ಡೆನ್ಮಾರ್ಕ್ ರಾಜಮನೆತನದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ರಾಜಕುಮಾರಿಯೊಬ್ಬರು ಅರಮನೆಯ ಐಷಾರಾಮಿ ಸೌಲಭ್ಯಗಳನ್ನು ಬದಿಗೊತ್ತಿ ಸಕ್ರಿಯ ಮಿಲಿಟರಿ ತರಬೇತಿಗೆ ಸೇರ್ಪಡೆಯಾಗಿದ್ದಾರೆ. 19 ವರ್ಷದ ರಾಜಕುಮಾರಿ ಇಸಾಬೆಲ್ಲಾ ಅವರು ಸೋಮವಾರ ಬೆಳಿಗ್ಗೆ ಸ್ಟಾಗೆಲ್ಸ್‌ನಲ್ಲಿರುವ ‘ಅಂಟ್ರೋರ್ಸ್ಕೋವ್ ಬ್ಯಾರಾಕ್ಸ್’ ಸೇನಾ ಶಿಬಿರಕ್ಕೆ ಆಗಮಿಸುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.

ಕೋಪನ್‌ಹೇಗನ್: ಡೆನ್ಮಾರ್ಕ್ ರಾಜಮನೆತನದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ರಾಜಕುಮಾರಿಯೊಬ್ಬರು ಅರಮನೆಯ ಐಷಾರಾಮಿ ಸೌಲಭ್ಯಗಳನ್ನು ಬದಿಗೊತ್ತಿ ಸಕ್ರಿಯ ಮಿಲಿಟರಿ ತರಬೇತಿಗೆ ಸೇರ್ಪಡೆಯಾಗಿದ್ದಾರೆ. 19 ವರ್ಷದ ರಾಜಕುಮಾರಿ ಇಸಾಬೆಲ್ಲಾ ಅವರು ಸೋಮವಾರ ಬೆಳಿಗ್ಗೆ ಸ್ಟಾಗೆಲ್ಸ್‌ನಲ್ಲಿರುವ ‘ಅಂಟ್ರೋರ್ಸ್ಕೋವ್ ಬ್ಯಾರಾಕ್ಸ್’ ಸೇನಾ ಶಿಬಿರಕ್ಕೆ ಆಗಮಿಸುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.

alt="Ad Widget"/>

ಸರಳತೆಯೇ ಸಾಕ್ಷಿ:
ಯಾವುದೇ ವಿಶೇಷ ಭದ್ರತಾ ವಾಹನ ಅಥವಾ ರಾಜಮನೆತನದ ಬೆಂಗಾವಲು ಪಡೆ ಇಲ್ಲದೆ, ಸ್ವತಃ ತಾವೇ ಕಾರು ಚಲಾಯಿಸಿಕೊಂಡು ಬಂದ ಇಸಾಬೆಲ್ಲಾ ಅವರು ಸಾಮಾನ್ಯ ಹುಡುಗಿಯಂತೆ ಬ್ಯಾಗಿ ಜೀನ್ಸ್ ಮತ್ತು ಜ್ಯಾಕೆಟ್ ಧರಿಸಿದ್ದರು. ಹೆಗಲ ಮೇಲೆ ಮಿಲಿಟರಿ ಬ್ಯಾಗ್ ಹೊತ್ತು ಬಂದ ಅವರು, ಗೇಟ್‌ನಲ್ಲಿದ್ದ ಭದ್ರತಾ ಸಿಬ್ಬಂದಿಗೆ ತಮ್ಮ ಗುರುತಿನ ಚೀಟಿ ತೋರಿಸಿ ‘ಗಾರ್ಡ್ ಹುಸಾರ್ ರೆಜಿಮೆಂಟ್’ ತರಬೇತಿ ಕೇಂದ್ರದೊಳಗೆ ಹೆಜ್ಜೆ ಇಟ್ಟರು.

<>

ಚೊಚ್ಚಲ ಸಾಧನೆಯ ಹೆಗ್ಗಳಿಕೆ:
ಡೆನ್ಮಾರ್ಕ್‌ನ ರಾಜ 10ನೇ ಪ್ರೆಡೆರಿಕ್ ಮತ್ತು ರಾಣಿ ಮೇರಿ ಅವರ ಹಿರಿಯ ಪುತ್ರಿಯಾಗಿರುವ ಇಸಾಬೆಲ್ಲಾ, ದೇಶದ ವಿಸ್ತರಿತ ಸೇನಾ ನಿಯಮಗಳ ಅಡಿಯಲ್ಲಿ ಮಿಲಿಟರಿ ಸೇವೆಗೆ ಸೇರಿದ ರಾಜಮನೆತನದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇವರ ಅಣ್ಣ ಕ್ರೌನ್ ಪ್ರಿನ್ಸ್ ಕ್ರಿಸ್ಟಿಯನ್ ಕೂಡ ಇದೇ ಕೇಂದ್ರದಲ್ಲಿ ತರಬೇತಿ ಪಡೆದು ಪ್ರಸ್ತುತ ಲೆಫ್ಟಿನೆಂಟ್ ಆಗಿದ್ದಾರೆ.

ಸಂಬಳ ನಿರಾಕರಿಸಿದ ರಾಜಕುಮಾರಿ:
ಸೇನಾ ತರಬೇತಿಗೆ ಸೇರುವ ಪ್ರತಿಯೊಬ್ಬರಿಗೂ ಸರ್ಕಾರ ಸಂಬಳ ಮತ್ತು ದಿನಭತ್ಯೆ ನೀಡುತ್ತದೆ. ಆದರೆ, “ನನಗೆ ಯಾವುದೇ ಸಂಬಳ ಬೇಡ” ಎಂದು ಇಸಾಬೆಲ್ಲಾ ಅವರು ವಿನಯದಿಂದ ನಿರಾಕರಿಸಿದ್ದಾರೆ. 11 ತಿಂಗಳ ತರಬೇತಿಯ ಅವಧಿಯಲ್ಲಿನ ತಮ್ಮ ವೈಯಕ್ತಿಕ ಖರ್ಚುಗಳನ್ನು ತಾವೇ ಭರಿಸುವುದಾಗಿ ಹೇಳುವ ಮೂಲಕ ಅವರ ಸರಳತೆ ಮತ್ತು ಕರ್ತವ್ಯ ಪ್ರಜ್ಞೆ ಮೆಚ್ಚುಗೆಗೆ ಪಾತ್ರವಾಗಿದೆ.

ಯುವತಿಯರಿಗೂ ಕಡ್ಡಾಯ ಮಿಲಿಟರಿ ಸೇವೆ:
ಉಕ್ರೇನ್ ಯುದ್ಧ ಮತ್ತು ಯುರೋಪ್‌ನಲ್ಲಿ ಹೆಚ್ಚುತ್ತಿರುವ ಭದ್ರತಾ ಆತಂಕಗಳ ಹಿನ್ನೆಲೆಯಲ್ಲಿ ಡೆನ್ಮಾರ್ಕ್ ಸರ್ಕಾರ ತನ್ನ ಸೇನೆಯನ್ನು ಬಲಪಡಿಸುತ್ತಿದೆ. ಇದರ ಭಾಗವಾಗಿ ಮಹಿಳೆಯರಿಗೂ 11 ತಿಂಗಳ ಕಾಲ ಕಡ್ಡಾಯ ಮಿಲಿಟರಿ ಸೇವೆಯನ್ನು ಜಾರಿಗೆ ತರಲಾಗಿದೆ. ಈ ನಿಯಮದಡಿ ಈ ವಾರ ಸುಮಾರು 1,600 ಯುವಜನರು ತರಬೇತಿಗೆ ಸೇರಿದ್ದು, ಅವರಲ್ಲಿ ರಾಜಕುಮಾರಿಯೂ ಒಬ್ಬರಾಗಿರುವುದು ವಿಶೇಷ.

ರಾಜಕುಮಾರಿ ಇಸಾಬೆಲ್ಲಾ ಅವರ ಈ ನಡೆ ದೇಶದ ಯುವಜನತೆಗೆ ದೊಡ್ಡ ಮಟ್ಟದ ಸ್ಫೂರ್ತಿಯಾಗಿದ್ದು, ಜಾಗತಿಕವಾಗಿ ಸುದ್ದಿಯಾಗಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಸೈನಿಕಳಾಗುತ್ತಿರುವ ಡೆನ್ಮಾರ್ಕ್ ರಾಜಕುಮಾರಿಡೆನ್ಮಾರ್ಕ್ ರಾಜಕುಮಾರಿಕೋಪನ್‌ಹೇಗನ್Denmark's princessSoldier

Up Next

Khatron Ke Khiladi-‘ಖತ್ರೋನ್ ಕೆ ಖಿಲಾಡಿ’ಯಲ್ಲಿ ಕ್ರೌರ್ಯ: ರಬ್ಬರ್ ಬುಲೆಟ್ ಟಾಸ್ಕ್‌ಗೆ ಸ್ಪರ್ಧಿಗಳು ರಕ್ತಸಿಕ್ತ; ಶೋ ವಿರುದ್ಧ ನೆಟ್ಟಿಗರ ಕಿಡಿ..!

Don't Miss

Dangawas murder case-ಡಂಗಾವಾಸ್ ಹತ್ಯಾಕಾಂಡ ಪ್ರಕರಣ: ಎಲ್ಲಾ 40 ಮಂದಿ ಆರೋಪಿಗಳು ಖುಲಾಸೆ