ವಿಟ್ಲ: ಉಡುಪಿ – ಕಾಸರಗೋಡು 440 ಕೆವಿ ವಿದ್ಯುತ್ ಪ್ರಸರಣ ಮಾರ್ಗ ಕಾಮಗಾರಿಗೆ ಸಂಬಂಧಿಸಿ ಬಂಟ್ವಾಳ ತಾಲೂಕು ವ್ಯಾಪ್ತಿಯ ಜಮೀನಿನ ಸರ್ವೇ ಮಾಡಲು ಕರ್ನಾಟಕ ಉಚ್ಚ ನ್ಯಾಯಾಲಯ ಮಾ 20 ರಂದು  ಸೂಚಿಸಿದೆ. ಹೀಗಾಗಿ ಈ ಕುರಿತು ನ್ಯಾಯಲಯದ ಕದ ತಟ್ಟಿರುವ  69  ಮಂದಿ ಅರ್ಜಿದಾರರು ಸರ್ವೇಕಾರ್ಯಕ್ಕೆ  ಸ್ಪಂದಿಸಬೇಕೆಂದು ಜಿಲ್ಲಾಧಿಕಾರಿಗಳು ಪ್ರಕಟಣೆ ಹೊರಡಿಸಿದ್ದಾರೆ.

ಆದರೇ ಏತನ್ಮಧ್ಯೆ ಇದಕ್ಕೆ ಸಂಬಂಧಿಸಿದಂತೆ ವಿಟ್ಲದ ಚಂದಳಿಕೆಯಲ್ಲಿ  ಕಾರ್ಯಕ್ರಮವೊಂದರಲ್ಲಿ ಪುತ್ತೂರು ಶಾಸಕ ಸಂಜೀವ ಮಠಂದೂರು  ಸುಳ್ಳು ಹೇಳಿಕೆ ನೀಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.  ಉಡುಪಿ – ಕಾಸರಗೋಡು 400 ಕೆ. ವಿ. ವಿದ್ಯುತ್ ಪ್ರಸರಣ ಮಾರ್ಗ ಯೋಜನೆಯನ್ನು ನಿಲ್ಲಿಸುವ ಕಾರ್ಯ ಮಾಡಲಾಗಿದೆ ಎಂದು ಶಾಶಕರು ಇತ್ತೀಚೆಗೆ ಹೇಳಿಕೊಂಡಿದ್ದರು.    ಆದರೆ ಈಗ ಅಧಿಕಾರಿಗಳು ನ್ಯಾಯಾಲಯದ ಆದೇಶವನ್ನು ಹಿಡಿದು ಸರ್ವೆ ಕಾರ್ಯಕ್ಕೆ ಬರುತ್ತಿದ್ದು, ಚುನಾವಣೆಯ ಸಮಯ ಜನರಿಗೆ  ಶಾಸಕರು ಸುಳ್ಳು ಹೇಳಿದರಾ ? ಎಂಬ ಪ್ರಶ್ನೆಗಳು ಉದ್ಭವಿಸಿದೆ.

alt="Ad Widget"/>

ಡಿಸಿ ಹೊರಡಿಸಿದ ಪ್ರಕಟನೆಯಲ್ಲಿ ಏನಿದೆ ?

<>

ಉಚ್ಛ ನ್ಯಾಯಾಲಯದ ಆದೇಶದಂತೆ ತಹಸೀಲ್ದಾರರು, ಭೂದಾಖಲೆಗಳ ಸಹಾಯಕ ನಿರ್ದೇಶಕರು, ಭೂ ದಾಖಲೆಗಳ ಉಪ ನಿರ್ದೇಶಕರು ಹಾಗೂ ತಂಡ ಸರ್ವೆ ಕಾರ್ಯ ನಡೆಸಲು ಯಾವುದೇ ವ್ಯಕ್ತಿ,   ಸಂಸ್ಥೆ, ಸಂಘ ಮತ್ತು ಸಂಘಟನೆಗಳಿಂದ ಅಡಚಣೆ ಮಾಡಬಾರದು. ಸರ್ವೆ ನಡೆಸಲು ಎಲ್ಲರೂ ಸಂಪೂರ್ಣ ಸಹಕರಿಸಬೇಕು. ಇಲ್ಲದೇ ಹೋದಲ್ಲಿ ನ್ಯಾಯಾಲಯದ ಆದೇಶ ಉಲ್ಲಂಘನೆ ಆಗುತ್ತದೆ ಎಂದು ಜಿಲ್ಲಾಧಿಕಾರಿಗಳು ಮಾ.27 ರಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ನ್ಯಾಯಾಲಯ ಮಾ.15 ಹಾಗೂ 20 ರಂದು ವಿಚಾರಣೆಯನ್ನು ನಡೆಸಿ, ಆದೇಶ ಹೊರಡಿಸಿದ ಪ್ರಕಾರ ಮಾ.27 ರಂದು ಬೆಳಗ್ಗೆ 10 ಗಂಟೆಗೆ ತಹಸೀಲ್ದಾರ್ ಅವರ ಸಮ್ಮುಖದಲ್ಲಿ ಹಾಜರಾಗಿ, ಜಮೀನುಗಳಿಗೆ ತಹಸೀಲ್ದಾರರು ಹೋಗಿ, ಡಿಜಿಟಲ್ ಗ್ಲೋಬಲ್ ಪೊಸಿಷನಿಂಗ್ ಸರ್ವೇ ವಿಧಾನ ಬಳಸಿ ತಾಲೂಕು ಸರ್ವೇಯರ್ ಸಮೀಕ್ಷೆಯನ್ನು ನಡೆಸಬೇಕು.  ಮುಂದಿನ ವಿಚಾರಣೆಯ ಸಮಯ ಸಮೀಕ್ಷೆಯ ವರದಿಯನ್ನು ನ್ಯಾಯಾಲಯಕ್ಕೆ ಸಲ್ಲಿಸಬೇಕು. ತಾಲೂಕು ಸರ್ವೇಯರ್ ಸಲ್ಲಿಸುವ ಸಮೀಕ್ಷೆಗೆ ಆಕ್ಷೇಪಣೆ ಸಲ್ಲಿಸಲು ಅರ್ಜಿದಾರರಿಗೆ ಸ್ವಾತಂತ್ಯವನ್ನು ನೀಡಲಾಗಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ದಕ್ಷಿಣ ಕನ್ನಡಪುತ್ತೂರುDakshina KannadaPuttur

Up Next

 ವಿಟ್ಲ : ಅಂಗಡಿಯ ಕೆಲಸದಾಳುವಿನಿಂದ ಮಾಲಕನ ಮನೆಯಲ್ಲಿ ಕಳ್ಳತನ – ಬಂಧನ

Don't Miss

ಪುತ್ತೂರು ಜಾತ್ರೆ – ಆಮಂತ್ರಣ ಪತ್ರಿಕೆ ವಿತರಣೆ