ನವದೆಹಲಿ: ಬಾಲಿವುಡ್ ತಾರೆಯರು ತಮ್ಮ ಮದುವೆಗಳು ಮತ್ತು ಬ್ರೇಕಪ್‌ಗಳಿಂದಾಗಿ ಆಗಾಗ್ಗೆ ಸುದ್ದಿಯಲ್ಲಿರುತ್ತಾರೆ. ಕಳೆದ ಕೆಲವು ವರ್ಷಗಳಿಂದ ಸೆಲೆಬ್ರಿಟಿಗಳ ವಿಚ್ಛೇದನ ಸಂಖ್ಯೆ ಹೆಚ್ಚಾಗಿವೆ. ಯಾರು, ಯಾವಾಗ ಬೇರ್ಪಡುತ್ತಾರೆ ಎಂದು ಊಹಿಸಲು ಕಷ್ಟವಾಗಿದೆ. ಇದೀಗ ಕಳೆದ ಕೆಲವು ದಿನಗಳಿಂದ ಬಾಲಿವುಡ್ ಸ್ಟಾರ್ ದಂಪತಿ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ವಿಚ್ಛೇದನ ಪಡೆಯುವ ಬಗ್ಗೆ ಆಗೊಮ್ಮೆ ಈಗೊಮ್ಮೆ ವದಂತಿಗಳು ಹರಡುತ್ತಲೇ ಇರುತ್ತವೆ. ಇಬ್ಬರ ನಡವಳಿಕೆ ಕೂಡ ಅನುಮಾನ ಹುಟ್ಟಿಸುವಂತಿವೆ. ಇತ್ತೀಚೆಗೆ ನಡೆದ ಕೆಲವು ಬೆಳವಣಿಗೆಗಳು ವದಂತಿ ಬೆಂಕಿಗೆ ತುಪ್ಪವನ್ನು ಸುರಿದಿವೆ.

ಇತ್ತೀಚೆಗಷ್ಟೇ ದೇಶದ ಶ್ರೀಮಂತ ಉದ್ಯಮಿ ಮುಕೇಶ್ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಮದುವೆಯಲ್ಲಿ ಪಾಲ್ಗೊಳ್ಳಲು ಬಚ್ಚನ್ ಕುಟುಂಬ ಹಾಗೂ ಐಶ್ವರ್ಯಾ ಪ್ರತ್ಯೇಕವಾಗಿ ಆಗಮಿಸಿದ್ದರು. ಐಶ್ವರ್ಯಾ ಅವರು ತಮ್ಮ ಮಗಳ ಜೊತೆ ಆಗಮಿಸಿದರೆ, ಅಭಿಷೇಕ್ ಬಚ್ಚನ್ ತಂದೆ-ತಾಯಿ ಜೊತೆ ಬಂದಿದ್ದರು. ಅಭಿಷೇಕ್ ಅವರು ತಮ್ಮ ಪಾಲಕರು ಮತ್ತು ಒಡಹುಟ್ಟಿದವರ ಜತೆ ಮಾತ್ರ ಫೋಟೋಗೆ ಪೋಸ್ ನೀಡಿದ್ದು ಗಂಭೀರ ಚರ್ಚೆಗೆ ಕಾರಣವಾಗಿತ್ತು.

alt="Ad Widget"/>

ಸಾಮಾಜಿಕ ಜಾಲತಾಣದಲ್ಲಿ ಇದೀಗ, ಅಭಿಷೇಕ್ ಬಚ್ಚನ್ ವಿಚ್ಛೇದನ ಕುರಿತು ಪೋಸ್ಟ್ ಒಂದಕ್ಕೆ ಲೈಕ್ ಮಾಡುವ ಮೂಲಕ ಡಿವೋರ್ಸ್ ವದಂತಿಗೆ ಮತ್ತಷ್ಟು ನೀರೆರೆದಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಲೇಖಕಿ ಹೀನಾ ಖಂಡೇಲ್‌ವಾಲ್ ಹಂಚಿಕೊಂಡಿದ್ದ ಪೋಸ್ಟ್ ಒಂದರಲ್ಲಿ ‘ಪ್ರೀತಿಯು ಸುಲಭವಾಗುವುದನ್ನು ನಿಲ್ಲಿಸಿದಾಗ’ ಎಂದು ಬರೆದಿರುವ ವಿಚ್ಛೇದನ ಕುರಿತ ಚಿತ್ರವನ್ನು ಅಭಿಷೇಕ್ ಬಚ್ಚನ್ ಲೈಕ್ ಮಾಡಿದ್ದಾರೆ.

<>

ಏಕೆಂದರೆ ಅವರು ಅಂತಹ ಪರಿಸ್ಥಿತಿಯನ್ನು ಎದುರಿಸುತ್ತಿದ್ದಾರೆ ಎಂದು ಕೆಲ ನೆಟ್ಟಿಗರು ಭಾವಿಸಿದ್ದಾರೆ. ಅಭಿಷೇಕ್‌ ಮತ್ತು ಐಶ್ವರ್ಯಾ ರೈ ಅವರು 2007ರ ಏಪ್ರಿಲ್‌ 20ರಂದು ವಿವಾಹವಾಗಿದ್ದರು. ನವೆಂಬರ್‌ 16, 2011ರಂದು ಇವರಿಗೆ ಮಗಳು ಆರಾಧ್ಯ ಜನಿಸಿದಳು. ಐಶ್ವರ್ಯಾ ರೈ ಬಚ್ಚನ್ ಕುಟುಂಬದೊಂದಿಗೆ ವಾಸಿಸುತ್ತಿಲ್ಲ ಎಂಬ ವರದಿಗಳು ಈ ಹಿಂದೆಯೇ ಬಂದಿದ್ದವು. ಅಲ್ಲದೆ, ಅನೇಕ ಕಾರ್ಯಕ್ರಮಗಳಲ್ಲಿ ಐಶ್ವರ್ಯಾ ತಮ್ಮ ಮಗಳೊಂದಿಗೆ ಮಾತ್ರ ಕಾಣಿಸಿಕೊಂಡಿದ್ದು, ವಿಚ್ಛೇದನ ವದಂತಿ ಬಲವಾಗುತ್ತಲೇ ಇದೆ. ಈ ಬಗ್ಗೆ ಸ್ಟಾರ್ ದಂಪತಿ ಯಾವ ರೀತಿ ಪ್ರತಿಕ್ರಿಯಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.