ಇನ್ನು ಪ್ರಮುಖವಾಗಿ ಪ್ಯಾಂಟಿನ ಹಿಂಬಂದಿಯ ಕಿಸೆಯಲ್ಲಿ ಪರ್ಸ್ ಇತ್ಯಾದಿ ದಪ್ಪದ ವಸ್ತುಗಳನ್ನು ಇಟ್ಟುಕೊಂಡು ಚಯರ್‌ ಅಥಾವ ದ್ವಿ ಚಕ್ರ ವಾಹನದಲ್ಲಿ ಕುಳಿತು ಕೊಳ್ಳುವುದರಿಂದಲೂ ದೇಹದ ಅಸಮತೋಲನದಿಂದಾಗಿ ನ್ನು ನೋವು ಕಾಡಲು ಆರಂಭಿಸುತ್ತದೆ. ಇದರ ಬಗ್ಗೆ ಅತಿಯಾದ ಎಚ್ಚರಿಕೆ ವಹಿಸಬೇಕು. ಪ್ಯಾಂಟ್‌ ಕಿಸೆಯಲ್ಲಿ ಏನನ್ನೂ ಇಟ್ಟುಕೊಳ್ಳದಿರುವುದನ್ನು ಅಭ್ಯಾಸಮಾಡಿಕೊಳ್ಳಬೇಕು.

Kidney Stone Disease : ಬಾರದಂತೆ ತಡೆಯಲು ಈ ಐದು ಆಹಾರಗಳ ಬಗ್ಗೆ ನಿಗಾ ಇರಲಿ

ದೇಹದ ತೂಕ
ಮನುಷ್ಯನ ದೇಹದ ತೂಕ ಅವನ ಎತ್ತರಕ್ಕೆ ಸರಿಯಾದ ಅನುಪಾತದಲ್ಲಿರಬೇಕು. ದೇಹದ ತೂಕ ಈ ಅನುಪಾತವನ್ನು ಮೀರಿ ಬೆಳೆದರೆ ಆಗಲೂ ನಮ್ಮನ್ನು ಬೆನ್ನು ನೋವು ಕಾಡಬಹುದು. ಇದಕ್ಕಿರುವ ಉಪಾಯ ದೇಹದ ತೂಕವನ್ನು ನಿಯಂತ್ರಿಸುವುದು.

ಹಾಸಿಗೆ

ಇನ್ನು ನೀವು ಮಲಗುವ ಹಾಸಿಗೆಯ ಬಗ್ಗೆಯೂ ಗಮನ ಹರಿಸುವುದು ಉತ್ತಮ . ಅತ್ಯಾಧುನಿಕ ಶೈಲಿಯ ಹಾಸಿಗೆಗಳು ಮಲಗುವಾಗ ಖುಷಿ ಕೊಡುತ್ತದೆ. ಆದರೇ ಕಾಲ ಕ್ರಮೇಣ ಇದುವೇ ನಮಗೆ ಮಾರಕವಾಗಿ ಪರಿಣಮಿಸುತ್ತದೆ.

ಕುಳಿತುಕೊಳ್ಳುವ ಭಂಗಿ

ಚಯರ್‌ ನಲ್ಲಿ ಅನುಚಿತವಾದ ಭಂಗಿಯಲ್ಲಿ ಕುಳಿತುಕೊಳ್ಳುವುದರಿಂದಲೂ ಬೆನ್ನು ನೋವು ಭಾದಿಸುತ್ತದೆ. ಅದರಲ್ಲೂ ವರ್ಕ್ ಫ್ರಂ ಹೋಮ್‌ ಪ್ರಾರಂಭವಾದ ಬಳಿಕವಂತೂ ಇದು ವಿಪರೀತ ಎನಿಸುವಷ್ಟು ಹೆಚ್ಚಾಗಿದೆ. ನೆಲದ ಮೇಲೆ, ಸೋಫಾದ ಮೇಲೆ ಕುಳಿತು ಕೆಲಸ ಮಾಡುವುದು, ಹಾಸಿಗೆ ಅಥವಾ ಮಂಚದ ಮೇಲೆ ಮಲಗಿ ಕೆಲಸ ಮಾಡುವುದು, ಕುರ್ಚಿಯಲ್ಲಿ ಸರಿಯಾದ ಕ್ರಮದಲ್ಲಿ ಕುಳಿತುಕೊಳ್ಳದೇ ಇರುವುದು ಬೆನ್ನು ನೋವಿನ ಸಮಸ್ಯೆ ಹೆಚ್ಚಲು ಕಾರಣಗಳು. ಅವರು ಈ ಕೆಳಗೆ ನೀಡಿದ ಟಿಪ್ಸ್‌ ಗಳನ್ನು ಅನುಸರಿಸಿದರೇ ಈ ಭಾಧೆಯಿಂದ ಪಾರಾಗಬಹುದು.

ಬೆನ್ನಿನ ಕೆಳಭಾಗಕ್ಕೆ ಆಧಾರ ನೀಡಿ
ಕುರ್ಚಿಯಲ್ಲಿ, ಹಾಸಿಗೆ ಮೇಲೆ ಅಥವಾ ನೆಲದ ಮೇಲೆ ಕುಳಿತು ಕೆಲಸ ಮಾಡುವ ಮುನ್ನ ಬೆನ್ನಿನ ಕೆಳಭಾಗಕ್ಕೆ ಟವಲ್‌ನಿಂದ ಸುತ್ತಿಕೊಳ್ಳಿ. ಕುರ್ಚಿ ಅಥವಾ ನೆಲ ಯಾವುದೇ ಆಗಿರಲಿ, ಕೆಳಬೆನ್ನಿಗೆ (lower back ) ಆಧಾರ ನೀಡುವಂತೆ ಚೌಕಾಕಾರದ ದಿಂಬು ಇರಿಸಿಕೊಳ್ಳಿ. ಇದರಿಂದ ಬೆನ್ನಿನ ಕೆಳಭಾಗದಲ್ಲಿ ನೋವು ಉಂಟಾಗುವುದನ್ನು ಕಡಿಮೆ ಮಾಡಬಹುದು. ಜೊತೆಗೆ ಆದಷ್ಟು ನೇರವಾಗಿ ಕುಳಿತುಕೊಳ್ಳುವುದನ್ನು ಅಭ್ಯಾಸ ಮಾಡಿಕೊಳ್ಳಿ.

ಬಿಪಿ ಶುಗರ್‌ ಖಾಯಿಲೆಗಳಲ್ಲ – ಆರೋಗ್ಯ ವಿಮೆ ಮಾಡಿಸುವ ಸಂದರ್ಭ ಅದನ್ನು ಮುಚ್ಚಿಟ್ಟರು ಎಂಬ ಕಾರಣಕ್ಕೆ ವಿಮೆ ಕ್ಲೇಮ್‌ ನಿರಾಕರಿಸುವಂತಿಲ್ಲ : ಇನ್ಸೂರೆನ್ಸ್‌ ಕಂಪೆನಿಗೆ 1 ಲಕ್ಷ ದಂಡ ವಿಧಿಸಿ  ಬೆಂಗಳೂರಿನ ಗ್ರಾಹಕ ನ್ಯಾಯಲಯದ ತೀರ್ಪು

ಡೆಸ್ಕ್‌ಟಾಪ್ ಸರಿಯಾಗಿ ಸೆಟ್‌ಮಾಡಿ
ಕೆಲಸ ಮಾಡುವ ಮುನ್ನ ಡೆಸ್ಕ್‌ಟಾಪ್ ಅನ್ನು ಸರಿಯಾಗಿ ಸೆಟ್ ಮಾಡಿಕೊಳ್ಳುವುದು ಅವಶ್ಯ. ಇದರಿಂದ ಕತ್ತು ಹಾಗೂ ಬೆನ್ನು ನೋವಿನ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬಹುದು. ಕಂಪ್ಯೂಟರ್ ಸ್ಕ್ರೀನ್ ನಿಮ್ಮ ತೋಳಿನ ಉದ್ದಕ್ಕೆ ಸಮವಾಗಿರಬೇಕು. ಕಂಪ್ಯೂಟರ್ನ ಮೇಲಿನ ತುದಿಯು ನಿಮ್ಮ ಕಣ್ಣಿನ ದೃಷ್ಟಿಗೆ ಸಮವಾಗಿರಬೇಕು.

ಗಂಟೆಗೊಮ್ಮೆ ಎದ್ದು ತಿರುಗಾಡಿ :
ಕೆಲಸ ಮಾಡುವಾಗ ಆಗಾಗ ಕುಳಿತುಕೊಳ್ಳುವುದು, ಎದ್ದು ನಿಲ್ಲುವುದು ಮಾಡಬೇಕು. ಅದರೊಂದಿಗೆ ಗಂಟೆಗೊಮ್ಮೆ ಎದ್ದು ತಿರುಗಾಡುವುದು ಅಗತ್ಯ. ಒಂದೇ ಭಂಗಿಯಲ್ಲಿ ಬಹಳ ಹೊತ್ತು ಒಂದೇ ಕಡೆ ಕುಳಿತುಕೊಳ್ಳುವುದರಿಂದ ಕೂಡ ಬೆನ್ನು ನೋವು ಕಾಣಿಸಿಕೊಳ್ಳುತ್ತದೆ. ಮನೆಯ ಒಳಗೆ ಅಥವಾ ಟೆರೇಸ್ ಮೇಲೆ 5 ನಿಮಿಷ ತಿರುಗಾಡಿದ ನಂತರ ಮತ್ತೆ ಕೆಲಸ ಆರಂಭಿಸಿ.

ಸರಿಯಾದ ಕ್ರಮದಲ್ಲಿ ಉಸಿರಾಟ
ಸರಿಯಾದ ಕ್ರಮದಲ್ಲಿ ಉಸಿರಾಟ ನಡೆಸುವುದರಿಂದಲೂ ದೇಹಕ್ಕೆ ಆರಾಮ ಸಿಗುತ್ತದೆ. ಅಲ್ಲದೇ ಇದರಿಂದ ಮಧ್ಯ ಹಾಗೂ ಕೆಳ ಬೆನ್ನಿನ ಭಾಗದ ಸ್ನಾಯುಗಳಿಗೂ ಆರಾಮ ಎನ್ನಿಸುತ್ತದೆ. ಉಸಿರಾಟಕ್ಕೆ ಸಂಬಂಧಿಸಿದ ಕೆಲವೊಂದು ವ್ಯಾಯಾಮಗಳು ಕೆಳ ಬೆನ್ನು ನೋವಿನ ಸಮಸ್ಯೆಗೆ ಪರಿಹಾರ ಒದಗಿಸುತ್ತವೆ.

ಕುಳಿತುಕೊಳ್ಳುವ ರೀತಿ ಬದಲಿಸಿ
ನಿಮಗೆ ಪದೇ ಪದೇ ಬೆನ್ನುನೋವು ಕಾಣಿಸಿಕೊಳ್ಳುತ್ತಿದೆ ಎನ್ನಿಸಿದರೆ ನೀವು ಕುಳಿತುಕೊಳ್ಳುವ ರೀತಿ ಸರಿಯಿಲ್ಲ ಎಂದು ಅರ್ಥ. ಆ ಕಾರಣಕ್ಕೆ ಕುಳಿತುಕೊಳ್ಳುವ ರೀತಿಯನ್ನು ಬದಲಿಸಿ ನೋಡಿ. ದೀರ್ಘಕಾಲದವರೆಗೆ ಒಂದೇ ರೀತಿ ಕುಳಿತುಕೊಳ್ಳುವುದು ಹಾಗೂ ಮುಂದಕ್ಕೆ ಬಾಗಿ ಕುಳಿತುಕೊಳ್ಳುವುದರಿಂದ ಬೆನ್ನು ನೋವು ಕಾಣಿಸಬಹುದು. ಕುರ್ಚಿಯಲ್ಲಿ ಕುಳಿತುಕೊಳ್ಳುವಾಗ ಮೊಣಕಾಲನ್ನು 90 ಡಿಗ್ರಿಗೆ ಬಗ್ಗಿಸಿ ನೆಲಕ್ಕೆ ಪಾದಗಳನ್ನು ಒರಗಿಸಿ ಇರಿಸಿಕೊಳ್ಳಬೇಕು.

ಹಾಸಿಗೆ ಮೇಲೆ ಮಲಗಿ ಕೆಲಸ ಮಾಡುವ ಅಭ್ಯಾಸ ಬೇಡ
ಹಾಸಿಗೆ ಮೇಲೆ ಮಲಗಿಕೊಂಡು ಕಂಪ್ಯೂಟರ್‌ ನಲ್ಲಿ ಕೆಲಸ ಮಾಡುವುದು ನಿಮಗೆ ಆರಾಮ ಎನ್ನಿಸಬಹುದು. ಆದರೆ ಮಲಗಿಕೊಂಡು ಕೆಲಸ ಮಾಡುವುದು ಕುಳಿತುಕೊಂಡು ಕೆಲಸ ಮಾಡುವುದಕ್ಕಿಂತಲೂ ಅಪಾಯಕಾರಿ. ಹೀಗಾಗಿ ಆದಷ್ಟು ಹಾಸಿಗೆ ಮೇಲೆ ಕೆಲಸ ಮಾಡುವುದಕ್ಕೆ ಕಡಿವಾಣ ಹಾಕಿ.

ಮನೆ ಮದ್ದು (Back Pain Relief)

ಐಸ್ ಅಥವಾ ಶಾಖದ ಪ್ಯಾಡ್ ಬಳಕೆ

ಬೆನ್ನು ನೋವು ನಿವಾರಣೆಗೆ ಐಸ್ ಅಥವಾ ಶಾಖದ ಪ್ಯಾಡ್ ಬಳಸುವ ಮೂಲಕ ನೋವನ್ನು ನಿವಾರಿಸಬಹುದು. ಈ ಎರಡು ಕ್ರಮಗಳನ್ನು ಪರ್ಯಾಯವಾಗಿ ಬಳಸುವುದರಿಂದ ಸ್ನಾಯುಗಳು ಸಡಿಲಗೊಳ್ಳುತ್ತವೆ. ಜೊತೆಗೆ ನೋವು ನಿವಾರಣೆಯು ಸುಲಭವಾಗಿ ಆಗುವುದು. ಉತ್ತಮ ಫಲಿತಾಂಶ ಪಡೆಯಲು ಈ ಎರಡು ಕ್ರಮಗಳನ್ನು ಕಡಿಮೆ ಎಂದರೂ 25 ನಿಮಿಷಗಳ ಕಾಲ ಅನುಸರಿಸಬೇಕು.

ಎಪ್ಸಮ್ ಉಪ್ಪಿನ ಸ್ನಾನ:

ಬೆಚ್ಚಗಿನ ಎಪ್ಸಮ್ ಉಪ್ಪಿನಲ್ಲಿ ಸ್ನಾನ ಮಾಡುವುದರ ಮೂಲಕವು ಬೆನ್ನು ನೋವನ್ನು ನಿವಾರಿಸಬಹುದು. ಈ ಸ್ನಾನವು ಬೆನ್ನುನೋವು ಹಾಗೂ ಉರಿಯೂತವನ್ನು ಗಣನೀಯವಾಗಿ ಕಡಿಮೆ ಮಾಡುವುದು. ನೀರನ್ನು ಹೆಚ್ಚು ಬಿಸಿಮಾಡದೆ 30 ನಿಮಿಷಗಳ ಕಾಲ ಸ್ನಾನ ಮಾಡಬೇಕು. ಇದಕ್ಕಿಂತ ಹೆಚ್ಚಿನ ಅವಧಿಗೆ ಮಾಡಬಾರದು.

ಧ್ಯಾನ ಮತ್ತು ವ್ಯಾಯಮ

ಸೂಕ್ತ ರೀತಿಯ ವ್ಯಾಯಾಮ ಮಾಡುವುದರ ಮೂಲಕ ನೋವನ್ನು ನಿವಾರಣೆ ಮಾಡಬಹುದು .ಇದಕ್ಕೆ ದೈಹಿಕ ತಜ್ಣ ಸಲಹೆಯನ್ನು ಪಡೆದುಕೊಳ್ಳಿ. ಅತಿಯಾದ ಟೆನ್ಷನ್‌ ನಿಂದಲೂ ಬೆನ್ನು ನೋವು ಬರುತ್ತದೆ. ಮಾನಸಿಕ ಹಾಗೂ ದೈಹಿಕ ನೋವನ್ನು ನಿಯಂತ್ರಣದಲ್ಲಿ ಇಡಲು ಸಹಾಯ ಮಾಡುವ ಅತ್ಯುತ್ತಮ ವಿಧಾನವೆಂದರೆ ಯೋಗ ಮತ್ತು ಧ್ಯಾನ. ಪುರಾತನ ಕಾಲದಿಂದಲೂ ರೂಢಿಯಲ್ಲಿರುವ ಈ ಚಿಕಿತ್ಸಕ ವಿಧಾನವನ್ನು ಅನುಸರಿಸುವುದರಿಂದ ಬೆನ್ನುನೋವನ್ನು ಶಮನ ಮಾಡಬಹುದು

ಉತ್ತಮ ಆಹಾರ
ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಹೊಂದಿರುವ ಆಹಾರಗಳನ್ನು ಸೇವಿಸಬೇಕು. ಅದಕ್ಕಾಗಿ ಹಸಿರು ಸೊಪ್ಪುಗಳು, ಚೀಸ್, ಮೊಸರು, ಮೊಟ್ಟೆ, ಕಿತ್ತಳೆ, ಸೋಯಾ ಹಾಲು, ಮೀನು ಸೇರಿದಂತೆ ಇನ್ನಿತರ ಆರೋಗ್ಯಕರ ಆಹಾರವನ್ನು ಸೇವಿಸಬೇಕು.

ಶುಂಠಿ ಸೇವಿಸಿ

ಶುಂಠಿಯು ಅತ್ಯುತ್ತಮ ಔಷಧೀಯ ಗುಣವನ್ನು ಹೊಂದಿರುವ ನೈಸರ್ಗಿಕ ಔಷಧೀಯ ಮೂಲ. ಇದನ್ನು ಗಣನೀಯವಾಗಿ ಬಳಕೆ ಮಾಡುವುದರಿಂದ ಬೆನ್ನು ನೋವನ್ನು ನಿವಾರಿಸಬಹುದು. ಶುಂಠಿಯ ಚೂರನ್ನು ನೀರಿಗೆ ಸೇರಿಸಿ, 30 ನಿಮಿಷಗಳ ಕಾಲ ಕುದಿಸಿ. ಬಳಿಕ ಸೋಸಿ ತಣಿಯಲು ಬಿಡಿ. ನಂತರ ಸೇವಿಸುವುದು ಸೂಕ್ತ.

ಈ ಎಲ್ಲ ಮನೆ ಮದ್ದಿನ ಬಳಿಕವೂ ನೋವು ಉಲ್ಭಣಗೊಳ್ಳುತ್ತಿದೆ ಅಥವಾ ಕಡಿಮೆಯಾಗುತ್ತಿಲ್ಲ ಎಂದಾಗ ವೈದ್ಯರಲ್ಲಿ ಸೂಕ್ತ ತಪಾಸಣೆ ಮಾಡಿಸುವುದು ಅಥವಾ ಚಿಕಿತ್ಸೆ ಪಡೆದುಕೊಳ್ಳುವುದನ್ನು ಮರೆಯಬಾರದು