ನೆಲ್ಲಿಕಟ್ಟೆ ಪುತ್ತೂರಿನ ರಾಜಧಾನಿ- ಸೂತ್ರಬೆಟ್ಟು ಜಗನ್ನಾಥ ರೈ
ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಸ್ಥಾಪಕ ಅಧ್ಯಕ್ಷ ಸೂತ್ರಬೆಟ್ಟು ಜಗನ್ನಾಥ ರೈ ಅವರು ಮಾತನಾಡಿ, “ನೆಲ್ಲಿಕಟ್ಟೆಯು ಸರ್ವ ಧರ್ಮೀಯರು ಒಂದು ಕುಟುಂಬದಂತೆ ಬಾಳುತ್ತಿರುವ ಸುಂದರ ಪ್ರದೇಶ. ಇಲ್ಲಿ ದೇವಸ್ಥಾನ, ಮಸೀದಿ, ಚರ್ಚ್‌ಗಳು ಒಂದೇ ಸಾಲಿನಲ್ಲಿದ್ದು, ಸೌಹಾರ್ದತೆಯ ಕೇಂದ್ರವಾಗಿದೆ. ಹೀಗಾಗಿ ನೆಲ್ಲಿಕಟ್ಟೆಯೇ ಪುತ್ತೂರಿನ ರಾಜಧಾನಿ ಎನ್ನಬಹುದು,” ಎಂದರು.

ನೆಲ್ಲಿಕಟ್ಟೆ ಪುತ್ತೂರಿನ ಕೇಂದ್ರಬಿಂದು- ಈಶ್ವರ ಭಟ್:
ನೆಲ್ಲಿಕಟ್ಟೆ ಮಿತ್ರ ಮಂಡಲ ಜಾತ್ಯತೀತ ತತ್ವದ ನೆಲೆಯಲ್ಲಿ ಎಲ್ಲರನ್ನೂ ಒಗ್ಗೂಡಿಸಿಕೊಂಡು ಸಮಾಜಮುಖ ಕೆಲಸದ ಮೂಲಕ ಎಲ್ಲರ ಪ್ರೀತಿ ವಿಶ್ವಾಸಕ್ಕೆ ಪಾತ್ರವಾಗಿದೆ. ಮಿತ್ರ ಮಂಡಲ ಅಸ್ತಿತ್ವಕ್ಕೆ ಬಂದಲ್ಲಿಂದ ನೆಲ್ಲಿಕಟ್ಟೆ ಪುತ್ತೂರಿನ ಕೇಂದ್ರ ಬಿಂದುವಾಗಿದೆ. ನೆಲ್ಲಿಕಟ್ಟೆ ಮಿತ್ರ ಮಂಡಲದ ಅಧ್ಯಕ್ಷ ಹರಿಪ್ರಸಾದ್ ಶೆಟ್ಟಿ ಮತ್ತು ಅವರ ತಂಡ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅಭಿವೃದ್ಧಿಯಲ್ಲಿ ಸಹಕರಿಸುತ್ತಿದೆ. ನೆಲ್ಲಿಕಟ್ಟೆ ಶ್ರೀ ಮಹಾಲಿಂಗೇಶ್ವರನ ಸನ್ನಿಧಿ ಎದುರು ಇರುವುದು ನೆಲ್ಲಿಕಟ್ಟೆಯವರ ಭಾಗ್ಯ. ನೆಲ್ಲಿಕಟ್ಟೆ ಮಿತ್ರ ಮಂಡಲವು ನೂರಾರು ವರ್ಷಗಳ ಕಾಲ ಸಮಾಜ ಸೇವೆಯನ್ನು ಮಾಡುತ್ತಾ ಹುಣ್ಣಿಮೆಯ ಚಂದ್ರನಂತೆ ಕಂಗೊಳಿಸುವಂತೆ ಆಗಲಿ ಎಂದು ಹೇಳಿದರು.

ನೆಲ್ಲಿಕಟ್ಟೆ ಮಿತ್ರಮಂಡಲಿ ಮಾದರಿಯಾಗಿದೆ- ಉಜ್ವಲ್ ಪ್ರಭು:
ಯು.ಆರ್.ಪ್ರಾಪರ್ಟೀಸ್ ಆಡಳಿತ ನಿರ್ದೇಶಕ ಉಜ್ವಲ್ ಪ್ರಭುರವರು ಮಾತನಾಡಿ, ನೆಲ್ಲಿಕಟ್ಟೆ ಮಿತ್ರ ಮಂಡಲದ ಕಾರ್ಯವೈಖರಿ ಶ್ಲಾಘನೀಯವಾಗಿದೆ.. ನೆಲ್ಲಿಕಟ್ಟೆ ಮಿತ್ರ ಮಂಡಲವು 50 ವರ್ಷಗಳಿಂದ ತನ್ನ ಹುಮ್ಮಸ್ಸು ಕಳೆದುಕೊಳ್ಳದೆ ಸಮಾಜಕ್ಕೆ ಮಾದರಿಯಾಗಿದೆ ಎಂದರು.

ಆತ್ಮಹತ್ಯೆ ಮಾಡಿಕೊಳ್ಳಬೇಡಿ, ಹೋದ ಜೀವ ಮರಳಿ ಬಾರದು-ಈಶ್ವರ್ ಮಲ್ಪೆ:
ಸನ್ಮಾನ ಸ್ವೀಕರಿಸಿ ಮಾತನಾಡಿದ ಜೀವ ರಕ್ಷಕ ಈಶ್ವರ್ ಮಲ್ಪೆ ಅವರು, ಇಂದಿನ ಕಾಲಘಟ್ಟದಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳುವ ಗೀಲು ಹೆಚ್ಚಾಗುತ್ತಿದೆ. ಒಮ್ಮೆ ಹೋದ ಪ್ರಾಣ ಮರಳಿ ಎಂದೂ ಬರೋದಿಲ್ಲ. ಎಂತಹ ಕಷ್ಟಕರ ಕಾಲದಲ್ಲೂ ಇದ್ದು ಜಯಿಸುವಂತಹ ಮನೋಭಾವನೆ ಪ್ರತಿಯೊಬ್ಬರಲ್ಲೂ ಇರಬೇಕು. ಈಗ ಸಣ್ಣ ವಯಸ್ಸಿನ ಮಕ್ಕಳು ನೀರಿಗೆ ಬಿದ್ದು ಸಾಯುವ ಪ್ರಕರಣಗಳು ಹೆಚ್ಚಾಗಿದೆ. ಪೋಷಕರು ತಮ್ಮ ಮಕ್ಕಳಿಗೆ ಮೊಬೈಲ್ ಹಿತಮಿತವಾಗಿ ನೀಡಿ. ಒಂದು ಬಾರಿ ಮಕ್ಕಳು ಮೊಬೈಲ್‌ ಗೀಲಿಗೆ ಬಲಿಯಾದರೆ ಮತ್ತೆ ಅದರಿಂದ ಹೊರಬರಲು ಬಹಳ ಕಷ್ಟಕರವಿದೆ ಎಂದರು. ಹಲವು ವರ್ಷಗಳಿಂದ ನೀರಲ್ಲಿ ಬಿದ್ದ ಮೃತ ದೇಹವನ್ನು ಎತ್ತುವ ಕೆಲಸ ಮಾಡುತ್ತಾ ಬಂದಿದ್ದೇನೆ. ನನ್ನ ಮೂವರು ಮಕ್ಕಳೂ ವಿಶೇಷ ಚೇತನರು. ಆದರೆ ನಾನು ಯಾವುದೇ ಚಿಂತೆಗೆ ಒಳಗಾಗದೆ ಸಮಾಜ ಸೇವೆ ಮಾಡುತ್ತಾ ಬದುಕುತ್ತಿದ್ದೇನೆ ಎಂದು ಹೇಳಿದರು.

ನೆಲ್ಲಿಕಟ್ಟೆ ಮಹಾಲಿಂಗೇಶ್ವರ ದೇವರಿಗೆ ಹತ್ತಿರವಿರುವುದು ನಮ್ಮ ಭಾಗ್ಯ- ಹರಿಪ್ರಸಾದ್‌ ಶೆಟ್ಟಿ:
ಸ್ವಾಗತಿಸಿ ಮಾತನಾಡಿದ ನೆಲ್ಲಿಕಟ್ಟೆ ಮಿತ್ರ ಮಂಡಲದ ಅಧ್ಯಕ್ಷ ಹರಿಪ್ರಸಾದ್‌ ಶೆಟ್ಟಿ ಅವರು ನೆಲ್ಲಿಕಟ್ಟೆ ಮಹಾಲಿಂಗೇಶ್ವರ ದೇವರಿಗೆ ಹತ್ತಿರವಿರುವುದು ನಮ್ಮ ಭಾಗ್ಯ. ನೆಲ್ಲಿಕಟ್ಟೆ ಮಿತ್ರ ಮಂಡಲ ಅನೇಕ ಕಾರ್ಯಕ್ರಮಗಳ ಮೂಲಕ ಸಮಾಜಕ್ಕೆ ಕೊಡುಗೆ ನೀಡಿದೆ. ಅದೆಲ್ಲವೂ ನಮ್ಮ ಹಿರಿಯರ ಶ್ರಮದಿಂದ ಆಗಿದೆ. ಸಂಘಟನೆ ಕಳೆದ 50 ವರ್ಷಗಳಿಂದ ಅತ್ಯುತ್ತಮ ಕೆಲಸ ಮಾಡುವ ಮೂಲಕ ಎಲ್ಲರ ಪ್ರೀತಿಗೆ ಪಾತ್ರವಾಗಿದೆ. ಮುಂದೆಯೂ ಎಲ್ಲರ ಸಹಕಾರ, ಆಶೀರ್ವಾದ ಬೇಕಾಗಿದೆ ಎಂದು ಹೇಳಿದರು.

ಮುಖ್ಯ ಅತಿಥಿಗಳಾಗಿದ್ದ ಜಿ.ಎಲ್ ಗ್ರೂಪ್ನ ವ್ಯವಸ್ಥಾಪಕ ನಿರ್ದೇಶಕ ಬಲರಾಮ್
ಆಚಾರ್ಯ, ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಮಾಜಿ ನಿರ್ದೇಶಕ ನವೀನ್ ಭಂಡಾರಿ, ಉದ್ಯಮಿ ಶಿವರಾಮ ಆಳ್ವ ಕುರಿಯ, ಪುತ್ತೂರು ಮಾನಕ ಜ್ಯುವೆಲ್ಲರ್ಸ್‌ ಮಾಲಕ ಸಿದ್ದನಾಥ್ ಎಸ್.ಕೆ., ಪುತ್ತೂರು ಕೋಟಿ ಚೆನ್ನಯ ಕಂಬಳ ಸಮಿತಿಯ ಅಧ್ಯಕ್ಷ ಚಂದ್ರಹಾಸ ಶೆಟ್ಟಿ, ಪುತ್ತೂರು ದೇವತಾ ಸಮಿತಿ ಗಣೇಶೋತ್ಸವದ ಅಧ್ಯಕ್ಷ ಅಭಿಜಿತ್ ಶೆಟ್ಟಿ ನೆಲ್ಲಿಕಟ್ಟೆ, ಉದ್ಯಮಿ ರೋಶನ್ ರೈ ಬನ್ನೂರು, ಪುತ್ತೂರು ಸಿಜ್ಜರ್ ಗ್ರೂಪ್ನ ಮಾಲಕ ಪ್ರಸನ್ನ ಕುಮಾರ್ ಶೆಟ್ಟಿ, ಕರ್ನಾಟಕ ಬೀಚ್ ರೆಸ್ಲಿಂಗ್ ಕಮಿಟಿ ಉಪಾಧ್ಯಕ್ಷ ನಿತ್ಯಾನಂದ ಶೆಟ್ಟಿ ನೆಲ್ಲಿಕಟ್ಟೆ, ಪುತ್ತೂರು ರೋಟರಿ ಕ್ಲಬ್ ಸಿಟಿ ಅಧ್ಯಕ್ಷ ಉಲ್ಲಾಸ್ ಪೈ, ನೆಲ್ಲಿಕಟ್ಟೆ ಮಿತ್ರ ಮಂಡಲದ ಗೌರವ ಸಲಹೆಗಾರ ಜನಾರ್ದನ ರಾವ್, ಸ್ಯಾಕ್ಸೋಫೋನ್ ವಾದಕ ಪಿ.ಕೆ. ಗಣೇಶ್, ಪುತ್ತೂರು ವಿಶ್ವೇಶ್ವರ ಕನ್‌ಸ್ಟ್ರಕ್ಷನ್ ಮಾಲಕ ಸಂದೀಪ್ ನೆಲ್ಲಿಕಟ್ಟೆ, ಪುತ್ತೂರು ಅಸಹಾಯಕರ ಸೇವಾ ಟ್ರಸ್ಟ್, ಅಧ್ಯಕ್ಷೆ ನಯನ ಪುತ್ತೂರು, ನೆಲ್ಲಿಕಟ್ಟೆ ಮಿತ್ರಮಂಡಲದ ಸಂಚಾಲಕ ನೆಲ್ಲಿಕಟ್ಟೆ ಜಗದೀಶ್‌ ಶೆಟ್ಟಿ ಹಾಗೂ ಸುದ್ದಿ ಬಿಡುಗಡೆಯ ಯುಪಿ ಶಿವಾನಂದರು‌ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ನೆಲ್ಲಿಕಟ್ಟೆ ಮಿತ್ರ ಮಂಡಲದ ಪ್ರಧಾನ ಕಾರ್ಯದರ್ಶಿ ಪಿ.ಎಸ್.ರೋಹಿತ್ ಕುಮಾರ್ ನೆಲ್ಲಿಕಟ್ಟೆ, ಕೋಶಾಧಿಕಾರಿ ಜಗನ್ನಾಥ ಜೋಗಿ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ವಿವಿಧ ಕ್ಷೇತ್ರದ ಸಾಧಕರಿಗೆ ಸನ್ಮಾನ;
ಸಂಜೆ ನಡೆದ ಸಭಾ ಕಾರ್ಯಕ್ರಮದಲ್ಲಿ ಜೀವ ರಕ್ಷಕ ಈಶ್ವರ್ ಮಲ್ಪೆ, ಪುತ್ತೂರು ಸರಕಾರಿ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ.ಅಜಯ್ ಅವರನ್ನು ಸನ್ಮಾನಿಸಲಾಯಿತು. ನಿವೃತ್ತ ದೈಹಿಕ ಶಿಕ್ಷಣ ಶಿಕ್ಷಕಿ ಮೀನಾಕ್ಷಿ, ನಿವೃತ್ತ ಅಂಗನವಾಡಿ ಸಹಾಯಕಿ ಕುಸುಮ ನೆಲ್ಲಿಕಟ್ಟೆ, ಸ್ಮಶಾನ ಪಾಲಕ ಸತೀಶ್ ಮಡಿವಾಳ ಚಿಕ್ಕಪುತ್ತೂರು, ನಿವೃತ್ತ ಸೈನಿಕರಾದ ಜೋ ಡಿ’ಸೋಜಾ ಚಿಕ್ಕಪುತ್ತೂರು, ನರಸಿಂಹ ಭಂಡಾರ್ಕರ್ ನೆಲ್ಲಿಕಟ್ಟೆ, ಕುಶಾಲಪ್ಪ ಗೌಡ ಚಿಕ್ಕ ಪುತ್ತೂರು, ಎಡ್ವರ್ಡ್ ಡಿ’ಸೋಜಾ ನೆಲ್ಲಿಕಟ್ಟೆ, ಬ್ಲಡ್ ಗ್ರೂಪಿನ ಶರತ್ ಕುಮಾ‌ರ್ ಆಳ್ವ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಸುದರ್ಶನ್ ನ್ಯಾಕ್ ಕಂಪ ಅವರನ್ನು ಇದೇ ಸಂದರ್ಭದಲ್ಲಿ ಸನ್ಮಾನಿಸಲಾಯಿತು.