ಸುಹಾಸನನ್ನು ರೌಡಿ ಶೀಟರ್ ಎಂದು ಬಿಂಬಿಸಲು ಪೊಲೀಸರು, ಕೆಲವು ಮಾಧ್ಯಮಗಳು, ಕಾಂಗ್ರೆಸ್ಸಿಗರು, ಎಡಚರು ಹಾಗೂ ಅವರೇ ಹಣಕೊಟ್ಟು ಆರಂಭಿಸಿದ ಸೋಶಿಯಲ್ ಮೀಡಿಯಾ ಹ್ಯಾಂಡಲ್‌ಗಳು (ನೂರಾರು) ಸ್ಪರ್ಧೆಗಿಳಿದಿದ್ದಾರೆ ಎಂದು ಆರೋಪಿಸಿದ್ದಾರೆ.

ಪೊಲೀಸರೇ,
ನೀವು ರೌಡಿ‌ ಶೀಟರ್ ಎಂದು ಹೇಳಿದ ಕೂಡಲೇ ಸುಹಾಸ ರೌಡಿ ಆಗುವುದಿಲ್ಲ. ಹರ್ಷ, ಪ್ರವೀಣ ಎಲ್ಲೂ-ಎಂದೂ ರೌಡಿಗಳಾಗಿರಲಿಲ್ಲ… ಅವರನ್ನು ಕೊಂದವರು ಅವರನ್ನು ಕೊಂದಿದ್ದು ಹರ್ಷ, ಪ್ರವೀಣ ಹಿಂದೂ ಎನ್ನುವ ಕಾರಣಕ್ಕೆ… ಹಾಗೆಯೇ ಸುಹಾಸ ಕೂಡ. ನಿಮ್ಮ ಕರ್ತವ್ಯ ನೀವು ಮಾಡಿದಿದ್ದರೆ, ಮುಂದಿನ ಪೋಸ್ಟಿಂಗ್-ವರ್ಗಾವಣೆ ರಗಳೆಗೆ ಬೀಳದಿರದಿದ್ದರೆ ಸುಹಾಸ ಕೂಡ ರೌಡಿ ಶೀಟರ್ ಆಗುತ್ತಿರಲಿಲ್ಲ… ಹತ್ಯೆಗೀಡಾಗುತ್ತಲೂ ಇರಲಿಲ್ಲ. ಸುಹಾಸನ ಹತ್ಯೆಗೆ “ನೀವೂ” ಕಾರಣರೇ… ಎಂದು ಗಂಭೀರ ಆರೋಪ ಮಾಡಿದ್ದಾರೆ.

ಎಡಚರು, ಅರ್ಬನ್ ನಕ್ಸಲರ ಬಹುದೊಡ್ಡ ದಂಡು ಇಂದು ಕರಾವಳಿಯನ್ನು ವಿಭಜಿಸುವ ಯೋಜನೆ ಕೈಗೆತ್ತಿಕೊಂಡಿದೆ. ಭೂತಸ್ಥಾನಗಳಲ್ಲಿ ವಿಭಜನೆ ತರಲು ಯತ್ನಿಸುತ್ತಿದ್ದಾರೆ.‌ ತೀರ್ಥಕ್ಷೇತ್ರಗಳನ್ನು ವಿವಾದವಾಗಿಸುತ್ತಿದ್ದಾರೆ. ಹತ್ಯೆಯಲ್ಲಿ ಜಾತಿಯನ್ನು ಹುಡುಕುವ ಇವರು ಹತ್ಯೆಯ ಕಾರಣ ವಿಶ್ಲೇಷಿಸುವುದಿಲ್ಲ… ಅನುಕೂಲಕರ ವಿಶ್ಲೇಷಣೆ… Convenient analysis (ಎಡಚರ ಸಾಮಾನ್ಯ ಪ್ರವೃತ್ತಿ)

ಕರಾವಳಿಯ ಹಿಂದೂ ಇಂದು ಕವಲು ದಾರಿಯಲ್ಲಿದ್ದಾನೆ. ನಂಬಿದ ದಾರಿ… ಬದುಕುವ ದಾರಿ. ಹರ್ಷ, ಪ್ರವೀಣ, ಸುಖಾನಂದ… ಇವರೆಲ್ಲ ಆಯ್ದುಕೊಂಡದ್ದು ನಂಬಿದ ದಾರಿಯನ್ನು. ಸುಹಾಸ ಕೂಡ ಆಯ್ದುಕೊಂಡದ್ದು ನಂಬಿದ ದಾರಿಯನ್ನೇ.‌ ನಂಬುವ ದಾರಿಯಿಂದ ವಿಮುಖಗೊಳಿಸಲು ನೂರು ಶಕ್ತಿಗಳು… ನೂರು ತರ್ಕಗಳು… ನೂರು ಕಾರಣಗಳು. ಆದರೆ ನಂಬಿದ ದಾರಿಯಲ್ಲಿ ಸಾಗಲು ನಂಬಿಕೆಯೊಂದೇ ಆಧಾರ… ಸಂಖ್ಯೆ, ಹಿಂಸೆ, ಮತಾಂಧತೆಗೆ ತಲೆಬಾಗೆವೆಂಬ ಸಂಕಲ್ಪವೇ ಆಧಾರ.

ಆ ನಂಬಿದ ದಾರಿಯಲ್ಲಿ ನಡೆಯುವವರು, ನಡೆಸುವವರು, ಆಧಾರವಾಗುವವರು, ಜೊತೆಗೆ ನಿಲ್ಲುವ ಕುಟುಂಬದವರು, ಒಮ್ಮೆ ನಿಂತು ದೀರ್ಘ ಉಸಿರೆಳೆದು, ಪುನಃ ಸಂಕಲ್ಪಿಸಿ‌ ಮುನ್ನಡೆಯಲು ಆರಂಭಿಸಬೇಕಾದ ಘಟ್ಟದಲ್ಲಿದ್ದೇವೆ. ನಮ್ಮೊಳಗೆ ಬೇಧ ಹುಟ್ಟಿಸಲು ಬಂದು ಸೇರಿದವರಿದ್ದಾರೆ. ಮಹಾತ್ವಾಂಕ್ಷೆಯ ಕಾರಣಕ್ಕೆ ದಾರಿ ತಪ್ಪಿದವರಿದ್ದಾರೆ. ಆಸೆ ಬುರುಕರೂ ಇದ್ದಾರೆ. ಸುಡುವ ಮನೆಯಲ್ಲಿ ಚಳಿ ಕಾಯಿಸುವವರೂ‌ ಇದ್ದಾರೆ. ಎಲ್ಲವನ್ನೂ ಗುರುತಿಸಿ, ಅರ್ಥ ಮಾಡಿಕೊಂಡು, ಉತ್ತರ ಕಂಡುಕೊಂಡು “ನಂಬಿದ” ದಾರಿಯಲ್ಲೇ ಸಾಗಬೇಕಿದೆ. ಆ ದಾರಿಯಲ್ಲಿ ಇಂದೋ ನಾಳೆಯೋ ನಾನೂ ಪ್ರವೀಣನಾಗಬಹುದು, ನಾನೂ ಸುಹಾಸನಾಗಬಹುದು.

ನಂಬಿದ ಈ ದಾರಿಯಲ್ಲಿ ಸಾಗುವ ಕರಾವಳಿಗರ ವ್ಯಕ್ತಿಗತ ಹಾಗೂ ಸಾಮಾಜಿಕ ಸಂಕಲ್ಪಕ್ಕೆ ಶಕ್ತಿ ನೀಡಿ ಎಂದಷ್ಟೇ ಹರ್ಷ, ಪ್ರವೀಣ, ಸುಹಾಸನಂತಹ ಹತ್ತು ಹಲವು ಚೇತನಗಳಲ್ಲಿ ಕೇಳಿಕೊಳ್ಳಬಹುದು ಎಂದು ಬಿಎಲ್ ಸಂತೋಷ್ ಸಂತಾಪ ಸೂಚಿಸಿದ್ದಾರೆ.