ಸುಪಾರಿ ನೀಡಿ ಪತಿಯನ್ನೇ ಕೊಲೆಗೈದ  ಪತ್ನಿ ಸಹಿತ ಐವರು ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆ ವಿಧಿಸಿ 6ನೇ ಜಿಲ್ಲಾ ಮತ್ತು ಹೆಚ್ಚುವರಿ ಸತ್ರ ನ್ಯಾಯಾಲಯ ನ್ಯಾಯಾಲಯ ತೀರ್ಪು ನೀಡಿದೆ. ಉಳ್ಳಾಲ ಸಮೀಪದ  ಪಾವೂರು ಇನೋಳಿ ದೆಂಡಿಂಜೆ ನಿವಾಸಿ ಇಸ್ಮಾಯಿಲ್ (59) ಕೊಲೆ  ಪ್ರಕರಣದಲ್ಲಿ ಐವರು ಆರೋಪಿಗಳ ಆರೋಪ ಸಾಬೀತಾದ ಹಿನ್ನಲೆಯಲ್ಲಿ ನ್ಯಾಯಾಲಯ ಈ ತೀರ್ಪು ಪ್ರಕಟಿಸಿದೆ. 8 ವರ್ಷಗಳ ಹಿಂದೆ ಅಂದರೇ 2016ರ ಫೆ.16ರಂದು ಇಸ್ಮಾಯಿಲ್‌ ಅನ್ನು ಚೂರಿ ಇರಿದು ಹತ್ಯೆ ಮಾಡಲಾಗಿತ್ತು.

ಮೂಲತಃ ಉಳ್ಳಾಲ, ಪ್ರಸ್ತುತ ಬಿ.ಸಿ.ರೋಡ್ ನಿವಾಸಿ ಅಬ್ದುಲ್ ಮುನಾಫ್ ಯಾನೆ ಮುನ್ನ (41), ಉಳ್ಳಾಲ್ ನಿವಾಸಿ ಅಬ್ದುಲ್ ರಹಿಮಾನ್ (36), ಬೊಳಿಯಾರು ನಿವಾಸಿ ಶಬೀರ್ ಯಾನೆ ಶಬ್ಬಿ (31), ಕುತ್ತಾರ್‌ಪದವು ನಿವಾಸಿ ಜಮಾಲ್ ಅಹಮದ್ (38) ಮತ್ತು ಕೊಲೆಯಾದ ಇಸ್ಮಾಯಿಲ್ ಪತ್ನಿ  ಪಾವೂರು ನೆಬಿಸಾ (40)  ಶಿಕ್ಷೆಗೆ ಒಳಗಾದವರು.

alt="Ad Widget"/>

ಪಾವೂರು ನಿವಾಸಿಯಾಗಿದ್ದ ಇಸ್ಮಾಯಿಲ್‌ಗೆ ನೆಬಿಸಾ ಜತೆ ಎರಡನೇ ಮದುವೆಯಾಗಿದ್ದು, ಈ ಈ ದಂಪತಿಗೆ ನಾಲ್ವರು ಮಕ್ಕಳಿದ್ದರು.   ನೆಬಿಸಾಳಿಗೆ ಕುತ್ತಾರ್‌ಪದವು ಜಮಾಲ್ ಜತೆ ಅಕ್ರಮ ಸಂಬಂಧವಿದ್ದು, ಇದೇ ವಿಚಾರದಲ್ಲಿ ಇಸ್ಮಾಯಿಲ್ ಮತ್ತು ನೆಬಿಸಾ ನಡುವೆ ಗಲಾಟೆಯಾಗುತ್ತಿತ್ತು. ಹೀಗಾಗಿ ನೆಬಿಸಾ, ಜಮಾಲ್ ಜತೆ ಸೇರಿಕೊಂಡು ಗಂಡ ಇಸ್ಮಾಯಿಲ್ ನನ್ನು ಕೊಲೆ ಮಾಡಲು ನಿರ್ಧರಿಸಿ, ಅಬ್ದುಲ್ ರಹಿಮಾನ್ ಎಂಬಾತನ ಜತೆ ಸೇರಿ ಸಂಚು ರೂಪಿಸಿದ್ದರು.

<>

2016ರ ಫೆ.16ರಂದು ಸಂಜೆ ಆರೋಪಿ ಅಬ್ದುಲ್ ರಹಿಮಾನ್ ಬೆಂಗಳೂರಿಗೆ ಬಾಡಿಗೆಯಿದೆ ಎಂದು ಹೇಳಿ ಇಸ್ಮಾಯಿಲ್ನನ್ನು ನಂಬಿಸಿ ಫರಂಗಿಪೇಟೆಯಿಂದ ಕರೆದೊಯ್ದಿದ್ದ. ಬಿ.ಸಿ.ರೋಡ್ ಹೊಟೇಲ್ ಮುಂಭಾಗ ಇತರ ಆರೋಪಿಗಳಾದ ಮುನಾಫ್ ಮತ್ತು ಶಬೀರ್ ಅದೇ ವಾಹನ ಹತ್ತಿಕೊಂಡು ಬೆಂಗಳೂರಿನತ್ತ ಹೊರಟರು. ನೆಲ್ಯಾಡಿಯಲ್ಲಿ ಇಸ್ಮಾಯಿಲ್ಗೆ ಕಂಠಪೂರ್ತಿ ಮದ್ಯಪಾನ ಮಾಡಿಸಿ ಶಿರಾಡಿಯತ್ತ ತೆರಳಿದ್ದಾರೆ. ಕೆಂಪುಹೊಳೆ ಸಮೀಪ ತಲುಪಿದಾಗ ಏಸ್ ವಾಹನ ರಸ್ತೆಯಲ್ಲೇ ಹಾಳಾಗಿ ನಿಲ್ಲುತ್ತದೆ. ಈ ಸಂದರ್ಭ ವಾಹನದಿಂದ ಇಳಿದ ಆರೋಪಿಗಳು ರಕ್ಷಿತಾರಣ್ಯದೊಳಗೆ ಕರೆದೊಯ್ದು ಮೂವರು ಸೇರಿ ಚೂರಿಯಿಂದ ಇರಿದು ಇಸ್ಮಾಯಿಲ್‌  ಕೊಲೆಮಾಡುತ್ತಾರೆ. ಬಳಿಕ ವಾಹನವನ್ನು ತಾವೇ ರಿಪೇರಿ ಮಾಡಿ ತಂದು ಉಪ್ಪಿನಂಗಡಿ ಬತ್ತೂರು ನೀರಕಟ್ಟೆಬಳಿ ಸಮೀಪ ನಿಲ್ಲಿಸಿದ್ದರು.

 ಕೊಲೆಗೆ ಸುಪಾರಿ ಕೊಟ್ಟ ಆರೋಪಿ ನೆಬಿಸಾ ತನ್ನ ಮೇಲೆ ಅನುಮಾನ ಬರದಿರಲೆಂದು ಗಂಡ ನಾಪತ್ತೆಯಾಗಿರುವ ಬಗ್ಗೆ ತೊಕ್ಕೊಟ್ಟು ಪೊಲೀಸರಿಗೆ ದೂರು ನೀಡಿದ್ದಳು. ಕೊನೆಗೂ ಪೊಲೀಸರು ಪ್ರಕರಣ ಭೇದಿಸಿದ್ದರು. ಕೊಲೆಗೈದ ಆರೋಪಿಗಳು ಉಪ್ಪಿನಂಗಡಿ ಬತ್ತೂರು ನೀರಕಟ್ಟೆ ಬಳಿ ಏಸ್ ವಾಹನವನ್ನು ಬಿಟ್ಟು ಮಂಗಳೂರಿಗೆ ಬಂದಿದ್ದರು. ಈ ವಾಹನದಲ್ಲಿ ರಕ್ತದ ಕಲೆಗಳು ಕಂಡು ಬಂದಿತ್ತು ಇದೇ ಅನುಮಾನದಲ್ಲಿ ಇಸ್ಮಾಯಿಲ್ ಅವರ ಮೊದಲ ಪತ್ನಿಯ ಪುತ್ರ ತಮ್ಮ ಚಿಕ್ಕಮ್ಮನ ಮೇಲೆಯೇ ಅನುಮಾನಪಟ್ಟು .18ರಂದು ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸ್ ವಿಚಾರಣೆ ಸತ್ಯಾಂಶ ಬಯಲಿಗೆ ಬಂದಿದೆ. ಗಂಡನ ಕೊಲೆಗೆ ಸುಪಾರಿ ನೀಡಿದ ನೆಬಿಸಾ, ಇದಕ್ಕಾಗಿ 2.50 ಲಕ್ಷ ರು. ಹಣ ನೀಡಬೇಕಿತ್ತು. ಚಿನ್ನಾಭರಣಗಳನ್ನು ತೊಕ್ಕೊಟ್ಟಿನ ಫೈನಾನ್ಸ್ನಲ್ಲಿ ಅಡವಿಟ್ಟು ಹಣ ನೀಡಿರುವುದು ತನಿಖೆ ವೇಳೆ ಬಹಿರಂಗವಾಗಿದೆ.

ಶಿಕ್ಷೆ ಪ್ರಮಾಣ:

5ಮಂದಿ ಅಪರಾಧಿಗಳಿಗೆ ಕೊಲೆ ಪ್ರಕರಣದಡಿ ಜೀವಾವಧಿ ಶಿಕ್ಷೆ ಮತ್ತು 2ಲಕ್ಷ ರೂ. ದಂಡ, ದಂಡ ತೆರಲು ತಪ್ಪಿದಲ್ಲಿ ಮತ್ತೆ 2ವರ್ಷ ಸಜೆ, ಸಾಕ್ಷ್ಯ ನಾಶದಡಿ 7ವರ್ಷ ಕಠಿಣ ಸಜೆ ಮತ್ತು 1 ಲಕ್ಷ ರೂ. ದಂಡ, ದಂಡ ತೆರಲು ತಪ್ಪಿದಲ್ಲಿ 1 ವರ್ಷ ಸಾದಾ ಸಜೆ, ಒಳಸಂಚು ಪ್ರಕರಣದಡಿ 7ವರ್ಷ ಕಠಿಣ ಸಜೆ ಮತ್ತು 50ಸಾವಿರ ರೂ. ದಂಡ ವಿಧಿಸಿ ತೀರ್ಪು ನೀಡಿದೆ.

ಸಮಗ್ರ ವಿಚಾರಣೆ ನಡೆಸಿದ 6ನೇ ಜಿಲ್ಲಾ ಮತ್ತು ಹೆಚ್ಚುವರಿ ಸತ್ರ ನ್ಯಾಯಾಲಯದ ನ್ಯಾಯಾಧೀಶರು ಜೀವಾವಧಿ ಶಿಕ್ಷೆ ವಿಧಿಸಿ ತೀರ್ಪು ನೀಡಿದ್ದಾರೆ. ಪ್ರಕರಣದಲ್ಲಿ ಕೊಣಾಜೆ ಠಾಣಾ ಇನ್‌ಸ್ಪೆಕ್ಟ‌ರ್ ಅಶೋಕ್ ಅವರು ದೋಷಾರೋಪಣಾ ಪಟ್ಟಿ ಸಲ್ಲಿಸಿದ್ದರು. ಸರ್ಕಾರಿ ಅಭಿಯೋಜಕರಾದ ಜುಡಿತ್ ಒ.ಎಂ. ಕ್ರಾಸ್ತಾ ಮತ್ತು ಜ್ಯೋತಿ ಪಿ. ನಾಯಕ್ ಸಾಕ್ಷಿ ವಿಚಾರಣೆ ನಡೆಸಿದ್ದರು. ಬಿ.ಶೇಖರ್ ಶೆಟ್ಟಿ ಮತ್ತು ಚೌಧರಿ ಮೋತಿಲಾಲ್ ವಾದ ಮಂಡಿಸಿದ್ದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಗಂಡನ ಕೊಂದ ಪತ್ನಿಜೀವಾವಧಿ ಶಿಕ್ಷೆLife ImprisiomentMangaloreSupari killingUllalawife killed Husband

Up Next

Brijesh Chowta-ದೆಹಲಿಯಲ್ಲಿ ಕೇಂದ್ರ ಸಚಿವರನ್ನು ಭೇಟಿಯಾದ ಸಂಸದರಾದ ಕ್ಯಾಪ್ಟನ್ ಬ್ರಿಜೇಶ್ ಚೌಟ

Don't Miss

Selco-ಸೆಲ್ಕೋ ಪ್ರತಿಷ್ಠಾನದ ಪ್ರಾಯೋಜಕತ್ವದಲ್ಲಿ ಅನ್ನಪೂರ್ಣ ಛತ್ರ ಮತ್ತು ಕಾರ್ ಮ್ಯೂಸಿಯಂನಲ್ಲಿ ಸೌರಶಕ್ತಿ  ಬಳಕೆಗೆ ಚಾಲನೆ