ಚೆನ್ನೈ: ಲೋಕಸಭೆ ಚುನಾವಣೆಗೆ ತಮಿಳುನಾಡು ಮುಖ್ಯಮಂತ್ರಿ ಎಂಕೆ ಸ್ಟಾಲಿನ್ ಬುಧವಾರ ಡಿಎಂಕೆ ಪ್ರಣಾಳಿಕೆಯನ್ನು ಬಿಡುಗಡೆ ಮಾಡಿದ್ದು, ಅಭ್ಯರ್ಥಿಗಳ ಪಟ್ಟಿಯನ್ನು ಸಹ ಪ್ರಕಟಿಸಿದೆ. ಪುದುಚೆರಿಗೆ ರಾಜ್ಯದ ಸ್ಥಾನಮಾನ, ನೀಟ್ ಪರೀಕ್ಷೆ ನಿಷೇಧ ಮುಂತಾದ ಭರವಸೆಗಳನ್ನು ನೀಡಿದೆ. ರಾಜ್ಯಪಾಲರ ಕಚೇರಿಯನ್ನು ರದ್ದುಗೊಳಿಸಬೇಕು. ಅದುವರೆಗೆ ರಾಜ್ಯದ ಮುಖ್ಯಮಂತ್ರಿಗಳೊಂದಿಗೆ ಸಮಾಲೋಚಿಸಿ ರಾಜ್ಯಪಾಲರನ್ನು ನೇಮಿಸಬೇಕು ಎಂದು ಪ್ರಣಾಳಿಕೆಯಲ್ಲಿ ಅದು ಆಗ್ರಹಿಸಿದೆ.

ಪ್ರಣಾಳಿಕೆ ಬಿಡುಗಡೆ ಮಾಡಿದ ಬಳಿಕ ಸಭೆಯನ್ನುದ್ದೇಶಿಸಿ ಮಾತನಾಡಿದ ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್, ಇದು ಡಿಎಂಕೆ ಪ್ರಣಾಳಿಕೆ ಮಾತ್ರವಲ್ಲ, ಜನರ ಪ್ರಣಾಳಿಕೆಯಾಗಿದೆ ಎಂದು ಬಣ್ಣಿಸಿದರು. ಬಿಜೆಪಿ 2014ರಲ್ಲಿ ಅಧಿಕಾರಕ್ಕೆ ಬಂದ ನಂತರ ಭಾರತವನ್ನು ಹಾಳುಗೆಡವಿದ್ದಾರೆ. ಭರವಸೆಗಳನ್ನು ಈಡೇರಿಸಲಿಲ್ಲ, ಇದೀಗ ನಾವು ಇಂಡಿಯಾ ಬ್ಲಾಕ್ ಮೈತ್ರಿಕೂಟ ರಚಿಸಿಕೊಂಡಿದ್ದು, ಈ ಬಾರಿ ಅಧಿಕಾರಕ್ಕೆ ಬರುವುದು ಗ್ಯಾರಂಟಿ ಎಂದರು. ತಮಿಳುನಾಡಿನಲ್ಲಿ ಡಿಎಂಕೆ 21 ಕ್ಷೇತ್ರಗಳಲ್ಲಿ ಸ್ಪರ್ಧಿಸಲಿದ್ದು, ಉಳಿದ ಕ್ಷೇತ್ರಗಳನ್ನು ಮೈತ್ರಿ ಪಕ್ಷಗಳಿಗೆ ಬಿಟ್ಟುಕೊಟ್ಟಿದೆ. ಚೆನ್ನೈ ಕೇಂದ್ರದಿಂದ ದಯಾನಿಧಿ ಮಾರನ್, ಚೆನ್ನೈ ಉತ್ತರದಿಂದ ಕಲಾನಿಧಿ ವೀರಸಾಮಿ, ತೂತ್ತುಕೂಡಿಯಿಂದ ಕನಿಮೋಳಿ, ಶ್ರೀಪೆರಂಬೂರ್‌ನಿಂದ ಟಿ.ಆರ್. ಬಾಲು ಸ್ಪರ್ಧಿಸಲಿದ್ದಾರೆ.

alt="Ad Widget"/>

ಪ್ರಮುಖ ಭರವಸೆಗಳು:

<>

• ಪೌರತ್ವ ತಿದ್ದುಪಡಿ ಕಾಯ್ದೆ ಮತ್ತು ಏಕರೂಪ ನಾಗರಿಕ ಸಂಹಿತೆ ಜಾರಿಗೊಳಿಸುವುದಿಲ್ಲ. ರಾಜ್ಯಪಾಲರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ಹೂಡಲು ಅವಕಾಶ ನೀಡದ 361ನೇ ವಿಧಿ ತಿದ್ದುಪಡಿ. ತಿರುಕ್ಕುರುಳ್ ಪುಸ್ತಕವನ್ನು ರಾಷ್ಟ್ರೀಯ ಗ್ರಂಥ ಎಂದು ಘೋಷಣೆ. ಭಾರತಕ್ಕೆ ಮರಳಿದ ಶ್ರೀಲಂಕಾ ತಮಿಳರಿಗೆ ಭಾರತೀಯ ಪೌರತ್ವ. ದೇಶಾದ್ಯಂತ ಮಹಿಳೆಯರಿಗೆ 1000 ರೂಪಾಯಿ ಮಾಸಿಕ ಹಣ. ರಾಷ್ಟ್ರೀಯ ಹೆದ್ದಾರಿಯಲ್ಲಿನ ಟೋಲ್‌ಗೇಟ್‌ಗಳನ್ನು ತೆಗೆದುಹಾಕಲಾಗುವುದು. ಎಲ್‌ಪಿಜಿ 500 ರೂಪಾಯಿ, ಪೆಟ್ರೋಲ್ 75 ರೂಪಾಯಿ ಹಾಗೂ ಡೀಸೆಲ್ 65 ರೂಪಾಯಿ.

ಕಾಂಗ್ರೆಸ್‌ಗೆ ಹಲವರ ಸೇರ್ಪಡೆ
ನವದೆಹಲಿ: ಬಿಎಸ್‌ಪಿಯಿಂದ ಉಚ್ಚಾಟಿತ ಸಂಸದ ಡ್ಯಾನಿಶ್ ಅಲಿ ಕಾಂಗ್ರೆಸ್ ಸೇರ್ಪಡೆಗೊಂಡಿದ್ದಾರೆ. ಪಕ್ಷ ವಿರೋಧಿ ಚಟುವಟಿಕೆಗಳಿಗಾಗಿ ಅಲಿ ಅವರನ್ನು ಕಳೆದ ವರ್ಷ ಬಿಎಸ್‌ಪಿ ಅಮಾನತುಗೊಳಿಸಿತ್ತು. ಅವರು ಉತ್ತರ ಪ್ರದೇಶದ ಆಮೋಹಾ ಕ್ಷೇತ್ರದ ಸಂಸದರಾಗಿದ್ದಾರೆ. ಮಾರ್ಚ್ 14 ರಂದು ದೆಹಲಿಯ 10 ಜನಪಥ್ ನಿವಾಸದಲ್ಲಿ ಸೋನಿಯಾ ಗಾಂಧಿಯನ್ನು ಭೇಟಿಯಾಗಿದ್ದರು. ಉತ್ತರ ಪ್ರದೇಶದಲ್ಲಿ ಸೀಟು ಹಂಚಿಕೆ ಸಮಯದಲ್ಲಿ ಅಮೋಹಾ ಕ್ಷೇತ್ರವನ್ನು ಕಾಂಗ್ರೆಸ್ ಪಡೆದುಕೊಂಡಿದೆ. ಈಗ ಆ ಕ್ಷೇತ್ರದಲ್ಲಿ ಹಸ್ತದ ಗುರುತಿನ ಮೇಲೆ ಡಾನಿಶ್ ಅಲಿ ಸ್ಪರ್ಧಿಸುವ ಸಾಧ್ಯತೆ ಇದೆ.

ಆಡಳಿತಾರೂಢ ಎನ್‌ಡಿಎ ಹಾಗೂ ಇಂಡಿಯಾ ಮೈತ್ರಿಕೂಟ ಎರಡರಿಂದಲೂ ಬಿಎಸ್‌ಪಿ ಸಮಾನ ಅಂತರ ಕಾಯ್ದುಕೊಂಡಿದೆ.

ಎಂವಿಎ: ಶಿವಸೇನಾಗೆ ಹೆಚ್ಚು ಸ್ಥಾನ
ಮುಂಬೈ: ಮಹಾರಾಷ್ಟ್ರದ ಮಹಾ ವಿಕಾಸ್‌ ಆಘಾಡಿ ಸ್ಥಾನಹೊಂದಾಣಿಕೆ ಅಂತಿಮಗೊಂಡಿದ್ದು, ಉದ್ಭವ್ ಠಾಕರೆ ಬಣದ ಶಿವಸೇನಾಗೆ 22 ಸ್ಥಾನಗಳು ಸಿಕ್ಕಿವೆ ಎಂದು ಮೂಲಗಳು ತಿಳಿಸಿವೆ. ಕಾಂಗ್ರೆಸ್ 16 ಕ್ಷೇತ್ರಗಳಿಂದ ಹಾಗೂ ಶರದ್ ಪವಾರ್ ಬಣದ ಎನ್‌ಸಿಪಿ 10 ಕ್ಷೇತ್ರಗಳಿಂದ ಕಣಕ್ಕಿಳಿಯಲಿವೆ.

ಶಿವಸೇನಾದ ಪಾಲಿನಲ್ಲಿ ಒಂದು ಕ್ಷೇತ್ರದಲ್ಲಿ ರಾಜು ಶೆಟ್ಟಿಯ ಸ್ವಾಭಿಮಾನಿ ಪಕ್ಷಕ್ಕೆ ಹೋಗಲಿದೆ. ಕಾಂಗ್ರೆಸ್‌ನ ಪಾಲಿನಲ್ಲಿ ಒಂದು ಕ್ಷೇತ್ರ ಪ್ರಕಾಶ್ ಅಂಬೇಡ್ಕರ್ ನೇತೃತ್ವದ ವಂಚಿತ್ ಬಹುಜನ್ ಆಘಾಡಿ ನಿಲ್ಲಲಿದೆ. ಉತ್ತರ ಪ್ರದೇಶದ ನಂತರ ಅತಿ ಹೆಚ್ಚು(48) ಸ್ಥಾನಗಳನ್ನು ಹೊಂದಿರುವ ಮಹಾರಾಷ್ಟ್ರ ಚುನಾವಣೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸಲಿದೆ. ಇಲ್ಲಿ ಐದು ಹಂತಗಳಲ್ಲಿ ಚುನಾವಣೆ ನಡೆಯಲಿದೆ.

ಎಐಎಡಿಎಂಕೆ-ಡಿಎಂಡಿಕೆ ಚುನಾವಣಾ ಮೈತ್ರಿ
ಚೆನ್ನೈ: ತಮಿಳುನಾಡಿನ ಮುಖ್ಯ ವಿರೋಧಪಕ್ಷವಾದ ಎಐಎಡಿಎಂಕೆಯು, ಇತ್ತೀಚೆಗೆ ತಾನೆ ಮೃತಪಟ್ಟ ಕ್ಯಾಪ್ಟನ್ ವಿಜಯಕಾಂತ್ ಸ್ಥಾಪಿಸಿರುವ ಡಿಎಂಡಿಕೆಯೊಂದಿಗೆ ಮೈತ್ರಿ ಏರ್ಪಡಿಸಿಕೊಂಡಿದೆ. ಸೆಂಟ್ರಲ್ ಚೆನ್ನೈ ಸೇರಿದಂತೆ ಐದು ಕ್ಷೇತ್ರಗಳನ್ನು ಡಿಎಂಡಿಕೆಗೆ ಬಿಟ್ಟುಕೊಡಲಾಗಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:dmkPetrol is priced at Rs 75 per litre. LPG to be priced at Rs 500: DMK manifesto

Up Next

Sanjeeva Matanduru-ಪುತ್ತೂರು ಶಾಸಕರು ಬ್ಯಾನರ್ ನಲ್ಲಿ ಹಾಕಿರುವ ಅನುದಾನ ಯಾವ ವರ್ಷ? ಯಾವ ಸರಕಾರ? ಯಾವ ಶಾಸಕರ ಅವಧಿಯಲ್ಲಿ ಬಂತು ? ಸಂಜೀವ ಮಠಂದೂರು

Don't Miss

MLA Ashok Rai-ಕೋಡಿಂಬಾಡಿ ಗ್ರಾಮ: ಡೆಕ್ಕಾಜೆ- ಪರನೀರು ರಸ್ತೆ ವಿವಾದಕ್ಕೆ ತೆರೆ ಎಳೆದ ಶಾಸಕ ಅಶೋಕ್ ರೈ; 40 ವರ್ಷಗಳ ವಿವಾದ ಮಾತುಕತೆ ಮೂಲಕ ಇತ್ಯರ್ಥ: ಕೋಡಿಂಬಾಡಿ ಗ್ರಾಪಂ ಉಪಾಧ್ಯಕ್ಷರ ಸಾಥ್