”ಕಳೆದ ಬಾರಿ ಆಂಧ್ರಪ್ರದೇಶದಲ್ಲಿಈ ರೀತಿಯ ಕಾರ್ಯ ಕ್ರಮವನ್ನು ಆಯೋಜಿಸಲಾಗಿತ್ತು. ಈ ವರ್ಷ ಕರ್ನಾಟಕದ ಮೈಸೂರಿನಲ್ಲಿ ಮಾಡಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಕೇರಳ, ತೆಲಂಗಾಣದಲ್ಲೂ ಕಾರ‍್ಯಕ್ರಮ ನಡೆಸಲಾಗುವುದು,” ಎಂದು ಹೇಳಿದರು.

”ಮೈಸೂರು ಕರ್ನಾಟಕ ಸಂಗೀತ ಪರಂಪರೆಯ ಗೂಡಾಗಿದ್ದು, ಇಲ್ಲಿನ ಸಂಗೀತ, ನೃತ್ಯ, ಜಾನಪದ, ಪ್ರದರ್ಶನ ಕಲೆಗಳಿಗೆ ಪ್ರವಾಸಿಗರು ಮನಸೋಲುತ್ತಾರೆ. ಮೈಸೂರು ಕೇವಲ ಸಂಗೀತದ ನಗರವಾಗಿರದೆ ಇಲ್ಲಿರುವ ಹಲವಾರು ತಾಣಗಳಿಂದ ಪ್ರವಾಸಿಗರ ನೆಚ್ಚಿನ ನಗರವಾಗಿದೆ,” ಎಂದರು. ”ಮೈಸೂರಿಗೆ ಸಂಗೀತ ಸುಗಂಧದ ಜತೆಗೆ ಚಂದನ ಸುಗಂಧ ಎಂಬ ಹೆಸರೂ ಇದೆ. ಕರ್ನಾಟಕ ಸಂಗೀತಕ್ಕೆ ಮೈಸೂರಿನ ಕೊಡುಗೆ ಅಪಾರ.

ಇನ್ನು ಭಾರತೀಯ ಚಿತ್ರರಂಗದಲ್ಲಿ ಕರ್ನಾಟಕ ಸಂಗೀತದ ಪ್ರಭಾವವನ್ನು ನೋಡುವುದಾದರೆ ಶಂಕರನ್‌, ಯೇಸುದಾಸ್‌ ಅವರ ಕಾಣಿಕೆಯನ್ನು ಮರೆಯುವಂತಿಲ್ಲ. ಎಸ್‌.ಬಿ.ಬಾಲಸುಬ್ರಮಣ್ಯಂ, ಎಸ್‌.ಜಾನಕಿ, ಸುಶೀಲ, ಕೆ.ಎಸ್‌.ಚಿತ್ರ, ಜಯಚಂದ್ರನ್‌ ಸೇರಿದಂತೆ ಹಲವಾರು ಸಂಗೀತ ದಿಗ್ಗಜರು ಕರ್ನಾಟಕ ಸಂಗೀತದಲ್ಲಿ ಪರಿಣಿತರಾಗಿದ್ದು, ಚಿತ್ರರಂಗಕ್ಕೆ ತಮ್ಮದೇ ಕೊಡುಗೆ ನೀಡಿದ್ದಾರೆ. ಮಲಯಾಳಂ ಸಿನಿಮಾದಲ್ಲಿ ಕರ್ನಾಟಕ ಸಂಗೀತವು ಒಂದು ಹೊಸ ಅಲೆಯನ್ನೇ ಸೃಷ್ಟಿಸಿತ್ತು,” ಎಂದರು.

ಅವಿಸ್ಮರಣೀಯ ಕಾರ್ಯಕ್ರಮ:
ಜಿಲ್ಲಾ ಉಸ್ತುವಾರಿ ಸಚಿವ ಡಾ.ಎಚ್‌.ಸಿ. ಮಹದೇವಪ್ಪ ಮಾತನಾಡಿ, ‘ಸುಗಂಧ ಸಂಗೀತ ಎಂಬುದು ಅವಿಸ್ಮರಣೀಯ ಕಾರ್ಯಕ್ರಮವಾಗಿದ್ದು, ಧರ್ಮ ಮತ್ತು ಜಾತಿಯನ್ನು ಮೀರಿ ಸಂಗೀತವು ಜನರ ಮನಸ್ಸನ್ನು ಸೇರಬೇಕು, ಎಂದರು. ‘ವಿಜಯನಗರ ಸಾಮ್ರಾಜ್ಯ ಆಳ್ವಿಕೆ ಕಾಲದಲ್ಲಿಸಂಗೀತ ಮನ್ನಣೆ ಪಡೆಯಿತು. ಕರ್ನಾಟಕದಲ್ಲಿ ಪುರಂದರ ದಾಸರು ಕೀರ್ತನೆಗಳ ಮೂಲಕ ಸಂಗೀತವನ್ನು ಪಸರಿಸಿದರು.

ಈ ದಸರಾದಲ್ಲಿ ಸಂಗೀತದ ಜತೆ ಪ್ರತಿಯೊಂದಕ್ಕೂ ಮನ್ನಣೆ ನೀಡಿದ್ದೇವೆ. ಗಣತಂತ್ರ ವ್ಯವಸ್ಥೆಯಲ್ಲಿ ಪ್ರಜಾಪ್ರಭುತ್ವವನ್ನು ಗೌರವಿಸುವ ಮೂಲಕ ಸಂವಿಧಾನದ ಆಶಯಗಳನ್ನು ಎತ್ತಿ ಹಿಡಿಯೋಣ, ಎಂದು ಹೇಳಿದರು. ಸಂಸದ ಯದುವೀರ್‌ ಕೃಷ್ಣದತ್ತ ಚಾಮರಾಜ ಒಡೆಯರ್‌ ಮಾತನಾಡಿ, ದಾಸ ಸಾಹಿತ್ಯದ ದಿಗ್ಗಜರಾದ ಪುರಂದರ ದಾಸರು ಸುಮಾರು 4.75 ಲಕ್ಷ ಕೀರ್ತನೆಗಳನ್ನು ರಚಿಸಿ, ಕರ್ನಾಟಕ ಸಂಗೀತದ ಪಿತಾಮಹ ಎಂಬ ಖ್ಯಾತಿ ಪಡೆದಿದ್ದಾರೆ.

ಒಂದು ವೇಳೆ ಪುರಂದರದಾಸರು ಇಲ್ಲದಿದ್ದರೆ ಇಂದು ಕರ್ನಾಟಕ ಸಂಗೀತ ಇರುತ್ತಿರಲಿಲ್ಲ. ಅವರ ನಂತರ ಬಂದಂತಹ ಕನಕದಾಸರು, ಹರಿದಾಸ, ಗೋಪಾಲದಾಸರು ಹಾಗೂ ಇನ್ನಿತರರು ದಾಸ ಸಾಹಿತ್ಯದ ಪರಂಪರೆಯನ್ನು ಉಳಿಸಿಕೊಂಡು ಬಂದಿದ್ದಾರೆ,” ಎಂದು ಹೇಳಿದರು. ಶಾಸಕ ಟಿ.ಎಸ್‌. ಶ್ರೀವತ್ಸ, ಪ್ರವಾಸೋದ್ಯಮ ಇಲಾಖೆ ಕಾರ್ಯದರ್ಶಿ ಸುಮನ್‌ ಬಿಲ್ಲಾ ಸೇರಿದಂತೆ ನಾನಾ ಕಾಲೇಜಿನ ವಿದ್ಯಾರ್ಥಿಗಳು ಇದ್ದರು.