ಸಮಿತಿಯಿಂದ ಎಲ್ಲಾ ಭಾರತೀಯ ಸಂಸ್ಕೃತಿಗೆ ಬೆಂಬಲ:
ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಈಶ್ವರ ಭಟ್ ಪಂಜಿಗುಡ್ಡೆಯವರು ಮಾತನಾಡಿ ಭರತ ನಾಟ್ಯ, ಶಾಸ್ತ್ರಿಯ ಸಂಗೀತಗಳು ಭಾರತೀಯ ಸಂಸ್ಕೃತಿಯ ಆಧಾರ ಸ್ತಂಭ. ಇಂತಹ ಸಂಸ್ಕೃತಿಗಳಿಗೆ ನಮ್ಮ ಸಮಿತಿಯು ಪೂರ್ಣ ಬೆಂಬಲ ನೀಡುತ್ತದೆ. ಇನ್ನು ಕೆಲವೆ ದಿನಗಳಲ್ಲಿ ದೇವಳದ ಜೀರ್ಣೋದ್ದಾರ ಕಾರ್ಯ ನಡೆಯುತ್ತದೆ. ಅದಕ್ಕೆ ಭಕ್ತರ ಸಹಕಾರ ಅಗತ್ಯವಾಗಿ ಬೇಕು. ಭಕ್ತರ ದುಡ್ಡು ದೇವಸ್ಥಾನದಲ್ಲಿ ಸರಿಯಾಗಿ ವಿನಿಯೋಗ ಆಗಬೇಕು. ಇಲ್ಲಿ ಈಶ್ವರ ಭಟ್ ತಪ್ಪು ಮಾಡಿದರೂ ತಿಳಿಸಬೇಕು. ಒಟ್ಟಿನಲ್ಲಿ ದೇವಸ್ಥಾನದಲ್ಲಿ ಭಕ್ತರ ಒಂದು ರೂಪಾಯಿ ಕೂಡಾ ದೇವರಿಗೆ ಸಲ್ಲಬೇಕೆಂದು ಹೇಳಿದರು.

ಕನ್ನಡ ಉಳಿಸಿ ಬೆಳೆಸುವಲ್ಲಿ ಗಡಿ ಪ್ರದೇಶ ಅಭಿವೃದ್ದಿ ಪ್ರಾಧಿಕಾರ ನಿರಂತರ:
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಸೋಮಣ್ಣ ಬೇವಿನಮರದ ಅಧ್ಯಕ್ಷತೆ ವಹಿಸಿ ಮಾತನಾಡಿ 2010 ರಲ್ಲಿ ಕಪ್ರಾಧಿಕಾರ ಹುಟ್ಟಿಕೊಂಡಿದೆ. ಅದರಲ್ಲೂ 6 ಗಡಿ ಪ್ರದೇಶದ ಕನ್ನಡಿಗರ ರಕ್ಷಣೆಗಾಗಿ ಹುಟ್ಟಿದೆ. ಗಡಿ ಭಾಗದ ಸಮಸ್ಯೆಗಳಿಗೆ ಸ್ಪಂದನೆ ಸರಕಾರದಿಂದ ಆಗುತ್ತಿದೆ. ಕೇರಳ, ಗೋವ ತಲಂಗಾಣ, ಗೋವ ಸಹಿತ 6 ರಾಜ್ಯದಲ್ಲಿ ಕನ್ನಡ ಮಾತನಾಡುವವರು ಇದ್ದಾರೆ. ಹೊರ ರಾಜ್ಯದಲ್ಲಿ 64 ಕನ್ನಡ ಶಾಲೆಗಳು ಆರಂಭ. ಕರ್ನಾಟಕದ ಒಳಗಿದ್ದವರು ಕನ್ನಡ ಮಾತನಾಡುವುದು ಸಹಜ. ಆದರೆ ಹೊರಗಿರುವ ಕನ್ನಡಿಗರು ಬಹಳಷ್ಟು ಗಟ್ಟಿಯಾಗಿ ಕನ್ನಡ ಮಾತಮಾಡುತ್ತಾರೆ. ಮಹಾರಾಷ್ಟ್ರದ ಸಾಂಗ್ಲಿಯಲ್ಲಿ ಪಿಯುಸಿಯಲ್ಲಿ ಕನ್ನಡ ಕಲಿಸುತ್ತಾರೆ. ಗೋವಾದಲ್ಲಿ 4 ಲಕ್ಷ ಜನ ಕನ್ನಡಿಗರಿದ್ದಾರೆ. ಕೇರಳದಲ್ಲಿ ಸಂಪೂರ್ಣವಾಗಿ ಕನ್ನಡಿಗರು ಕನ್ನಡ ಮಾತನಾಡುತ್ತಾರೆ. ಒಟ್ಟಿನಲ್ಲಿ ಗಡಿ ಭಾಗದಲ್ಲಿ ಕನ್ನಡಕ್ಕೆ ಹೆಚ್ಚು ಒತ್ತುಕೊಡುವ ಕೆಲಸ ಮಾಡುತ್ತಿದ್ದಾರೆ. ಎಲ್ಲೊ ಒಂದು ಕಡೆ ಬೇರೆ ಬಾಷೆಗಳಿಂದಾಗಿ ಕನ್ನಡ ಮರೆಯ ಬಾರದೆಂದು ಮತ್ತು ಕರ್ನಾಟಕದ ಎಲ್ಲಾ ಕಲಾ ತಂಡ ಉಳಿಯಬೇಕು ಹೊರ ತಂಡಗಳು ಉಳಿಯಬೇಕೆಂದು ಪ್ರಾಧಿಕಾರ ಕೆಲಸ ಮಾಡುತ್ತಿದೆ ಎಂದರು.

ಗಡಿ ಭಾಗದ ಅನೇಕ ಅಭಿವೃದ್ಧಿ ಕಾರ್ಯಗಳಿಗೆ ಅನುದಾನ ನೀಡಿದೆ:
ಗಡಿ ಅಭಿವೃದ್ಧಿ ಪ್ರಾಧಿಕಾರದ ಕಾರ್ಯದರ್ಶಿ ಪ್ರಕಾಶ್ ಮತ್ತೀಹಳ್ಳಿ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ ಗಡಿ ಅಭಿವೃದ್ಧಿ ಪ್ರಾಧಿಕಾರವು ಗಡಿ ಪ್ರದೇಶದ ಅನೇಕ ಅಭಿವೃದ್ಧಿ ಕಾರ್ಯಗಳಿಗೆ ಅನುದಾನ ನೀಡಿದೆ. ಮಂಗಳೂರಿನಲ್ಲಿ ತುಳು ಭವನ, ಕಾಸರಗೋಡು ಕನ್ನಡ ಭವನಕ್ಕೆ ಅನುದಾನ ನೀಡಿದ್ದೇವೆ. ಮಂಗಳೂರಿನ ಬ್ಯಾರಿ ಭವನಕ್ಕೂ ಅನುದಾನ ನೀಡಲಾಗಿದೆ ಎಂದರು.ಪುತ್ತೂರು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಉಮೇಶ್ ನಾಯಕ್, ತಹಸೀಲ್ದಾರ್ ಬಿ ಎಸ್ ಕೂಡಲಗಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ನೃತ್ಯೋಪಾಸನಾ ಕಲಾ ಶಾಲೆಯ ವಿದ್ಯಾರ್ಥಿಗಳಿಂದ ನಾಡಗೀತೆಯ ಮೂಲಕ ಕಾರ್ಯಕ್ರಮ ಆರಂಭಿಸಲಾಯಿತು. ಶಾಲಿನಿ ಆತ್ಮಭೂಷನ್ ದಂಪತಿ ಶ್ರೀಗಳನ್ನು ಗೌರವಿಸಲಾಯಿತು. ಅಕಾಡೆಮಿ ಸ್ಥಾಪಕ ಟ್ರಸ್ಟಿ, ನೃತ್ಯಗುರು ವಿದುಷಿ ಶಾಲಿನಿ ಆತ್ಮಭೂಷಣ್ ಸ್ವಾಗತಿಸಿ, ಪತ್ರಕರ್ತ ಆತ್ಮಭೂಷಣ್ ವಂದಿಸಿದರು. ವಿವೇಕಾನಂದ ಕಾಲೇಜಿನ ಸ್ನಾತಕೋತ್ತರ ಅಧ್ಯಯನ ಕೇಂದ್ರದ ಡೀನ್ ಪ್ರೊ. ವಿಜಯಾ ಸರಸ್ವತಿ ಕಾರ್ಯಕ್ರಮ ನಿರ್ವಹಿಸಿದರು. ಸಭಾ ಕಾರ್ಯಕ್ರಮದ ಆರಂಭದಲ್ಲಿ ಜನಪದ ನೃತ್ಯ ಪ್ರದರ್ಶನ ನಡೆಯಿತು. ಸಂಸದ ಕ್ಯಾ| ಬ್ರಿಜೇಶ್ ಚೌಟ ಅವರು ಕಲಾವಿದರನ್ನು ಗೌರವಿಸಿ ಶುಭ ಹಾರೈಸಿ ತೆರಳಿದರು.

ಜನಪದ ನೃತ್ಯದಲ್ಲಿ ತಮಟೆ ನೃತ್ಯ, ಜನಪದ ನೃತ್ಯ, ವೀರಗಾಸೆ, ಅಗೋರಿ ನೃತ್ಯ, ಪೂಜಾ ಕುಣಿತ ವಿಶೇಷ ಆಕರ್ಷಣೆಯಾಗಿತ್ತು.

ದೇಶ, ವಿದೇಶಗಳ ಸುಮಾರು 300ಕ್ಕೂ ಅಧಿಕ ವೇದಿಕೆಗಳಲ್ಲಿ ವಯಲಿನ್ ಕಛೇರಿ ನೀಡಿದ ಈ ಮಲಯಾಳಂ ಭಾಷಿಕ ಬಾಲ ಪ್ರತಿಭೆ ಅಂರ‍್ರಾಷ್ಟ್ರೀಯ ಖ್ಯಾತಿಯ ಕೇರಳ ಮಲಪುರಂನ ವಯಲಿನ್ ಕಲಾವಿದೆ ಕುಮಾರಿ ಗಂಗಾ ಶಶಿಧರನ್ ಇದೇ ಮೊದಲ ಬಾರಿಗೆ ಪುತ್ತೂರಿಗೆ ಆಗಮಿಸಿದ್ದರು. ಮಾಸ್ಟರ್ ಶಮಂತಕ ಧಾರವಾಡ ಮೂಲದ ಎಳೆ ಭರತನಾಟ್ಯ ಪ್ರತಿಭೆ. ತಬಲಾ, ಮೃದಂಗ ಹಾಗೂ ಯಕ್ಷಗಾನ ಕಲಾವಿದನಾಗಿಯೂ ಪ್ರಸಿದ್ಧಿ ಪಡೆದಿರುವ ಈ ಕಲಾವಿದರಿಬ್ಬರ ಕಲಾ ಪ್ರದರ್ಶನಕ್ಕೆ ಪುತ್ತೂರಿನ ಕಲಾರಾಧಕರು ಸುಮಾರು ಮೂರುವರೆ ಗಂಟೆಗಳ ತನಕ ಕಲೆಯನ್ನು ಆರಾಧಿಸಿದರು. ಹುಟ್ಟಿದರೆ ಕನ್ನಡ ನಾಡು ಹಾಡನ್ನು ವಯಲಿನ್ ನಲ್ಲಿ ನುಡಿಸಿದ ವೇಳೆ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಉಮೇಶ್ ನಾಯಕ್ ಬಾಲ ಪ್ರತಿಭೆಗೆ ಕನ್ನಡ ಪೇಟ, ಶಾಲು ತೊಡಿಸಿ ಗೌರವಿಸಿದರು. ಬಳಿಕ ಗಂಗಾ ಶಶಿಧರನ್ ಅವರು ಕನ್ನಡಕ್ಕೆ ಗೌರವ ಕೊಡುವ ನಿಟ್ಟಿನಲ್ಲಿ ನಿಂತು ವಯಲಿನ್ ಬಾರಿಸಿದರು. ಇಬ್ಬರು ಬಾಲಕಲಾವಿದರಿಗೆ ನೃತ್ಯೋಪಸಾನ ಕಲಾಕೇಂದ್ರದ ವಿದ್ಯಾರ್ಥಿನಿ ಧನ್ಯಶ್ರೀ ಅವರು ರಚಿಸಿದ ಚಿತ್ರಪಟವನ್ನು ಕೊಡುಗೆಯಾಗಿ ನೀಡಿದರು.

ತುಳು ಭಾಷೆಗೆ ಸಹಕಾರ: ಶಾಸಕ ಮನವಿ
ಕರ್ನಾಟಕದ ಎರಡನೇ ಹೆಚ್ಚುವರಿ ಭಾಷೆಯನ್ನಾಗಿ ತುಳುವನ್ನು ಘೋಷಿಸುವ ನಿಟ್ಟಿನಲ್ಲಿ ಪ್ರಯತ್ನ ಮಾಡಲಾಗುತ್ತಿದೆ. ಆಂಧ್ರಪ್ರದೇಶದಲ್ಲಿ 2ನೇ ಭಾಷಾ ಪ್ರಕ್ರಿಯೆ ಮಾಡಲಾದ ವಿಧಾನವನ್ನು ಅಧ್ಯಯನ ಮಾಡಲು ಪರಿಣಿತರ ತಂಡ ಕಳುಹಿಸಲಾಗಿದ್ದು, ಕೊನೆಯ ಹಂತದಲ್ಲಿದೆ. ಗಡಿನಾಡಿನ ತುಳು ಭಾಷೆಗೆ ಮಾನ್ಯತೆ ದೊರಕಿಸುವಲ್ಲಿ ಸರಕಾರದ ಮಟ್ಟದಲ್ಲಿ ಗಡಿ ಅಭಿವೃದ್ಧಿ ಪ್ರಾಧಿಕಾರವೂ ಸಹಕರಿಸಬೇಕು. -ಅಶೋಕ್ ಕುಮಾರ್ ರೈ ಶಾಸಕರು ಪುತ್ತೂರು

ಪುತ್ತೂರಿನಲ್ಲಿ ಕನ್ನಡ ಭವನ ನಿರ್ಮಿಸಲು ಶಾಸಕರ ಆಗ್ರಹ- ಪ್ರಾಧಿಕಾರದ ಅಧ್ಯಕ್ಷರಿಂದ ಭರವಸೆ
ಪುತ್ತೂರಿನಲ್ಲಿ ಕನ್ನಡ ಸಾಹಿತ್ಯ ಪರಿಷತ್ 9 ಸೆಂಟ್ಸ್ ಜಾಗ ಹೊಂದಿದೆ. ಇದರಲ್ಲಿ ಕನ್ನಡ ಭವನ ನಿರ್ಮಿಸಲು 2 ಕೋಟಿ ರೂ.ಅನುದಾನವನ್ನು ಪ್ರಾಧಿಕಾರ ನೀಡಬೇಕು ಎಂದವರು ಒತ್ತಾಯಿಸಿದರು. ಅದೇ ರೀತಿ ಪರ್ಲಡ್ಕದಲ್ಲಿರುವ ಡಾ. ಕೆ. ಶಿವರಾಮ ಕಾರಂತರ ಬಾಲವನ ಅಭಿವೃದ್ಧಿಗೆ 2 ಕೋಟಿ ರೂ. ನೀಡಬೇಕೆಂದು ಆಗ್ರಹಿಸಿದರು. ಇದೇ ಸಂದರ್ಭ ಪುತ್ತೂರು ಕನ್ನಡ ಭವನ ನಿರ್ಮಣಕ್ಕೆ ಅನುದಾನ ನೀಡುವಂತೆ ಕನ್ನಡ ಸಾಹಿತ್ಯ ಪರಿಷತ್ ಪುತ್ತೂರು ಘಟಕ ಅಧ್ಯಕ್ಷ ಪುತ್ತೂರು ಉಮೇಶ್ ನಾಯಕ್ ಅವರು ಪ್ರಾಧಿಕಾರದ ಅಧ್ಯಕ್ಷ ಸೋಮಣ್ಣ ಬೇವಿನಮರದ ಅವರಿಗೆ ಮನವಿ ಸಲ್ಲಿಸಿದರು. ಪ್ರಾಧಿಕಾರದ ಅಧ್ಯಕ್ಷ ಸೋಮಣ್ಣ ಬೇಬಿನಮರದ ಅವರು ಅಧ್ಯಕ್ಷತೆ ವಹಿಸಿ ಮಾತನಾಡಿ ಮುಖ್ಯಮಂತ್ರಿಯವರು ಶಾಸಕರ ಮಾತು ಮಾತ್ರ ಕೇಳುವುದು. ಶಾಸಕರ ಮಾತಿಗೆ ಗೌರವೂ ಇದೆ. ಹಾಗಾಗಿ ಅಶೋಕ್ ರೈ ಅವರ ಮೂಲಕ ನಾನು ಪ್ರಾಧಿಕಾರಕ್ಕೆ ಹೆಚ್ಚು ಅನುದಾನ ಕೊಡುವುದಾದರೆ ಇನ್ನಷ್ಟು ಕೆಲಸ ಮಾಡಬಹುದು. ಅದರೂ ನಿಮ್ಮ ಮನವಿಗೆ ನಾನು ಕೈಲಾದ ಮಟ್ಟಿಗೆ ಅನುದಾನದ ಇತಿಮಿತಿ ನೋಡಿ ಅನುದಾನ ನೀಡುತ್ತೇನೆ ಎಂದು ಭರವಸೆ ವ್ಯಕ್ತಪಡಿಸಿದರು. ಇದರ ಜೊತೆಗೆ ಕೇರಳದಲ್ಲಿ ಎಸ್ಟಿ ಸಮುದಾಯ ಕರ್ನಾಟಕಕ್ಕೆ ಬರುವಾಗ ಅವರಿಗೆ ಮೀಸಲಾತಿಯಲ್ಲಿ ಸಮಸ್ಯೆ ಉಂಟಾಗುತ್ತಿದೆ ಎಂದು ಶಾಸಕರು ಉಲ್ಲೇಖಿಸಿದ ವಿಚಾರಕ್ಕೆ ಸಂಬಂಧಿಸಿ ಗಡಿ ಭಾಗದ ಕನ್ನಡಿಗರನ್ನು ಸೇರಿಸಿ ಸಭೆ ನಡೆಸಿದ್ದು, ಇದರ ಜೊತೆಗೆ 19 ಜಿಲ್ಲೆಗೆ ನೋಡೆಲ್ ಆಫೀಸರ್‌ ಗಳನ್ನು ನೇಮಕ ಮಾಡಿ. ಅದರ ಮೂಲಕ ಮುಂದೆ ಯಾವುದೆ ಸಮಸ್ಯೆ ಆಗದಂತೆ ಆದೇಶವನ್ನೂ ನೀಡಲಾಗಿದೆ. ಗಡಿ ಭಾಗದ ಅಧಿಕಾರಿ ವರ್ಗದವರು ತೊಂದರೆ ಕೊಡಬಾರದು ಎಂದು ಕಾನೂನು ಪುಸ್ತಕವನ್ಬು ಕನ್ನಡದಲ್ಲಿ ಪ್ರಕಟಿಸಿ ಎಲ್ಲಾ ಸಂಘ ಸಂಸ್ಥೆಗಳಿಗೆ ನೀಡುತ್ತೇವೆ ಎಂದು ತಿಳಿಸಿದರು