ಸಿಎಂ ಪುತ್ತೂರು  ಭೇಟಿಯ ಬಳಿಕ ಮತ್ತೆ  ಬಂಧಿತ ಇಬ್ಬರು ಅರೋಪಿಗಳನ್ನು ನ್ಯಾಯಾಲಯದ ಅನುಮತಿ ಪಡೆದು ಪೊಲೀಸರು  5 ದಿನಗಳ ಕಾಲ  ತಮ್ಮ ಕಸ್ಟಡಿಗೆ   ಪಡೆದಿದ್ದರು. ಅವರಿಬ್ಬರನ್ನು ಗುಪ್ತ ಸ್ಥಳದಲ್ಲಿಟ್ಟು ವಿಚಾರಣೆ ನಡೆಸಲಾಗಿತ್ತು.  ಅವರು ನೀಡಿದ ಮಾಹಿತಿಯನ್ನು ಆಧರಿಸಿ ಬೆಳ್ಳಾರೆ ಪಲ್ಲಿಮಜಲು ನಿವಾಸಿಗಳಾದ ಸಂಬಂಧಿಕರ ಹೊಟೇಲ್‌ ಒಂದರಲ್ಲಿ ಕೆಲಸ ಮಾಡಿಕೊಂಡಿದ್ದ  ಸದ್ದಾಂ ಹಾಗೂ ಬೆಳ್ಳಾರೆಯಲ್ಲಿ ಕೋಳಿ ಅಂಗಡಿ ಹೊಂದಿದ್ದ ಹಾರೀಸ್‌ ಎಂಬವರನ್ನು ಬಂಧಿಸಿದ್ದರು.  ಇದೀಗ ಈ ನಾಲ್ಕು ಆರೋಪಿಗಳ ಪೈಕಿ ಶಫೀಕ್‌ ಹೊರತುಪಡಿಸಿ ಉಳಿದ ಮೂವರಿಗೆ ಸುಳ್ಯ ನ್ಯಾಯಾಲಯವು  ಅ .2 ರಂದು ನ್ಯಾಯಾಂಗ ಬಂಧನ ವಿಧಿಸಿದೆ. ಶಫೀಕ್‌ನ್ ಪೊಲೀಸ್‌ ಕಸ್ಟಡಿಯನ್ನು ಅ.7 ರವರೆಗೆ ವಿಸ್ತರಿಸಲಾಗಿದೆ.

ಹತ್ತಾರು ಪ್ರಶ್ನೆಗಳು

 ಪ್ರವೀಣ್‌ ಹತ್ಯೆಯಲ್ಲಿ ಈ ನಾಲ್ವರ ಪಾತ್ರದ ಬಗ್ಗೆ ಪೊಲೀಸ್‌ ಇಲಾಖೆ ತುಟ್ಟಿ ಬಿಚ್ಚಿಲ್ಲ. ಈ ಆರೋಪಿಗಳು ಹತ್ಯೆಯನ್ನು ಸಂಘಟಿಸಿದವರೇ? ಹಣಕಾಸಿನ ನೆರವು ನೀಡಿದವರೇ?  ಹತ್ಯೆಯಲ್ಲಿ ನೇರ ಭಾಗಿಯಾದವರೇ?  ಹಂತಕರಿಗೆ ಟಾರ್ಗೆಟ್‌ ಅನ್ನು ತೋರಿಸಿದವರೇ ? ಅಥಾವ ಹತ್ಯೆಯ ಬಳಿಕ ತಪ್ಪಿಸಿಕೊಳ್ಳಲು ನೆರವಾದವರೇ? ಎಂಬ ಬಗ್ಗೆ ಯಾವುದೇ ಮಾಹಿತಿಯನ್ನು ಪೊಲೀಸ್‌ ಇಲಾಖೆ ಇವರೆಗೆ ಬಹಿರಂಗ ಪಡಿಸಿಲ್ಲ. ಸ್ಥಳೀಯ ಪೊಲೀಸರಿಗೆ ಈ ಬಗ್ಗೆ ಏನೇನು ಗೊತ್ತಿಲ್ಲ ಎನ್ನಲಾಗುತ್ತಿದೆ

ಮೂಲಗಳ ಪ್ರಕಾರ  ಕೃತ್ಯ ನಡೆದು 10 ದಿನ ಕಳೆದರೂ ತನಿಖೆಯಲ್ಲಿ ಪೊಲೀಸರಿಗೆ ನಿರೀಕ್ಷಿತ ಯಶಸ್ಸು ಲಭಿಸಿಲ್ಲ. ಒಂದು ಮೂಲದ ಪ್ರಕಾರ ಕೃತ್ಯ ಎಸಗಿದ ದುಷ್ಕರ್ಮಿಗಳ ಗುರುತು ಪತ್ತೆಯಾಗಿದ್ದು , ಅದರೇ ಅವರು ಎಲ್ಲೋ ಹೋಗಿ  ತಲೆ ಮರೆಸಿಕೊಂಡಿರುವ ಹಿನ್ನಲೆಯಲ್ಲಿ ಪೊಲೀಸರಿಗೆ ಬಂಧಿಸಿಲ್ಲ ಸಾಧ್ಯವಾಗಿಲ್ಲ . ಆದರೇ ಇನ್ನು ಹಲವು ಮೂಲಗಳ ಪ್ರಕಾರ ಕೃತ್ಯದಲ್ಲಿ ನೇರವಾಗಿ  ಭಾಗಿಯಾದ ಆರೋಪಿಗಳನ್ನು ಗುರುತಿಸಲು ಇನ್ನು ಪೊಲೀಸರಿಗೆ ಸಾಧ್ಯವಾಗಿಲ್ಲ.  ಇದಕ್ಕೆ ಪುಷ್ಟಿ ನೀಡುವಂತೆ ಕೃತ್ಯಕ್ಕೆ ಬಳಸಿದ ಬೈಕ್‌, ಮಂಕಿ ಕ್ಯಾಪ್‌ , ಮಾರಕಾಯುದ್ದಗಳು , ಇವರನ್ನು ಅಡಗಿಸಿಟ್ಟವರು, ಅಡಗಿದ ಸ್ಥಳ ಯಾವುದು ಪತ್ತೆಯಾಗಿಲ್ಲ  

ದೊಡ್ಡ ತಲೆಗಳು ಭಾಗಿ ?

ದೊಡ್ಡ ದೊಡ್ಡ ಕೈಗಳು ಭಾಗಿಯಾಗಿ ಅರ್ಗನೈಸಡ್‌ ರೀತಿಯಲ್ಲಿ ಈ ಹತ್ಯೆಯನ್ನು ನಡೆಸಲಾಗಿದೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ರಾಜ್ಯದ ಸಿಎಂ ಕೂಡ ಇದೊಂದು ಅರ್ಗನೈಸ್‌ ಡು ಕ್ರೈಮ್‌ ಎಂದಿದ್ದರು.  ಸಂಘಟನೆ ಹಾಗು ಪಕ್ಷವೊಂದರಲ್ಲಿ  ಗುರುತಿಸಿಕೊಂಡಿರುವ ಬೆಳ್ಳಾರೆಯ ದೊಡ್ಡ ತಲೆಗಳು ಈ ಹತ್ಯೆಗೆ ಹೊರ ರಾಜ್ಯದವರಿಗೆ  ಸುಫಾರಿ ನೀಡಿರಬಹುದು. ಆದರೇ ಆ ದೊಡ್ಡ ತಲೆಗಳನ್ನು ಟಚ್‌ ಮಾಡಲು ಪೊಲೀಸರು ಹೋಗಿಲ್ಲ ಎಂದು ಸ್ಥಳೀಯವಾಗಿ ಜನರು ಮಾತನಾಡುತ್ತಿದ್ದಾರೆ.

ಬೆಳ್ಳಾರೆಯಲ್ಲಿ ಕೋಮು ದ್ರವೀಕರಣದಲ್ಲಿ ಸಕ್ರಿಯವಾಗಿದ್ದ ಒಂದಿಬ್ಬರಿಗೆ ಹೊರ ರಾಜ್ಯಗಳ  ಸಂಪರ್ಕವಿದೆ. ಅವರು ಈ ಕೊಲೆಯ ಬಳಿಕ ಸ್ಥಳೀಯವಾಗಿ ಕಾಣಿಸುತ್ತಿಲ್ಲ. ಇವರ ಪಾತ್ರದ ಬಗ್ಗೆ ಪೊಲೀಸರು ತನಿಖೆ ನಡೆಸಿದ್ದಾರೆಯೇ ಅಥಾವ ಕೇವಲ ಕಾಳಾಳುಗಳನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಲಷ್ಟೇ ಸಿಮೀತವಾಗಿದ್ದಾರೆಯೇ ಎಂಬ ಬಗ್ಗೆಯೂ ಅಲ್ಲಲ್ಲಿ ಚರ್ಚೆಗಳು ನಡೆಯುತ್ತಿವೆ

ಸುಳಿವು ನೀಡದ ಸಿಸಿಟಿವಿ

ರಾತ್ರಿ ಹೊತ್ತು ಈ ಹತ್ಯೆ ನಡೆದಿದುದ್ದರಿಂದ ಸಿಸಿಟಿವಿಗಳಿಂದಲೂ ಪೊಲೀಸರಿಗೆ ಯಾವುದೇ ಪ್ರಯೋಜನವಾಗಿಲ್ಲ . ಹತ್ಯೆ ನಡೆದ ಸ್ಥಳಕ್ಕಿಂತ ತುಸು ದೂರದಲ್ಲಿರುವ ಪೆಟ್ರೋಲ್‌ ಪಂಪ್‌ ವೊಂದರ ಸಿಸಿಟಿವಿಯಲ್ಲಿ ಹತ್ಯೆಗಿಂತ ಕೆಲ ಸಮಯದ ಹಿಂದೆ ಬೈಕ್‌  ಹಾಗೂ ಸವಾರ ಅಲ್ಲಿ ತುಸು ಹೊತ್ತು ಅಸಹಜವಾಗಿ ನಿಂತಿರುವುದು ಕಾಣಿಸುತ್ತದೆ. ತುಂಬು ಕತ್ತಲಿನಲ್ಲಿ ಚಿತ್ರಿಕರಣಗೊಂಡ  ಆ ಸಿಸಿಟಿವಿಯಲ್ಲಿ ಬೈಕ್‌ ಆಗಲಿ ಅಥಾವ ಅದರಲ್ಲಿರುವ ಸವಾರನಾಗಲಿ ಸ್ಪಷ್ಟವಾಗಿ ಕಾಣಿಸುವುದಿಲ್ಲ . ಇದೇ ಬೈಕಿನಲ್ಲಿ ತೆರಳಿದವರೇ ಕೃತ್ಯ ಎಸಗಿದರೇ ಎನ್ನುವುದು ಖಚಿತಗೊಂಡಿಲ್ಲ

ಆರೋಪಿಗಳು ಕೃತ್ಯ ಎಸಗಿ ಕೇರಳಕ್ಕೆ ಓಡಿ ಹೋಗಿರಬಹುದು ಎಂಬ ಶಂಕೆ ಇದೆಯಾದರು ಇದನ್ನು ಪುಷ್ಟಿಕರಿಸುವ ಸಿಸಿಟಿವಿ ದೃಶ್ಯಗಳು ಪೊಲೀಸರಿಗೆ ಲಭಿಸಿಲ್ಲ. ಈ ಮಾರ್ಗಗಳಲ್ಲಿ ಇರುವ ಬಹುತೇಕ ಚೆಕ್‌ ಪೋಸ್ಟ್‌ ಗಳಲ್ಲಿ ಇರುವ ಸಿಸಿಟಿವಿಗಳು ಮಾರ್ಗಕ್ಕೆ ಮುಖ ಮಾಡಿ ಇಲ್ಲ . ಮಾಮೂಲಿ ವಸೂಲಿಗೆ ತೊಂದರೆಯಾಗಬಾರದು ಎಂಬ ಕಾರಣಕ್ಕೆ ಸಿಸಿಟಿವಿ ಮುಖವನ್ನು ಬೇರೆಡೆ ಉದ್ದೇಶಪೂರ್ವಕವಾಗಿ ತಿರುಗಿಸಲಾಗಿದೆ ಎಂಬ ಆರೋಪಗಳು ಕೇಳಿ ಬರುತ್ತಿವೆ. ಇನ್ನು ಬೆಳ್ಳಾರೆ ಠಾಣಾ ವ್ಯಾಪ್ತಿಯಲ್ಲಿ ಮಸೂದ್‌ ಹತ್ಯೆಯ ಬಳಿಕ ದೊಡ್ಡ ಪೊಳಿಸರು ನಿಯೋಜನೆಗೊಂಡಿದ್ದರು. ಜಿಲ್ಲೆಯಲ್ಲೂ ಪೊಲೀಸರನ್ನು ಸನ್ನದ ಸ್ಥಿತಿಯಲ್ಲಿಡಲಾಗಿತ್ತು. ಇದರ ಮಧ್ಯೆ ಅವರು ಕೇರಳಕ್ಕೆ ಓಡಿ ಹೋಗಿದ್ದು ಹೇಗೆ ? ಅದು ಸಹ ಹಲ್ಲೆ ನಡೆದ ಎರಡೇ ನಿಮಿಷದಲ್ಲಿ ಪೊಲೀಸರಿಗೆ ಕೃತ್ಯದ ಮಾಹಿತಿ ಸಿಕ್ಕಿದೆ . ಆ ಕೂಡಲೇ ಜಿಲ್ಲೆಯ ಪೊಲೀಸರನ್ನು ಅಲರ್ಟ್‌ ಮಾಡುತ್ತಿದ್ದರೇ ದುಷ್ಕರ್ಮಿಗಳು ಪರಾರಿಯಾಗುತ್ತಿದ್ದರೇ? ಇದು ಉತ್ತರ ಸದ್ಯಕ್ಕೆ ಉತ್ತರ ಸಿಗದ ಪ್ರಶ್ನೆಗಳು  

ಕೇರಳ ನೊಂದಣಿಯ ನೇಮ್‌ ಪ್ಲೇಟ್‌ ಎಂಬ ಮರ್ಮ

ಬೈಕ್‌ ನಲ್ಲಿ ಕೃತ್ಯ ಎಸಗಿ ಬಳಿಕ ಬೈಕ್‌ ಅನ್ನು ತ್ಯಜಿಸಿ ಬೇರೆ ವಾಹನದಲ್ಲಿ ಪರಾರಿಯಾಗಿರಬಹುದು ಎಂಬ ಅನುಮಾನವನ್ನು ಹಲವರು ವ್ಯಕ್ತ ಪಡಿಸಿದರೂ ಈವರೆಗೆ ಕೃತ್ಯಕ್ಕೆ ಬಳಸಿದ ಬೈಕ್‌ ಪತ್ತೆಯಾಗಿಲ್ಲ .  ಪ್ರತ್ಯಕ್ಷದರ್ಶಿಗಳು ಹಾಗೂ ಸ್ಥಳೀಯರ ಪ್ರಕಾರ ಹೀರೊ ಹೊಂಡಾ ಸ್ಪ್ಲೆಂಡರ್‌ ಬೈಕಿನಲ್ಲಿ ಬಂದ ಆರೋಪಿಗಳು ಮಂಕಿ ಕ್ಯಾಪ್‌ ಧರಿಸಿ ಬಂದು  ಕೃತ್ಯ ಎಸಗಿದ್ದಾರೆ.  ಆದರೇ ಅವರು ಮಂಕಿ ಕ್ಯಾಪ್‌ ಧರಿಸಿದ್ದೆಲ್ಲಿ?  ತೆಗೆದದ್ದೆಲ್ಲಿ ? ಇದನ್ನು ಯಾರು ಗಮನಿಸಿಲ್ಲವೇ ? ಓಡಿ ಹೋಗುವಾಗ  ಯಾರ ಕೈಯಿಂದಲೂ ಮಂಕಿಕ್ಯಾಪ್‌  ಉರುಳಿ ಬಿದ್ದಿಲ್ಲವೇ? ಅಥಾವ ಮಂಕಿ ಕ್ಯಾಪ್‌ ಬದಲು ಮಾಸ್ಕ್‌ ಧರಿಸಿದ್ದರೇ?  ಎಂಬ ಹತ್ತಾರು ಪ್ರಶ್ನೆಗಳು ಜನ ಸಾಮಾನ್ಯರನ್ನು ಕಾಡುತ್ತಿದೆ.  ಇನ್ನು ಕೆಲವರ ಪ್ರಕಾರ ಈ ಸ್ಪ್ಲೆಂಡರ್‌ ಬೈಕನ್ನು ಜಿಲ್ಲೆಯಲ್ಲಿ ಕಳೆದ 6 ತಿಂಗಳಿನಿಂದ ನೋಡಿದವರಿದ್ದಾರೆ. ಒಂದು ವೇಳೆ ಇದು ನಿಜವಾಗಿದ್ದರೇ ಜಿಲ್ಲೆಯಲ್ಲಿ ಬಳಸಲ್ಪಡುತ್ತಿದ್ದ ಬೈಕಿಗೆ ಕೇರಳ ನೊಂದಣಿಯ ನೇಮ್‌ ಪ್ಲೇಟ್‌ ಅಂಟಿಸಿ ಕೃತ್ಯ ಎಸಗಲಾಯಿತೇ ಎಂಬ ಶಂಕೆಗಳನ್ನು ಸಾರ್ವಜನಿಕರು ವ್ಯಕ್ತಪಡಿಸುತ್ತಿದ್ದಾರೆ

NIA ತನಿಖೆ ಆರಂಭಿಸಿದ್ದು ಹೌದೇ ?

ಇನ್ನು ಸಿಎಂ ಎನ್‌ಐಎ ತನಿಖೆ ಘೋಷಿಸಿದರೂ ಅದಕ್ಕೆ ಸಂಬಂಧಿಸಿದ ದಾಖಲೆ ಪತ್ರಗಳು ಕೇಂದ್ರ ಗೃಹ ಇಲಾಖೆಗೆ ಸಲ್ಲಿಕೆಯಾಗಿಲ್ಲ. ಗೃಹ ಇಲಾಖೆಯ ಒಪ್ಪಿಗೆ ಸಿಕ್ಕಿದ ಬಳಿಕ ಅದರ ನಿರ್ದೇಶನದ ಮೇರೆಗೆ ಎನ್‌ ಐಎ ತನಿಖೆ ಕೈಗೆತ್ತಿಕೊಳ್ಳಲಿದೆ. ಈಗಾಗಲೇ ಎನ್‌ ಐಎ ಬಳಿ ನೂರಾರು ಕೇಸ್ ಗಳಿವೆ. ಇದರ ಜತೆಗೆ ಭಯೋತ್ಪಾದಕ ಚಟುವಟಿಕೆಗಳಿಗೆ ಸಂಬಂಧಿಸಿದ ಪ್ರಕರಣಗಳನ್ನು ಪ್ರಮುಖವಾಗಿ ಅದು ನೋಡಿಕೊಳ್ಳುತ್ತದೆ. ಅಲ್ಲೂ ಕೂಡ ಸಿಬ್ಬಂದಿ ಹಾಗೂ ಅಗತ್ಯ ಸಲಕರಣೆಗಳ ಕೊರತೆ ಇದೆ. ಹೀಗಾಗಿ ರಾಷ್ಟ್ರೀಯ ತನಿಖಾ ದಳ ಈ ಕೇಸನ್ನು ವಹಿಸಿಕೊಂಡರು ಅದರ ತನಿಖೆ ಕೈಗೆತ್ತಿಕೊಳ್ಳುವಾಗ ಇನ್ನಷ್ಟು ತಡವಾಗಬಹುದು ಎನ್‌ ಐಎ ತನಿಖೆಯ  ಪ್ರಾಥಮಿಕ ಮಾಹಿತಿ ಸಂಗ್ರಹಕ್ಕಾಗಿ ಅನವಪಚರಿಕವಾಗಿ  ಬೆಳ್ಳಾರೆಗೆ ಬಂದಿದ್ದಾರೆ ಎನ್ನುವುದು ಕೇವಲ ಊಹಾಪೋಹಾ ಅದರಲ್ಲಿ ಯಾವುದೇ ಹುರುಳಿಲ್ಲ ಎನ್ನುತ್ತಾರೆ ಪೊಲೀಸ್‌ ಮೂಲಗಳು.  ಸ್ಥಳೀಯ ಪೊಲೀಸ್‌ ಇಲಾಖೆಯ ಸಂಪರ್ಕಿಸದೇ NIA ಸಿಬ್ಬಂದಿಗಳು   ಈ ಪ್ರಕರಣದ ಮಾಹಿತಿ ಸಂಗ್ರಹ ಮಾಡುವುದು ಅಸಾಧ್ಯ ಎನ್ನಲಾಗುತ್ತಿದೆ  

ಪೊಲೀಸ್‌ ಇಲಾಖೆ ಎಡವಿದ್ದೆಲ್ಲಿ ?

ಇನ್ನು ಕೊಲೆ ಕೇಸ್‌ ಗಳನ್ನು ತನಿಖೆ ಮಾಡುವಲ್ಲಿ ಸಿಬಿಐ ಸಿಐಡಿ ಅಥಾವ ಎನ್‌ ಐಎಗಿಂತ ಸ್ಥಳೀಯ ಪೊಲೀಸರೇ ಹೆಚ್ಚು ಚಾಣಕ್ಷ್ಯತೆಯನ್ನು ಹೊಂದಿರುತ್ತಾರೆ.  ಅವರಿಗೆ ಸ್ಥಳೀಯ ಕ್ರಿಮಿನಲ್‌ ಗಳ ಚಲನವಲನಗಳ ಸಂಪೂರ್ಣ ಅರಿವಿರುತ್ತದೆ. ಅಲ್ಲದೇ ಸ್ಥಳೀಯವಾಗಿ ದೊರಕುವ ಸಣ್ಣ ಸಣ್ಣ ಕ್ಲೂಗಳನ್ನು ಗ್ರಹಿಸುವ, ತಮ್ಮ ಮಾಹಿತಿದಾರರ ಮೂಲಕ ಸಂಗ್ರಹಿಸುವ  ಸಾಮರ್ಥ್ಯ ಸ್ಥಳೀಯ ಪೊಲೀಸರಲ್ಲಿರುತ್ತದೆ. ಆದರೇ ಈ ಕೇಸ್‌ ಮೊದಲ ದಿನದಿಂದಲೂ ಹೈ ಪ್ರೋಪೈಲ್‌ ಎನಿಸಿದ ಕಾರಣ ಈ ಪ್ರಕರಣವನ್ನು ಹಿರಿಯ ಅಧಿಕಾರಿಗಳ ಮೂಲಕ ಮೇಲಿನಿಂದ ಬೇಧಿಸಲು ಯತ್ನಿಸಲಾಯಿತು . ಸ್ತಳೀಯವಾಗಿ ಸಕ್ರಿಯವಾಗಿರುವ ಗುಪ್ತದಳದ ಪೊಲೀಸರನ್ನು,  ಹೆಡ್‌ ಕಾನ್ಸ್ಟೇಬಲ್‌ , ಎಎಸೈ ಮಟ್ಟದ ಅಧಿಕಾರಿಗಳನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳದೆ, ಅವರನ್ನು ತನಿಖೆಯ ಭಾಗವಾಗಿಸದೇ, ಅವರನ್ನು ಕತ್ತಲಲ್ಲಿಟ್ಟು  ದೊಡ್ಡ ದೊಡ್ಡ ಅಧಿಕಾರಿಗಳು ಮೇಲಿನಿಂದ ಹ್ಯಾಂಡಲ್‌ ಮಾಡಿದ್ದೆ ಈ ಪ್ರಕರಣ ಇಷ್ಟೊಂದು ಲಂಭಿಸಲು ಕಾರಣ ಎನ್ನುತ್ತಾರೆ ನಿವೃತ್ತ ಪೊಲೀಸ್‌ ಅಧಿಕಾರಿಗಳು. ಅವರಿಗೆ ಸ್ಥಳೀಯರ ಪರಿಚಯವು ಇಲ್ಲ, ಬೌಗೋಳಿಕವಾಗಿ ಇಲ್ಲಿಯ ಪರಿಚಯವಿಲ್ಲ.  ಹಾಗಾಗಿ ಅವರಿಗೆ ಅಗತ್ಯ ಸುಳಿವುಗಳು ಸಿಗುತ್ತಿಲ್ಲ ಎನ್ನಲಾಗುತ್ತಿದೆ. ಈಗಲೂ ಸ್ಥಳೀಯ 2- 3 ಠಾಣೆಯ ಸಿಬ್ಬಂದಿಗಳಿಗೆ ತನಿಖೆಯನ್ನು ವಹಿಸಿ ಹಿರಿಯ ಅಧಿಕಾರಿಗಳು ಮಾರ್ಗದರ್ಶನ ಹಾಗೂ ತಾಂತ್ರಿಕ ಸಹಕಾರ ನೀಡಿದರೇ ಈ ತನಿಖೆ ಬಹಳ ಬೇಗ ಮುಗಿಯಲಿದೆ ಎನ್ನುತ್ತಾರೆ ನಿವೃತ್ತ ಪೊಲೀಸ್‌ ಅಧಿಕಾರಿ

ಕೇರಳ ಪೊಲೀಸರ ಅಸಹಕಾರ?

ಇನ್ನು ಕೇರಳ ನೋಂದಣಿ ಬೈಕನ್ನು ಬಳಸಿ ಕೃತ್ಯ ಎಸಗಲಾಯಿತು ಎಂಬ ವದಂತಿಗಳು ಹಬ್ಬಿದ್ದರೂ ಇದನ್ನು ಕೂಡ ಪೊಲೀಸ್‌ ಇಲಾಖೆ ಕೃತ್ಯ ನಡೆದ  ವಾರದ ಬಳಿಕವೂ ಖಚಿತಪಡಿಸಿಲ್ಲ. ಒಟ್ಟು 6 ತಂಡಗಳು ಅಧಿಕೃತವಾಗಿ ಈ ಕೊಲೆ ಕೇಸನ್ನು ತನಿಖೆ ನಡೆಸುತ್ತಿದ್ದರೂ ಸುಮಾರು 100ಕ್ಕೂ ಅಧಿಕ ಪೊಲೀಸರು 10ಕ್ಕೂ ಅಧಿಕ ತಂಡವಾಗಿ  ಆರೋಪಿಗಳ ಶೋಧದಲ್ಲಿ ತೊಡಗಿಸಿಕೊಂಡಿವೆ ಎಂದು ಹೆಸರು ಬಹಿರಂಗಪಡಿಸಲು ಇಚ್ಚಿಸದ ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಇದರಲ್ಲಿ ಒಂದು ತಂಡ ಕೇರಳಕ್ಕೂ ಹೋಗಿ ತನಿಖೆ ನಡೆಸಿದೆ. ಅವರಿಗೆ ಕೂಡ ಯಾವುದೇ ಸುಳಿವು ಸಿಕ್ಕಿಲ್ಲ ಎನ್ನಲಾಗುತ್ತಿದೆ. ಇನ್ನು  ಕೇರಳ ಪೊಲೀಸರು ಕೂಡ ತನಿಖೆಗೆ ದೊಡ್ಡ ಸಹಕಾರ ನೀಡುತ್ತಿಲ್ಲ ಎಂಬ ಆರೋಪಗಳಿವೆ.  ಆದರೂ ಇದು ಪೂರ್ಣ ಸತ್ಯ ಅಲ್ಲ ಎನ್ನುತ್ತಾರೆ ಹಿರಿಯ ಪೊಲೀಸ್‌ ಅಧಿಕಾರಿಗಳು. ಪ್ರತಿ ಪ್ರಕರಣದಲ್ಲೂ ಬೇರೆ ಠಾಣೆ ,ಜಿಲ್ಲೆ , ರಾಜ್ಯದ ಪೊಲೀಸರಿಂದ ನಿರೀಕ್ಷಿತ ಸಹಕಾರ ಸಿಗುವುದಿಲ್ಲ. ಪ್ರತಿ ಠಾಣೆಯ ಪೊಲೀಸರಿಗೆ  ಅವರವರ ಠಾಣೆಯ ಕೇಸಿಗೆ ಸಂಬಂಧಿಸಿದಂತೆ ಕಾರ್ಯ ಒತ್ತಡದಲ್ಲಿ ಇರುತ್ತಾರೆ . ಹಾಗಾಗಿ ಪೊಲೀಸರಿಂದ ಈ ರೀತಿಯ ವರ್ತನೆ ಸಹಜ ಎನ್ನುತ್ತಾರೆ ಅವರು