ಹಾಡು, ಸಂಗೀತ, ಕಲೆಯ ಕಲರವದಿಂದ ತುಂಬಿರಬೇಕಾದ ಮನೆಯಲ್ಲಿ ಈಗ ಮೌನ ಆವರಿಸಿದೆ. ಜಾನಪದ ಗಾಯಕಿ ಸವಿತಾ ಅವರ 14 ವರ್ಷದ ಪುತ್ರ, 7ನೇ ತರಗತಿ ವಿದ್ಯಾರ್ಥಿ ಗಾಂಧಾರ್, “ಮನೆಯ ಒಳಿತಿಗಾಗಿ ಈ ನಿರ್ಧಾರ” ಎಂದು ಡೆತ್ನೋಟ್ ಬರೆದಿಟ್ಟು ಆತ್ಮಹತ್ಯೆಗೆ ಶರಣಾದ ದಾರುಣ ಘಟನೆ ಬನಶಂಕರಿ 3ನೇ ಹಂತದ ಬನಗಿರಿ ನಗರದಲ್ಲಿ ನಡೆದಿದ್ದು, ಇಡೀ ನಗರವನ್ನೇ ಬೆಚ್ಚಿಬೀಳಿಸಿದೆ.

ಬೆಂಗಳೂರು: ಹಾಡು, ಸಂಗೀತ, ಕಲೆಯ ಕಲರವದಿಂದ ತುಂಬಿರಬೇಕಾದ ಮನೆಯಲ್ಲಿ ಈಗ ಮೌನ ಆವರಿಸಿದೆ. ಜಾನಪದ ಗಾಯಕಿ ಸವಿತಾ ಅವರ 14 ವರ್ಷದ ಪುತ್ರ, 7ನೇ ತರಗತಿ ವಿದ್ಯಾರ್ಥಿ ಗಾಂಧಾರ್, “ಮನೆಯ ಒಳಿತಿಗಾಗಿ ಈ ನಿರ್ಧಾರ” ಎಂದು ಡೆತ್ನೋಟ್ ಬರೆದಿಟ್ಟು ಆತ್ಮಹತ್ಯೆಗೆ ಶರಣಾದ ದಾರುಣ ಘಟನೆ ಬನಶಂಕರಿ 3ನೇ ಹಂತದ ಬನಗಿರಿ ನಗರದಲ್ಲಿ ನಡೆದಿದ್ದು, ಇಡೀ ನಗರವನ್ನೇ ಬೆಚ್ಚಿಬೀಳಿಸಿದೆ.

alt="Ad Widget"/>

ಘಟನೆಯ ವಿವರ:
ಸೋಮವಾರ ಬೆಳಗ್ಗೆ ಎಂದಿನಂತೆ ದಿನ ಆರಂಭವಾದರೂ, ಗಾಂಧಾರ್ ಕೊಠಡಿಯಿಂದ ಹೊರಬಂದಿರಲಿಲ್ಲ. ಅನುಮಾನಗೊಂಡ ಸಹೋದರ ಜಿ.ಬಸಂತ್ ಕೊಠಡಿಯ ಬಾಗಿಲು ತೆರೆದಾಗ ಕಂಡ ದೃಶ್ಯ ಎದೆ ನಡುಗಿಸುವಂತಿತ್ತು. ತಮ್ಮ ಪ್ರೀತಿಯ ತಮ್ಮ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದ. ತಕ್ಷಣವೇ ಕುಟುಂಬಸ್ಥರು ಸಿ.ಕೆ. ಅಚ್ಚುಕಟ್ಟು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.

<>

ಕರುಳು ಹಿಂಡುವ ಡೆತ್ನೋಟ್:
ಮರಣಪತ್ರದಲ್ಲಿ ಗಾಂಧಾರ್ “ಪ್ರೀತಿಯ ಕುಟುಂಬಕ್ಕೆ, ನನ್ನನ್ನು ಕ್ಷಮಿಸಿ. ಈ ಪತ್ರ ಓದುವವರು ದುಃಖಿಸಬೇಡಿ. ನಾನು ಈಗ ಸ್ವರ್ಗದಲ್ಲಿದ್ದೇನೆ. ನನ್ನನ್ನು ತಪ್ಪಾಗಿ ಅರ್ಥೈಸಿಕೊಳ್ಳಬೇಡಿ. ನಿಮಗೆ ನೋವಾಗುತ್ತದೆ ಎಂದು ಗೊತ್ತಿದೆ, ಆದರೆ ಮನೆಯ ಒಳಿತಿಗಾಗಿ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. ಕೆಲವೊಮ್ಮೆ ಕೋಪದಿಂದ ವರ್ತಿಸಿದ್ದೇನೆ, ತೊಂದರೆ ಕೊಟ್ಟಿದ್ದೇನೆ. ಆದರೆ ನಿಮ್ಮನ್ನು ನೋಯಿಸುವ ಉದ್ದೇಶ ನನ್ನದಾಗಿರಲಿಲ್ಲ. ಕೋಪಕ್ಕೆ ಕ್ಷಮೆ ಕೇಳುತ್ತೇನೆ. ತಪ್ಪುಗಳನ್ನು ಕ್ಷಮಿಸಿ. 14 ವರ್ಷ ಸಂತೋಷದಿಂದ ಬದುಕಿ ತೃಪ್ತನಾಗಿದ್ದೇನೆ. ಸ್ವರ್ಗದಲ್ಲಿ ಖುಷಿಯಾಗಿರುತ್ತೇನೆ. ನನ್ನ ಸ್ನೇಹಿತರಿಗೆ ಮತ್ತು ಶಾಲಾ ಸ್ನೇಹಿತರಿಗೆ ನಾನು ಅವರನ್ನು ಪ್ರೀತಿಸುತ್ತಿದ್ದೆ ಎಂದು ತಿಳಿಸಿ. ಎಲ್ಲರನ್ನೂ ಮಿಸ್ ಮಾಡುತ್ತೇನೆ – ಗುಡ್‌ಬೈ ಅಮ್ಮ.” ಎಂದು ಬರೆದಿದ್ದಾನೆ.

ಗಾಂಧಾರ್ನ ತಂದೆ ಗಣೇಶ್ ಪ್ರಸಾದ್ ಮಂಗಳೂರಿನ ಕದ್ರಿ ಮೂಲದ ಪ್ರಸಿದ್ಧ ಸಂಗೀತ ಕಲಾವಿದರು. ತಾಯಿ ಸವಿತಾ, ತಮ್ಮ ಕಂಚಿನ ಕಂಠದಿಂದ ಜಾನಪದ ಗೀತ ಗಾಯನ ಮತ್ತು ಪೂಜಾ ಕುಣಿತದ ಮೂಲಕ ನಾಡಿನಾದ್ಯಂತ ಹೆಸರುವಾಸಿಯಾದವರು. ಇವರ ಹಿರಿಯ ಮಗ ಜಿ.ಬಸಂತ್ ಕೂಡ ಸಂಗೀತ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದು, ಇಡೀ ಕುಟುಂಬವೇ ಕಲಾ ಸೇವೆಗೆ ಮುಡಿಪಾಗಿತ್ತು. ಇಂತಹ ಕಲಾ ಕುಟುಂಬದ ಕಿರಿಯ ಕುಡಿ, ನಗುವ ವಯಸ್ಸಿನಲ್ಲೇ ಬದುಕಿಗೆ ವಿದಾಯ ಹೇಳಿರುವುದು ತೀವ್ರ ಆಘಾತವನ್ನುಂಟುಮಾಡಿದೆ.

ಆಸ್ಟ್ರೇಲಿಯಾದಲ್ಲಿರುವ ತಾಯಿಗೆ ಮಾಹಿತಿ:
ವಿಪರ್ಯಾಸವೆಂದರೆ, ಮಗ ಸಾವಿಗೆ ಶರಣಾದಾಗ ತಾಯಿ ಸವಿತಾ ಅವರು ಕಾರ್ಯಕ್ರಮವೊಂದಕ್ಕಾಗಿ ಆಸ್ಟ್ರೇಲಿಯಾಕ್ಕೆ ತೆರಳಿದ್ದರು. ಅವರಿಗೆ ಈ ದುರಂತದ ಸುದ್ದಿ ತಿಳಿಸಲಾಗಿದ್ದು, ಅವರು ಹಿಂತಿರುಗಿದ ಬಳಿಕವೇ ಗಾಂಧಾರ್ನ ಮರಣೋತ್ತರ ಪರೀಕ್ಷೆ ನಡೆಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಮಗನ ಅಂತಿಮ ದರ್ಶನ ಪಡೆಯಲು ತಾಯಿ ಪಡುತ್ತಿರುವ ವೇದನೆ ಅಷ್ಟಿಷ್ಟಲ್ಲ.

ಸದ್ಯ, ಪೊಲೀಸರು ಡೆತ್ನೋಟ್ ವಶಪಡಿಸಿಕೊಂಡು, ಗಾಂಧಾರ್ನ ಸ್ನೇಹಿತರು ಮತ್ತು ಶಾಲೆಯಲ್ಲಿ ವಿಚಾರಣೆ ನಡೆಸಿ ಸಾವಿನ ಹಿಂದಿನ ನೈಜ ಕಾರಣವನ್ನು ಪತ್ತೆಹಚ್ಚುವ ಪ್ರಯತ್ನದಲ್ಲಿದ್ದಾರೆ. ನಗುತ್ತಾ, ಆಡುತ್ತಾ ಇರಬೇಕಾದ ವಯಸ್ಸಿನಲ್ಲಿ ಬಾಲಕನೊಬ್ಬ ಇಂತಹ ಕಠೋರ ನಿರ್ಧಾರ ತೆಗೆದುಕೊಂಡಿದ್ದು ಯಾಕೆ ಎಂಬ ಪ್ರಶ್ನೆ ಮಾತ್ರ ಉತ್ತರ ಸಿಗದೆಯೇ ಉಳಿದಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:14 ವರ್ಷದ ಹುಡುಗ14-year-old boy7ನೇ ತರಗತಿ ವಿದ್ಯಾರ್ಥಿಡೆತ್‌ ನೋಟ್‌ಆತ್ಮಹತ್ಯೆಬೆಂಗಳೂರುSuicide

Up Next

Tesla-ಆರ್ಥಿಕ ಸವಾಲುಗಳ ನಡುವೆಯೂ ಎಲಾನ್ ಮಸ್ಕ್‌ಗೆ ಟೆಸ್ಲಾದಿಂದ $29 ಬಿಲಿಯನ್ ಮೌಲ್ಯದ ಷೇರು ಕೊಡುಗೆ

Don't Miss

SIT team-ಪ್ರಜ್ವಲ್ ರೇವಣ್ಣ ಪ್ರಕರಣ ಭೇದಿಸಿದ ಎಸ್ಐಟಿ ತಂಡಕ್ಕೆ ರಾಷ್ಟ್ರಪತಿ ಪದಕಕ್ಕೆ ಶಿಫಾರಸ್ಸು : ಯಾರೆಲ್ಲ ಇದ್ದರು ಆ ತಂಡದಲ್ಲಿ ಗೊತ್ತೇ..?