ಅಕಾಲಿಕ ಮಳೆ

ಈ ರೋಗದ ಹಬ್ಬುವಿಕೆಗೆ ಅತೀ ಪ್ರಮುಖ ಕಾರಣವಾಗಿರುವುದು ಅಕಾಲಿಕ ಮಳೆ.  ಕರಾವಳಿ, ಮಲೆನಾಡು ಸೇರಿದಂತೆ ಅಡಿಕೆ ಬೆಳೆಯುವ ಪ್ರಮುಖ ಪ್ರದೇಶಗಳಲ್ಲಿ  ಕಳೆದ ವರ್ಷದ ಡಿಸೆಂಬರ್‌ನಲ್ಲಿಯೇ ಶುರುವಾದ ಮಳೆ ಈಗಲೂ ಮುಂದುವರಿದಿದೆ. ಅಡಿಕೆಗೆ ಅಗತ್ಯವಿರುವ ಪ್ರಮಾಣದ ಬಿಸಿಲು ಸಹ ಸಿಕ್ಕಿಲ್ಲ. ಹೀಗಾಗಿ ಈ ಅಕಾಲಿಕ ಮಳೆಯೇ ಎಲೆ ಚುಕ್ಕೆ ರೋಗಕ್ಕೆ ಪ್ರಮುಖ ಕಾರಣವಾಗಿದೆ. ಬಯಲು ಸೀಮೆಯಾದ ತುಮಕೂರಲ್ಲಿಯೂ ನಿರಂತರ ಮಳೆ ಹಾಗೂ ಶೀತ ವಾತಾವರಣದಿಂದ ಎಲೆ ಚುಕ್ಕೆ ರೋಗ ಹರಡುತ್ತಿದೆ. ಇತರೆ ಜಿಲ್ಲೆಗಳಲ್ಲೂ ರೋಗಾತಂಕ ಸೃಷ್ಟಿಯಾಗುತ್ತಿದೆ.

ಇಳುವರಿ ಕುಸಿತ

ಎಕರೆ ತೋಟದಲ್ಲಿ ಸರಾಸರಿ 1,200 ಕೊನೆಗಳು ಬರುತ್ತಿದ್ದ ಜಾಗದಲ್ಲೀಗ ಹೆಚ್ಚೆಂದರೆ 500 – 600 ಕೊನೆಗಳು ಸಿಗುತ್ತವೆ. ಅವುಗಳು ಕೂಡ ಲೆಕ್ಕಕಷ್ಟೇ, ಕಾಯಿಗಳು ಕಡಿಮೆ ಮತ್ತು ರೋಗಪೀಡಿತವಾಗಿವೆ. ಹೀಗಾಗಿ ಅಡಿಕೆ ಬೆಳೆಗಾರರಿಗೆ ಜೀವನೋಪಾಯದ ಆತಂಕ ಶುರುವಾಗಿದೆ. ತುಮಕೂರು, ದಾವಣಗೆರೆ, ಹಾಸನ, ಮಂಡ್ಯ, ಮೈಸೂರು ಸೇರಿದಂತೆ ರಾಜ್ಯದಲ್ಲಿ 23 ಜಿಲ್ಲೆಗಳಲ್ಲಿ ಅಡಿಕೆ ಬೆಳೆಯಲಾಗುತ್ತದೆ. ಸುಮಾರು 10 ಲಕ್ಷ ಕುಟುಂಬಗಳು ಅಡಿಕೆಯನ್ನೇ ಆಶ್ರಯಿಸಿವೆ.

Gold Rate Today : ಏರಿಕೆ ಕಂಡ ಗೋಲ್ಡ್‌ ರೇಟ್‌ : ಚಿನ್ನ ಖರೀದಿಗೂ ಮುನ್ನ ಇಂದಿನ ಬೆಲೆ ತಿಳಿಯಿರಿ

 ನಿರ್ವಹಣೆ :

ಮಣ್ಣು ಪರೀಕ್ಷೆ ಆಧಾರದ ಮೇಲೆ ಪೋಷಕಾಂಶ ನೀಡಬೇಕು.  ಜೈವಿಕ ಗೊಬ್ಬರ ಬಳಕೆ ಮಾಡಬೇಕು. ಶಿಫಾರಸ್ಸು ಮಾಡಿರುವ ಪ್ರಮಾಣದಲ್ಲಿ ರಸಗೊಬ್ಬರ ಬಳಕೆ ಸಮತೋಲದಲ್ಲಿರಬೇಕು. ಬೇಸಿಗೆಯಲ್ಲಿ ನೀರನ್ನು ಕೊಟ್ಟು ನಿರ್ವಹಣಾ ಕ್ರಮ ಅನುಸರಿಸಬೇಕು. ಹಸಿರೆಲೆ ತಿಪ್ಪೆಗೊಬ್ಬರ ಹಾಕಬೇಕು. ಬಸಿಗಾಲುವೆಗಳನ್ನು ನಿರ್ಮಿಸಬೇಕು. ಕೀಟಗಳ ನಿರ್ವಹಣೆಗೆ ಸೂಕ್ತ ಕ್ರಮದ ಅಗತ್ಯವಿದೆ. ತಪ್ಪದೇ ಔಷಧ ಸಿಂಪಡಣೆ ಮಾಡಬೇಕು.

ತಕ್ಷಣ ಏನು ಮಾಡಬೇಕು?

ಎಲೆ ಚುಕ್ಕೆ ರೋಗ ನಿಯಂತ್ರಣಕ್ಕೆ ಔಷಧ ಸಿಂಪಡಣೆ ತುರ್ತು ಅಗತ್ಯ. 1 ಲೀಟರ್‌ ನೀರಿಗೆ 2 ಗ್ರಾಂ ಕಾರ್ಬನ್‌ ಡೈಸಿಮ್‌, 1 ಲೀ ನೀರಿಗೆ 2 ಗ್ರಾಂ ಮ್ಯಾಂಕೋಜೆಬ್‌, 1 ಲೀ. ನೀರಿಗೆ 1 ಎಂಎಲ್‌ ಹೆಕ್ಸಾಕೊನಜೋಲ್‌, 1 ಲೀಟರ್‌ ನೀರಿಗೆ 3 ಗ್ರಾಂ ಕಾಪರ್‌ ಆಕ್ಸಿಕ್ಲೋರೈಡ್‌ ಇವುಗಳಲ್ಲಿ ಯಾವುದಾದರೊಂದು ಔಷಧ ಸಿಂಪಡಣೆ ಮಾಡಬೇಕು. ಇಲ್ಲವೇ 100 ಲೀಟರ್‌ ನೀರಿಗೆ 1 ಕೆ.ಜಿ. ಮೈಲುತುತ್ತ, 1 ಕೆ.ಜಿ.ಸುಣ್ಣ ಬೆರೆಸಿ ಸಿಂಪಡಿಸಬೇಕು.

Knee pain Treatment : ಕೀಲು‌ನೋವು, ಸಂಧಿವಾತ ಉಪಶಮನಕ್ಕೆ ಹಸಿ ಪಪ್ಪಾಯವನ್ನು ಕ್ರಮಬದ್ದವಾಗಿ ಹೀಗೆ ಸೇವಿಸಿ