ತಮಿಳುನಾಡು ರಾಜಕಾರಣದಲ್ಲಿ ಭಾನುವಾರ (ಮೇ 10) ಒಂದು ಹೊಸ ಸುವರ್ಣ ಯುಗ ಆರಂಭವಾಗಿದೆ. ಸುದೀರ್ಘ ಏಳು ದಶಕಗಳ ಕಾಲ ರಾಜ್ಯವನ್ನು ಆಳಿದ್ದ ಡಿಎಂಕೆ ಮತ್ತು ಎಐಎಡಿಎಂಕೆ ಪಕ್ಷಗಳ ಏಕಸ್ವಾಮ್ಯವನ್ನು ಮುರಿದು, ನಟ ವಿಜಯ್ ನೇತೃತ್ವದ ‘ತಮಿಳಿಗ ವೆಟ್ರಿ ಕಳಗಂ’ (TVK) ಮೈತ್ರಿ ಸರ್ಕಾರ ಅಧಿಕಾರಕ್ಕೇರಿದೆ. ಮುಖ್ಯಮಂತ್ರಿಯಾಗಿ ಸಿ. ಜೋಸೆಫ್ ವಿಜಯ್ ಅವರು ಪ್ರಮಾಣ ವಚನ ಸ್ವೀಕರಿಸಿದ್ದು, ಅವರ ಒಂಬತ್ತು ಮಂದಿ ಸಚಿವರ ತಂಡದಲ್ಲಿ 29 ವರ್ಷದ ಎಸ್. ಕೀರ್ತನಾ ರಾಜ್ಯದ ಗಮನ ಸೆಳೆದಿದ್ದಾರೆ.

ಚೆನ್ನೈ: ತಮಿಳುನಾಡು ರಾಜಕಾರಣದಲ್ಲಿ ಭಾನುವಾರ (ಮೇ 10) ಒಂದು ಹೊಸ ಸುವರ್ಣ ಯುಗ ಆರಂಭವಾಗಿದೆ. ಸುದೀರ್ಘ ಏಳು ದಶಕಗಳ ಕಾಲ ರಾಜ್ಯವನ್ನು ಆಳಿದ್ದ ಡಿಎಂಕೆ ಮತ್ತು ಎಐಎಡಿಎಂಕೆ ಪಕ್ಷಗಳ ಏಕಸ್ವಾಮ್ಯವನ್ನು ಮುರಿದು, ನಟ ವಿಜಯ್ ನೇತೃತ್ವದ ‘ತಮಿಳಿಗ ವೆಟ್ರಿ ಕಳಗಂ’ (TVK) ಮೈತ್ರಿ ಸರ್ಕಾರ ಅಧಿಕಾರಕ್ಕೇರಿದೆ. ಮುಖ್ಯಮಂತ್ರಿಯಾಗಿ ಸಿ. ಜೋಸೆಫ್ ವಿಜಯ್ ಅವರು ಪ್ರಮಾಣ ವಚನ ಸ್ವೀಕರಿಸಿದ್ದು, ಅವರ ಒಂಬತ್ತು ಮಂದಿ ಸಚಿವರ ತಂಡದಲ್ಲಿ 29 ವರ್ಷದ ಎಸ್. ಕೀರ್ತನಾ ರಾಜ್ಯದ ಗಮನ ಸೆಳೆದಿದ್ದಾರೆ.

alt="Ad Widget"/>

ಶಿವಕಾಶಿಯ ಇತಿಹಾಸ ಬದಲಿಸಿದ ಯುವತಿ:
ಕೇವಲ 29 ವರ್ಷದ ಕೀರ್ತನಾ ಅವರು ವಿಜಯ್ ಸಂಪುಟದ ಅತ್ಯಂತ ಕಿರಿಯ ಮತ್ತು ಏಕೈಕ ಮಹಿಳಾ ಸಚಿವೆಯಾಗಿದ್ದಾರೆ. ಭಾರತದ ಪಟಾಕಿ ರಾಜಧಾನಿ ಎಂದೇ ಖ್ಯಾತಿಯಾದ ‘ಶಿವಕಾಶಿ’ ಕ್ಷೇತ್ರದಲ್ಲಿ ಕಳೆದ ಏಳು ದಶಕಗಳಿಂದ ಪುರುಷರೇ ಶಾಸಕರಾಗುತ್ತಿದ್ದರು. ಆದರೆ ಈ ಬಾರಿ ಕಾಂಗ್ರೆಸ್‌ನ ಪ್ರಬಲ ಅಭ್ಯರ್ಥಿ ಅಶೋಕನ್ ಜಿ. ಅವರನ್ನು 11,670 ಮತಗಳ ಅಂತರದಿಂದ ಸೋಲಿಸುವ ಮೂಲಕ ಕೀರ್ತನಾ ಆ ಕ್ಷೇತ್ರದ ಮೊದಲ ಮಹಿಳಾ ಶಾಸಕಿ ಎಂಬ ಇತಿಹಾಸ ಸೃಷ್ಟಿಸಿದ್ದಾರೆ.

<>

ಶಿಕ್ಷಣ ಮತ್ತು ರಾಜಕೀಯ ತಂತ್ರಗಾರಿಕೆ:
ಸರ್ಕಾರಿ ಶಾಲೆಯಲ್ಲಿ ತಮಿಳು ಮಾಧ್ಯಮದಲ್ಲಿ ಪ್ರಾಥಮಿಕ ಶಿಕ್ಷಣ ಪಡೆದ ಕೀರ್ತನಾ, ಮಧುರೈ ಕಾಮರಾಜ್ ವಿಶ್ವವಿದ್ಯಾಲಯದಿಂದ ಗಣಿತದಲ್ಲಿ ಬಿ.ಎಸ್ಸಿ ಮತ್ತು ಪಾಂಡಿಚೇರಿ ವಿಶ್ವವಿದ್ಯಾಲಯದಿಂದ ಸಾಂಖ್ಯಿಕ ಶಾಸ್ತ್ರದಲ್ಲಿ (Statistics) ಎಂ.ಎಸ್ಸಿ ಪದವಿ ಪಡೆದ ಸುಶಿಕ್ಷಿತೆ.

ರಾಜಕೀಯಕ್ಕೆ ಬರುವ ಮೊದಲು ಅವರು ಚುನಾವಣಾ ತಂತ್ರಜ್ಞೆಯಾಗಿ (Political Consultant) ಗುರುತಿಸಿಕೊಂಡಿದ್ದರು. ಪ್ರಖ್ಯಾತ ಸಂಸ್ಥೆಗಳಾದ ‘ಐ-ಪ್ಯಾಕ್’ (I-PAC) ಮತ್ತು ‘ಶೋ ಟೈಮ್ ಕನ್ಸಲ್ಟಿಂಗ್’ ಮೂಲಕ ತಮಿಳುನಾಡು ಸಿಎಂ ಎಂ.ಕೆ. ಸ್ಟಾಲಿನ್ ಸೇರಿದಂತೆ ದೇಶದ ಪ್ರಮುಖ ನಾಯಕರ ಪರವಾಗಿ ಚುನಾವಣಾ ಕಾರ್ಯತಂತ್ರ ರೂಪಿಸಿದ ಅನುಭವ ಅವರಿಗಿದೆ. ಟಿಡಿಪಿ, ಟಿಎಂಸಿ ಮತ್ತು ಡಿಎಂಕೆಯಂತಹ ದೊಡ್ಡ ಪಕ್ಷಗಳ ತೆರೆಮರೆಯಲ್ಲಿ ಕೆಲಸ ಮಾಡಿದ್ದ ಕೀರ್ತನಾ, ಈಗ ತಾವೇ ನೇರವಾಗಿ ಜನಪ್ರತಿನಿಧಿಯಾಗಿ ಆಯ್ಕೆಯಾಗಿರುವುದು ವಿಶೇಷ.

ಹಿಂದಿ ಭಾಷಣದ ಮೂಲಕ ಸಂಚಲನ:
ತಮಿಳುನಾಡಿನಲ್ಲಿ ಹಿಂದಿ ಭಾಷೆಗೆ ವ್ಯಾಪಕ ವಿರೋಧವಿರುವ ನಡುವೆಯೂ, ಚುನಾವಣಾ ಗೆಲುವಿನ ಬಳಿಕ ಕೀರ್ತನಾ ಹಿಂದಿಯಲ್ಲಿ ಮಾತನಾಡಿ ಎಲ್ಲರ ಗಮನ ಸೆಳೆದಿದ್ದರು. ತಮ್ಮ ಪಕ್ಷದ ಸಂದೇಶ ಮತ್ತು ವಿಜಯ್ ಅವರ ಆಶಯಗಳನ್ನು ರಾಷ್ಟ್ರೀಯ ಮಟ್ಟದ ನಾಯಕರಿಗೆ ತಲುಪಿಸಲು ಈ ಭಾಷೆ ಅಗತ್ಯ ಎಂದು ಅವರು ತಮ್ಮ ನಡೆಯನ್ನು ಸಮರ್ಥಿಸಿಕೊಂಡಿದ್ದರು.

ಶಿವಕಾಶಿಯ ಸಮಸ್ಯೆಗಳಿಗೆ ದನಿ:
ತಮ್ಮ ಕ್ಷೇತ್ರದ ಪಟಾಕಿ ಮತ್ತು ಮುದ್ರಣ ಉದ್ಯಮದ ಕಾರ್ಮಿಕರ ಸುರಕ್ಷತೆ ಹಾಗೂ ಆರೋಗ್ಯ ಮೂಲಸೌಕರ್ಯದ ಕೊರತೆಯನ್ನು ಪ್ರಬಲವಾಗಿ ಪ್ರತಿಪಾದಿಸಿದ್ದ ಕೀರ್ತನಾ, ತಳಮಟ್ಟದ ಜನರೊಂದಿಗೆ ಸುಲಭವಾಗಿ ಬೆರೆಯುವ ಮೂಲಕ ಮತದಾರರ ಮನಗೆದ್ದಿದ್ದಾರೆ.

ಸರ್ಕಾರದ ಸ್ಥಿತಿಗತಿ:
ವಿಧಾನಸಭಾ ಚುನಾವಣೆಯಲ್ಲಿ 108 ಸ್ಥಾನಗಳನ್ನು ಗೆಲ್ಲುವ ಮೂಲಕ ಟಿವಿಕೆ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿತ್ತು. ಬಹುಮತಕ್ಕೆ ಕೆಲವು ಸ್ಥಾನಗಳ ಕೊರತೆಯಿದ್ದ ಕಾರಣ ಕಾಂಗ್ರೆಸ್, ವಿಸಿಕೆ ಮತ್ತು ಎಡಪಕ್ಷಗಳ ಬೆಂಬಲದೊಂದಿಗೆ ವಿಜಯ್ ಅವರು ಮೈತ್ರಿ ಸರ್ಕಾರ ರಚಿಸಿದ್ದಾರೆ.

ಯುವ ಮತ್ತು ಸುಶಿಕ್ಷಿತ ನಾಯಕತ್ವಕ್ಕೆ ಆದ್ಯತೆ ನೀಡುತ್ತಿರುವ ಟಿವಿಕೆ ಪಕ್ಷಕ್ಕೆ ಕೀರ್ತನಾ ಅವರ ಸೇರ್ಪಡೆಯು ಹೊಸ ಶಕ್ತಿ ನೀಡಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:29ರ ಹರೆಯದ ಸಚಿವೆ ಕೀರ್ತನಾಕೀರ್ತನಾತಮಿಳುನಾಡು ರಾಜಕಾರಣKeerthanaTVK

Up Next

Trisha Krishnan’s post-ದಳಪತಿ ಪಟ್ಟಾಭಿಷೇಕದ ಬೆನ್ನಲ್ಲೇ ವೈರಲ್ ಆದ ನಟಿ ತ್ರಿಶಾ ಕೃಷ್ಣನ್‌ ಪೋಸ್ಟ್‌

Don't Miss

RCB-ಕೊನೆಯ ಎಸೆತದಲ್ಲಿ ರೋಚಕ ಜಯ: ಮುಂಬೈ ಇಂಡಿಯನ್ಸ್‌ಗೆ ಆಘಾತ ನೀಡಿದ ಆರ್‌ಸಿಬಿ..!