1. ಎಂ.ಪಿ. ಅಬೂಬಕ್ಕರ್, ಸಂಚಾಲಕರು, ಎಂ.ಪಿ.ಎಂ. ವಿದ್ಯಾಲಯ, ಮುರ ನೆಹರು ನಗರ, ಪುತ್ತೂರು – ಶಿಕ್ಷಣ ಕ್ಷೇತ್ರ,
2. ಉಮೇಶ್ ದೇವಾಡಿಗ, , ಸ್ಯಾಕ್ಸೋಫೋನ್ ವಾದಕರು, ಮೇಲ್ಮಜಲು ಮನೆ, ಬನ್ನೂರು – ವಾದ್ಯ ಸಂಗೀತ ಕ್ಷೇತ್ರ
3. ಬಿ. ಶೇಖರ ಭಂಡಾರಿ, ನೆಕ್ಕಿಲ ಮನೆ, ಬನ್ನೂರು – ಯಕ್ಷಗಾನ ಕ್ಷೇತ್ರ
4. ರವಿಚಂದ್ರ ರೈ, ಮುಂಡೂರು – ರಂಗಭೂಮಿ ಕ್ಷೇತ್ರ
5. ನಾರಾಯಣ ರೈ ಕುಕ್ಕುವಳ್ಳಿ – ಮಕ್ಕಳ ಸಾಹಿತ್ಯ ಕ್ಷೇತ್ರ, ದರ್ಬೆ
6. ಶೇಷಪ್ಪ ಕಜೆಮಾರ್ (ಸಿಶೇ) ಕೆದಂಬಾಡಿ – ಪತ್ರಿಕೋದ್ಯಮ ಮತ್ತು ಸಾಹಿತ್ಯ ಕ್ಷೇತ್ರ
7. ತನುಜಾ ಕ್ಷೇವಿಯರ್,ಕೆಮ್ಮಿಂಜೆ – ದಿವ್ಯಾಂಗ ಮಕ್ಕಳ ಸೇವೆ
8. ನಯನಾ ರೈ ನೆಲ್ಲಿಕಟ್ಟೆ – ಸಮಾಜ ಸೇವೆ,
9. ಶಶಿಧರ ರೈ ಪುತ್ತೂರು – ಪತ್ರಿಕೋದ್ಯಮ ಕ್ಷೇತ್ರ
10. ದೀಪಕ್ ಕುಮಾರ್, ಮೂಕಾಂಬಿಕ ನೃತ್ಯ ಶಾಲೆ, ದರ್ಬೆ – ಭರತನಾಟ್ಯ ಕ್ಷೇತ್ರ
11. ಧನ್ವಿ ರೈ ಕೆ.,ಕೋಟೆ ಮನೆ, ಪಾಣಾಜೆ – ಬಾಲ ಪ್ರತಿಭೆ

ಸಂಸ್ಥೆ ವಿಭಾಗ:
ರೋಟರಿ ಕ್ಲಬ್ ಪುತ್ತೂರು ಯುವ – ಅಧ್ಯಕ್ಷೆ ವಚನಾ ಜಯರಾಮ್.

ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಪತ್ರಕರ್ತರ ಕಿರುಪರಿಚಯ:
ಶಶಿಧರ್ ರೈ ಎಸ್. ( ಕ್ಷೇತ್ರ : ಪತ್ರಿಕೋದ್ಯಮ )
ಪುತ್ತೂರು ತಾಲೂಕಿನ ಕುತ್ಯಾಳ ಹೊಸಮನೆ ಪಡುವನ್ನೂರು ಗ್ರಾಮದ ದಿ. ಕೊರಗಪ್ಪ ರೈ ಸಜಂಕಾಡಿ- ಹಾಗೂ ಶ್ರೀಮತಿ ಗಿರಿಜಾ ಎಸ್ ರೈ ಸುಪುತ್ರನಾದ ಇವರು ಪುತ್ತೂರಿನ ಸಂತ ಫಿಲೋಮಿನಾ ಕಾಲೇಜಿನಲ್ಲಿ ಪದವಿ ಶಿಕ್ಷಣ ಪಡೆಯುತ್ತಿದ್ದಾಗಲೇ ಆಗಿನ ಮಂಗಳ ವಾರಪತ್ರಿಕೆ, ಕಾಲೇಜಿನ ಅಂತರಂಗ ಮತ್ತು ಫಿಲೋವಾಣಿ ಸಂಚಿಕೆಯಲ್ಲಿ ಹಲವಾರು ಚುಟುಕು,ಕವನ, ಕಥೆಗಳು ಪ್ರಕಟವಾಗಿದೆ. ಸ್ಥಳೀಯ ಸುದ್ದಿಬಿಡುಗಡೆ ಪತ್ರಿಕೆಯಲ್ಲಿ ಚುಟುಕು, ಕವನಗಳು ಪ್ರಕಟವಾಗಿದ್ದು, ಸುದ್ದಿ ಬಿಡುಗಡೆಗೆ ಕೆಲವೊಂದು ಕಾರ್ಯಕ್ರಮಗಳ ಸುದ್ದಿಯನ್ನು ಮಾಡಿಕೊಡುತ್ತಿದ್ದು,.ಈ ನಂಟಿನಿಂದಾಗಿಯೇ ಪದವಿ ಶಿಕ್ಷಣ ಮುಗಿದ ಬೆನ್ನಲ್ಲೇ ಪುತ್ತೂರಿನ ಸುದ್ದಿಬಿಡುಗಡೆ ದಿನ ಪತ್ರಿಕೆಯಲ್ಲಿ ವರದಿಗಾರನಾಗಿ ಕೆಲಸ ಮಾಡುವ ಅವಕಾಶ ಸಿಕ್ಕಿದೆ.

ಬಳಿಕ ಸಂಯುಕ್ತ ಕರ್ನಾಟಕ, ಉಷಾಕಿರಣ ಪತ್ರಿಕೆಗಳಲ್ಲಿ ಪುತ್ತೂರು ತಾಲೂಕು ವರದಿಗಾರನಾಗಿ, ಕಳೆದ 18 ವರ್ಷಗಳಿಂದ ಪ್ರಜಾವಾಣಿ ಪುತ್ತೂರು ತಾಲೂಕು ವರದಿಗಾರನಾಗಿ, ಜತೆಗೆ ವಿಜಯವಾಣಿ ಪತ್ರಿಕೆಯ ಪುತ್ತೂರು ಗ್ರಾಮಾಂತರ ವರದಿಗಾರನಾಗಿ, ಉದಯಕಾಲ ಪತ್ರಿಕೆಯ ಹಾಗೂ ಕರಾವಳಿ ಅಲೆ ಪತ್ರಿಕೆಯ ತಾಲೂಕು ವಾರದಿಗಾರನಾಗಿ ಕೆಲಸ ಮಾಡುತ್ತಿದ್ದಾರೆ.. ಕಳೆದ 32 ವರ್ಷಗಳಲ್ಲಿ ಪತ್ರಿಕಾ ವರದಿಗಾರನಾಗಿ ಕೆಲಸ ಮಾಡುತ್ತಿದ್ದು, ಪುತ್ತೂರು ತಾಲೂಕು ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿಯಾಗಿ, 3 ಬಾರಿ ಸಂಘದ ಅಧ್ಯಕ್ಷನಾಗಿ, ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಪುತ್ತೂರು ತಾಲೂಕು ಘಟಕದ ಸ್ಥಾಪಕ ಪ್ರಧಾನ ಕಾರ್ಯದರ್ಶಿಯಾಗಿ ಕಾರ್ಯ ನಿರ್ವಹಿಸಿದ್ದು, ನೆಟ್ಟಣಿಗೆ ಮುಡ್ನೂರು ಯುವಕ ಮಂಡಲದ ಪ್ರಧಾನ ಕಾರ್ಯದರ್ಶಿಯಾಗಿ, ಎರಡು ಬಾರಿ ಅಧ್ಯಕ್ಷನಾಗಿ, ಮೇನಾಲ ಮಂಗಳಾ ಯುವಕ ಮಂಡಲದ ಪ್ರಧಾನ ಕಾರ್ಯಯಾಗಿ, ಸಜಂಕಾಡಿ ಸರ್ಕಾರಿ ಶಾಲೆಯ ಹಳೆ ವಿದ್ಯಾರ್ಥಿ ಸಂಘದ ಗೌರವಾಧ್ಯಕ್ಷನಾಗಿ ಸೇವೆ ಸಲ್ಲಿಸಿದ್ದು, ಪ್ರಸ್ತುತ ಈಶ್ವರಮಂಗಲದ ಶ್ರೀ ಪಂಚಲಿಂಗೇಶ್ವರ ಶೈಕ್ಷಣಿಕ ಸಂಸ್ಥೆಯ (ಪ್ರೌಢ ಶಾಲೆಯ) ಆಡಳಿತ ಮಂಡಳಿಯ ನಿರ್ದೇಶನಾಗಿ, ಪಂಚಲಿಂಗೇಶ್ವರ ಪ್ರೌಢ ಶಾಲೆಯ ದಶಮಾನೋತ್ಸ ಸಮಿತಿಯ ಅಧ್ಯಕ್ಷನಾಗಿ, ಆದಿ ಪಡುಮಲೆ ಖ್ಯಾತಿಯ ಪೂಮಾಣಿ-ಕಿನ್ನಿಮಾಣಿ, ವ್ಯಾಫ್ರಚಾಮುಂಡಿ ದೈವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಸದಸ್ಯನಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಸೇಷಪ್ಪ ಕಜೆಮಾರ್ ( ಕ್ಷೇತ್ರ ಪತ್ರಿಕೋದ್ಯಮ -ಸಾಹಿತ್ಯ)
ಪುತ್ತೂರು ತಾಲೂಕು ಕೆದಂಬಾಡಿ ಗ್ರಾಮ ನಿವಾಸಿ ಆಗಿದ್ದು, ಇವರು ಕರ್ನಾಟಕ ಕಾರ್ಯನಿರತ ಪತ್ರಕರ್ತ ಸಂಘದ ಪುತ್ತೂರು ತಾಲೂಕು ಘಟಕದ ಪ್ರಧಾನ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ ಪತ್ರಿಕೆಗಳಲ್ಲಿ ಹಲವಾರು ಉತ್ತಮ ಸಾಹಿತ್ಯಕ ಲೇಖನಗಳನ್ನು ಬರೆದಿದ್ದಾರೆ ಪ್ರಸ್ತುತ ಪುತ್ತೂರು ಹೋಬಳಿ ಕನ್ನಡ ಸಾಹಿತ್ಯ ಪರಿಷತ್ತಿನ ಪ್ರಧಾನ ಕಾರ್ಯದರ್ಶಿಯಾಗಿ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ.

ನವೆಂಬರ್ 1ರಂದು ನಡೆಯುವ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪುರಸ್ಕೃತರಿಗೆ ಗೌರವ ಸಲ್ಲಿಸಲಾಗುವುದು. ಹೆಚ್ಚಿನ ಸಂಖ್ಯೆಯಲ್ಲಿ ಸಾರ್ವಜನಿಕರು ಕಾರ್ಯಕ್ರಮದಲ್ಲಿ ಭಾಗವಹಿಸಿ ರಾಜ್ಯೋತ್ಸವ ಆಚರಣೆಯನ್ನು ಯಶಸ್ವಿಗೊಳಿಸುವಂತೆ ತಾಲೂಕು ಆಡಳಿತ ಮನವಿ ಮಾಡಿದೆ.