ಕರ್ನಾಟಕದ ಖ್ಯಾತ ಯಕ್ಷಗಾನ ಹಾಸ್ಯ ಕಲಾವಿದ, ಬಂಟ್ವಾಳ ತಾಲೂಕಿನ ಸಂಗಬೆಟ್ಟು ಗ್ರಾಮದ ನಿವಾಸಿ ಪದ್ಮನಾಭ ಶೆಟ್ಟಿಗಾರ್ (69) ಅವರು ಅನಾರೋಗ್ಯದಿಂದಾಗಿ ಜೂನ್ 8, 2025ರಂದು ಮೂಡುಬಿದಿರೆಯ ಆಸ್ಪತ್ರೆಯಲ್ಲಿ ನಿಧನರಾದರು.

ಮೂಡುಬಿದಿರೆ, ಜೂ.9: ಕರ್ನಾಟಕದ ಖ್ಯಾತ ಯಕ್ಷಗಾನ ಹಾಸ್ಯ ಕಲಾವಿದ, ಬಂಟ್ವಾಳ ತಾಲೂಕಿನ ಸಂಗಬೆಟ್ಟು ಗ್ರಾಮದ ನಿವಾಸಿ ಪದ್ಮನಾಭ ಶೆಟ್ಟಿಗಾರ್ (69) ಅವರು ಅನಾರೋಗ್ಯದಿಂದಾಗಿ ಜೂನ್ 8, 2025ರಂದು ಮೂಡುಬಿದಿರೆಯ ಆಸ್ಪತ್ರೆಯಲ್ಲಿ ನಿಧನರಾದರು. ಮೃತರು ಪತ್ನಿ ಹಾಗೂ ಇಬ್ಬರು ಪುತ್ರರನ್ನು ಅಗಲಿದ್ದಾರೆ.

alt="Ad Widget"/>

1956ರ ಮಾರ್ಚ್ 1ರಂದು ಸಂಗಬೆಟ್ಟುವಿನಲ್ಲಿ ರಾಮಣ್ಣ ಶೆಟ್ಟಿಗಾರ್ ಮತ್ತು ಗಿರಿಜಾ ದಂಪತಿಯ ಪುತ್ರರಾಗಿ ಜನಿಸಿದ ಪದ್ಮನಾಭ ಶೆಟ್ಟಿಗಾರ್, ತಮ್ಮ ಬಾಲ್ಯದಿಂದಲೇ ಯಕ್ಷಗಾನದತ್ತ ಆಕರ್ಷಿತರಾದರು. ಪ್ರಾಥಮಿಕ ಶಿಕ್ಷಣದ ಬಳಿಕ ಕೊರಗದಾಸ್ ಸಿದ್ದಕಟ್ಟೆಯವರಲ್ಲಿ ಯಕ್ಷಗಾನದ ತರಬೇತಿ ಪಡೆದ ಅವರು, 22ನೇ ವಯಸ್ಸಿನಲ್ಲಿ ವೇಣೂರು ಸುಂದರ ಆಚಾರ್ಯರ ಗರಡಿಯಲ್ಲಿ ರಂಗಪ್ರವೇಶ ಮಾಡಿದರು. ತೆಂಕುತಿಟ್ಟು ಯಕ್ಷಗಾನದಲ್ಲಿ ಪ್ರಸಿದ್ಧರಾದ ಶೆಟ್ಟಿಗಾರ್, ಕಟೀಲು 2ನೇ ಮೇಳದಲ್ಲಿ ಪ್ರಧಾನ ಹಾಸ್ಯಗಾರರಾಗಿ ಸುದೀರ್ಘ ಕಾಲ ಸೇವೆ ಸಲ್ಲಿಸಿ ನಿವೃತ್ತರಾಗಿದ್ದರು.

<>

ಕುಂಡಾವು, ಸುಬ್ರಹ್ಮಣ್ಯ, ಕೊಲ್ಲೂರು, ಸುಂಕದಕಟ್ಟೆ ಸುರತ್ಕಲ್, ಕಟೀಲು ಮೇಳ ಸೇರಿದಂತೆ ಐದು ದಶಕಗಳ ಕಾಲ ಯಕ್ಷಗಾನದ ತಿರುಗಾಟದಲ್ಲಿ ತೊಡಗಿದ್ದ ಅವರು, ತುಳು ಮತ್ತು ಕನ್ನಡ ಪೌರಾಣಿಕ ಪ್ರಸಂಗಗಳಲ್ಲಿ ತಮ್ಮ ಅಭಿನಯದ ಮೂಲಕ ಜನಮನ ಗೆದ್ದಿದ್ದರು. ಮೂಕಾಸುರ ವಿಜಯ, ದಾರುಕ, ಬಾಹುಕ, ಶ್ರೀ ದೇವೀ ಮಹಾತ್ಮಯದ ಪುರೋಹಿತ ಮುಂತಾದ ಪಾತ್ರಗಳ ಮೂಲಕ ಅವರು ವಿಶೇಷ ಗುರುತಿಸಿಕೊಂಡಿದ್ದರು. ಯಕ್ಷಗಾನದ ಜೊತೆಗೆ ತಾಳಮದ್ದಳೆಯಲ್ಲೂ ಸಮರ್ಥವಾಗಿ ಪಾತ್ರ ನಿರ್ವಹಿಸುತ್ತಿದ್ದರು.

ನಿವೃತ್ತಿಯ ಬಳಿಕ ವ್ಯಾಪಾರದಲ್ಲಿ ತೊಡಗಿದ್ದ ಶೆಟ್ಟಿಗಾರ್, ತಮ್ಮ ಕಲಾಸೇವೆಗಾಗಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿ ಮತ್ತು ಪುರಸ್ಕಾರಗಳನ್ನು ಪಡೆದಿದ್ದರು. ಅವರ ನಿಧನದಿಂದ ಕರಾವಳಿಯ ಯಕ್ಷಗಾನ ಕ್ಷೇತ್ರವು ಒಬ್ಬ ಅಪ್ರತಿಮ ಕಲಾವಿದನನ್ನು ಕಳೆದುಕೊಂಡಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಯಕ್ಷಗಾನ ಹಾಸ್ಯ ಕಲಾವಿದಪದ್ಮನಾಭ ಶೆಟ್ಟಿಗಾರ್MoodubidirePadmanabha ShettigarYakshagana comedy artist

Up Next

Davanagere-ಆಹಾರ ಧಾನ್ಯ ಬಿಟ್ಟು ಅಡಿಕೆಯತ್ತ ರೈತರ ಒಲವು; ದಾವಣಗೆರೆ ಒಂದರಲ್ಲೇ 49ಸಾವಿರ ಹೆಕ್ಟೇರ್ ಕೃಷಿ ಭೂಮಿ ರೂಪಾಂತರ

Don't Miss

Poojalakatte-ಪುಂಜಾಲಕಟ್ಟೆ: ಕಾರಿಂಜ ದೇವಸ್ಥಾನದ ಕೆರೆಯಲ್ಲಿ ವಿದ್ಯಾರ್ಥಿ ದುರಂತ ಸಾವು