ಬೆಂಗಳೂರು: ಮಿಷನ್ -370 ಗುರಿ ಇಟ್ಟುಕೊಂಡು ಲೋಕಸಭಾ ಚುನಾವಣೆಗೆ ಸಿದ್ದತೆ ನಡೆಸುತ್ತಿರುವ ಬಿಜೆಪಿಗೆ ದಕ್ಷಿಣ ಭಾರತದಲ್ಲಿ ಅತ್ಯಂತ ಪ್ರಮುಖ ರಾಜ್ಯ ಕರ್ನಾಟಕ. ಕಳೆದ ಬಾರಿ ಇಲ್ಲಿ 25 ಸೀಟ್ ಗಳನ್ನು ತನ್ನದಾಗಿಸಿಕೊಂಡಿತ್ತು. ದೇಶದಲ್ಲಿ 370ರ ಗುರಿ ತಲುಪಬೇಕಾದರೇ ರಾಜ್ಯದಲ್ಲಿ ಅದು ಹಿಂದಿನ ಪ್ರದರ್ಶನವನ್ನು ಪುನಾರವರ್ತಿಸುವುದು ಅನಿವಾರ್ಯ. ಆದರೇ ರಾಜ್ಯದ ಹಲವು ಸಂಸದರ ವಿರುದ್ದ ಆಡಳಿತ ವಿರೋಧಿ ಅಲೆಯಿದೆ . ಹೀಗಾಗಿ ಹಲವು ಕಡೆ ಹಾಲಿ ಸಂಸದರನ್ನು ಬದಲಿಯಸಲೇ ಬೇಕಾದ ಸ್ಥಿತಿಯಲ್ಲಿ ಬಿಜೆಪಿ ಇದೆ.

ಮೈಸೂರು, ಉತ್ತರಕನ್ನಡ, ಬೆಳಗಾವಿ, ರಾಯಚೂರು, ಬೆಂಗಳೂರು ಉತ್ತರದ ಹಾಲಿ ಸಂಸದರನ್ನು ಬದಲಾಯಿಸಲು ಬಿಜೆಪಿ ಹೈಕಮಾಂಡ್ ಮನ ಮಾಡಿದೆ. ಚಾಮರಾಜನಗರ, ತುಮಕೂರು, ಹಾವೇರಿಗೆ ಬೇರೆ ಆಯ್ಕೆ ಅನಿವಾರ್ಯವಾಗಿದೆ. ಬೀದರ್, ಕೊಪ್ಪಳ, ಚಿತ್ರದುರ್ಗ, ವಿಜಯಪುರ ಹಾಗೂ ದಾವಣಗೆರೆ ಕ್ಷೇತ್ರಗಳಿಗೆ ಬದಲಾವಣೆ ಪರಿಶೀಲನೆ ಮಾಡುತ್ತಿದ್ದರೂ ಪರ್ಯಾಯವಾಗಿ ಸಮರ್ಥ ಉಮೇದುವಾರರ ಕೊರತೆಯಿದೆ. ಉಡುಪಿ ಹಾಗೂ ದಕ್ಷಿಣ ಕನ್ನಡ ಕ್ಷೇತ್ರ ಸಂಸದರ ಮೇಲೂ ತೂಗುಗತ್ತಿ ತೂಗುತ್ತಿದೆ. ಆದರೇ ಕೊನೆ ಕ್ಷಣದಲ್ಲಿ ಅವರು ಬಚವಾಗಬಹುದು ಎಂದು ಹೇಳಲಾಗುತ್ತಿದೆ.

alt="Ad Widget"/>

ಟಿಕೆಟ್ ಕೈ ತಪ್ಪಲಿದೆ ಎಂದು ಗೊತ್ತಾಗುತ್ತಲೇ, ಹಾಲಿ ಸಂಸದರು ಲಾಬಿ, ಗೊಂದಲ, ತರಹೇವಾರಿ ಒತ್ತಡ ತಂತ್ರಗಳಿಗೆ ಮುಂದಾಗಿದ್ದು, ಹೈಕಮಾಂಡ್ ಇದಕ್ಕೆ ಸೊಪ್ಪು ಹಾಕುವ ಲಕ್ಷಣಗಳೇ ಇಲ್ಲ. ಈ ಬಾರಿ ಲೋಕಸಭೆ ಚುನಾವಣೆಗೆ ಕನಿಷ್ಠ 10 ಕ್ಷೇತ್ರಗಳಲ್ಲಿ ಹೊಸ ಮುಖಗಳು ಕಾಣಿಸಿಕೊಳ್ಳುವ ನಿರೀಕ್ಷೆಯಿದೆ. ರಾಜ್ಯ ನಾಯಕರ ಅಭಿಪ್ರಾಯಗಳನ್ನು ಪರಿಗಣಿಸಲಿದ್ದಾರೆ. ಆದರೆ ಕಾರ್ಯಕರ್ತರ ಹಿಮ್ಮಾಹಿತಿ, ಎರಡು ಹಂತದ ಸಮೀಕ್ಷೆ, ಗುಪ್ತದಳ ವರದಿಗಳು, ಸಂಸದರ ಕಾರ್ಯಸಾಧನೆಗೆ ಪ್ರಾಮುಖ್ಯತೆ ನೀಡುವುದು ವರಿಷ್ಠರ ಚಿಂತನೆಯಾಗಿದೆ.

<>

ಮೈಸೂರಿಗೆ ಪ್ರತಾಪಸಿಂಹ ಬದಲು ರಾಜವಂಶಸ್ಥ ಯದುವೀರ್ ಒಡೆಯರ್ ಪರ ಒಲವಿದೆ. ಮನವೊಲಿಸಲು ತೆರೆಮರೆ ಪ್ರಯತ್ನ ನಡೆದಿದ್ದು, ಒಡೆಯರ್ ಒಪ್ಪದಿದ್ದರೆ ಪರ್ಯಾಯ ಅಭ್ಯರ್ಥಿಯನ್ನಾಗಿ ಡಾ.ಮಂಜುನಾಥ್ರನ್ನು ರೆಡಿ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಉತ್ತರಕನ್ನಡದಲ್ಲಿ ಅನಂತಕುಮಾರ್ ಹೆಗಡೆ ಬದಲಾವಣೆಗೆ ದೆಹಲಿ ನಾಯಕರು ಬಯಸಿದ್ದು, ವಿಶ್ವೇಶ್ವರ ಹೆಗಡೆ ಕಾಗೇರಿ, ಹರಿಪ್ರಕಾಶ್ ಕೋಣೆಮನೆ, ಗೋಪಾಲ ನಾಗರಕಟ್ಟೆ ಹೆಸರುಗಳು ಚರ್ಚೆಯಲ್ಲಿವೆ ಎಂದು ತಿಳಿದಿದೆ.

ತುಮಕೂರಿನ ಮೇಲೆ ಮಾಜಿ ಮಂತ್ರಿ ವಿ.ಸೋಮಣ್ಣ ಆಸೆಯಿಟ್ಟು ಕೊಂಡಿದ್ದಾರೆ. ಆದರೆ ಸೋಮಣ್ಣ ಸ್ಪರ್ಧಿಸಿದರೆ ಪಕ್ಷಕ್ಕೆ ಹಿನ್ನೆಡೆಯಾಗಲಿದೆ ಎಂಬ ಸಮೀಕ್ಷಾ ವರದಿಯು ಚಿಂತೆಗೀಡು ಮಾಡಿದೆ. ಇದರಿಂದಾಗಿ ಮಂಡ್ಯ ಕ್ಷೇತ್ರವನ್ನು ಪಕ್ಷಕ್ಕೆ ಉಳಿಸಿಕೊಂಡು, ತುಮಕೂರು ಜೆಡಿಎಸ್ಗೆ ಬಿಟ್ಟುಕೊಡಲು ಯೋಚಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಮಂಗಳೂರು ಲೋಕಸಭಾ ಕ್ಷೇತ್ರಕ್ಕೆ ನಳಿನ್ ಜತೆಗೆ ಮಾಜಿ ಸೈನಿಕ ಬ್ರಜೇಶ್ ಚೌಟ ಹೆಸರು ಬಲವಾಗಿ ಕೇಳಿ ಬರುತ್ತಿದೆ. ಇದರ ಜತೆಗೆ ಕೇಶವ ಬಂಗೇರ ಹಾಗೂ ಭರತ್ ಶೆಟ್ಟಿ ಹೆಸರು ಕೂಡ ಪಟ್ಟಿಯಲ್ಲಿದೆ. ಇನ್ನೂ ಉಡುಪಿ – ಚಿಕ್ಕಮಗಳೂರು ಸಂಸದೆ ಶೋಭಾ ಕರಂದ್ಲಾಜೆ ವಿರುದ್ದ ಕ್ಷೇತ್ರದಲ್ಲಿ ವಿರೋಧಿ ಅಲೆಯೊಂದು ಪ್ರಭಲವಾಗಿ ಕಂಡು ಬರುತ್ತಿದೆ. ಇದಕ್ಕೆ ಕೆಲ ಬಿಜೆಪಿ ನಾಯಕರೇ ಬೆಂಕಿ ಸುರಿಯುತ್ತಿದ್ದಾರೆ. ಹೀಗಾಗಿಯೂ ಶೋಭಾ ಹಿಂದೆ ಬಿಎಸ್ ವೈ ಪ್ರಭಲವಾಗಿ ನಿಂತಿರುವ ಕಾರಣ ಅವರಿಗೆ ಟಿಕೆಟ್ ಕೈ ತಪ್ಪುವ ಸಾಧ್ಯತೆ ಕಡಿಮೆ . ಕಾಂಗ್ರೆಸ್ ನೀಮದ ಬಿಜೆಪಿಗೆ ಬಂದಿರುವ ಪ್ರಮೋದ್ ಮಧ್ವರಾಜ್ ಹಾಗೂ ಮಾಜಿ ಸಚಿವ ಸಿಟಿ ರವಿ ಈ ಕ್ಷೇತ್ರದ ಇನ್ನಿತರ ಟಿಕೆಟ್ ಆಕಾಂಕ್ಷಿಗಳು ಆಗಿದ್ದಾರೆ.

ರಾಜ್ಯ ಪ್ರವಾಸ ಖಚಿತ : ಪ್ರಧಾನಿ ನರೇಂದ್ರ ಮೋದಿ ರಾಜ್ಯ ಪ್ರವಾಸ ಖಚಿತವಾಗಿದೆ. ಶಿವಮೊಗ್ಗ ಸೇರಿ ಹಲವೆಡೆ ಪ್ರವಾಸ ಮಾಡಲಿದ್ದು, ದೊಡ್ಡ ಪ್ರಮಾಣದಲ್ಲಿ ಜನರನ್ನು ಸೇರಿಸುವ ಯೋಚನೆ ಮಾಡುತ್ತಿದ್ದೇವೆ ಎಂದು ಮಾಜಿ ಸಿಎಂ ಬಿ.ಎಸ್.ಯಡಿಯೂರಪ್ಪ ಹೇಳಿದರು. ರಾಜ್ಯದಲ್ಲಿ ಪಕ್ಷದ ಪರ ವಾತಾವರಣ, ಮೋದಿ ಅಲೆಯಿದೆ. 28 ಲೋಕಸಭಾ ಕ್ಷೇತ್ರಗಳನ್ನು ಗೆಲ್ಲುವ ಗುರಿಯಿದೆ. ನಾವು, ಜೆಡಿಎಸ್ ಸೇರಿ 28ರಲ್ಲಿ 25 ಸ್ಥಾನಗಳನ್ನು ಗೆಲ್ಲುವುದು ನಿಶ್ಚಿತವೆಂದು ಬಿ.ಎಸ್.ಯಡಿಯೂರಪ್ಪ ವಿಶ್ವಾಸ ವ್ಯಕ್ತಪಡಿಸಿದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:New face for 10 seats in BJP? Based on the survey

Up Next

Pratap Simha-ಆಸ್ತಿ ವಿಚಾರ ಮಾತನಾಡಿ ಟಾಂಗ್ : ಟಿಕೆಟ್ ಕೈ ತಪ್ಪುವುದು ಪಕ್ಕಾ ಆಗುತ್ತಲೇ ಯದುವಿರ್ ವಿರುದ್ದ ತಿರುಗಿ ಬಿದ್ದ  ಪ್ರತಾಪ್ ಸಿಂಹ

Don't Miss

Ashok Rai-ಮಂಗಳೂರಿನಿಂದ ಪುತ್ತೂರಿಗೆ ರಸ್ತೆಯಲ್ಲಿ ಬರಬೇಕಾದರೆ ನಮ್ಮ ಅರ್ಧ ಸೊಂಟ, ಅರ್ಧ ಬೆನ್ನು ಹೋಗುತ್ತದೆ – ಜಿಲ್ಲೆಗೆ 1 ಲಕ್ಷ ಕೋ ರೂ ತಂದಿದ್ದರೇ ಅದರ ವಿವರವನ್ನು ಕನಿಷ್ಟ ವಾಟ್ಸಾಪ್ನಲ್ಲಿಯಾದರೂ ಹಾಕಿ : ಕಿಚಾಯಿಸಿದ ಅಶೋಕ್ ರೈ