ನಿಮಗೆ ಗೊತ್ತಿರಲ್ಲಿ , ಹತ್ಯೆ ಮಾಡಿದವರು ಸ್ಥಳೀಯರು ಕೇರಳದವರಲ್ಲ

ಇಷ್ಟೆಲ್ಲಾ ಆದ ಬಳಿಕ ಗೃಹ ಸಚಿವ ಅರಗ ಜ್ಞಾನೇಂದ್ರರವರು ಪ್ರವೀಣ್ ಹತ್ಯೆಯನ್ನು ಮಾಡಿರುವುದು ಸ್ಥಳೀಯರೇ ಹೊರತು ಕೇರಳದವರು ಮಾಡಿಲ್ಲ ಎಂಬ ಸ್ಫೋಟಕ ಹೇಳಿಕೆ ನೀಡಿ ಎಲ್ಲರನ್ನು ಚಕಿತಗೊಳಿಸಿದ್ದಾರೆ . ಗೃಹ ಸಚಿವರಾಗಿ ಒಂದು ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ಕನ್ನಡದ ಪ್ರತಿಷ್ಟಿತ ಟಿವಿ ವಾಹಿನಿ ಟಿ ವಿ 9 ಗೆ ಅವರು ನೀಡಿದ ಸಂದರ್ಶನ ನಿನ್ನೆ ಸಂಜೆ ಪ್ರಸಾರವಾಗಿತ್ತು .ಅದರಲ್ಲಿ ಸಂದರ್ಶಕರು “ಕೇರಳದಿಂದ ಮೂರು ಜನ ಬೈಕ್ ನಲ್ಲಿ ಬಂದವರು ಪ್ರವೀನ್ ಅವರ ಕೊಲೆ ಮಾಡಿ ಮತ್ತೆ ವಾಪಸ್ಸು ಹೋಗಿದ್ದಾರೆ ಅಂತಾ ಹೇಳುತ್ತೀರಿ , ಒಂದು ವೇಳೆ ಸರಿಯಾಗಿ ನಾಕ ಬಂದಿ ಮಾಡುತ್ತಿದ್ದರೇ ಅಥಾವ ಸೂಕ್ತ ಬಿಗಿ ಬಂದೋಬಸ್ತು ಮಾಡುತ್ತಿದರೇ ಮೂವರು ಕೇರಳದಿಂದ ಮಾರಕಾಯುದ್ದ ಹಿಡಿದು ಗಡಿ ದಾಟಿ ಬರಲು ಹಾಗೂ ಕೃತ್ಯ ಎಸಗಿ ವಾಪಸ್ಸು ಹೋಗಲು ಹೇಗೆ ಸಾಧ್ಯವಾಗುತಿತ್ತು ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ಅರಗ ಜ್ಞಾನೇಂದ್ರರವರು “ ನಿಮಗೆ ಗೊತ್ತಿರಲಿ ಹತ್ಯೆ ಮಾಡಿದವರು ಸ್ಥಳೀಯರು ಕೇರಳದವರಲ್ಲ ಎಂದಿದ್ದಾರೆ.

ಸ್ಥಳೀಯರೇ ಬೈಕ್ ಗೆ ಕೇರಳ ನೋಂದಣಿ ಸ್ಟಿಕರ್ ಅಂಟಿಸಿ ಹತ್ಯೆ ಮಾಡಿದರೇ ?

ಅರಗ ಜ್ಞಾನೇಂದ್ರರವರ ಈ ಸ್ಫೋಟಕ ಹೇಳಿಕೆಯ ಬಳಿಕ ಮತ್ತೆ ಹಳೇ ಥಿಯರಿ ಮುನ್ನಲೆಗೆ ಬಂದಿದೆ. ಹತ್ಯೆಯಾದ ಸಂದರ್ಭದಲ್ಲೂ ಕೂಡ ಬೈಕ್ ನ ನಂಬರ್ ಪ್ಲೇಟ್ ಬದಲಾಯಿಸಿ ಅದಕ್ಕೆ ಕೇರಳ ನೋಂದಣಿಯ ರ್ಯಾಂಡಮ್ ನಂಬರ್ ಅಂಟಿಸಿ ಕೃತ್ಯ ಎಸಗಿ ತನಿಖೆಯ ಹಾದಿ ತಪ್ಪಿಸಿರಬಹುದು ಎಂಬ ಅನುಮಾನ ಸ್ಥಳೀಯವಾಗಿ ಕೆಲವರಲ್ಲಿ ಮೂಡಿತ್ತು . ಆದರೇ ಮಂತ್ರಿ ಮಾಗಧರ ಕೇರಳ ಥಿಯರಿ ಬಳಿಕ ಈ ಅನುಮಾನಗಳು ಧ್ವನಿ ಕಳಕೊಂಡಿದ್ದವು. ಇದೀಗ ಜ್ಞಾನೇಂದ್ರರವರ ಹೇಳಿಕೆಯ ಬಳಿಕ ಈ ಅನುಮಾನ ಬಹುತೇಕರಲ್ಲಿ ಮೂಡಿದೆ

ಒಂದು ವೇಳೆ ಈ ಕೃತ್ಯವನ್ನು ಸ್ಥಳೀಯ ನಿವಾಸಿಗಳೇ ಮಾಡಿದ್ದರೆ, ಆಗ ಈ ಪ್ರಕರಣವನ್ನು ಎನ್ ಐಎಗೆ ಕೊಡುವ ಜರೂರತ್ತು ಏನಿತ್ತು? ಎನ್ನುವ ಅಭಿಪ್ರಾಯವು ಕೇಳಿ ಬರುತ್ತಿದೆ. ಬೆಳ್ಳಾರೆ ಠಾಣಾ ವ್ಯಾಪ್ತಿಯಲ್ಲಿ, ಬೆಳ್ಳಾರೆ ಅಸುಪಾಸಿನವರೇ ಮಾಡಿದ ಕೊಲೆ ಕೃತ್ಯವನ್ನು ಬೇಧಿಸಲು, ಆರೋಪಿಗಳನ್ನು ಬಂಧಿಸಲು ರಾಷ್ಟ್ರೀಯ ತನಿಖಾದಳದ ಅಗತ್ಯವಾದರೂ ಎನೂ ? ಹಾಗಾದರೇ ಕರ್ನಾಟಕ ಹಾಗೂ ಜಿಲ್ಲೆಯ ಪೊಲೀಸರು ಅಷ್ಟು ಅಸಮರ್ಥರೇ? ಇದರಿಂದ ಪೊಲೀಸ್ ಇಲಾಖೆಯ ನೈತಿಕ ಸ್ಥೈರ್ಯ ಕುಸಿಯುದಿಲ್ಲವೇ? ಎನ್ನುವ ಪ್ರಶ್ನೆಗಳು ಸಾರ್ವಜನಿಕರ ಮನದಲ್ಲಿ ಮೂಡಿದೆ.

ಬೈಕ್ , ಬೈಕ್ ನಂಬರ್ ಪತ್ತೆಯಾಗಿಲ್ಲ :

ಮೊದಲ ದಿನದಿಂದಲೂ ಈ ಪ್ರಕರಣವನ್ನು ಕೇವಲ ಒಂದು ಕೊಲೆ ಪ್ರಕರಣದ ದೃಷಿಕೋನದಿಂದ ನೋಡದೇ ಹೈ ಪ್ರೊಪೈಲ್ ಕೇಸನ್ನಾಗಿ ದೊಡ್ಡ ಅಧಿಕಾರಿಗಳ ಮೂಲಕ ನಿಭಾಯಿಸಿ, ರಾಜ್ಯ ಸರಕಾರ ಹಾಗೂ ಜನಪ್ರತಿನಿಧಿಗಳು ಪತ್ರಿಕೆಗಳ ಹೆಡ್ ಲೈನ್ ಮ್ಯಾನೇಜ್ಮೆಂಟ್ ಮಾಡಿ ರಾಜಕೀಯ ಲಾಭ ಪಡೆಯಲು ಹೋಗಿ ಪ್ರಕರಣದ ತನಿಖೆಯ ದಿಕ್ಕು ತಪ್ಪಿದ್ದೆಯೇ ? ಎನ್ನುವ ಪ್ರಶ್ನೆಗಳು ಜನಮಾನಸದಲ್ಲಿ ಮೂಡುವಂತಾಗಿದೆ. ವಿಶೇಷ ಎಂದರೇ ಈವರೆಗೆ ಕೃತ್ಯ ಎಸಗಿದ ಬೈಕ್ ಆಗಲಿ, ಬೈಕ್ ನಂಬರ್ ಆಗಲಿ, ಅಥಾವ ಅದು ಯಾರ ಒಡೆತನದ ಬೈಕ್ ಎನ್ನುವುದಾಗಲಿ ಪತ್ತೆಯಾಗಿಲ್ಲ ಎಂದು ಮೂಲಗಳು ಹೇಳುತ್ತಿವೆ.

ರೈನ್ ಕೋಟ್ ತರಲು ಹೋಗಿದ್ದಾಗ ಹತ್ಯೆ :

ನಾನು ಅಕ್ಷಯ ಪ್ರೆಶ್ ಚಿಕನ್ ಫಾರ್ಮ್ ನಲ್ಲಿ ಕ್ಲೀನಿಂಗ್ ಕೆಲಸ ಮಾಡುತ್ತಿದ್ದು, ಅದರ ಮಾಲೀಕ ಪ್ರವೀಣ್ ನೆಟ್ಟರು ರವರು ಜು 26 ರಂದು ರಾತ್ರಿ ವ್ಯಾಪಾರ ಮುಗಿಸಿ 8.30 ಗಂಟೆಗೆ ಅಂಗಡಿ ಬಾಗಿಲು ಹಾಕಿ ತನ್ನ ಮನೆಯ ಕಡೆಗೆ ಹೋಗಲು ಸ್ಕೂಟರ್ ನಲ್ಲಿ ಕುಳಿತಿದ್ದರು. ಈ ವೇಳೆ ನಾನು ಅಂಗಡಿಯ ಒಳಗೆ ರೈನ್ ಕೋರ್ಟ್ ತರಲೆಂದು ಹೋಗಿದ್ದು, ಈ ಸಮಯ ಅಂಗಡಿಯ ಹೊರಗೆ ಜೋರಾಗಿ ಬೊಬ್ಬೆ ಕೇಳಿಸಿದೆ. ಹೊರಗಡೆ ಬಂದು ನೋಡುವಷ್ಟರಲ್ಲಿ ಪ್ರವೀಣ್ ನೆಟ್ಟಾರು ರವರು ಸ್ಕೂಟರ್ ನಿಂತಿದ್ದ ಸ್ಥಳದಿಂದ ಸುಮಾರು 50 ಅಡಿ ದೂರದಲ್ಲಿ ಕವಚಿ ಬಿದ್ದಿದ್ದರು. ಆಗ ಅಲ್ಲಿಂದ ಮೂರು ಜನ ಅಪರಿಚಿತ ವ್ಯಕ್ತಿಗಳು ಕೈಯಲ್ಲಿ ಹತ್ಯಾರುಗಳನ್ನು ಹಿಡಿದುಕೊಂಡು ಮೋಟಾರು ಸೈಕಲ್ಲಿನಲ್ಲಿ ಪುತ್ತೂರು ಕಡೆಗೆ ಪರಾರಿಯಾದರು ಎಂದು ಮಧು ಕುಮಾರ್ ರವವರು ನೀಡಿದ ದೂರಿನಲ್ಲಿ ವಿವರಿಸಿದ್ದರು