ಪುತ್ತೂರು : ಫೆ 4 : ಸಂಬಂಧಪಟ್ಟವರಿಗೆ  ಮಾಹಿತಿ ನೀಡದೆ  ಚಿಕ್ಕಮುಡ್ನೂರು ಸರಕಾರಿ ಶಾಲೆಯ ಸಹ  ಶಿಕ್ಷಕಿ ಅಲ್ಲಿನ ಕೆಲ  ವಿದ್ಯಾರ್ಥಿಗಳನ್ನು ಪ್ರವಾಸಕ್ಕೆ ಕರೆದುಕೊಂಡು ಹೋಗಿದ್ದಾರೆ ಎನ್ನಲಾದ ಪ್ರಕರಣದಲ್ಲಿ  ವಿದ್ಯಾರ್ಥಿಗಳು ಫೆ 4 ರಂದು ಸಂಜೆ ಸುರಕ್ಷಿತವಾಗಿ ಶಾಲೆಗೆ ಹಿಂತಿರುಗಿದ್ದಾರೆ. ಶನಿವಾರ ಬೆಳಿಗ್ಗೆ 8 ಗಂಟೆಗೆ  ಶಾಲೆ ಸಮೀಪದ ಅರಿಗ ಎಂಬಲ್ಲಿಂದ ಸಹಶಿಕ್ಷಕಿಯ ಜತೆ ಹೊರಟ್ಟಿದ್ದ  ಈ ವಿದ್ಯಾರ್ಥಿಗಳು ಸಂಜೆ 4 ಗಂಟೆ ಸುಮಾರಿಗೆ ವಾಹನದಲ್ಲಿ ಶಾಲಾ ಅವರಣ ತಲುಪಿರುವುದಾಗಿ ತಿಳಿದು ಬಂದಿದೆ. ಬಸ್ಸಿನಲ್ಲಿ ಒಟ್ಟು  29 ಮಂದಿ ವಿದ್ಯಾರ್ಥಿಗಳು ಇದ್ದರು ಎನ್ನಲಾಗಿದೆ.

ಪುತ್ತೂರು ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗಾಗಲಿ ಅಥಾವ ಅವರ ಕಚೇರಿಗಾಗಲಿ, ಎಸ್ಡಿಎಂಸಿಗೆ, ಮುಖ್ಯ ಶಿಕ್ಷಕರಿಗಾಗಲಿ ತಿಳಿಸದೆ ಸಹ ಶಿಕ್ಷಕಿ ಮಕ್ಕಳನ್ನು ಪ್ರವಾಸ ಕರೆದುಕೊಂಡು ಹೋಗಿರುವುದಾಗಿ ಆರೋಪ ಕೇಳಿ ಬಂದು ಬೆಳಿಗ್ಗೆ ಶಾಲಾ ಅವರಣದಲ್ಲಿ ಗೊಂದಲ ಸೃಷ್ಟಿಯಾಗಿತ್ತು. ಈ ಬಗ್ಗೆ ಕೆಲ ಪೋಷಕರು ಆತಂಕ ವ್ಯಕ್ತಪಡಿಸಿದ ಹಿನ್ನಲೆಯಲ್ಲಿ ಸ್ಥಳೀಯ ಪ್ರಮುಖರು ಶಾಲೆಗೆ ಆಗಮಿಸಿ ವಿಚಾರಣೆ ನಡೆಸಿ ಕ್ಷೇತ್ರ ಶಿಕ್ಷಣಾಧಿಕಾರಿಗೆ ಮಾಹಿತಿ ನೀಡಿದ್ದರು.

alt="Ad Widget"/>

 ದ.ಕ ಜಿ.ಪ ಹಿ. ಪ್ರಾ ಶಾಲೆ ಬಿರ್ನಹಿತ್ಲು ವಿನಲ್ಲಿ ಒಟ್ಟು 58 ವಿದ್ಯಾರ್ಥಿಗಳು ಕಲಿಯುತ್ತಿದ್ದಾರೆ. ಇವರ ಪೈಕಿ 38 ವಿದ್ಯಾರ್ಥಿಗಳು ಶಾಲೆಗೆ ಗೈರಾಗಿದ್ದರು. ಶಾಲೆ ಪಕ್ಕದ ಕೆಮ್ಮಾಯಿಯ ವಿಷ್ಣುಮೂರ್ತಿ ದೇಗುಲದಲ್ಲಿ ಇಂದು ಜಾತ್ರೆ ನಡೆಯುತ್ತಿದ್ದು, ಇದರಲ್ಲಿ ಭಾಗಿಯಾಗುವ ಉದ್ದೇಶದಿಂದ ಕೆಲವರು ರಜೆ ಮಾಡಿದ್ದರು.ಉಳಿದ ವಿದ್ಯಾರ್ಥಿಗಳನ್ನು ಶಾಲೆಯ ಸಹ ಶಿಕ್ಷಕಿಯೊಬ್ಬರು ಪ್ರವಾಸ ಕೈಗೊಂಡಿದ್ದಾರೆ ಎನ್ನುವ ವಿಚಾರ ಬೆಳಕಿಗೆ ಬಂದಿದೆ. ಈ ವೇಳೆ ಸಹ ಶಿಕ್ಷಕಿಯನ್ನು ಸಂಪರ್ಕಿಸಲು ಯತ್ನಿಸಿದಾಗ ಅವರ ಮೊಬೈಲ್‌ ಫೋನಗ ಸ್ವಿಚ್‌ ಆಪ್‌ ಬಂದಿತ್ತು ಎನ್ನಲಾಗಿದ್ದು, ಇದು ಪೋಷಕರ ಆತಂಕಕ್ಕೂ ಕಾರಣವಾಗಿತ್ತು. ಹೀಗಾಗಿ ಶಾಲೆಯಲ್ಲಿ ಗೊಂದಲದ ಸ್ಥಿತಿ ನಿರ್ಮಾಣವಾಗಿತ್ತು.

<>

ಶಾಲೆಯಲ್ಲಿ ಸರ್ಕಾರ ನೇಮಕವಾದ ಇಬ್ಬರು ಶಿಕ್ಷಕರಿದ್ದು, ಮುಖ್ಯ ಶಿಕ್ಷಕರು ಹಾಗೂ ಅತಿಥಿ ಶಿಕ್ಷಕಿ ಹಾರಾಡಿಯಲ್ಲಿ ನಡೆದ ಸಮಾಲೋಚನಾ ಸಭೆಯಲ್ಲಿ ಭಾಗಿಯಾಗಿದ್ದರು. ಓರ್ವ ಅತಿಥಿ ಶಿಕ್ಷಕಿ ಹಾಗೂ ಮೂವರು ಅಕ್ಷರದಾಸೋಹ ಸಿಬ್ಬಂದಿ ಶಾಲೆಯಲ್ಲಿದ್ದು, 58 ವಿದ್ಯಾರ್ಥಿಗಳಿಗೂ ಊಟ ಸಿದ್ದವಾಗಿತ್ತು.

ಶಾಲೆಯಲ್ಲಿ ಸಭೆ:

ಕ್ಷೇತ್ರ ಶಿಕ್ಷಣಾಧಿಕಾರಿ ಲೋಕೇಶ್ ಎಸ್. ಆರ್. ಅವರು ಶಾಲೆಯಲ್ಲಿ ಎಸ್. ಡಿ. ಎಂ. ಸಿ ಅಧ್ಯಕ್ಷೆ ನಳಿನಿ, ಬಿಜೆಪಿ ಶಕ್ತಿ ಕೇಂದ್ರದ ಅಧ್ಯಕ್ಷ ನಾಗೇಶ್ ಟಿ.ಎಸ್., ಕಾರ್ಯದರ್ಶಿ ಚಿದಾನಂದ, ಬನ್ನೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಜಯ ಏಕ, ಸದಸ್ಯರಾದ ರಾಘವೇಂದ್ರ, ತಿಮ್ಮಪ್ಪ ಪೂಜಾರಿ ಮತ್ತಿತರರು ಶಾಲೆಯಲ್ಲಿ ಸಭೆ ನಡೆಸಿ ಮಾಹಿತಿ ಪಡೆದರು.

ವಿದ್ಯಾರ್ಥಿಗಳನ್ನು ಪ್ರವಾಸಕ್ಕೆ ಕರೆದುಕೊಂಡು ಹೋಗಿದ್ದಾರೆನ್ನಲಾದ ಶಿಕ್ಷಕಿಯನ್ನು ಸಂಪರ್ಕಿಸುವ ಪ್ರಯತ್ನ ಮಾಡಿದಾಗ ದೂರವಾಣಿ ಸ್ವಿಚ್ ಆಫ್ ಆಗಿದ್ದಿದ್ದು, ಗೊಂದಲಕ್ಕೆ ಕಾರಣವಾಯಿತು.  ಸಭೆಯ ಬಳಿಕ   ಪುತ್ತೂರು ನಗರ ಠಾಣೆ ಪೊಲೀಸರಿಗೂ ಈ ಕುರಿತು ಮಾಹಿತಿ ನೀಡಲಾಯಿತು. ಇದಾಗಿ ಹಲವು ಗಂಟೆಗಳ ಬಳಿಕ ಬಸ್ಸಿನಲ್ಲಿ ವಿದ್ಯಾರ್ಥಿಗಳು ಹಿಂತುರುಗಿದ್ದಾರೆ.

ಚೀಟಿ ಪತ್ತೆ!

ವಿದ್ಯಾರ್ಥಿಗಳಲ್ಲಿ ಚೀಟಿ ಒಂದು ಪತ್ತೆಯಾಗಿದ್ದು, ಇದರಲ್ಲಿ ಶನಿವಾರ ಬೆಳಗ್ಗೆ 8 ಗಂಟೆಗೆ ಶಾಲೆಗೆ ಬರಬೇಕು, ಬಣ್ಣದ ಅಂಗಿಯನ್ನು ಹಾಕಿಕೊಂಡು ಬರುವ ಜತೆಗೆ ಊಟದ ವ್ಯವಸ್ಥೆಗೆ ಬೇಕಾದನ್ನು ತರಬೇಕು. ಚಾಕಲೇಟ್ ಫ್ಯಾಕ್ಟರಿ, ಸ್ನೇಹ ಶಾಲೆ, ಹನುಮಗಿರಿ, ಬೆಂದ್ರು ತೀರ್ಥ ಹೋಗುವ ಬಗ್ಗೆ ಚೀಟಿಯಲ್ಲಿ  ಉಲ್ಲೇಖಿಸಲಾಗಿತ್ತು.

ಶಿಕ್ಷಕಿಯೊಬ್ಬರು ಯಾವುದೇ ಮಾಹಿತಿಯನ್ನು ನೀಡದೆ ವಿದ್ಯಾರ್ಥಿಗಳು ಪ್ರವಾಸಕ್ಕೆ ಕರೆದುಕೊಂಡು ಹೋಗಿದ್ದರು. ಘಟನೆಯ ಬಗ್ಗೆ ಪೊಲೀಸರಿಗೆ ಮಾಹಿತಿಯನ್ನು ನೀಡಿದ್ದು, ಮಧ್ಯಾಹ್ನದ ಸಮಯ ಶಿಕ್ಷಕಿ ದೂರವಾಣಿಗೆ ಸಿಕ್ಕಿದ್ದು, ತಕ್ಷಣ ಮಕ್ಕಳ ಜತೆಗೆ ಶಾಲೆಗೆ ಆಗಮಿಸುವಂತೆ ಸೂಚನೆ ನೀಡಲಾಗಿದೆ.
|

ಲೋಕೇಶ್ ಎಸ್. ಆರ್. ,ಕ್ಷೇತ್ರ ಶಿಕ್ಷಣಾಧಿಕಾರಿ, ಪುತ್ತೂರು

ಮುಖ್ಯ ಶಿಕ್ಷಕರಿಗೆ ಎಸ್ಡಿಎಂಸಿಗೆ ಹಾಗೂ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಛೇರಿಗೆ ಯಾವುದೇ ಮಾಹಿತಿ ನೀಡದೇ ನಮ್ಮ ಶಾಲೆಯ ಸಹ ಶಿಕ್ಷಕಿ ಮಕ್ಕಳನ್ನು ಪ್ರವಾಸಕ್ಕೆ ಕರೆದುಕೊಂಡು ಹೋಗಿದ್ದಾರೆ. ಇದು ನಿಯಮಕ್ಕೆ ವಿರುದ್ದವಾಗಿದ್ದು ವಿಚಾರವನ್ನು ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಗಮನಕ್ಕೆ ತರಲಾಗಿದೆ. ಸೋಮವಾರ ಎಸ್ಡಿಎಂಸಿ ಸದಸ್ಯರ ಹಾಗೂ ಪೋಷಕರ ಸಭೆ ಕರೆದು ಈ ಕುರಿತು ಚರ್ಚಿಸಿ ನಿರ್ಣಯಕ್ಕೆ ಬಂದು ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಛೇರಿಗೆ ತಿಳಿಸುವಂತೆ ತಿಳಿಸಿದ್ದಾರೆ

ನಳಿನಿ, ಎಸ್ಡಿಎಂಸಿ ಅಧ್ಯಕ್ಷರು

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:Dakshina KannadaPuttur

Up Next

Sunil Kumar | ರಾಜ್ಯ ಸರ್ಕಾರ ದೈವ ನರ್ತಕರಿಗೆ 2000ರೂ. ಮಾಸಾಶನ ಘೋಷಿಸಿ ದಿನ 100 ಕಳೆದರೂ ಇನ್ನೂ ಕೈಸೇರದ ಹಣ : ‘ಕಾಂತಾರ’ದ ಅಬ್ಬರದಲ್ಲಿ ಸಚಿವ ಸುನೀಲ್ ಕುಮಾರ್ ರ ಘೋಷಣೆ ಜಾರಿ ಯಾವಾಗ..?

Don't Miss

Banking Job | ಕರ್ನಾಟಕ ಬ್ಯಾಂಕ್ ನೇಮಕಾತಿಯಲ್ಲಿ ‘ವಿದ್ಯಾಮಾತಾ ಅಕಾಡೆಮಿ’ ಯ ವಿದ್ಯಾರ್ಥಿ ಸುಳ್ಯದ ನಿರಂಜನ್.ಜೆ ಆಯ್ಕೆ – ಸಂಸ್ಥೆಯ ವತಿಯಿಂದ ಸನ್ಮಾನ