ಜಗದ್ಗುರು ಶ್ರೀ ಶಂಕರಾಚಾರ್ಯ ಸಂಸ್ಥಾನ ಶ್ರೀ ಎಡನೀರು ಮಠದ ಪರಮಪೂಜ್ಯ ಶ್ರೀ ಶ್ರೀ ಸಚ್ಚಿದಾನಂದ ಭಾರತೀ ಶ್ರೀ ಪಾದಂಗಳವರ ತೃತೀಯ ಚಾತುರ್ಮಾಸ್ಯ ವೃತಾಚರಣೆ ಇಂದು ಸಮಾಪ್ತಿಯಾಗಿದೆ.ಪೂಜ್ಯ ಶ್ರೀಗಳು ಸಂಕಲ್ಪದಂತೆ ಈ ಬಾರಿಯ ಚಾತುರ್ಮಾಸ್ಯ ಜುಲೈ ತಿಂಗಳ 07 ರಿಂದ ಸೆಪ್ಟಂಬರ್ 29 ರ ವರೆಗೆ ಪ್ರತಿನಿತ್ಯ ಹಲವು ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ಬಹು ವಿಜೃಂಭಣೆಯಿಂದ ನಡೆದಿದೆ.

ಶ್ರೀಗಳ ಚಾತುರ್ಮಾಸ್ಯ ಕಾರ್ಯಕ್ರಮದ ಸಮಾರೋಪ ಸಮಾರಂಭದಲ್ಲಿ ಶ್ರೀಗಳ ಜತೆಗೆ ವೇದಿಕೆಯಲ್ಲಿ ಒಡಿಯೂರು ಸಂಸ್ಥಾನದ ಪರಮ ಪೂಜ್ಯ ಗುರುದೇವಾನಂದ ಸ್ವಾಮೀಜಿ ದಿವ್ಯ ಸಾನ್ನಿಧ್ಯವಹಿಸಿದ್ದರು .ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಟಿ. ಶ್ಯಾಮ್ ಭಟ್ ವಹಿಸಿದ್ದರು.ಒಡಿಯೂರು ಶ್ರೀಗಳು ಆಶೀರ್ವಚನ ನೀಡಿ ಪೂರ್ವಾಶ್ರಮದಲ್ಲಿ ಈ ಹಿಂದಿನ ಪೂಜ್ಯ ಶ್ರೀಗಳ ನೆರಳಿನಂತೆ ಇದ್ದು ಮಠದ ಆಡಳಿತ ನಡೆಸಿದ ಅನುಭವ ಪಡೆದು ಬಳಿಕ ಸನ್ಯಾಸ ಸ್ವೀಕರಿಸಿ ಸ್ವಾಮಿಗಳಾಗಿರುವ ಪೂಜ್ಯ ಸಚಿದಾನಂದಭಾರತೀ ಶ್ರೀಗಳು ದೂರದೃಷ್ಟಿಯ ಹಲವು ಯೋಜನೆಗೆ ಮುನ್ನುಡಿ ಹಾಕಿದ್ದಾರೆ. ಅದರಲ್ಲಿ ಅತೀ ಶ್ರೇಷ್ಟವಾದ ವೈದಿಕ ಪರಂಪರೆ ಉಳಿಸುವ ಕಾರ್ಯ ಮಾಡುತ್ತಿದ್ದಾರೆ. ವೇದ ಪಾಠ ಶಾಲೆ ನಡೆಸುವುದು ಈ ಕಾಲದಲ್ಲಿ ಅಷ್ಟು ಸುಲಭದ ಕೆಲಸವಲ್ಲ. ಆದರೆ ಶ್ರೀಗಳು ಆ ಕಾರ್ಯ ಕೈಗೊಂಡು ಧರ್ಮ ಉಳಿಸುವಲ್ಲಿ ಬಹು ದೊಡ್ಡ ಕೊಡುಗೆ ನೀಡುತ್ತಿದ್ದಾರೆ ಎಂದರು. ಎಡನೀರು ಮಠಕ್ಕೆ ಬರುವುದು ಎಂದರೆ ತಾಯಿ ಮನೆಗೆ ಬಂದ ಅನುಭವ ನೀಡುತ್ತದೆ. ಇಲ್ಲಿನ ಆತಿಥ್ಯ ಆ ರೀತಿಯಲ್ಲಿ ಇರುತ್ತದೆ. ಒಡಿಯೂರು ಮತ್ತು ಎಡನೀರು ಮಠಗಳ ನಡುವೆ ಅತ್ಯಂತ ಸ್ನೇಹ ಪ್ರೀತಿಯ ಸಂಬಂಧವಿದೆ, ಶ್ರೀಗಳ ಪ್ರೀತಿಯ ಕರೆಗೆ ಓಗೊಟ್ಟು ಆಗಮಿಸಿದ್ದೇನೆ ಎಂದರು.

alt="Ad Widget"/>

ಪುಸ್ತಕ ಬಿಡುಗಡೆ: ಹಿರಣ್ಯ ವೆಂಕಟೇಶ್ವರ ಭಟ್ ಸಂಪಾದಕತ್ವದಲ್ಲಿ ರಚಿತವಾದಹಿರಿಯ ನ್ಯಾಯವಾದಿ ಶ್ರೀ ಐ ವಿ ಭಟ್ ಅಭಿನಂದನಾ ಕೃತಿ ಸ್ಥಿತ ಪ್ರಜ್ಞ ಎಂಬ ಪುಸ್ತಕವನ್ನು ಸಚ್ಚಿದಾನಂದ ಭಾರತೀ ಶ್ರೀಗಳು ಬಿಡುಗಡೆ ಗೊಳಿಸಿದರು.

<>

ಪರಮಪೂಜ್ಯ ಶ್ರೀಗಳು ಆಶೀರ್ವಚನ ನೀಡಿ ಚಾತುರ್ಮಾಸ್ಯ ವೃತ ಆಚರಣೆಯ ಯಶಸ್ಸಿಗೆ ಶ್ರಮಿಸಿದವರಿಗೆ, ಭಾಗವಹಿಸಿದ ಎಲ್ಲಾ ಶ್ರೀ ಮಠದ ಭಕ್ತರಿಗೆ ಶ್ರೀ ಗೋಪಾಲಕೃಷ್ಣ ದೇವರು ಹರಸಲಿ ಎಂದರು.

ಶ್ರೀ ಮಠದ ಯಶಸ್ಸಿಗೆ ಸ್ವಾಮಿಗಳ ಸಮಯ ಪರಿಪಾಲನೆಯೇ ಕಾರಣ. ಸ್ವಾಮಿಗಳ ದಿನಚರಿ ನೋಡಿಯೇ ಈಗ ಸಮಯ ಎಷ್ಟು ಎಂದು ಹೇಳಬಹುದು. ಅಷ್ಟರ ಮಟ್ಟಿಗೆ ಸ್ವಾಮಿಗಳು ಸಮಯಕ್ಕೆ ಮಹತ್ವ ನೀಡುತ್ತಾರೆ. ಭಕ್ತರು ಯಾರೇ ಕರೆದರೂ ಸ್ವಾಮಿಗಳು ಅವರ ಕರೆಯನ್ನು ಮನ್ನಿಸಿ ಭೇಟಿ ನೀಡುತ್ತಾರೆ. ಅದು ಅವರ ಕೀರ್ತಿಯನ್ನು ಎತ್ತರಕ್ಕೆ ಏರಿಸಿದೆ. ಉಡುಪಿಯ ಮಾದರಿಯಲ್ಲಿಯೇ ಎಡನೀರು ಕೂಡಾ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕ್ಷೇತ್ರವಾಗಿ ಹೊರಹೊಮ್ಮಿದೆ. ಈ ಎಲ್ಲಾ ಯಶಸ್ಸಿಗೆ ಶ್ರೀಗಳವರ ದೂರ ದೃಷ್ಟಿಯೇ ಕಾರಣವಾಗಿದೆ.ಯೋಜನೆಗಳನ್ನು ಪ್ರಾರಂಭಿಸುವ ಮೊದಲು ಆದನ್ನು ಪೂರ್ಣ ಗೊಳಿಸುವ ಬಗ್ಗೆ ಯೋಚಿಸಿಯೇ ನಿರ್ಧಾರ ತೆಗೆದುಕೊಳ್ಳುತ್ತಾರೆ ಮತ್ತು ಅದು ಶಾಶ್ವತವಾಗಿ ನಡೆಯಲು ಏನೇನೂ ಬೇಕೋ ಅದೆಲ್ಲವನ್ನೂ ಮಾಡಿಯೇ ಪ್ರಾರಂಭ ಮಾಡುತ್ತಾರೆ. ಇದು ನನ್ನ ಸಹಿತ ಮಠದ ಎಲ್ಲಾ ಭಕ್ತರಿಗೂ ಅತ್ಯಂತ ಸಂತಸ ತಂದಿದೆ. ಶ್ರೀಗಳ ಚಾತುರ್ಮಸ್ಯ ವೃತಾಚಾರಣೆ ಅತ್ಯಂತಈ ಯಶಸ್ವಿಯಾಗಿ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳ ಜತೆಗೆ ಸಮಪ್ತಿಯಾಗಿದೆ. ಕಲಾ ಪೋಷಕರಾಗಿ ಕಲಾವಿದರಿಗೆ ವೇದಿಕೆ ನೀಡಿ ಹರಸಿದ್ದು ಕಲಾವಿದರಿಗೆ ವರವಾಗಿಟ್ ಪರಿಣಮಿಸಿದೆ. ಜತೆಗೆ ಪ್ರತಿ ದಿನದ ಕಾರ್ಯಕ್ರಮಗಳನ್ನು ಮಾಧ್ಯಮ ಮುಖೇನ LIVE ನೀಡಿದ್ದು ದೇಶ ವಿದೇಶಗಳ ಜನರಿಗೆ ವೀಕ್ಷಣೆಗೆ ಸಹಕಾರಿಯಾಗಿದೆ. ಇದೆಲ್ಲ ಶ್ರೀಗಳ ದೂರದೃಷ್ಟಿಯ ಫಲ ಎಂದು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಟಿ. ಶ್ಯಾಮ್ ಭಟ್ ಹೇಳಿದರು. ಹಿರಣ್ಯ ವೆಂಕಟೇಶ್ವರ ಭಟ್ ಕಾರ್ಯಕ್ರಮ ನಿರೂಪಿಸಿದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:

Up Next

consensual sex ಸಮ್ಮತಿಯ ಸೆಕ್ಸ್‌ ವಯೋಮಿತಿ ಇಳಿಕೆಗೆ ಕೇಂದ್ರ ಕಾನೂನು ಆಯೋಗ ನಕಾರ – ಅದು ಮಾಡಿದ ಶಿಫಾರಸು ಏನು?

Don't Miss

Mobile Blast ಮೊಬೈಲ್‌ ಚಾರ್ಜ್‌ ಗಿಟ್ಟು ಮಾತನಾಡುತ್ತಿದ್ದಾಗ ಸ್ಪೋಟಗೊಂಡು ಮಹಿಳೆ ಮೃತ್ಯು