*ಮಗು ಮತ್ತು ತಾಯಿ ನಡುವಿನ ಚರ್ಮದಿಂದ ಚರ್ಮಕ್ಕೆ ಸಂಪರ್ಕ ಹಾಗೂ ಬಾಂಧವ್ಯ ಜಾಸ್ತಿ ಆದ ಹಾಗೆ ದೈಹಿಕ ಆರೋಗ್ಯ ಉತ್ತೇಜನಗೊಳ್ಳುತ್ತದೆ. ಮಗುವಿಗೆ ತಾಯಿಯ ಹಾಲು ಸಿಗುತ್ತದೆ.

*ಅವಧಿಪೂರ್ವ ಶಿಶುಗಳ ವಿಶೇಷ ಅಗತ್ಯಗಳ ಕುರಿತು ಆರೋಗ್ಯ ಸಿಬಂದಿ ಮತ್ತು ಶಿಶುವಿನ ಕುಟುಂಬಸ್ಥರ ನಡುವೆ ಉತ್ತಮ ಸಂಪರ್ಕ ನಡೆಸಿ ಉತ್ತಮ ಭಾವನಾತ್ಮಕ ಬೆಂಬಲ ನೀಡುವುದು.

*ಸರಿಯಾದ ವೈದ್ಯಕೀಯ ಸೌಲಭ್ಯ ಮತ್ತು ಶುಶ್ರೂಷೆ ದೊರೆತರೆ ನವಜಾತ ಶಿಶುಗಳು ಅತ್ಯಂತ ಕಷ್ಟಕರ ಸಂದರ್ಭಗಳಲ್ಲಿಯೂ ಖಚಿತವಾಗಿ ಬದುಕುಳಿಯುತ್ತವೆ ಮತ್ತು ಅಭಿವೃದ್ಧಿ ಹೊಂದುತ್ತವೆ ಎಂದು ಎಲ್ಲರಿಗೂ ತಿಳಿವಳಿಕೆ ನೀಡುವುದು.

ಕಾಂಗರೂ ಆರೈಕೆಯ ವಿಧಾನಗಳು:

*ಶಿಶುವಿನ ಬಟ್ಟೆಗಳನ್ನು ಕಳಚಿ: ಮಗುವಿಗೆ ಡಯಾಪರ್‌ ಮಾತ್ರವಷ್ಟೇ ಇರಿಸಿ ಉಳಿದ ಬಟ್ಟೆ ತೆಗೆಯಿರಿ. ಶಿಶುವಿನ ದೇಹೋಷ್ಣ ಕಾಪಾಡಿಕೊಳ್ಳುವುದಕ್ಕಾಗಿ ಕೊಠಡಿ ಬೆಚ್ಚಗೆ ಇರಲಿ.

*ಶಿಶುವನ್ನು ಸ್ಥಿತಗೊಳಿಸಿ: ಮೃದುವಾದ ಬಟ್ಟೆ ಅಥವಾ ಬ್ಲಾಂಕೆಟ್‌ನ್ನು ಶಿಶುವಿನ ಮೇಲೆ ಹೊದೆಸಿ ಸರಿಯಾಗಿ ಮಲಗಿಸಿಕೊಳ್ಳಿ ಮತ್ತು ಅದರ ದೇಹೋಷ್ಣ ಕಾಪಾಡಿಕೊಳ್ಳಿ.

*ನಿಮ್ಮ ಬಟ್ಟೆ ಹೊಂದಿಸಿಕೊಳ್ಳಿ: ಸಡಿಲವಾದ ಅಂಗಿ ಅಥವಾ ಕುಪ್ಪಸ ಧರಿಸಿ. ಬೇಬಿ ಸ್ಲಿಂಗ್‌ ಅಥವಾ ರ್ಯಾಪ್‌ ಉಪಯೋಗಿಸಿ ಶಿಶುವನ್ನು ಸರಿಯಾಗಿ ಮಲಗಿಸಿಕೊಳ್ಳಬಹುದು.

*ನಿಮ್ಮ ಕೈಗಳನ್ನು ತೊಳೆದುಕೊಳ್ಳಿ: ಯಾವುದೇ ಸಂಭಾವ್ಯ ಸೋಂಕಿನ ಅಪಾಯದಿಂದ ಪಾರಾಗಲು ನಿಮ್ಮ ಕೈಗಳನ್ನು ಸ್ವತ್ಛವಾಗಿ ತೊಳೆದುಕೊಳ್ಳಬೇಕು.

*ಚರ್ಮದ ನೇರ ಸಂಪರ್ಕ ಇರಲಿ: ಎಷ್ಟು ಸಾಧ್ಯವೋ ಅಷ್ಟು ಸಮಯ ಶಿಶುವಿಗೆ ನಿಮ್ಮ ದೇಹದ ನೇರ ಸಂಪರ್ಕ ಸಿಗಬೇಕು. ಕಾಂಗರೂ ತಾಯಿ ಆರೈಕೆಯನ್ನು ಸತತವಾಗಿ ಹಲವು ತಾಸುಗಳ ಕಾಲ ಒದಗಿಸಬಹುದಾಗಿದೆ. ಈ ಅವಧಿಯಲ್ಲಿ ಶಿಶುವಿನ ಜತೆಗೆ ಮಾತನಾಡುವುದು, ಮುದ್ದಿಸುವುದರ ಮೂಲಕ ಆತ್ಮೀಯ ಸಂಬಂಧವನ್ನು ಬೆಸೆಯಬಹುದು.

*ನಿಮ್ಮ ಶಿಶುವನ್ನು ಮಲಗಿಸಿಕೊಳ್ಳಿ: ಮಗುವನ್ನು ನಿಮ್ಮ ಎದೆಯ ಮೇಲೆ ನೇರ ದೇಹಸಂಪರ್ಕ ಇರುವಂತೆ ಮಲಗಿಸಿಕೊಳ್ಳಿ. ಶಿಶುವಿನ ತಲೆ ನಿಮ್ಮ ಎದೆಯ ಮೇಲಿದ್ದು, ಕಾಲುಗಳು ಕೆಳಗೆ ಇರುವಂತೆ ನೇರವಾಗಿ ಮಲಗಿಸಿಕೊಳ್ಳಬೇಕು. ಉಸಿರಾಟ ನಡೆಸಲು ಅನುವಾಗುವಂತೆ ಮಗುವಿನ ತಲೆ ಒಂದು ಪಾರ್ಶ್ವಕ್ಕಿರಬೇಕು.

*ನಿಮ್ಮ ಬಟ್ಟೆ ಹೊಂದಿಸಿಕೊಳ್ಳಿ: ಸಡಿಲವಾದ ಅಂಗಿ ಅಥವಾ ಕುಪ್ಪಸ ಧರಿಸಿ. ಬೇಬಿ ಸ್ಲಿಂಗ್‌ ಅಥವಾ ರ್ಯಾಪ್‌ ಉಪಯೋಗಿಸಿ ಶಿಶುವನ್ನು ಸರಿಯಾಗಿ ಮಲಗಿಸಿಕೊಳ್ಳಬಹುದು.

*ಚರ್ಮದ ನೇರ ಸಂಪರ್ಕ ಇರಲಿ: ಎಷ್ಟು ಸಾಧ್ಯವೋ ಅಷ್ಟು ಸಮಯ ಶಿಶುವಿಗೆ ನಿಮ್ಮ ದೇಹದ ನೇರ ಸಂಪರ್ಕ ಸಿಗಬೇಕು. ಕಾಂಗರೂ ತಾಯಿ ಆರೈಕೆಯನ್ನು ಸತತವಾಗಿ ಹಲವು ತಾಸುಗಳ ಕಾಲ ಒದಗಿಸಬಹುದಾಗಿದೆ. ಈ ಅವಧಿಯಲ್ಲಿ ಶಿಶುವಿನ ಜತೆಗೆ ಮಾತನಾಡುವುದು, ಮುದ್ದಿಸುವುದರ ಮೂಲಕ ಆತ್ಮೀಯ ಸಂಬಂಧವನ್ನು ಬೆಸೆಯಬಹುದು.

*ಎದೆಹಾಲು ಉಣಿಸುವುದು: ನಿಮ್ಮ ಶಿಶು ಸಿದ್ಧವಾಗಿದ್ದು, ಎದೆಹಾಲು ಕುಡಿಯಲು ಶಕ್ತವಾಗಿದ್ದಲ್ಲಿ ಕಾಂಗರೂ ತಾಯಿ ಆರೈಕೆ ಒದಗಿಸುತ್ತಿರುವಾಗಲೇ ಎದೆಹಾಲು ಕುಡಿಸಬಹುದು. ದೇಹದ ನೇರ ಸಂಪರ್ಕವು ಎದೆಹಾಲು ಕುಡಿಯಲು ಉತ್ತೇಜನ ಒದಗಿಸುತ್ತದೆ ಮತ್ತು ಇದರಿಂದ ಶಿಶುವಿಗೆ ಜೀವಾಧಾರವಾಗಿರುವ ಪೋಷಕಾಂಶಗಳು ಲಭ್ಯವಾಗುತ್ತವೆ.

*ಶಿಶುವಿನ ಮೇಲೆ ನಿಗಾ ಇರಿಸಿ: ಶಿಶುವಿನ ದೇಹೋಷ್ಣ, ಉಸಿರಾಟ ಮತ್ತು ಒಟ್ಟಾರೆ ಕ್ಷೇಮದ ಬಗ್ಗೆ ನಿಕಟವಾಗಿ ಗಮನ ಇರಿಸಿ. ಶಿಶು ಆರಾಮವಾಗಿ ಉಸಿರಾಟ ನಡೆಸುತ್ತಿದೆ ಮತ್ತು ದೇಹೋಷ್ಣವು ಸ್ಥಿರವಾಗಿದೆ ಎಂಬುದನ್ನು ಖಾತರಿಪಡಿಸಿಕೊಳ್ಳಿ.

ಕಾಂಗರೂ ಆರೈಕೆ ವಿಧಾನ ಬಳಸುವುದರಿಂದ ತಾಯಿಗೆ ಆಗುವ ಪ್ರಯೋಜನಗಳು:

*ದೇಹ -ದೇಹಗಳ ನಡುವೆ ನಿಕಟವಾದ ಸಂಪರ್ಕದಿಂದ ತಾಯಿ-ಮಗುವಿನ ಸಂಬಂಧ ಬಲವತ್ತರಗೊಳ್ಳುತ್ತದೆ, ಇದರಿಂದ ಸಂಬಂಧ ಮತ್ತು ಆತ್ಮೀಯತೆಯ ಭಾವ ಬಿಗಿಯಾಗುತ್ತದೆ.

*ಶಿಶುವಿನ ಜತೆಗೆ ಬಂಧ ಮತ್ತು ಸಂಬಂಧ: ಕಾಂಗರೂ ತಾಯಿ ಆರೈಕೆಯು ತಾಯಿ (ಅಥವಾ ಆರೈಕೆದಾರರು) ಮತ್ತು ಶಿಶುವಿನ ನಡುವೆ ಬಲವಾದ ಭಾವನಾತ್ಮಕ ಬಂಧ ಬೆಳೆಯಲು ಕಾರಣವಾಗುತ್ತದೆ.

*ಎದೆಹಾಲೂಡುವಿಕೆಗೆ ಹೆಚ್ಚು ಒತ್ತು: ಕಾಂಗರೂ ತಾಯಿ ಆರೈಕೆಯು ಎದೆಹಾಲೂಡುವಿಕೆಯನ್ನು ಪ್ರೋತ್ಸಾಹಿಸುತ್ತದೆ ಮತ್ತು ಬೆಂಬಲಿಸುತ್ತದೆ. ತಾಯಿಯ ಸ್ತನಗಳಿಗೆ ನಿಕಟ ಸಂಪರ್ಕ ಹೊಂದಿರುವುದರಿಂದ ಎದೆಹಾಲೂಡುವಿಕೆಯ ಆರಂಭ ಮತ್ತು ಉತ್ತಮ ಎದೆಹಾಲು ಸರಬರಾಜು ಸಾಧ್ಯವಾಗುತ್ತದೆ. ಇದರಿಂದ ಯಶಸ್ವಿಯಾದ ಮತ್ತು ಹೆಚ್ಚು ದೀರ್ಘ‌ವಾದ ಎದೆಹಾಲು ಊಡುವ ಅನುಭವ ಒದಗುತ್ತದೆ.

*ಆತ್ಮವಿಶ್ವಾಸ ವರ್ಧನೆ: ಕಾಂಗರೂ ತಾಯಿ ಆರೈಕೆಯ ಮುಖಾಂತರ ಶಿಶುವಿನ ಆರೈಕೆ ಮಾಡುವುದರಿಂದ ತಾಯಿಗೆ ತನ್ನ ಶಿಶುವಿನ ಅದರಲ್ಲೂ ಅವಧಿಪೂರ್ವ ಜನಿಸಿದ ಮತ್ತು ಕಡಿಮೆ ದೇಹತೂಕ ಹೊಂದಿರುವ ಶಿಶುವಿನ ಆರೈಕೆ ಮಾಡಬಲ್ಲೆ, ಚೆನ್ನಾಗಿ ನೋಡಿಕೊಳ್ಳಬಲ್ಲೆ ಎಂಬ ಆತ್ಮವಿಶ್ವಾಸ ವರ್ಧಿಸುತ್ತದೆ.

*ಎದೆಹಾಲು ಉತ್ಪಾದನೆ ಉತ್ತಮಗೊಳ್ಳುತ್ತದೆ: ತಾಯಿ ಮತ್ತು ಶಿಶು ದೇಹಗಳ ನಡುವೆ ನಿಕಟ ಸಂಪರ್ಕ ಮತ್ತು ಶಿಶುವಿನ ಇರುವಿಕೆಯು ಒದಗಿಸುವ ಪ್ರಚೋದನೆಗಳಿಂದಾಗಿ ಎದೆಹಾಲು ಉತ್ಪಾದನೆ ಸುಗಮ ಮತ್ತು ಸರಾಗವಾಗುತ್ತದೆ, ಇದು ಶಿಶುವಿಗೆ ವಿಶ್ವಾಸಾರ್ಹ ಪೌಷ್ಟಿಕಾಂಶ ಮೂಲವಾಗಿರುತ್ತದೆ.

ಸಾಮಾಜಿಕ-ಆರ್ಥಿಕ ಪ್ರಯೋಜನಗಳು

*ಆರೋಗ್ಯ ಸೇವಾ ವೆಚ್ಚ ಇಳಿಕೆ:
ಈ ಆರೈಕೆಯಿಂದ ಅವಧಿಪೂರ್ವ ಮತ್ತು ಕಡಿಮೆ ದೇಹತೂಕದೊಂದಿಗೆ ಜನಿಸಿದ ಶಿಶುಗಳ ಆಸ್ಪತ್ರೆವಾಸದ ಅವಧಿ ಕಡಿಮೆಯಾಗುವುದು ಸಾಧ್ಯ. ಇದರಿಂದ ಕುಟುಂಬಗಳು ಮತ್ತು ಆರೋಗ್ಯ ಸೇವಾ ವ್ಯವಸ್ಥೆಗಳ ಮೇಲೆ ಆರ್ಥಿಕ ಹೊರೆ ಕಡಿಮೆಯಾಗುತ್ತದೆ. ನಿಯೋನೇಟಲ್‌ ಇಂಟೆನ್ಸಿವ್‌ ಕೇರ್‌ ಘಟಕಗಳಲ್ಲಿ ಇರಬೇಕಾದ ಅವಧಿ ಕಡಿಮೆಯಾಗುವುದು ಹಾಗೂ ವೈದ್ಯಕೀಯ ಚಿಕಿತ್ಸೆ ಹಾಗೂ ಔಷಧಗಳ ವೆಚ್ಚ ಕಡಿಮೆಯಾಗುವುದರಿಂದ ಇದು ಸಾಧ್ಯವಾಗುತ್ತದೆ.
ಸಂಕೀರ್ಣ ಸಮಸ್ಯೆಗಳು ಕಡಿಮೆಯಾಗುತ್ತವೆ: ಅವಧಿಪೂರ್ವ ಶಿಶುಗಳಲ್ಲಿ ಸಾಮಾನ್ಯ ಸಂಕೀರ್ಣ ಆರೋಗ್ಯ ಸಮಸ್ಯೆಗಳಾಗಿರುವ ರೆಸ್ಪಿರೇಟರಿ ಡಿಸ್ಟ್ರೆಸ್‌ ಸಿಂಡ್ರೋಮ್‌, ಸೋಂಕುಗಳು ಮತ್ತು ಸೆಪ್ಸಿಸ್‌ ತಲೆದೋರುವ ಸಾಧ್ಯತೆಗಳು ಕಾಂಗರೂ ತಾಯಿ ಆರೈಕೆಯಿಂದಾಗಿ ಕಡಿಮೆಯಾಗುತ್ತವೆ. ಇದರಿಂದಲೂ ವೈದ್ಯಕೀಯ ವೆಚ್ಚ ಕಡಿಮೆಯಾಗುತ್ತದೆಯಲ್ಲದೆ, ಆರೋಗ್ಯ ಸೇವಾ ವ್ಯವಸ್ಥೆಗಳ ಮೇಲೆ ಹೊರೆ ತಗ್ಗುತ್ತದೆ.
ದೀರ್ಘ‌ಕಾಲೀನವಾಗಿ ಮಿತವ್ಯಯಿ: ಉತ್ತಮ ನರಶಾಸ್ತ್ರೀಯ ಬೆಳವಣಿಗೆ ಮತ್ತು ದೀರ್ಘ‌ಕಾಲೀನ ಆರೋಗ್ಯ ಸಮಸ್ಯೆಗಳ ಇಳಿಕೆ ಸಹಿತ ಕಾಂಗರೂ ತಾಯಿ ಆರೈಕೆಯಿಂದಾಗಿ ತಾಯಿ ಮತ್ತು ಶಿಶುವಿನ ಮೇಲೆ ಉಂಟಾಗುವ ಧನಾತ್ಮಕ ಪರಿಣಾಮಗಳು ಕಡಿಮೆ ವೈದ್ಯಕೀಯ ಸೇವಾ ವೆಚ್ಚ, ವಿಶೇಷ ಶಿಕ್ಷಣ ಮತ್ತು ಸಾಮಾಜಿಕ ನೆರವು ಸೇವೆಗಳಂತಹ ಅಗತ್ಯಗಳನ್ನು ಕಡಿಮೆಗೊಳಿಸುವ ಮೂಲಕ ದೀರ್ಘ‌ಕಾಲೀನವಾಗಿ ಕುಟುಂಬ ಮತ್ತು ಸಮಾಜದ ಮೇಲೆ ಹೊರೆಯನ್ನು ತಗ್ಗಿಸುತ್ತದೆ.