ಹೀಗಾಗಿ ಲೊಕೋಪಯೋಗಿ ಇಲಾಖೆಯ ಎಕ್ಸಿಕ್ಯೂಟಿವ್‌ ಇಂಜೀನಿಯರ್‌ ಸೆ 15 ರಂದು ಮತ್ತೆ ಪರಿಶೀಲನೆಗೆ ಬರುವುದಾಗಿ ತಿಳಿಸಿದ್ದರು. ಹೀಗಾಗಿ  ಜಿ.ಪಂ ಗೆ ಸೆ 15 ರವರೆಗೆ  ಬಸ್‌ ಸ್ಟ್ಯಾಂಡ್‌ ನಿರ್ಮಾಣ ಕಾಮಾಗಾರಿ ನಡೆಸದಂತೆ ಲೊಕೋಪಯೋಗಿ ಇಲಾಖೆ ಸೂಚಿಸಿತ್ತು ಎನ್ನಲಾಗಿದೆ. ಅಲ್ಲದೇ ಖಾಸಗಿ ವ್ಯಕ್ತಿ ಆಕ್ಷೇಪಣೆ ಸಲ್ಲಿಸಿದರೂ ಭೂ ಮಾಪನ  ಇಲಾಖೆ ಇವರೆಗೆ  ಸ್ಥಳ ಗುರುತಿನಲ್ಲಿ ವ್ಯತ್ಯಾಸ ಇರುವ ಬಗ್ಗೆ ಲೊಕೋಪಯೊಗಿ ಇಲಾಖೆಗೆ ಯಾವುದೇ ಮಾಹಿತಿ ರವಾನಿಸಿಲ್ಲ.

 ಏತನ್ಮಧ್ಯೆ  ಬಸ್ಸು ನಿಲ್ದಾಣ ಕಾಮಾಗರಿ ನಿಗದಿತ ಸ್ಥಳದಲ್ಲಿ ಆರಂಭಗೊಂಡಿತ್ತು. ಇದರ ವಿರುದ್ದ   ಮಾಜಿ ಯೋಧ  ಮಾಜಿ ಸೈನಿಕರ ಸಂಘಕ್ಕೆ ದೂರು ನೀಡಿದ್ದು ಅದರಂತೆ ಮಾಜಿ ಸೈನಿಕರ ತಂಡ ಸ್ಥಳಕ್ಕೆ ಭೇಟಿ ನೀಡಿದೆ. ಈ ಬಗ್ಗೆ  ನೆರೆದಿದ್ದ ಸಾರ್ವಜನಿಕರಲ್ಲಿ ಹಾಗೂ ದೂರು ನೀಡಿದ ಮನೆಯವರಲ್ಲಿ ಅವರು ಮಾತುಕತೆ ನಡೆಸಿದ್ದರು. ಇದೇ ವೇಳೆ ಅಲ್ಲಿ ಬಸ್ಸು ನಿಲ್ದಾಣವಾಗಬೇಕೆಂದು ಒತ್ತಾಯಿಸಿದ ಜನರು ಮಾಜಿ ಸೈನಿಕರಿಗೆ ಜೈಕಾರ ಕೂಗಿದ ಘಟನೆಯೂ ನಡೆಯಿತು.  

ಸೂಕ್ತ ತನಿಖೆ ನಡೆಯಬೇಕು

ಆದರೇ ಈ ಬಳಿಕ  ಸುದ್ದಿಗಾರರ ಜತೆ ಮಾತನಾಡಿದ ನಿಯೋಗದಲ್ಲಿ ಮಾಜಿ ಸೈನಿಕರೊಬ್ಬರು “ ಪುತ್ತೂರು ತಾಲೂಕಿನ ಮಾಜಿ ಸೈನಿಕರೊಬ್ಬರು ನನ್ನ ಮನೆಯ ರಸ್ತೆಯನ್ನು ಬ್ಲಾಕ್‌ ಮಾಡಿ ಬಸ್ಸು ನಿಲ್ದಾಣ ಮಾಡುತ್ತಿದ್ದಾರೆ ಎಂದು ದೂರು ನೀಡಿದ್ದು ಅದರಂತೆ ಪರಿಶೀಲನೆಗಾಗಿ ಬಂದಿದ್ದೇವೆ. ಇಲ್ಲಿ ಬಸ್‌ ಸ್ಟ್ಯಾಂಡ್‌ ಕಾಮಗಾರಿ ನಡೆಯುತ್ತಿರುವುದು ಸ್ಪಷ್ಟವಾಗಿ ಕಾಣಿಸುತ್ತಿದೆ.  ಪಿಡಿಒ ಹಾಗೂ ಇಂಜನೀಯರಿಂಗ್‌ ವಿಭಾಗದವರಲ್ಲಿ ಈ ಬಗ್ಗೆ ವಿಚಾರಿಸಿದ್ದು, ಅವರು ನಾವು ಈ ಕೆಲಸ ಮಾಡುತ್ತಿಲ್ಲ ಎಂದಿದ್ದಾರೆ.  ಇಲ್ಲಿ ನಡೆಯುತ್ತಿರುವ ಕಾಮಾಗಾರಿಯ  ಹೊಣೆಯನ್ನು ಯಾರು ವಹಿಸದಿರುವುದರಿಂದ ಪೊಲೀಸ್‌ ಇಲಾಖೆ ಈ ಬಗ್ಗೆ ತನಿಖೆ ನಡೆಸಿ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಅವರು ಒತ್ತಾಯಿಸಿದರು.

ಪ್ರತಿಭಟನೆ

ಮಾಜಿ ಸೈನಿಕರ ಭೇಟಿಯ ಬಳಿಕ ಬಸ್ಸು ನಿಲ್ದಾಣ ನಿರ್ಮಾಣ ಕಾಮಾಗಾರಿ ಅರ್ಧದಲ್ಲೆ ಸ್ಥಗಿತಗೊಂಡಿತ್ತು. ಇದಾದ ಬಳಿಕ ಸಂಜೆ ಬಸ್ಸು ನಿಲ್ದಾಣಕ್ಕೆ ಜಾಗ ನಿಗದಿಗೊಳಿಸಿದ ಜಾಗದಲ್ಲಿ ವಿದ್ಯಾರ್ಥಿಗಳು ಹಾಗು ನಾಗರೀಕರು ಬಸ್ಸು ನಿಲ್ದಾಣ ಕಾಮಾಗಾರಿ ಪುನರಾರಂಭಿಸಬೇಕು ಎಂದು ಒತ್ತಾಯಿಸಿ ಪ್ರತಿಭಟನೆ ನಡೆಸಿದರು.

 ದುರುದ್ಧೇಶದಿಂದ ಬಸ್ಸು ನಿಲ್ದಾಣ ನಿರ್ಮಾಣಕ್ಕೆ ಅಡ್ಡಿ

ಈ ವೇಳೆ ಪ್ರತಿಭಟನಕಾರರನ್ನು ಉದ್ಧೇಶಿಸಿ ಮಾತನಾಡಿದ ಚಿಕ್ಕಮುಡ್ನೂರು ಬಿಜೆಪಿ ಶಕ್ತಿ ಕೇಂದ್ರದ ಅಧ್ಯಕ್ಷ ನಾಗೇಶ್‌ ಟಿ ಎಸ್‌ “ ಬಸ್ಸು ನಿಲ್ದಾಣ ಕೆಡವುವ ವೇಳೆಯೇ ಶಾಸಕರು ಇಲ್ಲಿಗೆ ಹೊಸ ನಿಲ್ದಾಣ ನಿರ್ಮಿಸಿ ಕೊಡುವ ಭರವಸೆ ನೀಡಿದ್ದರು. ಅಲ್ಲದೇ ಇಲ್ಲಿಗೆ  ಡಿಜಿಟಲ್‌ ಬಸ್ಸು ತಂಗುದಾಣ ನಿರ್ಮಿಸಿ ಕೊಡಲು ಅಗತ್ಯ ಅನುದಾನವನ್ನು ನೀಡಿದ್ದಾರೆ. ಆದರೇ ಸ್ಥಳೀಯ ಮನೆಯವರೊಬ್ಬರು ದುರುದ್ಧೇಶದಿಂದ ಬಸ್ಸು ನಿಲ್ದಾಣ ನಿರ್ಮಾಣಕ್ಕೆ ಅಡ್ಡಿಪಡಿಸುತ್ತಿದ್ದಾರೆ ಎಂದು ಆರೋಪಿಸಿದರು.

ದಾರಿ ತಪ್ಪಿಸುವ ಪ್ರಯತ್ನ

“ತಂಗುದಾಣ ನಿರ್ಮಾಣ ತಡೆಯಲು ಸುಳ್ಳು ಸುದ್ದಿಗಳನ್ನು ಬಿತ್ತರಿಸುತ್ತಿದ್ದಾರೆ. ಶಾಸಕರು ಯೋಧನ ರಸ್ತೆ ಬಂದ್‌ ಮಾಡಿದ್ದಾರೆ ಎಂಬ ಆರೋಪಗಳನ್ನು ಮಾಡಿಸಿದ್ದು ಇದರಲ್ಲಿ ಎಳಷ್ಟು ಸತ್ಯಾಂಶವಿಲ್ಲ . ಮಾಜಿ ಯೋಧರ ಮನೆಗೆ ಹೋಗಲು ಬೇರೆ ದಾರಿಯಿದೆ, ಈ ಬಸ್ಸು ನಿಲ್ದಾಣದ ಕಾಮಾಗಾರಿ ಆರಂಭಗೊಂಡ ಬಳಿಕ ಸೆ 11 ರಂದು  ಅದರ ಹಿಬ್ಬಂದಿಯಲ್ಲಿ  ಗೇಟ್‌ ಅಳವಡಿಸಿದ್ದಾರೆ.ಈ ಬಗೆಗಿನ ವಿಡಿಯೋ ನಮ್ಮಲಿದೆ. ಈ ಗೇಟ್‌ ನಿರ್ಮಿಸಿ  ಮಾಧ್ಯಮಗಳ  ಹಾಗೂ ಜನರ ದಾರಿ ತಪ್ಪಿಸುತ್ತಿದ್ದಾರೆ. ಈ ನಾಟಕಕ್ಕೆ ಯಾರು ಬಲಿ ಬೀಳಬಾರದು “ ಎಂದು ಹೇಳಿದರು    

ಅಮರಣಾಂತ ಉಪವಾಸ ಸತ್ಯಾಗ್ರಹ ನಡೆಸುತ್ತೇವೆ

ಕೂಡಲೇ ನಿಗದಿ ಪಡಿಸಿದ ಸ್ಥಳದಲ್ಲಿ ಕೂಡಲೇ ಬಸ್ಸು ನಿಲ್ದಾಣ ನಿರ್ಮಾಣವಾಗಬೇಕು. ಇಲ್ಲದಿದ್ದಲ್ಲಿ ಮುಂದಿನ ದಿನಗಳಲ್ಲಿ ಉಗ್ರ ಹೋರಾಟ ನಡೆಸಲಾಗುವುದು. ರಸ್ತೆ ತಡೆದು ಪ್ರತಿಭಟನೆ ಹಾಗೂ ಅಮರಣಾಂತ ಉಪವಾಸ ಸತ್ಯಾಗ್ರಹ ನಡೆಸುವ ಎಚ್ಚರಿಕೆಯನ್ನು ಪ್ರತಿಭಟನಕಾರರು ನೀಡಿದರು

ಬನ್ನೂರು ಗ್ರಾ. ಪಂ ಅಧ್ಯಕ್ಷೆ ಜಯ ಎ, ಗ್ರಾ.ಪಂ ಸದಸ್ಯರಾದ ಶೀನಪ್ಪ ಕುಲಾಲ್‌ , ರಾಘವೇಂದ್ರ ಗೌಡ ಸ್ಮಿತಾ ಕೃಷ್ಣ ನಾಯ್ಕ್‌ ತಿಮ್ಮಪ್ಪ ಪೂಜಾರಿ, ತಾ.ಪಂ ಮಾಜಿ ಸದಸ್ಯ ಲಕ್ಮಣ ಗೌಡ ಬೆಳ್ಳಿಪಾಡಿ  ಮಾಜಿ ಗ್ರಾ.ಪಂ ಸದಸ್ಯ ರತ್ನಾಕರ ಪ್ರಭು, ತಿಮ್ಮಪ್ಪ ಗೌಡ,  ಮತ್ತಿತ್ತರರು ಉಪಸ್ಥಿತರಿದ್ದರು. ಪುತ್ತೂರು ನಗರ ಠಾಣೆ ಪೊಲೀಸರು ಸೂಕ್ತ ಬಂದೋಬಸ್ತು ಒದಗಿಸಿದರು.