ಭಾರತದ ಬಹುತೇಕ ರೈತರು ಸಾಂಪ್ರದಾಯಿಕ ಪದ್ದತಿಯಲ್ಲಿ ಕೃಷಿ ಮಾಡುತ್ತಿದ್ದರೆ ಹೊರತು, ವೈಜ್ಞಾನಿಕ ಪದ್ದತಿ ಅನುಸರಿಸಿ ಕಡಿಮೆ ಭೂಮಿಯಲ್ಲಿ ಜಾಸ್ತಿ ಫಸಲು ಪಡೆಯುವುದು ಕಡಿಮೆ. ಹೀಗಾಗಿ ಭಾರತದ ರೈತನ ಆದಾಯ ದ್ವಿಗುಣಗೊಳಿಸುವ ಪ್ರಯತ್ನ ಇನ್ನು ನನಸಾಗಿಲ್ಲ. ಭಾರತದ ಕೃಷಿ ಮಾರುಕಟ್ಟೆ ಹಾಗೂ ಮಳೆಯ ಮೇಲೆ ಅತಿಯಾಗಿ ನಿಂತಿದೆಯಾದರೂ, ರೈತರು ಕೂಡ ಅಧುನಿಕ ಯಂತ್ರ ಹಾಗೂ ತಂತ್ರಜ್ಞಾನವನ್ನು ಬಳಸಿ ಕೃಷಿ ನಡೆಸುವುದು ಅಷ್ಟಕಷ್ಟೆ. ಕೃಷಿ ನಡೆಸುವ ಭೂಮಿಯ ಮಣ್ಣಿನ ಪರೀಕ್ಷೆ, ಹಾಗೂ ಮಣ್ಣಿಗೆ ಮತ್ತು ಬೆಳೆಗೆ ಅನುಗುಣವಾಗಿ ಗೊಬ್ಬರ ಗಳ ಬಳಕೆಯಲ್ಲೂ ಹಿಂದೆ ಬಿದ್ದಿದ್ದಾನೆ.

ತಾನು ಬೆಳೆಯುವ ಬೆಳೆಗಳಿಗೆ ಎಷ್ಟು ರಸಗೊಬ್ಬರ ಅಗತ್ಯ? ಎಕರೆಗೆ ಎಷ್ಟು ಸಸಿ ನಾಟಿ ಮಾಡಬಹುದು ಎಂಬಿತ್ಯಾದಿ ಸಂಗತಿಗಳನ್ನು ಲೆಕ್ಕಾಚಾರ ಹಾಕಲು ಇದೀಗ ಆ್ಯಪ್ ವೊಂದು ಸ್ಮಾರ್ಟ್ ಫೋನ್ ನಲ್ಲಿ ಲಭ್ಯವಿದೆ. ತಜ್ಞರು ಶಿಫಾರಸು ಮಾಡಿದಂತೆ ಯಾವ ಬೆಳೆಗೆ ಯಾವ ಸಮಯದಲ್ಲಿ ಎಷ್ಟು ರಸಗೊಬ್ಬರ ಹಾಕಬೇಕು. ಸಾರಜನಕ, ರಂಜಕ ಮತ್ತು ಪೊಟ್ಯಾಶಿಯಂನ ಸಂಯೋಜನೆ ಒಳಗೊಂಡ ಗೊಬ್ಬರ ಯಾವುದು ಎಂಬುದರ ಬಗ್ಗೆ ಆ್ಯಪ್ನಲ್ಲಿ ಸ್ಪಷ್ಟ ಮಾಹಿತಿ ಸಿಗಲಿದೆ
ಬೆಳೆಗಳಿಗೆ ಎಷ್ಟು ರಸಗೊಬ್ಬರ ಹಾಕಬೇಕು? ಒಂದು ಎಕರೆಗೆ ನಾಟಿ ಮಾಡಲು ಯಾವ ಸಸಿಗಳು ಎಷ್ಟು ಪ್ರಮಾಣದಲ್ಲಿ ಬೇಕಾಗುತ್ತವೆ ಎಂಬುದನ್ನು ಒಳಗೊಂಡ ಬಹುಭಾಷಾ ‘ಫಾರ್ಮ್ ಕ್ಯಾಲ್ಕುಲೇಟರ್ಸ್ ಆ್ಯಪ್ ಅನ್ನು ಬೆಂಗಳೂರು ಕೃಷಿ ವಿವಿಯ ರಾಷ್ಟ್ರೀಯ ಬೀಜ ಪ್ರಾಯೋಜನೆ ವಿಭಾಗದ ಬೀಜ ಸಂಶೋಧನಾ ಅಧಿಕಾರಿಯಾಗಿರುವ ಡಾ.ವಿಶ್ವನಾಥ್ ಕೋಟಿ ಅವರು ಅಭಿವೃದ್ಧಿಪಡಿಸಿದ್ದಾರೆ. ಇದನ್ನು ಈಗಾಗಲೇ 3 ಲಕ್ಷಕ್ಕೂ ಅಧಿಕ ರೈತರು ಬಳಸುತ್ತಿದ್ದಾರೆ
ಸಾಕಷ್ಟು ರೈತರಿಗೆ ಯಾವ ಗೊಬ್ಬರದಲ್ಲಿ ಯಾವೆಲ್ಲ ಸಂಯೋಜನೆ ಲಭ್ಯವಿದೆ ಎಂಬ ಮಾಹಿತಿಯೇ ಇಲ್ಲ.ಈ ಆ್ಯಪ್ ಈ ಕುರಿತ ಸ್ಥೂಲ ಮಾಹಿತಿಯನ್ನು ರೈತರಿಗೆ ನೀಡಲಿದೆ. ಅಷ್ಟೇ ಅಲ್ಲದೆ, ಮಾವು, ತೆಂಗು, ಸಪೋಟ, ನಿಂಬೆಯಂತಹ ಯಾವುದೇ ಮರದ ಜಾತಿಯ ಸಸಿಗಳನ್ನು ಎಷ್ಟು ಅಡಿಯ ಅಂತರದಲ್ಲಿ ಹಾಕಬೇಕು ಮತ್ತು ಎಕರೆಗೆ ಎಷ್ಟು ಸಸಿಗಳು ಬೇಕಾಗುತ್ತವೆ ಎಂಬುದರ ಕುರಿತು ಈ ಆ್ಯಪ್ನಲ್ಲಿ ರೈತರಿಗೆ ನಿಖರವಾದ ಮಾಹಿತಿ ದೊರೆಯಲಿದೆ.

alt="Ad Widget"/>

ಗೊಬ್ಬರ ಲೆಕ್ಕಾಚಾರ ಈ ಆ್ಯಪ್ನ ಪ್ರಮುಖ ಫೀಚರ್. ಅದನ್ನು ಹೊರತುಪಡಿಸಿ ಇನ್ನೂ ಮೂರು ಕ್ಯಾಲ್ಕುಲೇಟರ್ ಅನ್ನು ಈ ಆ್ಯಪ್ ಒಳಗೊಂಡಿದೆ. ಕ್ರಿಮಿನಾಶಕ, ಶಿಲೀಂಧ್ರ ನಾಶಕಗಳನ್ನು ಎಕರೆಗೆ, ಎಷ್ಟು ಲೀಟರ್ ನೀರಿಗೆ ಹಾಗೂ ಯಾವ ಪ್ರಮಾಣದಲ್ಲಿ ಬೆರೆಸಬೇಕು ಎಂಬುದನ್ನು ಇಲ್ಲಿ ಲೆಕ್ಕ ಹಾಕಬಹುದು.

<>

ಇರುವ ಸಸಿಗಳೆಷ್ಟು? ಎಷ್ಟು ಎಕರೆ ಜಾಗದಲ್ಲಿ ನೆಡಬೇಕು? ಸಸಿಗಳ ನಡುವೆ ಎಷ್ಟು ಅಂತರವಿರಬೇಕು ಎಂಬುದನ್ನು ದಾಖಲಿಸಿದರೆ ಇಂತಿಷ್ಟು ಪ್ರದೇಶದಲ್ಲಿ ವ್ಯವಸಾಯ ಮಾಡಲು ಇಷ್ಟೇ ಸಸಿಗಳ ಅಗತ್ಯ ಇದೆ ಎಂಬುದನ್ನು ಈ ಆ್ಯಪ್ ತೋರಿಸುತ್ತದೆ. ಅದೇ ರೀತಿ ನೂರು ಗ್ರಾಂ ಪೊಟ್ಟಣದಲ್ಲಿ ಎಷ್ಟು ಬೀಜಗಳಿರುತ್ತವೆ ಎಂಬುದನ್ನು ದಾಖಲಿಸಿದರೆ ಇಂತಿಷ್ಟು ಎಕರೆಗೆ ಎಷ್ಟು ಬಿತ್ತನೆ ಬೀಜ ಬೇಕು ಎಂಬುದನ್ನೂ ಕೋಷ್ಠಕದ ಪಟ್ಟಿಯಲ್ಲಿ ನೋಡಬಹುದು
ಕನ್ನಡಿಗರಿಗೆ ಮಾತ್ರವಲ್ಲದೆ, ಅನ್ಯ ರಾಜ್ಯಗಳವರೂ ಬಳಸಿ, ಸುಲಭವಾಗಿ ಅರ್ಥ ಮಾಡಿಕೊಳ್ಳಲು ಅನುಕೂಲವಾಗುವಂತೆ ಹಿಂದಿ, ತೆಲುಗು, ತಮಿಳು, ಮಲಯಾಳಂ, ಮರಾಠಿ ಸೇರಿದಂತೆ ಇತರೆ ಭಾಷೆಗಳ ರೈತರಿಗೂ ಆ್ಯಪ್ ನೆರವಾಗಿದೆ. ರೈತರು ವೈಜ್ಞಾನಿಕ ರೀತಿಯಲ್ಲಿ ಗೊಬ್ಬರದ ಬಳಕೆಗೆ ಈ ಆ್ಯಪ್ ಬಳಸುತ್ತಿದ್ದಾರೆ. ಕೃಷಿ ಅಧಿಕಾರಿಗಳು ಹಾಗೂ ಗೊಬ್ಬರ ಅಂಗಡಿಯವರಿಗೂ ಇದು ಸಹಾಯಕವಾಗಿದೆ.

ಗುಣಮಟ್ಟದ ಗೊಬ್ಬರ ಬಳಕೆಗೆ ಆ್ಯಪ್ ಸಹಕಾರಿ :
”ಸಾರಜನಕ, ರಂಜಕ, ಪೊಟ್ಯಾಶಿಯಂ ಬೆರೆಸುವ ಪ್ರಮಾಣದಲ್ಲಿಒಂದಿಷ್ಟು ವ್ಯತ್ಯಾಸವಾದರೂ ಅದು ಬೆಳೆ ಮೇಲೆ ಪರಿಣಾಮ ಬೀರುತ್ತದೆ. ಈ ನಿಟ್ಟಿನಲ್ಲಿ ಗೊಬ್ಬರದ ಅಂಗಡಿಯವರು ಜಾಗರೂಕರಾಗಿ ಲೆಕ್ಕ ಹಾಕಿ ಮೂರು ಪೋಷಕಾಂಶಗಳನ್ನು ಹೊಂದಾಣಿಕೆ ಮಾಡುತ್ತಾರೆ. ಮಾರುಕಟ್ಟೆಯಲ್ಲಿ ಸಾರಜನಕ, ರಂಜಕ, ಪೊಟ್ಯಾಶಿಯಂ ಸಂಯೋಜಿತ 14 ಗೊಬ್ಬರಗಳು ಸಿದ್ಧ ರೂಪದಲ್ಲಿ ಸಿಗುತ್ತವೆ. ಅದನ್ನು ಹೊರತುಪಡಿಸಿ ಕೆಲವು ಸಮಯಗಳಲ್ಲಿ ಹೊಸ ಸಂಯೋಜನೆಗಳು ಬೇಕಾಗುತ್ತವೆ. ಆಗ ಈ ಆ್ಯಪ್ ಬಳಕೆಗೆ ಬರುತ್ತದೆ,” ಎಂದು ಆ್ಯಪ್ ಡೆವೆಲಪರ್ ಡಾ. ವಿಶ್ವನಾಥ್ ತಿಳಿಸಿದ್ದಾರೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:about fertilizerFarm CalculatorFarm Calculator' appinformation on fertilizers

Up Next

Cockroaches-ಅಡುಗೆಮನೆ ಜಿರಳೆಗಳ ಸಾಮ್ರಾಜ್ಯವಾಗಿದ್ಯಾ? ಅವುಗಳ ಕಾಟದಿಂದ ಮುಕ್ತಿ ಪಡೆಯಲು ಇಲ್ಲಿದೆ ಸಿಂಪಲ್‌ ಟಿಪ್ಸ್‌

Don't Miss

Pendulum dousing-ಪೆಂಡ್ಯೂಲಮ್ ಡೌಸಿಂಗ್ ಹೀಗೆಂದರೇನು? ಈ ವಿದ್ಯೆಯನ್ನು ಕಲಿಯುವುದರಿಂದಾಗುವ ಪ್ರಯೋಜನಗಳು