ಇಲ್ಲಿ ಮಾತನಾಡಿದ ಜಯಪ್ರಕಾಶ್‌ ಬದಿನಾರು ಅವರು “ಸ್ವಚ್ಛ ಮನ ಸ್ವಚ್ಛ ಗ್ರಾಮ ಎಂಬ ಕಾರ್ಯಕ್ರಮವನ್ನು ಬ್ರಹ್ಮಕಲಶೋತ್ಸವ ಸಮಿತಿಯಿಂದ ಹಮ್ಮಿಕೊಳ್ಳಲಾಗುತ್ತಿದೆ.  ಸ್ವಚ್ಛತಾ ಶ್ರಮದಾನ ಮೂರು ತಂಡಗಳ ಮೂಲಕ  ನಡೆದಿದೆ. ಮುಂದಿನ ದಿನಗಳಲ್ಲಿ ಕಾರ್ಯಕ್ರಮಕ್ಕೆ ಬರುವವರಿಗೆ ಸ್ವಚ್ಛತೆ ಹಿನ್ನಲೆಯಲ್ಲಿ ಮಾದರಿಯಾಗಿ ಈ ಕಾರ್ಯಕ್ರಮ ಪರಿಣಮಿಸಲಿದೆ ಎಂದರು.

ಶಾಂತಿನಗರ

ಶಾಂತಿನಗರದಿಂದ ವಿನಾಯಕ ನಗರದವರೆಗೆ ಬ್ರಹ್ಮಕಲಶೋತ್ಸವ ಸಮಿತಿಯ ಅಧ್ಯಕ್ಷರಾದ ಉದ್ಯಮಿ ಕೋಡಿಂಬಾಡಿ ಅಶೋಕ್ ಕುಮಾರ್ ರೈ ನೇತ್ರತ್ವದಲ್ಲಿ ವಕೀಲರಾದ ಕುಮಾರನಾಥ ಪಲ್ಲತ್ತಾರು, ದಿನೇಶ್ ಶೆಟ್ಡಿ ಪಿಜನಡ್ಕ, ಸತೀಶ್ ಎ ಎಸ್ ಶಾಂತಿನಗರ ಅವರ ಸಹಕಾರ ದೊಂದಿಗೆ ಅಭಿಯಾನ ಆರಂಭಗೊಂಡಿತು.  ಇವರಿಗೆ ಜಿಡೆಕಲ್ಲು, ಶಾಂತಿನಗರ ಹಾಗೂ ಕೋಡಿಂಬಾಡಿಯ ಸರಕಾರಿ ಕಾಲೇಜಿನ ವಿದ್ಯಾರ್ಥಿಗಳು ನೆರವಾದರು.ಸತ್ಯನಾರಾಯಣ ಪೂಜಾ ಸಮಿತಿ ಕೋಡಿಂಬಾಡಿ ಹಾಗೂ ಕಾರ್ಮಿಕ ಘಟಕ ಪುತ್ತೂರು ಇದರ ಸದಸ್ಯರುಗಳು ದೊಡ್ಡ ಸಂಖ್ಯೆಯಲ್ಲಿ ಇಲ್ಲಿ ಸ್ವಚ್ಚತಾ ಕಾರ್ಯದಲ್ಲಿ ಭಾಗಿಯಾದರು.

ಪೆರ್ನೆ

ಮುರಳಿಧರ ರೈ ಮಠಂತಬೆಟ್ಟು ಸಾರಥ್ಯದಲ್ಲಿ, ರಾಜೀವ್ ಶೆಟ್ಟಿ ಕೇದಗೆ ಪೆರ್ನೆ ,  ಪೆರ್ನೆ ಗ್ರಾ.ಪಂ ಸದಸ್ಯ ನವೀನ್ ಪದಬರಿ  ಹಾಗೂ ಯೊಗೀಶ್ ಸಾಮಾನಿಯವರ ಸಹಕಾರದಲ್ಲಿ ಗ್ರಾಮಸ್ಥರು ಪೆರ್ನೆಯಿಂದ ವಿನಾಯಕ ನಗರದವರೆಗೆ ಗ್ರಾಮ ಸ್ವಚ್ಚತೆಯ ಕಾರ್ಯವನ್ನು ನಡೆಸಿದರು. ಶ್ರೀ ರಾಮಚಂದ್ರ ಪ್ರೌಡಶಾಲೆ ಹಾಗೂ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು,  ಪೆರ್ನೆಯ ಗ್ರಾಮಸ್ಧರು ಹಾಗೂ ಧರ್ಮಸ್ಥಳ ಗ್ರಾಮಾಭಿವ್ರದ್ದಿ ಯೋಜನೆ ಪೆರ್ನೆ ಒಕ್ಕೊಟದ ಸದಸ್ಯರುಗಳು ಇವರ ಸ್ವಚ್ಚತಾ ಅಭಿಯಾನದಲ್ಲಿ ಜೊತೆಯಾದರು.

ಈ ಮೂರು ಕಡೆಗಳಲ್ಲಿ ಧರ್ಮಸ್ಥಳ ಗ್ರಾಮಾಭಿವ್ರದ್ದಿ ಯೋಜನೆಯ ಕೋಡಿಂಬಾಡಿ ಘಟಕದ  ಹಾಗೂ ಕೋಂಡಿಬಾಡಿ ಗ್ರಾಮಕ್ಕೆ ಸಂಬಂಧಿಸಿದ ವಿವಿಧ ಸಂಘ ಸಂಸ್ಥೆಯ ಸದಸ್ಯರುಗಳು   ಭಾಗಿಯಾಗಿ ತಮ್ಮಿಂದಾದ ಸೇವೆ ಸಲ್ಲಿಸಿದರು.

ಪಾನೀಯ ವ್ಯವಸ್ಥೆ

ತಮ್ಮ ಮನೆ ಪರಿಸರದ ಬಳಿ ಸ್ವಚ್ಚತಾ ಕಾರ್ಯ ಕೈಗೊಳ್ಳುತ  ಸ್ವಯಂ ಸೇವಕರು  ಬಂದಾಗ ಪಾನೀಯ ನೀಡಿ ಗ್ರಾಮಸ್ಥರು ಅವರ ಕಾರ್ಯವನ್ನು ಉತ್ತೇಜಿಸಿದ್ದು ವಿಶೇಷವಾಗಿತ್ತು.

ಗಮನ ಸೆಳೆದ ಪ್ರಚಾರ ವಾಹನ

ಮುಂದಿನ 25 ದಿನಗಳ ಕಾಲ ಜಿಲ್ಲೆಯ ವಿವಿಧ ಊರು ,ನಗರ ಪಟ್ಟಣಗಳಲ್ಲಿ  ಬ್ರಹ್ಮಕಲಶೋತ್ಸವದ ಪ್ರಚಾರ , ಆಮಂತ್ರಣ ಪತ್ರಿಕೆ ಹಂಚಲು ಅಲಂಕೃತ ವಾಹನವೊಂದನ್ನು ಪ್ರಚಾರ ಸಮಿತಿಯ ಸಾರಥ್ಯದಲ್ಲಿ ಸಿದ್ದಗೊಳಿಸಲಾಗಿದ್ದು ಇದು ಇಂದಿನ ವಿಶೇಷ ಅಕರ್ಷಣೆಯಾಗಿತ್ತು. ತುಳುನಾಡು ಹೊಟೇಲಿನ ಮಾಲಕರಾದ ಯತೀಶ್ ಶೆಟ್ಟಿ ಬರಮೇಲು ಅವರ ಸಹಕಾರದಲ್ಲಿ ಪ್ರಚಾರ ಸಮಿತಿಯ ಪರಿಕಲ್ಪನೆಯಲ್ಲಿ  ಅತ್ಯಾಕರ್ಷಕವಾಗಿ ಈ ಪ್ರಚಾರ ವಾಹನವನ್ನು  ರೂಪಿಸಲಾಗಿದೆ.

ಸಮಾರೋಪ ಸಮಾರಂಭ

ಮೂರು ದಿಕ್ಕಿನಿಂದ ಹೊರಟ ಸ್ವಚ್ಛತಾ ತಂಡಗಳು ಕೋಡಿಂಬಾಡಿ ಗ್ರಾಮದ ವಿನಾಯಕ ನಗರದಲ್ಲಿ ತ್ರಿವೇಣಿ ಸಂಗಮಗೊಂಡವು. ಬಳಿಕ ಅಲ್ಲಿಯೇ ಉದ್ಯಮಿ ಕೋಡಿಂಬಾಡಿ ಅಶೋಕ್ ಕುಮಾರ್ ರೈ ಯವರ ನೇತ್ರತ್ವದಲ್ಲಿ ಸರಳ ಸಮಾರೋಪ ಸಮಾರಂಭ ನಡೆಯಿತು.

ಅಲ್ಲಿ ಮಾತನಾಡಿದ ಅವರು “ಶ್ರೀ ಮಹಿಷಮರ್ದಿನಿ ದೇವಸ್ಥಾನದ ಬ್ರಹ್ಮಕಲಶೋತ್ಸವದ ಹಿನ್ನಲೆಯಲ್ಲಿ ಶಾಂತಿನಗರ, ಪೆರ್ನೆ ಹಾಗೂ ಸೇಡಿಯಾಪು ಈ ಮೂರು ಕಡೆಗಳಿಂದ ಒಂದೇ ಸಮಯಕ್ಕೆ ಸುಮಾರು ೫೦೦ ಜನರ ತಂಡ ಗ್ರಾಮ ಸ್ವಚ್ಛತೆಗೆ ಕೈಜೋಡಿಸಿದ್ದಾರೆ. ಇದಕ್ಕಾಗಿ ಎಲ್ಲಾ ಶಾಲಾ-ಕಾಲೇಜುಗಳನ್ನು ಸಂಪರ್ಕಿಸಿ ಆಮಂತ್ರಣ ನೀಡಲಾಗಿತ್ತು. ಬ್ರಹ್ಮಕಲಶೋತ್ಸವ ಯಶಸ್ವಿಯಾಗಿ ನಡೆಯುವ ನಿಟ್ಟಿನಲ್ಲಿ ಶಾಲಾ ಕಾಲೇಜು ವಿದ್ಯಾರ್ಥಿಗಳು ಸಹಿತ ಊರಿನವರು ಪಾಲ್ಗೊಂಡಿದ್ದಾರೆ. ಬೀದಿಯಲ್ಲಿ ದಸರಾ ಮಾದರಿಯ ಲೈಟಿಂಗ್ಸ್ ಬ್ರಹ್ಮಕಲಶೋತ್ಸವ ಸಂದರ್ಭದಲ್ಲಿ ಅಳವಡಿಸಲಿದ್ದು, ಇದಕ್ಕಾಗಿ ಸ್ವಚ್ಛತಾ ಕಾರ್ಯಕ್ರಮ ನಡೆದಿದೆ ಎಂದರು

ಶ್ರೀರಾಮಚಂದ್ರ ಪ್ರೌಡಶಾಲೆಯ ಮುಖ್ಯೋಪಾಧ್ಯಾಯರಾದ   ತಾರಾನಾಥ ಶೆಟ್ಟಿ , ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಶೇಖರ್ ರೈ,  ಬ್ರಹ್ಮ ಕಲಶೋತ್ಸವ ಸಮಿತಿಯ ಕಾರ್ಯದಕ್ಷರಾದ ಸೀತಾರಾಮ ಶೆಟ್ಟಿ ಹೆಗ್ಡೆ ಹಿತ್ಲು  ವಿವೇಕಾನಂದ ಇಂಜಿನಿಯರಿಂಗ್  ಕಾಲೇಜಿನ ಎನ್ ಎಸ್ ಎಸ್ ಕೋ ಅರ್ಡಿನೇಟರ್ ಗಳಾದ ಅಜಯ್ ಶಾಸ್ತ್ರಿ  ಮತ್ತು ನಿಷಾ , ಶಾಂತಿನಗರ ಶಾಲೆಯ ಅಧ್ಯಾಪಕಿ ಗೀತಾ ಉಪಸ್ಥಿತರಿದ್ದರು.

ಪೆರ್ನೆ ಗ್ರಾ.ಪಂ ಅಧ್ಯಕ್ಷರಾದ ಸುನೀಲ್ ಪಿಂಟೊ, ನೆಕ್ಕಿಲಾಡಿ ಗ್ರಾ. ಪಂ ಉಪಾದ್ಯಕ್ಷರಿಗೆ ಹಾಗೂ ಧರ್ಮಸ್ಥಳ ಗ್ರಾಮಾಭಿವ್ರದ್ದಿ ಯೋಜನೆಯ ವಿವಿಧ ಘಟಕದ ಸೇವಾ ಪ್ರತಿನಿಧಿಗಳಿಗೆ ಸಭೆಯಲ್ಲಿ ಗೌರವಾರ್ಪಣೆ ಮಾಡಲಾಯಿತು‌.  ಈ ಸಂದರ್ಭ ಗ್ರಾ. ಪಂ ಸದಸ್ಯರುಗಳು, ಜನಪ್ರತಿನಿಧಿಗಳು ವಿವಿಧ ಸಂಘ ಸಂಸ್ಥೆಗಳ ಅಧ್ಯಕ್ಷರುಗಳು ಉಪಸ್ಥಿತರಿದ್ದರು