Puttur Bjp Election preparation ಪುತ್ತೂರು : ಮಾ 2 : ಶಾಸಕ ಸಂಜೀವ ಮಠಂದೂರು ( Sanjeeva Matanduru) ಕಾರ್ಯ ವೈಖರಿ ಪುತ್ತೂರು ಕ್ಷೇತ್ರದ ಜನತೆಗೆ ಹಾಗೂ ಪಕ್ಷದ  ಕಾರ್ಯಕರ್ತರಿಗೆ  ಖುಷಿ ತಂದಿದ್ದು ಮುಂದಿನ ಬಾರಿ ಮತ್ತೆ ಇಲ್ಲಿ ಗೆದ್ದು ಬರಲಿದ್ದು ಅಂತರ 30 ಸಾವಿರಕ್ಕೆ ಹಿಗ್ಗಲಿದೆ ಎಂದು ವಿಭಾಗ ಸಹ ಪ್ರಭಾರಿ ಗೋಪಾಲಕೃಷ್ಣ ಹೇರಳೆ ಮಾ 2 ರಂದು ಪತ್ರಿಕಾಗೋಷ್ಟಿಯಲ್ಲಿ  ಹೇಳಿದರು.

ಮುಂದಿನ ವಿಧಾನ ಸಭೆ ಚುನಾವಣೆಗೆ ಪಕ್ಷ ಸಂಪೂರ್ಣ ಸಜ್ಜಾಗಿದ್ದು, ಸಿದ್ದತೆಯ ಬಾಗವಾಗಿ ಮಾ.11ರಂದು ಪುತ್ತೂರಿಗೆ ವಿಜಯಸಂಕಲ್ಪ ಯಾತ್ರೆ ಆಗಮಿಸಲಿದ್ದು, ಸಾರ್ವಜನಿಕ ಸಭೆ ನಡೆಯಲಿದೆ. ಇದರಲ್ಲಿ ರಾಜ್ಯದ ನಾಯಕರು ಭಾಗವಹಿಸಲಿದ್ದಾರೆ. ಮಾ 5 ರಂದು ಬೆಳಿಗ್ಗೆ 10 ಗಂಟೆಗೆ  ಪುತ್ತೂರಿನ ಒಕ್ಕಲಿಗ ಭವನದಲ್ಲಿ ಜಿಲ್ಲಾ ಮಟ್ಟದ ಎಸ್ಟಿ ಸಮಾವೇಶ ನಡೆಯಲಿದೆ ಎಂದರು.

alt="Ad Widget"/>

ನವೆಂಬರ್‌ ನಲ್ಲಿ  ಮಂಗಳೂರಿನಲ್ಲಿ ನಡೆದ ಪ್ರಧಾನಿ ಮೋದಿ ಕಾರ್ಯಕ್ರಮ ಹಾಗೂ ಜನವರಿಯಲ್ಲಿ  ಪುತ್ತೂರಿನಲ್ಲಿ ಜರುಗಿದ ಅಮಿತ್ ಷಾ ಕಾರ್ಯಕ್ರಮದಲ್ಲಿ  ಪುತ್ತೂರಿನ 220 ಮತಗಟ್ಟೆಗಳ ಸರಿ ಸುಮಾರು 20 ಸಾವಿರಕ್ಕೂ ಅಧಿಕ ಮಂದಿ ಭಾಗಿಯಾಗಿದ್ದರು. ಡಿಸೆಂಬರ್‌ ತಿಂಗಳಿನಲ್ಲಿ ಬೂತ್‌ ವಿಜಯಿ ಅಭಿಯಾನ ನಡೆದಿತ್ತು. ಈ ಸಂದರ್ಭ ಪ್ರತಿ ಬೂತ್‌ ನಲ್ಲಿ ಪೇಜ್‌ ಪ್ರಮುಖ್‌ ರಚನೆ , ವಾಟ್ಸಾಪ್‌ ಗ್ರೂಪ್‌ ರಚನೆ, ಮನ್‌ ಕಿ ಬಾತ್‌ ಪ್ರದರ್ಶನ, ಕಾರ್ಯಕರ್ತನ ಮನೆಯಲ್ಲಿ ಪಕ್ಷದ ದ್ವಜ ಹಾರಿಸುವ ಕಾರ್ಯಕ್ರಮ ಮಾಡಲಾಗಿತ್ತು. ಜನವರಿಯಲ್ಲಿ ವಿಜಯ ಸಂಕಲ್ಪ ಅಭಿಯಾನ ನಡೆಸಲಾಗಿದ್ದು, ಬೂತ್‌ಮಟ್ಟದಲ್ಲಿ ಜನ ಸಂಪರ್ಕ, ಫಲಾನುಭವಿಗಳ ಸಂಪರ್ಕ, ಶಾಸಕರ ಸಾಧನೆಯ ಕರ ಪತ್ರ ಹಂಚಿಕೆ, ಮನೆಯ ಗೋಡೆಗಳಿಗೆ ಸ್ಟಿಕರ್‌ ಅಂಟಿಸುವ ಕಾರ್ಯ ನಡೆಸಲಾಗಿತ್ತು.

<>

ಮಾರ್ಚ್‌ ಎಫ್ರಿಲ್‌ ತಿಂಗಳಿನಲ್ಲಿ ರಾಜ್ಯದಾದ್ಯಂತ  ವಿಜಯ ಸಂಕಲ್ಪ ಯಾತ್ರೆ, ಮೋರ್ಚಾಗಳ ಯಾತ್ರೆ, ಫಲಾನುಭವಿಗಳ ಸಮಾವೇಶ, ರಾಜ್ಯ ಹಾಗೂ ಕೇಂದ್ರಗಳ ಸಾಧನೆಗಳನ್ನು ಪ್ರದರ್ಶಿಸುವ ಪ್ರಗತಿ ರಥ ಡಿಸ್ಪ್ಲೇ ವಾಹನ, ಪ್ರಣಾಳಿಕೆಗೆ ಸಲಹೆ ಪಡೆಯುವ ಅಭಿಯಾನ ಹೀಗೆ ಒಟ್ಟು 5 ಅಂಶಗಳ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಇದರ ಭಾಗವಾಗಿ ಪುತ್ತೂರಿನಲ್ಲಿ ಮಾರ್ಚ್‌ ತಿಂಗಳ ಮೊದಲೆರಡು ವಾರದಲ್ಲಿ ವಿಜಯ ಸಂಕಲ್ಪ ಯಾತ್ರೆ ಹಾಗೂ ಎಸ್ಟಿ ಮೋರ್ಚಾ ಸಮಾವೇಶ ನಡೆಯಲಿದೆ ಎಂದರು.

ಇನ್ನು ಪುತ್ತೂರಿನ ಶಾಶಕ ಮಠಂದೂರುರವರು ಕಳೆದ 5 ವರ್ಷಗಳಲ್ಲಿ ಮಾಡಿದ ಕಾರ್ಯಗಳು ಜನರ ಮೆಚ್ಚುಗೆಗೆ ಪಾತ್ರವಾಗಿದೆ. ವಿಶೇ಼ಷವಾಗಿ ಇಲ್ಲಿನ ಅರ್ಥಿಕತೆಗೆ ಒತ್ತು ಕೊಡುವ ನಿಟ್ಟಿನಲ್ಲಿ ಅಡಿಕೆಯ ಕನಿಷ್ಟ ಆಮದು ಬೆಲೆಯನ್ನು ಹೆಚ್ಚಳಗೊಳಿಸುವಲ್ಲಿ ಮಾಡಿದ ಪ್ರಯತ್ನ ಮತ್ತು ಒಂದು ಸಾವಿರ ಕ್ಕೂ ಅಧಿಕ ಅಕ್ರಮ ಸಕ್ರಮ ಕಡತಗಳನ್ನು ವಿಲೇವಾರಿಗೊಳಿಸಿದ್ದು ಜನಮಾನಸಕ್ಕೆ ಸಂತಸ ತಂದಿದೆ ಎಂದರು

ಪುತ್ತೂರು ಬಿಜೆಪಿಯ ಭದ್ರಕೋಟೆ. ಇಲ್ಲಿ ಹಾಗೂ ಸುಳ್ಯದಲ್ಲಿನ ಪಕ್ಷದ ಸಂಘಟನೆ ರಾಷ್ಟ್ರೀಯ ಮಟ್ಟದಲ್ಲಿ ಮಾದರಿ ಎನಿಸಿದೆ. ಪಕ್ಷವು ಶಿಸ್ತುಬದ್ದವಾಗಿ ಸಂಘಟನಾತ್ಮಕವಾಗಿ ಕಾರ್ಯನಿರ್ವಹಿಸುತ್ತಿದ್ದು ಕಾರ್ಯಶೈಲಿಯಲ್ಲಿ  ಹಾಗೂ ಬದ್ದತೆಯಲ್ಲಿ ರಾಜಿ ಮಾಡಿಕೊಳ್ಳದ ಕಾರಣ ಮುಂದಿನ ಚುನಾವಣೆಯಲ್ಲಿ ಸುಲಭವಾಗಿ ಗೆಲ್ಲಲಿದೆ.ಮುಂದಿನ ದಿನಗಳಲ್ಲಿಯೂ ಕೂಡ ಪುತ್ತೂರು ಬಿಜೆಪಿಯ ಭದ್ರ ಕೋಟೆಯಾಗಿಯೇ ಮುಂದುವರಿಯಲಿದೆ  ಎಂದರು.

ಅಭ್ಯರ್ಥಿ ಬದಲಾವಣೆ ಬಗ್ಗೆ :

ಈ ಬಾರಿ ಅಭ್ಯರ್ಥಿ ಬದಲಾಗುವ ಸಾಧ್ಯತೆಯಿದೆಯೇ ಎಂಬ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದ ಅವರು “  ಈಗ ನಮ್ಮ ಶಾಸಕರು ಸಂಜೀವ ಮಠಂದೂರು. ಅವರ ಅವಧಿ ಮೇಯವರೆಗಿದ್ದು ಅಲ್ಲಿಯವರೆಗೆ ಅವರೇ ನಮ್ಮ  ಅಭ್ಯರ್ಥಿ. ನಮ್ಮದು ರಾಷ್ಟ್ರೀಯ ಪಕ್ಷ .ಹೀಗಾಗಿ ಅಭ್ಯರ್ಥಿ ಆಯ್ಕೆಯ ನಿಟ್ಟಿನಲ್ಲಿ ಸೂಕ್ತ ಸಮಯದಲ್ಲಿ ಸೂಕ್ತ ನಿರ್ಧಾರವನ್ನು ಅದು ತಕ್ಕೊಳುತ್ತದೆ. ಅಭ್ಯರ್ಥಿಗಳ  ಆಯ್ಕೆಯ ಕುರಿತಂತೆ ರಾಜ್ಯದ ಯಾವುದೇ ಕ್ಷೇತ್ರದಲ್ಲಿ  ಚರ್ಚೆಗಳು ಆರಂಭವಾಗಿಲ್ಲ ” ಎಂದರು.

ಸಾಮಾಜಿಕ ಜಾಲತಾಣದಲ್ಲಿ ನಡೆಯುವ ಚರ್ಚೆಗಳ ಕುರಿತು

ಶಾಸಕರ ಹೇಳಿಕೆಯೊಂದರ ಬಳಿಕ ಸಾಮಾಜಿಕ ಜಾಲತಾಣದಲ್ಲಿ  ಕಾರ್ಯಕರ್ತರು ಅಭ್ಯರ್ಥಿ ಕುರಿತಾಗಿ ನಡೆಸುತ್ತಿರುವ ಚರ್ಚೆ ಹಾಗೂ ಬೂತ್‌ ಮಟ್ಟದ ಕಾರ್ಯಕರ್ತರೊಬ್ಬರನ್ನು ಆಶಿಸ್ತಿನ ಕಾರಣಕ್ಕಾಗಿ ಪಕ್ಷದ ಜವಬ್ದಾರಿಯಿಂದ ವಿಮುಕ್ತಗೊಳಿಸಿದ ಬಗ್ಗೆ ಗಮನ ಸೆಳೆದಾಗ ಉತ್ತರಿಸಿದ ಅವರು “ ಪುತ್ತೂರಿನ ಪಕ್ಷದ ಉನ್ನತ ಸಮಿತಿಯಿಂದ ಹಿಡಿದು ಬೂತ್‌ ಮಟ್ಟದವರೆಗೆ ಯಾರಲ್ಲಿಯೂ  ಯಾವುದೇ ಗೊಂದಲಗಳಿಲ್ಲ. ಬಿಜೆಪಿಯ ಕಾರ್ಯಕರ್ತ ಪಕ್ಷದ ಶಿಸ್ತಿಗೆ ಒಳಪಟ್ಟು ಕಾರ್ಯಗಳನ್ನು ಮಾಡುತ್ತಾನೆ. ಶಿಸ್ತನ್ನು ಉಲ್ಲಂಘಿಸಿದ ಸಂದರ್ಭದಲ್ಲಿ ಹಿಂದೆಯೂ ಕೂಡ ಶಿಸ್ತು ಕ್ರಮಗಳನ್ನು ತೆಗೆದುಕೊಂಡ ಉದಾಹರಣೆ ಇಲ್ಲಿದೆ. ಮುಂದೆಯೂ ಕೂಡ ಎಷ್ಟೇ ದೊಡ್ಡ ನಾಯಕನಾದರೂ ಪಕ್ಷದ ಚೌಕಟ್ಟು ಮೀರಿ ವರ್ತಿಸಿದರೆ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು” ಎಂದರು.

ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ಅಧ್ಯಕ್ಷ ಚಣಿಲ ತಿಮ್ಮಪ್ಪ ಶೆಟ್ಟಿ, ನಗರ ಮಂಡಲ ಅಧ್ಯಕ್ಷ ಪಿ. ಜಿ. ಜಗನ್ನಿವಾಸ್ ರಾವ್, ಗ್ರಾಮಾಂತರ ಮಂಡಲ ಅಧ್ಯಕ್ಷ ಸಾಜ ರಾಧಾಕೃಷ್ಟ ಆಳ್ವ, ನಗರ ಸಭೆ ಅಧ್ಯಕ್ಷ ಜೀವಂಧರ ಜೈನ್ ಉಪಸ್ಥಿತರಿದ್ದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಬಿಜೆಪಿಪುತ್ತೂರುಚುನಾವಣೆಚುನಾವಣೆ ಸಿದ್ದತೆBjpDakshina Kannada

Up Next

ಮಾ 4: ನೂರುಲ್‌ ಹುದಾ ಇಸ್ಲಾಮಿಕ್‌ ಆಕಾಡೆಮಿ ಮಾಡನ್ನೂರು : ವಾರ್ಷಿಕ ಮಹಾ ಸಮ್ಮೇಳನ ಹಾಗೂ ಮಜ್ಲಿಸುನ್ನೂರು – ಪ್ರಭಾಷಣ: ಅಂತರಾಷ್ಟ್ರೀಯ ಯುವ ವಾಗ್ಮಿ ಸಿಂಸಾರುಲ್‌ ಹಖ್‌ ಹುದವಿ  

Don't Miss

Koila Farm | ಕೊಯಿಲ ಫಾರ್ಮ್ ನಲ್ಲಿ ಎರಡನೇ ದಿನವೂ ಭಾರಿ ಬೆಂಕಿ ಅವಘಡ : ಬೆಂಕಿ ನಂದಿಸಲು ಹರಸಾಹಸ ಪಡುತ್ತಿರುವ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳು