ಕಡಬ ತಾಲೂಕಿನ ಕುದ್ಮಾರು ಗ್ರಾಮದ ಶಾಂತಿಮೊಗರು ಎಂಬಲ್ಲಿ ಕುಮಾಧಾರ ನದಿಗೆ ನಿರ್ಮಾಣವಾಗಿರುವ ಬೃಹತ್‌ ಕಿಂಡಿ ಅಣೆಕಟ್ಟೆಯ ಗೇಟುಗಳನ್ನು ಕಿಡಿಗೇಡಿಗಳು ತೆಗೆದ ಕಾರಣ ಅಣೆಕಟ್ಟೆಯಲ್ಲಿದ್ದ ನೀರು ಬರಿದಾಗಿದ್ದು ಸರಿಪಡಿಸದ ಅಧಿಕಾರಿಗಳ ವಿರುದ್ದ ರೈತರು ಆಕ್ರೋಶ ವ್ಯಕ್ತಪಡಿಸಿದ್ದು, ಮೇ.10 ರಂದು ಶಾಂತಿಮೊಗರು ಸೇತುವೆಯ ಮೇಲೆ ಪ್ರತಿಭಟನೆಗೆ ನಿರ್ಧರಿಸಿದ್ದಾರೆ.

ಕಡಬದಲ್ಲಿ ಬುಧವಾರದಂದು ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ ಆಲಂಕಾರಿನ ರೈತ ಮುಖಂಡ ಜನಾರ್ಧನ ಕಯ್ಯಪೆ ಅವರು ಅಧಿಕಾರಿಗಳಿಗೆ,ಸುಳ್ಯ ಶಾಸಕಿಯವರಿಗೆ ಮನವಿ ಸಲ್ಲಿದರೂ ಯಾವುದೇ ಸ್ಪಂದನೆ ಇಲ್ಲ.ಹೀಗಾಗಿ ಪಕ್ಷಾತೀತವಾಗಿ ರೈತರು, ಸಾರ್ವಜನಿಕರು ಶಾಂತಿಮೊಗರುವಿನಲ್ಲಿ ರಸ್ತೆ ತಡೆದು ಪ್ರತಿಭಟನೆ ನಡೆಸಲಾಗುವುದು. ಸ್ಥಳಕ್ಕೆ ಸಂಬಂದಪಟ್ಟವರು ಅಗಮಿಸಿ ಸೂಕ್ತ ಕ್ರಮಕೈಗೊಳ್ಳುವ ತನಕ ಪ್ರತಿಭಟನಕಾರು ಕದಲುವುದಿಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ.

alt="Ad Widget"/>

ಈ ಕಿಂಡಿ ಆಣೆಕಟ್ಟದಲ್ಲಿ ನೀರು ನಿಂತರೇ ಸುತ್ತಲಿನ 12 ಕಿಮೀ ದೂರದವರೆಗೆ ಕೆರೆ, ಬಾವಿ ಬೋರ್ವೆಲ್ ಗಳಲ್ಲಿ ನೀರು ಶೇಖರಣೆ ಆಗ್ತದೆ ಎಂದು ಅಧಿಕಾರಿಗಳೇ ಈ ಮೊದಲು ಮಾಹಿತಿ ನೀಡಿದ್ದರು. ಮರಳು ದಂಧೆಕೋರರಿಂದ ಆಣೆಕಟ್ಟದಲ್ಲಿ ನೀರು ನಿಲ್ಲದಂತಾಗಿದೆ.ಅಣೆಕಟ್ಟು ಸಮರ್ಪಕವಾಗಿ ನಿರ್ವಹಿಸಿ ಇಲ್ಲವೇ ರೈತರಿಗೆ ಬಿಟ್ಟು ಕೊಡಿ ಎಂದ ಅವರು, ಕುಡಿಯುವ ನೀರಿನ ಉದ್ದೇಶದಿಂದ ರೈತರಿಗೆ ಕೃಷಿ ಉಪಯೋಗಕ್ಕೆಂದು ಕೋಟಿಗಟ್ಟಲೆ ಸರ್ಕಾರ ಹಣ ವಿನಿಯೋಗಿಸಿ ನಿರ್ಮಾಣವಾದ ಕಿಂಡಿ ಅಣೆಕಟ್ಟು ನಿರ್ವಹಣೆ ಮಾಡದೆ ಉಪಯೋಗವಾಗುತ್ತಿಲ್ಲ.

<>

ಕಳೆದ ಮಾರ್ಚ್ ನಲ್ಲಿ ರೈತರ ಒತ್ತಾಯದ ಮೇರೆಗೆ ಗೇಟ್ ಅಳವಡಿಸಿ ನೀರು ಶೇಖರಣೆಗೊಂಡಾಗ ಕಿಡಿಗೇಡಿಗಳು ನೀರು ಪೋಲಾಗುವಂತೆ ಮಾಡಿದ್ದಾರೆ .ಇದಕ್ಕೆ ಆ ಭಾಗದಲ್ಲಿ ನಡೆಯುತ್ತಿದ್ದ ಅಕ್ರಮ ಮರಳುಗಾರಿಕೆಯೇ ಕಾರಣವಾಗಿತ್ತು ಎಂದಿದ್ದಾರೆ. ಈ ಬಗ್ಗೆ ಅಧಿಕಾರಿಗಳು ಪೊಲೀಸರಿಗೆ ದೂರು ನೀಡುವುದಾಗಿ ಹೇಳಿಕೊಂಡರೂ ಯಾವೂದೇ ದೂರು ದಾಖಲಾಗಿಲ್ಲ. ಮತ್ತೆ ಗೇಟ್ ಅಳವಡಿಸಿ ಎಂದು ಕೆಳಿಕೊಂಡಿದ್ದೇವೆ. ಈ ಬಗ್ಗೆ ಸುಳ್ಯ ಶಾಸಕಿ ಭಾಗೀರಥಿ ಮುರುಳ್ಯ ಅವರಿಗೂ ಮನವಿ ಮಾಡಲಾಗಿದೆ ಇದಕ್ಕೆ ಯಾವೂದೆ ಸ್ಪಂದನೆ ಇಲ್ಲ, ಈ ಬಾರಿ ನೀರಿನ ಭರ ಹೆಚ್ಚಾಗಿದೆ .

ಬಯಲು ಸೀಮೆಯಂತೆ ಈ ಭಾಗದಲ್ಲೂ ನೀರಿನ ಹಾಹಾಕರ ಶುರುವಾಗಿದೆ. ಕೃಷಿಗೆ ನೀರು ಸಂಕಷ್ಟಪಡುವಂತಾಗಿದೆ ಎಂದರು . ಪತ್ರಿಕಾಗೋಷ್ಠಿಯಲ್ಲಿ ಹರೀಶ್ ಗೌಡ ಎಂತಡ್ಕ, ಸಂದೀಪ್ ಪಾಂಜೋಡಿ ಮೊದಲಾದವರು ಇದ್ದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:Bhagirathi MurulyaDamKadabaShanthimogaru

Up Next

MSc student-2ನೇ ಸೆಮಿಸ್ಟರ್‌ ಪರೀಕ್ಷೆ ಬರೆದು ಕಾಣೆಯಾದ ಎಂಎಸ್ಸಿ ವಿದ್ಯಾರ್ಥಿನಿ

Don't Miss

Shanthimogaru Dam | ಸಾವಿರಾರು ರೈತರಿಗೆ ಉಪಯೋಗವಾಗಬೇಕಿದ್ದ ಶಾಂತಿಮೊಗರು ಬೃಹತ್ ಕಿಂಡಿ ಆಣೆಕಟ್ಟು ಅಕ್ರಮ ಮರಳು ದಂಧೆಕೋರರಿಂದ ನೀರು ನಿಲ್ಲದಂತಾಗಿದೆ – ಮನವಿ ಮಾಡಿದರೂ ಶಾಸಕಿ ಮೌನ ..! ಆಣೆಕಟ್ಟ ನಿರ್ವಹಣ ಮಾಡಿ ಇಲ್ಲವೇ ರೈತರಿಗೆ ಬಿಟ್ಟುಕೊಡಿ : ರೈತರಿಂದ ಮೇ.10 ರಂದು ಶಾಂತಿಮೊಗರು ಸೇತುವೆಯ ಮೇಲೆ ರಸ್ತೆ ತಡೆದು ಬೃಹತ್ ಪ್ರತಿಭಟನೆ