ತುಮಕೂರು :  ದಿನದ ಹಿಂದೆ ವಿವಿ ಘಟಿಕೋತ್ಸವದಲ್ಲಿ ಪದವಿ ಪಡೆದ ವಿದ್ಯಾರ್ಥಿ ಮರುದಿನ ವಿಷದ ಹಾವು ಕಚ್ಚಿ ಮೃತಪಟ್ಟ ದಾರುಣ ಘಟನೆ ತುಮಕೂರು ಜಿಲ್ಲೆಯಿಂದ ವರದಿಯಾಗಿದೆ. ಕೇರಳದ ತ್ರಿಸ್ಸೂರು ಮೂಲದ ನಿವಾಸಿ ಅದಿತ್ ಬಾಲಕೃಷ್ಣನ್ ಹಾವು ಕಡಿತಕ್ಕೆ ಒಳಗಾಗಿ ಮೃತಪಟ್ಟವರು. ತುಮಕೂರು ಹೊರ ವಲಯದಲ್ಲಿರುವ ಶ್ರೀ ಸಿದ್ಧಾರ್ಥ ಮೆಡಿಕಲ್ ಕಾಲೇಜಿನಲ್ಲಿ ಆದಿತ್ ಎಂಬಿಬಿಎಸ್ ವಿದ್ಯಾರ್ಥಿಯಾಗಿದ್ದರು

ನವೆಂಬರ್ 29 ರಂದು ನಡೆದ ಸಿದ್ಧಾರ್ಥ ವಿವಿ ಘಟಿಕೋತ್ಸವದಲ್ಲಿ ಪದವಿ ಪ್ರಧಾನ ಕಾರ್ಯಕ್ರಮ ಜರುಗಿತ್ತು. ಘಟಿಕೋತ್ಸವ ಮುಗಿಸಿ ಹಿಂತಿರುಗುತ್ತಿದ್ದ ವೇಳೆ ರಾತ್ರಿ 11 ಗಂಟೆ ಸುಮಾರಿಗೆ ವಿಷಪೂರಿತ ಹಾವು ಕಚ್ಚಿದೆ , ವಿದ್ಯಾರ್ಥಿಯ ಕೊಠಡಿಯ ಸಮೀಪವಿರುವ ಪಾರ್ಕಿಂಗ್ ಸ್ಥಳದ ಬಳಿ ಹಾವು ಕಚ್ಚಿದೆ. ಘಟನೆಯ ಸಮಯದಲ್ಲಿ ಅವನ ತಾಯಿ ಮತ್ತು ಇತರ ಸಂಬಂಧಿಕರು ಜೊತೆಗಿದ್ದರು. ಆದರೆ, ಹಾವು ಕಚ್ಚಿರುವುದು ಯಾರಿಗೂ ತಿಳಿದಿರಲಿಲ್ಲ. ಮನೆಗೆ ತಲುಪಿದ ಬೆನ್ನಲ್ಲೇ ಕುಸಿದುಬಿದ್ದ ಆದಿತ್ ಅವರನ್ನು ತಕ್ಷಣ ಹತ್ತಿರದ ಆಸ್ಪತ್ರೆಗೆ ಸಾಗಿಸಲಾಯಿತು.

alt="Ad Widget"/>

ಆದರೆ, ಚಿಕಿತ್ಸೆ ಫಲಿಸದೇ ಆದಿತ್ ಮೃತಪಟ್ಟಿದ್ದಾರೆಂದು ತುಮಕೂರಿನ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.ಆದಿತ್ ದೇಹದಲ್ಲಿ ಹಾವು ಕಡಿತದ ಗುರುತುಗಳು ಕಂಡುಬಂದಿದೆ. ಅಲ್ಲದೆ, ಶವಪರೀಕ್ಷೆಯ ರಕ್ತದ ಮಾದರಿಗಳಲ್ಲಿಯೂ ಹೆಚ್ಚಿನ ಮಟ್ಟದ ವಿಷ ಇರುವುದು ವೈದ್ಯಕೀಯ ವರದಿಯಲ್ಲಿ ಕಂಡು ಬಂದಿದೆ.

<>

 ಸಿದ್ಧಾರ್ಥ ವಿವಿ ಘಟಿಕೋತ್ಸವದಲ್ಲಿ ಕಾಂಗ್ರೆಸ್ ಸಂಸದ ಶಶಿ ತರೂರ್ ಮತ್ತು ಶ್ರೀ ಸಿದ್ಧಾರ್ಥ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ನ ಕುಲಪತಿ ಮತ್ತು ಗೃಹ ಸಚಿವ ಜಿ. ಪರಮೇಶ್ವರ್ ಭಾಗವಹಿಸಿದ ಸಂದರ್ಭದಲ್ಲಿ ಆದಿತ್ ಅವರಿಗೆ ಎಂಬಿಬಿಎಸ್ ಪದವಿಯನ್ನು ನೀಡಲಾಯಿತು ,ಘಟಿಕೋತ್ಸವದಲ್ಲಿ ಪಾಲ್ಗೊಳ್ಳಲು ತ್ರಿಸ್ಸೂರ್‌ನಿಂದ ಬಂದಿದ್ದ ಅದಿತ್‌ನ ತಾಯಿ ಮತ್ತು ಸಂಬಂಧಿಕರು ಆದಿತ್ನ ಅಕಾಲಿಕ ಮರಣ ಕಂಡು ಆತನ ಕುಟುಂಬದಲ್ಲಿ ಶೋಕ ಆವರಿಸಿದೆ.ಅಂತಿಮ ವಿಧಿವಿಧಾನಗಳನ್ನು  ಪೂರ್ಣಗೊಳಿಸಲು ಅದಿತ್ ಅವರ ತಂದೆ ಇಟಲಿಯಿಂದ ಬರಬೇಕಿದ್ದು, ಅವರಿಗಾಗಿ ಕುಟುಂಬವು ಕಾಯುತ್ತಿದೆ ಎಂದು ಕಾಲೇಜು ಮೂಲಗಳು ತಿಳಿಸಿವೆ.