ಪುತ್ತೂರು: ಅಡಿಕೆ (Arecanut) ಆಮದಿಗೆ ಹೆಚ್ಚಿನ ತೆರಿಗೆ ವಿಧಿಸಿದ ಕಾರಣ ಆಮದು ನಿಂತಿದೆ , ಆದರೆ ಅಡಿಕೆ ಮೇಲೆ ತೂಗುಗತ್ತಿ ಇದ್ದೇ ಇದೆ, ಅಡಿಕೆ ಬಿಟ್ಟು ಪರೋಕ್ಷ ತಾಳೆ ಕೃಷಿ ಬಗ್ಗೆ ಕರಾವಳಿಯ ರೈತರು ಯೋಚಿಸಬೇಕು ಎಂದು ಅಡಿಕೆಯ ಭವಿಷ್ಯದ ಪರೋಕ್ಷವಾಗಿ ಕೃಷಿಕರನ್ನು ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಎಚ್ಚರಿಸಿದರು. ಇದೇ ರೀತಿಯ ಎಚ್ಚರಿಕೆಯನ್ನು ರಾಜ್ಯ ಸಚಿವ ಅಂಗಾರರು ಹೇಳಿದರು.

ಕೇಂದ್ರ ಸಚಿವೆಯ ಹುಟ್ಟೂರಾದ ಕಡಬ ತಾಲೂಕಿನ ಕಾಣಿಯೂರು ಗ್ರಾಮ ಪಂಚಾಯತ್ ನ ನೂತನ ಸಭಾಭವನ ಹಾಗೂ ಬೈತಡ್ಕ ಗೆಜ್ಜರ್ಮೆ 3 ಕೋಟಿಯ ರಸ್ತೆ ಕಾಮಗಾರಿ, ಜನೌಷಧಿ ಕೇಂದ್ರ ಉದ್ಘಾಟಿಸಿದ ಕೇಂದ್ರ ಕೃಷಿ ಖಾತೆ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ ಮಾತನಾಡಿದರು.

alt="Ad Widget"/>

ಅಡಿಕೆ ಆಮದಿಗೆ ಮೋದಿ ಸರ್ಕಾರದಲ್ಲಿ ನಿರ್ಮಲ ಸೀತಾರಾಮನ್ ಹೆಚ್ಚಿನ ತೆರಿಗೆ ವಿಧಿಸಿದ ಕಾರಣ ಆಮದು ನಿಂತಿದೆ . ಆದರೆ ಅಡಿಕೆ ತಿನ್ನುವ ಊರಿನ ಅಡಿಕೆ ಪರೀಕ್ಷಿಸಿದ ಅಂದಿನ ಅಧಿಕಾರಿ ಅದರಲ್ಲಿ ರೋಗದ ಲಕ್ಷಣವಿದೆ ಎಂದು ಸುಪ್ರೀಂ ಕೋರ್ಟಿಗೆ ಸಲ್ಲಿಸಿರುವ ವರದಿಯಲ್ಲಿ ತಿಳಿಸಲಾಗಿದೆ. ನಾವು ಎಲ್ಲಾ ಸೇರಿ ಅಡಿಕೆ ಬೆಳೆಯುವಲ್ಲಿ ಯಾವೂದೇ ವಿಷಕಾರಿ ಅಂಶ ಸೇರಿಸುವುದಿಲ್ಲ ಎಂದು ಕೇಂದ್ರ ಸರ್ಕಾರಕ್ಕೆ ಮನವರಿಕೆ ಮಾಡಿದ್ದೇವೆ ಆದರೆ ಸುಪ್ರಿಂ ಕೋರ್ಟ್ ನ ತೂಗುಗತ್ತಿ ಅಡಿಕೆ ಮೇಲೆ ಸದಾ ಇದೆ ಎಂದು ಸಚಿವೆ ಹೇಳಿದರು.

<>

ಅಡಿಕೆ ಕೃಷಿಗೆ ಹಳದಿ ರೋಗ ಮತ್ತು ಎಲೆಚುಕ್ಕೆ ರೋಗ ಭಾಧಿಸಿದೆ. ನಮ್ಮೂರಿನ ಹತ್ತಿರದ ದೋಳ್ಪಾಡಿಗೂ ಈ ರೋಗ ಭಾಧಿಸಿದೆ. ಇದರ ಬಗ್ಗೆ ವಿಜ್ಞಾನಿಗಳಿಂದ ಪರೀಕ್ಷೆ ನಡೆಸಲು ನಾವು ಸಭೆ ಕರೆದಿದ್ದೇವೆ ಎಂದರು.

ಭಾರತದಲ್ಲಿ ಎಲ್ಲಾ ತಿನ್ನುವ ಆಹಾರಗಳನ್ನು ಯಥೇಚ್ಛವಾಗಿ ಬೆಳೆಯುತ್ತೇವೆ, ಆದರೆ ಅಡುಗೆಗೆ ಎಣ್ಣೆ ಉಪಯೋಗಿಸುವ ಎಣ್ಣೆಗಳನ್ನು ಹೊರದೇಶದಿಂದ ತರುತ್ತೇವೆ. ಇಲ್ಲಿಯ ಅಡಿಕೆ ಕೃಷಿಕರು ಅಡುಗೆ ಎಣ್ಣೆಯ ಕೃಷಿಯಾದ ತಾಳೆ ಕೃಷಿಗೆ ಹೆಚ್ಚು ಮಹತ್ವ ಕೊಟ್ಟು ಅದನ್ನು ಬೆಳೆಸಬೇಕು, ಸ್ವಲ್ಪ ಜಾಗದಲ್ಲಿ ತಾಳೆ ಬೆಳೆಸಿ ಎಂದು ಶೋಭಾ ಅಡಿಕೆ ಕೃಷಿಕರಿಗೆ ಮನವಿ ಮಾಡಿದರು. ಮುಂದಿನ ದಿನಗಳಲ್ಲಿ ತಾಳೆ ಕೃಷಿಗೆ ಸಂಸ್ಕರಣ ಘಟಕಗಳು ಇಲ್ಲೇ ಆಗಬಹುದು ಎಂದರು.

ಉಡುಪಿ ಚಿಕ್ಕಮಗಳೂರು, ದಕ್ಷಿಣ ಕನ್ನಡದಲ್ಲಿ ನೀರಿನ ಸಮಸ್ಯೆ ಇಲ್ಲ, ಇಲ್ಲಿರುವುದು ಕೇವಲ ಮೂಲಭೂತ ಸೌಕರ್ಯ ಸಮಸ್ಯೆ ಮಾತ್ರ. ನಮ್ಮೂರಿನ ಒಳಭಾಗದ ರಸ್ತೆಗಳನ್ನು ನಾನು ನಿನ್ನೆ ನೋಡಿದೆ , ರಸ್ತೆಗಳು ತೀರ ಕೆಟ್ಟ ಸ್ಥಿತಿಯಲ್ಲಿದೆ. ರಾಜ್ಯದ ಬೇರೆ ಜಿಲ್ಲೆಗಳಿಗೆ ಹೋದರೆ ಅವರ ಸಮಸ್ಯೆಗಳೇ ಬೇರೆ ಎಂದು ಕೇಂದ್ರ ಸಚಿವೆ ಹೇಳಿದರು.

ಅಧ್ಯಕ್ಷತೆ ವಹಿಸಿದ್ದ ಮೀನುಗಾರಿಕಾ ಸಚಿವ ಅಂಗಾರ ಮಾತನಾಡಿ ಅಡಿಕೆ ಕೃಷಿಗೆ ಹಳದಿ ಹಾಗೂ ಎಲೆಚುಕ್ಕೆ ರೋಗ ಬಂದ ನಂತರ ಬದಲಿ ಕೃಷಿ ಬಗ್ಗೆ ಯೋಚನೆ ಮಾಡಬೇಕು ಎಂದರು. ಒಳನಾಡ ಮೀನು ಸಾಕಾಣಿಕೆ, ಬಯೋಪ್ಲಾಕ್ ಮೀನುಗಾರಿಕೆ ಬಗ್ಗೆ ಮಾಹಿತಿ ನೀಡಿದರು. ತಾಳೆ ಕೃಷಿಯಲ್ಲಿ ಹಲವು ಸಮಸ್ಯೆಗಳಿವೆ ಎಂದು ಅಂಗಾರ ಹೇಳಿದರು. ರಸ್ತೆ ಸಮಸ್ಯೆಗಳನ್ನು ಹಂತ ಹಂತವಾಗಿ ಅನುದಾನ ತರಲಾಗುವುದು ಒಮ್ಮೆಲೆ ಎಲ್ಲಾ ತರಲು ಯಾರಿಂದಲೂ ಸಾಧ್ಯವಿಲ್ಲ ಎಂದರು. ಫಸಲ್ ಭೀಮಾ ಯೋಜನೆ ಪಡೆದ ಯಾರೂ ಕೂಡ ಹಣ ಬಂದಿದೆ ಎಂದು ಹೇಳುತ್ತಿಲ್ಲ. ಕಾಂಗ್ರೇಸ್ , ದಳದವರಿಗೂ ಹಣ ಬಂದಿದೆ ಆದರೆ ಅವರ್ಯಾರು ಹೇಳುತ್ತಿಲ್ಲ ಎಂದು ಸಚಿವ ಅಂಗಾರ ಹೇಳಿದರು.

ಕಡಬ ತಾಲೂಕು ಪಂಚಾಯತ್ ಕಾರ್ಯನಿರ್ವಾಹಣಾಧಿಕಾರಿ ನವೀನ್ ಭಂಡಾರಿ ಶುಭಹಾರೈಸಿದರು. ಗ್ರಾಮ ಪಂಚಾಯಿತ್ ಅಧ್ಯಕ್ಷೆ ಲಲಿತಾ ದರ್ಖಾಸ್ತು, ಪಿಡಿಓ ದೇವರಾಜ್ ಹಾಗೂ ಪಂಚಾಯತ್ ಸದಸ್ಯರು ಉಪಸ್ಥಿತರಿದ್ದರು.

ಸಭೆಯಲ್ಲಿ ಕರ್ನಾಟಕ ರತ್ನ ಪ್ರಶಸ್ತಿ ಪಡೆದ ಖೋಖೋ ಆಟಗಾರ್ತಿ ದೀಕ್ಷಾ ಕುಕ್ಕುನಡ್ಕ ಮತ್ತು ಯೋಗಾ ಸಾಧಕಿ ಪ್ರಣಮ್ಯ ಅಗರಿಯನ್ನು ಸನ್ಮಾನಿಸಲಾಯಿತು.

ಬೈತಡ್ಕ ಗೆಜ್ಜರ್ಮೆ ರಸ್ತೆ ಕಾಮಗಾರಿ ಮಾಡಿದ ಜಲೀಲ್ ಬೈತಡ್ಕ, ಪಂಚಾಯತ್ ಸಭಾಭವನ ನಿರ್ಮಾಣ ಕಾಮಗಾರಿ ಮಾಡಿದ ಹಸೈನಾರ್ ಅಭಿನಂದಿಸಲಾಯಿತು.

ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ಗಣೇಶ್ ಉದನಡ್ಕ ಪ್ರಸ್ತಾವಿಕ ಮಾತನಾಡಿ ಸ್ವಾಗತಿಸಿದರು. ಸದಸ್ಯ ರಾಮಣ್ಣ ಗೌಡ ಮುಗರಂಜ ಧನ್ಯವಾದಗೈದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:agriculturearecanutTulunad

Up Next

Unilever : ಶಾಂಪೂವಿನಲ್ಲಿ ಕ್ಯಾನ್ಸರ್‌ಕಾರಕ ಅಂಶ ಪತ್ತೆ: Dove, Tresemme ಸೇರಿದಂತೆ ಡ್ರೈ ಶಾಂಪೂಗಳನ್ನು ಹಿಂಪಡೆದ ಯುನಿಲಿವರ್‌

Don't Miss

Kashmir Pandit | ದೇಶ ದೀಪಾವಳಿ ಸಂಭ್ರಮದಲ್ಲಿದ್ದಾಗ ಕಾಶ್ಮೀರ ತೊರೆದ 17 ಕಾಶ್ಮೀರಿ ಪಂಡಿತ ಕುಟುಂಬಗಳು : ಪ್ರತಿಭಟನಾ ನಿರತ ಪಂಡಿತರ 4 ತಿಂಗಳ ಸಂಬಳ ತಡೆದ ಕೇಂದ್ರ..!