• ನಾಟಕೀಯ ತಿರುವು, ಚಿನ್ನಯ್ಯ ಬಂಧನ: SIT ವಿಚಾರಣೆಯ ವೇಳೆ ಚಿನ್ನಯ್ಯ, ತಾನು ಕೆಲವರ ಷಡ್ಯಂತ್ರದ ಭಾಗವಾಗಿ ಸುಳ್ಳು ಹೇಳಿರುವುದಾಗಿ ಮತ್ತು ತಾನು ತಂದ ಬುರುಡೆಯ ಮೂಲವನ್ನು ತೋರಿಸುವಲ್ಲಿ ವಿಫಲನಾಗಿರುವುದಾಗಿ ವರದಿಯಾಗಿತ್ತು. ತಕ್ಷಣವೇ ಕಾರ್ಯಪ್ರವೃತ್ತವಾದ SIT, ಚಿನ್ನಯ್ಯನನ್ನು ಬಂಧಿಸಿ 10ಕ್ಕೂ ಹೆಚ್ಚು ಸೆಕ್ಷನ್ಗಳ ಅಡಿ ಪ್ರಕರಣ ದಾಖಲಿಸಿತು.

• ಬುರುಡೆ ಮೂಲದ ಬಂಡವಾಳ: ಬಳಿಕ ನ್ಯಾಯಾಲಯದ ಮುಂದೆ ಹಾಜರುಪಡಿಸಿದಾಗ, ತನಗೆ ಬುರುಡೆ ತಂದುಕೊಟ್ಟವರ ಹೆಸರುಗಳನ್ನು ಚಿನ್ನಯ್ಯ ನ್ಯಾಯಾಲಯಕ್ಕೆ ತಿಳಿಸಿದ್ದ ಎನ್ನಲಾಗಿದೆ.

ಚಿನ್ನಯ್ಯನ ಮೂರನೇ ಹೇಳಿಕೆ – ತನಿಖೆಗೆ ಹೊಸ ತಿರುವು?
ಸೆಪ್ಟೆಂಬರ್ 18ರಂದು ಚಿನ್ನಯ್ಯನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದಾಗ, ಆತ ಮತ್ತೊಮ್ಮೆ ಭಾರತೀಯ ನಾಗರಿಕ ಸುರಕ್ಷಾ ಸಂಹಿತೆ (BNSS) ಕಾಯ್ದೆಯ ಸೆಕ್ಷನ್ 183ರ ಅಡಿಯಲ್ಲಿ ನ್ಯಾಯಾಧೀಶರ ಮುಂದೆ ಹೇಳಿಕೆ ನೀಡುವ ಇಚ್ಛೆಯನ್ನು ವ್ಯಕ್ತಪಡಿಸಿದ್ದನು. ಇದರಂತೆ, ಇಂದು (ಸೆಪ್ಟೆಂಬರ್ 23) ಮೂರನೇ ಬಾರಿಗೆ ನ್ಯಾಯಾಧೀಶರ ಮುಂದೆ ಚಿನ್ನಯ್ಯ ಹೇಳಿಕೆ ನೀಡುತ್ತಿದ್ದು, ಈ ಹೇಳಿಕೆ ಪ್ರಕರಣದ ಮುಂದಿನ ಹಂತದ ತನಿಖೆಗೆ ನಿರ್ಣಾಯಕವಾಗಲಿದೆ.

“ನೂರಾರು ಶವ” ಹೇಳಿಕೆಗೆ ಅಂತ್ಯ?
ಇಂದಿನ ಸ್ವಇಚ್ಛಾ ಹೇಳಿಕೆಯ ವೇಳೆ ಚಿನ್ನಯ್ಯ ತನ್ನ ಮೊದಲಿನ ಸ್ಫೋಟಕ ಹೇಳಿಕೆಗೆ ವ್ಯತಿರಿಕ್ತವಾಗಿ “ತಾನು ಕಾನೂನು ರೀತ್ಯಾ ಪೋಸ್ಟ್ಮಾರ್ಟಂ ಮಾಡಿದ ಶವಗಳನ್ನು ಮಾತ್ರ ಹೂಳುತ್ತಿದ್ದೆ” ಎಂಬ ಹೇಳಿಕೆ ನೀಡುವ ಸಾಧ್ಯತೆ ಇದೆ ಎಂದು ಮೂಲಗಳು ಹೇಳುತ್ತಿವೆ. ಒಂದು ವೇಳೆ ಈ ಹೇಳಿಕೆ ನಿಜವಾದರೆ, “ನೂರಾರು ಶವ” ರಹಸ್ಯಕ್ಕೆ ತೆರೆಬೀಳಲಿದೆಯೇ ಎಂಬ ಪ್ರಶ್ನೆ ಮೂಡಿದೆ. ಒಂದು ವೇಳೆ ಈ ಹಿಂದಿನ ಹೇಳಿಕೆಗೆ ವ್ಯತಿರಿಕ್ತವಾದ ಹೇಳಿಕೆಯನ್ನು ಚಿನ್ನಯ ನೀಡಿದೆ ಆದಲ್ಲಿ, ಈ ಹೇಳಿಕೆ ಬದಲಿಸಲು ಕಾರಣವಾದ ಅಂಶಗಳು ಯಾವುದು ಎನ್ನುವುದನ್ನು ಎಸ್‌ ಐಟಿ ಪತ್ತೆ ಹಚ್ಚುವ ಸಾದ್ಯತೆಯೂ ಇದೆ. ಚಿನ್ನಯ ಸೌಜನ್ಯ ಪರ ಹೋರಾಟಗಾರ ಷಡ್ಯಂತ್ರದ ಭಾಗವಾಗಿ ಆರಂಭದಲ್ಲಿ ಸುಳ್ಳು ದೂರು ನೀಡಿದನೇ ಅಥಾವ ದೂರು ನೀಡಿದ ಬಳಿಕ ಪ್ರಭಾವಿಗಳ ಆಮೀಷ ಅಥಾವ ಒತ್ತಡಕ್ಕೆ ಬಲಿಯಾಗಿ ತನ್ನ ಹೇಳಿಕೆಗಳಿಂದ ಹಿಂದೆ ಸರಿದನೇ ಎಂಬ ಬಗ್ಗೆ ಎಸ್‌ ಐಟಿ ತನಿಖೆ ನಡೆಸುವ ಸಾದ್ಯತೆಯಿದೆ.
ಈಗಾಗಲೇ ಸೌಜನ್ಯ ಪರ ಹೋರಾಟಗಾರರು ವಿವಿಧ ವೇದಿಕೆಗಳಲ್ಲಿ ಚಿನ್ನಯ ಯಾರದೋ ಒತ್ತಡಕ್ಕೆ ಬಲಿಯಾಗಿ ತಪ್ಪು ಸ್ಪಾಟ್‌ ಗಳನ್ನು ತೋರಿಸಿದ್ದ ಎಂದು ಆರೋಪಿಸಿದ್ದಾರೆ, ಇದೆ ವೇಳೆ ಇನ್ನು ತಂಡದ ಹೋರಾಟಗಾರರು, ಚಿನ್ನಯ ಷಡ್ಯಂತ್ರದ ಭಾಗವಾಗಿ ಸುಳ್ಳು ದೂರು ನೀಡಿದ್ದ ಎಂದು ಆರೋಪಿಸಿದ್ದರು.

SIT ತನಿಖೆ ಮತ್ತು ಭವಿಷ್ಯದ ದಾರಿ:
ಚಿನ್ನಯ್ಯನ ಈ ಹಿಂದಿನ ಹೇಳಿಕೆಗಳು SIT ತನಿಖೆಗೆ ದಿಕ್ಸೂಚಿಯಾಗಿದ್ದವು. ಆದರೆ, ಆತನ ಬಂಧನದ ನಂತರ ತನಿಖೆಯ ದಿಕ್ಕು ಬದಲಾಗಿತ್ತೇ ಎಂಬ ಪ್ರಶ್ನೆಗಳು ಎದ್ದಿದ್ದವು. ಈಗ ಆತ ನೀಡಲಿರುವ ಮೂರನೇ ಹೇಳಿಕೆ ಈ ಬೃಹತ್ ಪ್ರಕರಣಕ್ಕೆ ಹೊಸ ತಿರುವು ನೀಡುವ ಸಾಧ್ಯತೆಯಿದೆ. ನೂರಾರು ಶವಗಳ ರಹಸ್ಯ, ಅದರ ಹಿಂದಿನ ಶಕ್ತಿಗಳು, ಮತ್ತು ಈ ಪ್ರಕರಣದಲ್ಲಿ ಭಾಗಿಯಾಗಿರುವ ವ್ಯಕ್ತಿಗಳ ಬಗ್ಗೆ ಮತ್ತಷ್ಟು ಸ್ಪಷ್ಟತೆ ಸಿಗುವ ಸಾಧ್ಯತೆ ಇದೆ. ಶಿವಮೊಗ್ಗ ಜೈಲಿನಲ್ಲಿರುವ ಚಿನ್ನಯ್ಯನನ್ನು ಬಿಗಿ ಭದ್ರತೆಯಲ್ಲಿ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತದೆ.