಂದು ಗುರುತಿಸಲ್ಪಟ್ಟಿರುವ ಪುತ್ತೂರಿನ ಅರುಣಾ ಜಂಕ್ಷನ್ನಲ್ಲಿ ದಶಕಗಳಿಂದ ಕಾದಿರುವ ಸಮಸ್ಯೆ ಅಂತಿಮವಾಗಿ ಪರಿಹಾರ ಕಾಣುವತ್ತ ಮುಖ ಮಾಡಿದೆ. ಈ ಜಂಕ್ಷನ್ ಅಭಿವೃದ್ಧಿಗೆ ಪುತ್ತೂರು ನಗರ ಯೋಜನಾ ಪ್ರಾಧಿಕಾರ (ಪುಡಾ) ಮಹತ್ವದ ಹೆಜ್ಜೆ ಇರಿಸಿದೆ.

ಸರಕಾರದಿಂದಲೇ ‘ಬ್ಲ್ಯಾಕ್ ಸ್ಪಾಟ್’ ಎಂದು ಗುರುತಿಸಲ್ಪಟ್ಟಿರುವ ಪುತ್ತೂರಿನ ಅರುಣಾ ಜಂಕ್ಷನ್ನಲ್ಲಿ ದಶಕಗಳಿಂದ ಕಾದಿರುವ ಸಮಸ್ಯೆ ಅಂತಿಮವಾಗಿ ಪರಿಹಾರ ಕಾಣುವತ್ತ ಮುಖ ಮಾಡಿದೆ. ಈ ಜಂಕ್ಷನ್ ಅಭಿವೃದ್ಧಿಗೆ ಪುತ್ತೂರು ನಗರ ಯೋಜನಾ ಪ್ರಾಧಿಕಾರ (ಪುಡಾ) ಮಹತ್ವದ ಹೆಜ್ಜೆ ಇರಿಸಿದೆ.

alt="Ad Widget"/>

ದಶಕಗಳ ಸಂಕಷ್ಟಕ್ಕೆ ಅಂತ್ಯ ಹಾಡಲು ಪುಡಾ ಸಜ್ಜು!
ಪುತ್ತೂರು ಬಸ್ ನಿಲ್ದಾಣದ ಎದುರಿನ ಗಾಂಧಿ ಕಟ್ಟೆ ಮುಂಭಾಗದ ಮುಖ್ಯರಸ್ತೆಯು ಎಪಿಎಂಸಿ ರಸ್ತೆಗೆ ಕವಲೊಡೆಯುವ ಜಂಕ್ಷನ್ ಅಸಮರ್ಪಕವಾಗಿ ನಿರ್ಮಿಸಲಾಗಿದ್ದು, ರಸ್ತೆ ಅಗಲ ಕಿರಿದಾಗಿರುವುದು ದೊಡ್ಡ ಸಮಸ್ಯೆಯಾಗಿದೆ. ಇದರಿಂದ ನಿರಂತರ ವಾಹನ ದಟ್ಟಣೆ ಉಂಟಾಗಿ ಟ್ರಾಫಿಕ್ ಜಾಮ್ ಆಗುತ್ತಿದೆ. ಅದರಲ್ಲೂ ಸೋಮವಾರ ಸಂತೆ ದಿನ ಮತ್ತು ಉಳಿದ ದಿನಗಳಲ್ಲಿ ಬೆಳಗಿನ ಹಾಗೂ ಸಂಜೆಯ ಪೀಕ್ ಅವರ್ಗಳಲ್ಲಿ ಇಲ್ಲಿ ವಾಹನ ಚಾಲನೆ ಮಾಡುವುದು ಚಾಲಕರಿಗೆ ‘ಹರಸಾಹಸ’. ದೊಡ್ಡ ವಾಹನಗಳ ಚಾಲಕರಿಗೆ “ದೇವರಿಗೆ ಪ್ರೀತಿ” ಎಂಬಂತಹ ಪರಿಸ್ಥಿತಿ ಇದೆ ಎಂದರೆ ಇದರ ಗಂಭೀರತೆ ಅರಿವಾಗುತ್ತದೆ.

<>

ಪಾದಚಾರಿಗಳ ಪಾಡು ಹೇಳತೀರದು!
ರಸ್ತೆ ಕಿರಿದಾಗಿರುವುದರಿಂದ ಪಾದಚಾರಿ ಮಾರ್ಗವೂ ಇಲ್ಲ. ಟ್ರಾಫಿಕ್ ಜಾಮ್ ಆದಾಗ ವಾಹನಗಳು ಎಲ್ಲೆಂದರಲ್ಲಿ ನುಗ್ಗುವುದರಿಂದ ಪಾದಚಾರಿಗಳು ನಡೆದಾಡಲೂ ಸಾಧ್ಯವಾಗದಂತಹ ಪರಿಸ್ಥಿತಿ ಇದೆ. ಟ್ರಾಫಿಕ್‌ ದಟ್ಟನೆಯ ಸಂದರ್ಭ ವಾಹನಗಳ ಜತೆ ಪಾದಚಾರಿಗಳೂ ನಿಂತು ನೋಡುವ ಸ್ಥಿತಿ ಇಲ್ಲಿನದು.
ಜಂಕ್ಷನ್ ಸುತ್ತಮುತ್ತ ಒಂದಷ್ಟು ಜಮೀನನ್ನು ಖಾಸಗಿಯವರು ಒತ್ತುವರಿ ಮಾಡಿಕೊಂಡಿರುವುದು ಮತ್ತು ಇನ್ನೊಂದಷ್ಟು ಖಾಸಗಿ ಭೂಮಿ ಇರುವುದು ಈವರೆಗೂ ಜಂಕ್ಷನ್ ಅಭಿವೃದ್ಧಿಗೆ ಅಡ್ಡಿಯಾಗಿತ್ತು. ಹಿಂದೆಯೂ ಹಲವು ಇಲಾಖೆಗಳು ಪ್ರಯತ್ನಿಸಿದರೂ ಸ್ಥಳೀಯರಿಂದ ಸಹಕಾರ ಸಿಕ್ಕಿರಲಿಲ್ಲ. ಆದರೆ, ಇದೀಗ ಪುಡಾ ಅಧ್ಯಕ್ಷ ಅಮಳ ರಾಮಚಂದ್ರ ಅವರು ಈ ಸಮಸ್ಯೆಯನ್ನು ಮನಗಂಡು, ಪ್ರಾಧಿಕಾರದ ಜನರಲ್ ಫಂಡ್ನಿಂದ ಜಂಕ್ಷನ್ ಅಭಿವೃದ್ಧಿಪಡಿಸಲು ಮುಂದಾಗಿದ್ದಾರೆ.

ಸ್ಥಳ ಪರಿಶೀಲನೆ, ತಜ್ಞರ ಸರ್ವೇ – ಪುಡಾ ವೇಗವಾಗಿ ಕಾರ್ಯಪ್ರವೃತ್ತ!
ಈ ನಿಟ್ಟಿನಲ್ಲಿ, ಕಳೆದ ನವೆಂಬರ್ 7ರ ಶುಕ್ರವಾರದಂದು ಪುಡಾ ಅಧ್ಯಕ್ಷರು, ಸದಸ್ಯರು ಮತ್ತು ‘ಅಸೋಸಿಯೇಷನ್ ಆಫ್ ಕನ್ಸಲ್ಟಿಂಗ್ ಸಿವಿಲ್ ಇಂಜಿನಿಯರ್ಸ್’ ತಂಡವು ಜಂಕ್ಷನ್ಗೆ ಭೇಟಿ ನೀಡಿ, ಶಾಶ್ವತ ಪರಿಹಾರಕ್ಕಾಗಿ ಸ್ಥಳ ಪರಿಶೀಲನೆ ನಡೆಸಿತು. ಇಂದು (ಮಂಗಳವಾರ) ಅರುಣಾ ಜಂಕ್ಷನ್ ಅಭಿವೃದ್ಧಿಗೆ ಅಗತ್ಯವಿರುವ ಭೂಮಿ ಲಭ್ಯತೆಯ ಕುರಿತು ಅಧ್ಯಯನ ಮಾಡಲು ತಜ್ಞ ಭೂಮಾಪಕರಿಂದ ಭೂ ಸರ್ವೇ ಕಾರ್ಯವನ್ನೂ ನಡೆಸಲಾಗಿದೆ.

‘ಸುಗಮ ಸಂಚಾರವೇ ನಮ್ಮ ಮುಖ್ಯ ಗುರಿ’: ಪುಡಾ ಅಧ್ಯಕ್ಷ ಅಮಳ ರಾಮಚಂದ್ರ
“ವಾಹನ ಸಂಚಾರ ಸುಗಮಗೊಳಿಸುವ, ದಟ್ಟಣೆ ಕಡಿಮೆ ಮಾಡಿ ಸುರಕ್ಷತೆ ಹೆಚ್ಚಿಸುವ ಮತ್ತು ನಗರ ಸಂಪರ್ಕ ಸುಧಾರಿಸುವ ದೃಷ್ಟಿಯಿಂದ ಪುಡಾ ಸಾಮಾನ್ಯ ನಿಧಿಯನ್ನು ಬಳಸಿ ಅರುಣಾ ಜಂಕ್ಷನ್ ಅಭಿವೃದ್ಧಿ ಮಾಡುವ ಯೋಜನೆ ಹಾಕಿಕೊಳ್ಳಲಾಗಿದೆ. ಯೋಜನೆ ಪ್ರಾಥಮಿಕ ಹಂತದಲ್ಲಿದೆ. ಮುಂದಿನ ಹಂತದಲ್ಲಿ ಅಂದಾಜು ಪಟ್ಟಿ, ಅಭಿವೃದ್ಧಿಯ ನೀಲನಕ್ಷೆ, ಇಲಾಖಾ ಒಪ್ಪಿಗೆ, ಮಾತುಕತೆ, ಭೂ ಸ್ವಾಧೀನ ಪ್ರಕ್ರಿಯೆ ನಡೆಯಲಿದೆ. ಸರ್ಕಾರಿ ಭೂಮಿ ಖಾಸಗಿಯವರ ವಶದಲ್ಲಿದ್ದರೆ ಜಿಲ್ಲಾಡಳಿತ ಕ್ರಮ ಕೈಗೊಳ್ಳಲಿದೆ. ಖಾಸಗಿ ಜಾಗವಿದ್ದರೆ, ಸಾರ್ವಜನಿಕ ಹಿತದೃಷ್ಟಿಯಿಂದ ಮಾತುಕತೆಯ ಮೂಲಕ ಪರಿಹರಿಸುವ ಪ್ರಯತ್ನ ಮಾಡಲಾಗುವುದು. ಒಪ್ಪಿಗೆ ಸಿಗದಿದ್ದರೆ, ಕಾನೂನು ಪ್ರಕ್ರಿಯೆ ಮೂಲಕ ಭೂ ಸ್ವಾಧೀನಕ್ಕೆ ಪುಡಾ ಮುಂದಾಗಲಿದೆ” ಎಂದು ಪುಡಾ ಅಧ್ಯಕ್ಷ ಅಮಳ ರಾಮಚಂದ್ರ ಅವರು ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ಪುಡಾ ಅಧ್ಯಕ್ಷ ಅಮಳ ರಾಮಚಂದ್ರ, ಸದಸ್ಯರಾದ ನಿಹಾಲ್ ಶೆಟ್ಟಿ, ಲ್ಯಾನ್ಸಿ ಮಸ್ಕರೇನ್ಹಸ್, ಅನ್ವರ್ ಕಾಸಿಂ, ಅಸೋಸಿಯೇಷನ್ ಆಫ್ ಕನ್ಸಲ್ಟಿಂಗ್ ಸಿವಿಲ್ ಇಂಜಿನಿಯರ್ಸ್ನ ಕಾರ್ಯದರ್ಶಿ ವೆಂಕಟ್ರಾಜ, ಸದಸ್ಯರಾದ ಪ್ರಮೋದ್ ಕುಮಾರ್, ಆದರ್ಶ ಕದ್ರಿ, ಚೇತನ್, ಸರ್ವೇಯರ್ ರಾಜಶೇಖರ್, ನಗರಸಭಾ ಇಂಜಿನಿಯರ್ ಮನೋಜ್ ಕುಮಾರ್, ನಗರ ವಿನ್ಯಾಸಗಾರ ಅಜೇಯ ಕೃಷ್ಣ ಉಪ್ಪಂಗಳ ಹಾಜರಿದ್ದರು.

ದಶಕಗಳಿಂದ ಪುತ್ತೂರಿನ ಜನತೆಯನ್ನು ಕಾಡುತ್ತಿದ್ದ ಈ ‘ಬ್ಲ್ಯಾಕ್ ಸ್ಪಾಟ್’ಗೆ ಕೊನೆಗೂ ಮುಕ್ತಿ ಸಿಗುವ ಸಮಯ ಬಂದಿದೆ. ಪುಡಾ ತೆಗೆದುಕೊಂಡ ಈ ನಿರ್ಧಾರಕ್ಕೆ ಸಾರ್ವಜನಿಕ ವಲಯದಿಂದ ವ್ಯಾಪಕ ಶ್ಲಾಘನೆ ವ್ಯಕ್ತವಾಗಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಸ್ಥಳ ಪರಿಶೀಲನೆಅರುಣಾ ಜಂಕ್ಷನ್ತಜ್ಞರಿಂದ ಸರ್ವೇಪುತ್ತೂರುAruna JunctionPutturSurvey

Up Next

Puttur-ಪುತ್ತೂರು: ಭಕ್ತಕೋಡಿಯಲ್ಲಿ‌ ಆಧುನಿಕ ಸೌಲಭ್ಯಗಳನ್ನೊಳಗೊಂಡ ‘ಆರಾಧ್ಯ ಸಂಕೀರ್ಣ’ ಶುಭಾರಂಭ

Don't Miss

Vivekananda-ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ವಿದ್ಯಾಭಾರತಿ ರಾಷ್ಟ್ರ ಮಟ್ಟದ ಕ್ರೀಡಾಕೂಟದ ವಿಜೇತರಿಗೆ ಸ್ವಾಗತ ಹಾಗೂ ಅಭಿನಂದನಾ ಕಾರ್ಯಕ್ರಮ