ವಿಟ್ಲ: ಕರ್ಣಾಟಕ ಬ್ಯಾಂಕ್ ಅಡ್ಯನಡ್ಕ ಶಾಖೆಯ ಲಾಕರ್ ಬ್ರೇಕ್ ಪ್ರಕರಣದಲ್ಲಿ ಪೊಲೀಸರು ಸರಿಯಾದ ಸುಳಿವು ಸಿಗದೇ ಹರ ಸಾಹಸ ಪಡುತ್ತಿದ್ದು, ಎರಡು ತನಿಖಾ ತಂಡ ಕೇರಳಕ್ಕೆ ತೆರಳಿ ಕಳ್ಳರಿಗಾಗಿ ಹುಡುಕಾಟ ನಡೆಸುತ್ತಿದೆ. ಮೂಲಗಳಿಂದ ಲಭಿಸಿದ ಮಾಹಿತಿ ಪ್ರಕಾರ ಸ್ಥಳೀಯ ಇಬ್ಬರನ್ನು ಪೊಲೀಸರು ವಶಕ್ಕೆ ಪಡೆದು ತೀವ್ರ ವಿಚಾರಣೆಗೆ ಒಳ ಪಡಿಸಿದ್ದಾರೆ. ಅವರು ನೀಡಿದ ಮಾಹಿತಿಯನ್ನು ಆಧರಿಸಿ ಪೊಲೀಸರ ತಂಡ ಕೇರಳಕ್ಕೆ ತೆರಳಿದೆ ಎನ್ನಲಾಗಿದೆ. ಇನ್ನು ಪೊಲೀಸ್ ವಶದಲ್ಲಿರುವವರು ಕೃತ್ಯದಲ್ಲಿ ನೇರವಾಗಿ ಭಾಗಿಯಾದವರೇ? ಪರೋಕ್ಷವಾಗಿ ಭಾಗವಹಿಸಿದವರೇ ಅಥಾವ ಕಳ್ಳರ ಗ್ಯಾಂಗಿನ ಪರಿಚಿತರೇ ಎನ್ನುವುದು ಖಚಿತಗೊಂಡಿಲ್ಲ.

ದೊಡ್ಡ ಪ್ರಮಾಣದಲ್ಲಿ ನಗ ನಗದನ್ನು ಹೊಂದಿದ್ದ ಸಾರ್ವಜನಿಕ ಸಂಸ್ಥೆಯೊಂದರಲ್ಲಿ ಲಾಕರ್ ಬ್ರೇಕ್ ನಂತಹ ಗಂಭೀರ ಪ್ರಕರಣ ನಡೆದರೂ, ಬ್ಯಾಂಕ್ ಹಾಗೂ ಪೊಲೀಸ್ ಇಲಾಖೆ ಆ ಕುರಿತ ಅಗತ್ಯ ಮಾಹಿತಿಯನ್ನು ಬಹಿರಂಗ ಪಡಿಸದೇ ಗೌಪ್ಯವಾಗಿ ಇಟ್ಟಿರುವುದು ಸಾರ್ವಜನಿಕ ವಲಯದಲ್ಲಿ ಭಾರೀ ಅನುಮಾನ ಮೂಡಿಸಿದೆ. ಬ್ಯಾಂಕ್ ಗೆ ಕನ್ನ ಹಾಕಿದ ಕಳ್ಳರ ಗ್ಯಾಂಗ್ ಅಂದಾಜು 50 ಲಕ್ಷದಷ್ಟು ನಗದು ಹಾಗೂ ಕೋಟ್ಯಾಂತರ ರೂಪಾಯಿ ಚಿನ್ನಾಭರಣ ದೋಚಿದ್ದಾರೆ ಎಂಬ ಸುದ್ದಿ ಸಾರ್ವತ್ರಿಕವಾಗಿ ಹರಡಿದೆ.ಆದರೇ ಪೊಲೀಸ್ ಇಲಾಖೆಯಾಗಲಿ ಅಥಾವ ಬ್ಯಾಂಕ್ ಆಗಲಿ ಈ ಕುರಿತ ನಿಖರ ಅಂಕಿ ಅಂಶ ನೀಡಿಲ್ಲ .

alt="Ad Widget"/>

ಬ್ಯಾಂಕಿನ ಪ್ರತಿಷ್ಠೆಗೆ ಪೆಟ್ಟು
ಸಾಮಾನ್ಯವಾಗಿ ಈ ರೀತಿಯ ವಿಚಾರಗಳು ದೂರಿನ ಪ್ರತಿಯಲ್ಲಿ ಅಥಾವ FIR ನಲ್ಲಿ ನಮೊದಿಸುವುದು ವಾಡಿಕೆ . ಆದರೇ ದೂರು ನೀಡಿದ ಶಾಖಾ ಪ್ರಭಂದಕರು ಪರಿಶೀಲನೆ ಬಳಿಕ ಮಾಹಿತಿ ಒದಗಿಸುವುದಾಗಿ ತಿಳಿಸಿದ್ದಾರೆ. ಹಾಗಾಗಿ ಬ್ಯಾಂಕ್ ನ ತಿಜೋರಿಯಲ್ಲಿ ಗ್ರಾಹಕರ ವ್ಯಯುಕ್ತಿಕ ಲಾಕರ್ ಗಳಲ್ಲಿದ್ದ ಚಿನ್ನಾಭರಣಕ್ಕೆ ಕನ್ನ ಬಿದ್ದಿದೆ ಹಾಗೂ ಬ್ಯಾಂಕಿನಲ್ಲಿ ಗ್ರಾಹಕರು ಅಡಮಾನವಿರಿಸಿದ ಚಿನ್ನವನ್ನು ದೋಚಲಾಗಿದೆ ಎಂಬ ಪುಕಾರು ಹಬ್ಬಿದೆ. ಸಾರ್ವಜನಿಕರ ಅನುಮಾನ ನಿವಾರಿಸುವ ಕಾರ್ಯವನ್ನು ಬ್ಯಾಂಕ್ ಅಥಾವ ಪೊಲೀಸರು ಮಾಡಬೇಕಿದೆ. ಇನ್ನೂ ಬ್ಯಾಂಕ್ ಶಾಖೆಯಲ್ಲಿದ್ದ ಸಾರಡ್ಕ ರಾಮ ಭಟ್, ನೆಗಳಗುಳಿ ಶ್ರೀಪತಿ ಭಟ್ ಅವರ ವೈಯಕ್ತಿಕ ಲಾಕರ್ ಗಳು ತೆರೆಯಲ್ಪಟ್ಟಿದೆ ಎಂದು ತಿಳಿದು ಬಂದಿದೆ. ವೈಯುಕ್ತಿಕ ಲಾಕರ್ ಗೆ ಕನ್ನ ಬಿದ್ದಿರುವುದು ಬ್ಯಾಂಕಿನ ಪ್ರತಿಷ್ಠೆಗೆ ಪೆಟ್ಟು ಬಿದ್ದಿದೆ.

<>

ಕೋಟೆ ಕೊಳ್ಳೆ ಹೊಡೆದು ಹೋದ ಮೇಲೆ ದಿಡ್ಡಿ ಬಾಗಿಲು ಮುಚ್ಚಿದ ಬ್ಯಾಂಕ್

ಕೋಟೆ ಕೊಳ್ಳೆ ಹೊಡೆದು ಹೋದ ಮೇಲೆ ದಿಡ್ಡಿ ಬಾಗಿಲು ಮುಚ್ಚಿದರು ಎಂಬಂತೆ ಕಳ್ಳರು ಕೋಟ್ಯಾಂತರ ರೂಪಾಯಿ ದೋಚಿದ ಬಳಿಕ ಎಚ್ಚೆತ್ತುಕೊಂಡಿರುವ ಕರ್ಣಾಟಕ ಬ್ಯಾಂಕ್ ಅಡ್ಯನಡ್ಕ ಶಾಖೆಯನ್ನು ಸದೃಢಗೊಳಿಸುವ ಕಾರ್ಯದಲ್ಲಿ ತೊಡಗಿದ್ದು. ರಜಾ ದಿನವಾದ ಶನಿವಾರ ಹಾಗೂ ಭಾನುವಾರವು ನಡೆಯುತ್ತಿದೆ. ಕಳ್ಳರು ನುಗ್ಗಿದ ಬ್ಯಾಂಕ್ ಹಿಬ್ಬಂದಿಯಲ್ಲಿದ್ದ ಕಿಟಕಿಯನ್ನು ಸಂಪೂರ್ಣ ಬಂದ್ ಮಾಡಲಾಗಿದೆ.

ಬಟ್ಟೆ ಮುಚ್ಚಿ ಸ್ಥಳಾಂತರ
ಗುರುವಾರ ( ಫೆ 8) ಬೆಳಿಗ್ಗೆ ಕಳ್ಳತನ ಕೃತ್ಯ ಬೆಳಕಿಗೆ ಬಂದಿದ್ದು, ಅದಾದ ಕೆಲ ಗಂಟೆಗಳ ಕಾಲ ವಿಧಿವಿಜ್ಞಾನ ತಜ್ಞರು ಬೆರಳಚ್ಚು ಸಹಿತ ವಿವಿಧ ಸಾಕ್ಷ್ಯಗಳನ್ನು ಸಂಗ್ರಹಿಸಿದರು. ಬಳಿಕ ಪೊಲೀಸರು ಸ್ಥಳ ಮಹಜರು ನಡೆಸಿದರು. ಇದಾದ ಬಳಿಕ ಸಂಜೆ ಹೊತ್ತಿಗೆ ಕಳ್ಳರು ಹಾನಿ ಮಾಡಿದ ಸ್ಟ್ರಾಂಗ್ ಹಾಗೂ ಸೇಫ್ ಲಾಕರು ಹಾಗೂ ಬೀರುಗಳನ್ನು ಸ್ಥಳಾಂತರಿಸುವ ಕಾರ್ಯ ತಡ ರಾತ್ರಿಯವರೆಗೆ ನಡೆಯಿತು. ಈ ವೇಳೆ ಕಳ್ಳರು ಬ್ಯಾಂಕ್ ಲಾಕರ್ ಅನ್ನು ಛೇಧಿಸಿದ್ದು ಸಾರ್ವಜನಿಕರ ಗಮನಕ್ಕೆ ಬಾರದಂತೆ, ಲಾಕರ್ ನ್ನು ಹಾನಿಯಾದ ಜಾಗಕ್ಕೆ ಬಟ್ಟೆ ಮುಚ್ಚಿ ರಾತ್ರೋರಾತ್ರಿ ಸ್ಥಳಾಂತರಿಸಲಾಗಿದೆ. ಈ ಹಾನಿಯಾದ ಲಾಕರ್ ಹಾಗೂ ಸ್ಟ್ರಾಂಗ್ ರೂಂ ಬಾಗಿಲುಗಳನ್ನು ಪೊಲೀಸರು ಮುಂದಿನ ದಿನಗಳಲ್ಲಿ ಪ್ರಮುಖ ಸಾಕ್ಷಿಯಾಗಿ ನ್ಯಾಯಾಲಯಕ್ಕೆ ಸಲ್ಲಿಸುವ ಸಾಧ್ಯತೆಯಿದೆ.

ಸಿಸಿಟಿವಿ ದೃಶ್ಯ ವಿಧಿವಿಜ್ಞಾನ ಪ್ರಯೋಗಾಲಕ್ಕೆ
ಕಳ್ಳರ ಪತ್ತೆಗಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯವರಿಂದ ನಿಯೋಜಿಸಲ್ಪಟ್ಟ ವಿಶೇಷ ತನಿಖಾ ತಂಡ ಪರಿಸರದಲ್ಲಿರುವ ಎಲ್ಲಾ ಸಿಸಿ ಕ್ಯಾಮರಾ ದೃಶ್ಯಾವಳಿಯನ್ನು ಸಂಗ್ರಹಿಸಿದೆ . ಕತ್ತಲಿನಲ್ಲಿ ಚಿತ್ರಿಕರಣವಾದ ಹಿನ್ನಲೆಯಲ್ಲಿ ದೃಶ್ಯವಾಳಿಗಳು ಅಸ್ಪಷ್ಟವಾಗಿದ್ದು, ಹೀಗಾಗಿ ಶಂಕಿತ ವಾಹನದ ಚಿತ್ರವನ್ನು ಇನ್ನಷ್ಟು ಸ್ಪಷ್ಟವಾಗಿ ಪಡೆಯಲು ಪೊಲೀಸ್ ಇಲಾಖೆ ವಿಧಿವಿಜ್ಞಾನ ಪ್ರಯೋಗಾಲಯದ ಮೊರೆ ಹೋಗಿದೆ ಎಂದು ಮೂಲಗಳು ತಿಳಿಸಿವೆ.

ಮಾಹಿತಿ ಸಂಗ್ರಹ
ಬ್ಯಾಂಕ್ ನ ಹಿಂಭಾಗದಲ್ಲಿ ಕಿಟಕಿ ಇರುವುದು ಮೇಲ್ನೋಟಕ್ಕೆ ಗೋಚರವಾಗುವುದಿಲ್ಲ. ಹಳೆಯ ಆರೋಗ್ಯ ಕೇಂದ್ರದ ಕಟ್ಟಡದ ಬದಿಯಿಂದ ಅಡ್ಯನಡ್ಕ ಪೇಟೆಯಿಂದ ಉಳಯಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆಗೆ ಕಾಲು ದಾರಿಯಿದೆ., ಕಳ್ಳರು ಈ ದಾರಿಯಲ್ಲಿ ಓಡಾಡಿ ಬ್ಯಾಂಕ್ ನ ಸಮಗ್ರ ಮಾಹಿತಿಯನ್ನು ಕಲೆ ಹಾಕಿರುವ ಶಂಕೆ ವ್ಯಕ್ತವಾಗಿದೆ. ಹೀಗಾಗಿ ಕಳೆದ ಒಂದು ತಿಂಗಳಿನಿಂದ ಈ ಪರಿಸರದಲ್ಲಿ ಅನುಮಾನಸ್ಪದವಾಗಿ ಓಡಾಟ ನಡೆಸಿದವರ ಮಾಹಿತಿ ಕಲೆ ಹಾಕುವ ಕಾರ್ಯವನ್ನು ಪೊಲೀಸರ ತಂಡ ಮಾಡುತ್ತಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:adyanadkaadyanadka karnataka bank branchadyanadka karnataka bank theft caseInvestigationKarnataka bankkarnataka bank theftlocker breakvitla

Up Next

ಬಿಎಎಂಎಸ್ ಪದವಿ ಪರೀಕ್ಷೆ ಪುತ್ತೂರಿನ ಡಾ.ಖತೀಜತ್‌ ದಿಲ್ತಾನರಿಗೆ Rank

Don't Miss

Stay on deportaion notice : ಪುತ್ತೂರು : ಹಿಂಜಾವೇ ಮುಖಂಡ ದಿನೇಶ್ ಪಂಜಿಗ ಮತ್ತು ಯಶೋಧರ ಗಡಿಪಾರು ನೋಟಿಸಿಗೆ ನ್ಯಾಯಾಲಯ ತಡೆ