High Court Rare Judgment : ಮಂಗಳೂರು Mangalore: ಹಲ್ಲೆ ನಡೆಸಿದ ಅಪರಾಧಿಯ ವಯಸ್ಸು, ಸನ್ನಡತೆ, ಸಾಮಾಜಿಕ ಸ್ಥಿತಿ ಗತಿಯನ್ನು ಗಮನಿಸಿ ನ್ಯಾಯಾಲಯ ಶಿಕ್ಷೆಯಲ್ಲಿ ಔದಾರ್ಯ ತೋರಿಸಿದ ಅಪರೂಪದ ವಿದ್ಯಮಾನವೊಂದು ರಾಜ್ಯ ಹೈಕೋರ್ಟಿನಲ್ಲಿ (High Court)  ನಡೆದಿದೆ. ಬಂಟ್ವಾಳ ತಾಲೂಕಿನ ಕರೋಪಾಡಿ ಗ್ರಾಮದ ನಿವಾಸಿ ಐತಪ್ಪ ನಾಯ್ಕ್ ಔದಾರ್ಯಕ್ಕೆ ಪಾತ್ರರಾದ ಆರೋಪಿ.

ಐತಪ್ಪ ನಾಯ್ಕ್ ರವರು 15 ವರ್ಷಗಳ ಹಿಂದೆ 2008ರಲ್ಲಿ ನರೆ ಮನೆಯ ನಿವಾಸಿಗೆ ಹಲ್ಲೆ ನಡೆಸಿದ್ದರು. ಈ ಪ್ರಕರಣ ಹೈ ಕೋರ್ಟು ಮೆಟ್ಟೀಲೆರಿತ್ತು. ನ್ಯಾಯಾಲಯದಲ್ಲಿ ಆರೋಪಿಯು ತನ್ನ ತಪ್ಪನ್ನು ಒಪ್ಪಿಕೊಂಡು ಪಶ್ಚತಾಪ ವ್ಯಕ್ತಪಡಿಸುವ ಮೂಲಕ ಪ್ರಾಮಾಣಿಕತೆ ಪ್ರದರ್ಶಿಸಿದ್ದರು. ಅಲ್ಲದೇ ಆರೋಪಿಯು ಮಕ್ಕಳಿಲ್ಲದ ವೃದ್ದನಾಗಿದ್ದು, ವಯಸ್ಸಾದ ಪತ್ನಿಯು ಮನೆಯಲ್ಲಿರುವುದನ್ನು ಪರಿಗಣಿಸಿ ಕರ್ನಾಟಕ ಉಚ್ಚ ನ್ಯಾಯಾಲಯ ಅಚ್ಚರಿಯ ತೀರ್ಪು ನೀಡಿದೆ. ತೀರ್ಪಿನ ಪ್ರಕಾರ ಐತಪ್ಪರವರು ಸ್ಥಳೀಯ ಅಂಗನವಾಡಿಯಲ್ಲಿ ಒಂದು ವರ್ಷ ವೇತನ ಇಲ್ಲದಂತೆ ಸೇವೆ ಸಲ್ಲಿಸಬೇಕಿದೆ. ಈ ಮೂಲಕ ಜೈಲು ಸೇರಬೇಕಾಗಿದ್ದ ಅವರು ಕರೋಪಾಡಿಯ ಅಂಗನವಾಡಿಯಲ್ಲಿ ಶುಚಿತ್ವದ ಕೆಲಸದಲ್ಲಿ ತೊಡಗಿದ್ದಾರೆ.

ಏನಿದು ಪ್ರಕರಣ ?

alt="Ad Widget"/>

2008ರಲ್ಲಿ ಜಾಗದ ವಿಚಾರದಲ್ಲಿ ಕಿರುಕುಳ ನೀಡಿದ ನೆರೆಮನೆಯ ವ್ಯಕ್ತಿಯೊಬ್ಬರಿಗೆ ಐತಪ್ಪ ನಾಯ್ಕ ಹಲ್ಲೆ ಮಾಡಿದ್ದರು. ಪ್ರಕರಣದಲ್ಲಿ ಬಂಟ್ವಾಳದ ಕೋರ್ಟ್, ಆರೋಪಿ ಐತಪ್ಪ ನಾಯ್ಕರಿಗೆ ಮೂರು ದಿನಗಳ ಜೈಲು ಶಿಕ್ಷೆ ಮತ್ತು ಹತ್ತು ಸಾವಿರ ರೂ. ದಂಡ ವಿಧಿಸಿತ್ತು. ಆದರೆ ದೂರುದಾರ ವ್ಯಕ್ತಿ ಆರೋಪಿಗೆ ಶಿಕ್ಷೆಯ ಪ್ರಮಾಣ ಹೆಚ್ಚಿಸಬೇಕೆಂದು ಮಂಗಳೂರಿನ ಕೋರ್ಟಿಗೆ ಮೇಲ್ಮನವಿ ಸಲ್ಲಿಸಿದ್ದರು. ವಿಚಾರಣೆ ನಡೆಸಿದ ಕೋರ್ಟ್ 2014ರಲ್ಲಿ ಆರೋಪಿ ಐತಪ್ಪ ನಾಯ್ಕನಿಗೆ ಎರಡು ವರ್ಷಗಳ ಶಿಕ್ಷೆ ವಿಧಿಸಿ ತೀರ್ಪು ಕೊಟ್ಟಿತ್ತು.

<>

ಮಂಗಳೂರಿನ ಜಿಲ್ಲಾ ನ್ಯಾಯಾಲಯದ ತೀರ್ಪನ್ನು ಪ್ರಶ್ನಿಸಿ ಐತಪ್ಪ ನಾಯ್ಕ್ ಪರ ವಕೀಲರು ಹೈಕೋರ್ಟಿಗೆ ಅರ್ಜಿ ಸಲ್ಲಿಸಿದ್ದರು. ಮಕ್ಕಳಿಲ್ಲದ ವೃದ್ಧ ಮತ್ತು ಮನೆಯಲ್ಲಿ ಪತ್ನಿ ಒಬ್ಬಂಟಿಯಾಗಿರುವುದರಿಂದ ವಯಸ್ಸನ್ನು ನೋಡಿ ಶಿಕ್ಷೆಗೆ ವಿನಾಯ್ತಿ ನೀಡಬೇಕೆಂದು ವಕೀಲರು ಕೋರಿದ್ದರು. ಆರೋಪಿ ಐತಪ್ಪ ನಾಯ್ಕ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಲ್ಲದೆ, ಪಶ್ಚಾತ್ತಾಪ ವ್ಯಕ್ತಪಡಿಸಿದ್ದರಿಂದ ನ್ಯಾಯಾಧೀಶರು ಕೆಳಗಿನ ಕೋರ್ಟಿನ ಶಿಕ್ಷೆಯನ್ನು ರದ್ದುಗೊಳಿಸಿದ್ದಾರೆ. ಅದರ ಬದಲಿಗೆ ಒಂದು ವರ್ಷ ಕಾಲ ಸ್ಥಳೀಯ ಅಂಗನವಾಡಿಯಲ್ಲಿ ವೇತನ ಇಲ್ಲದೆ ಸೇವೆ ಮಾಡುವಂತೆ ಆದೇಶ ಮಾಡಿದ್ದಾರೆ.

ಅದರಂತೆ, ಕರೋಪಾಡಿ ಗ್ರಾಮದ ಅಂಗನವಾಡಿಯಲ್ಲಿ ಬಡಪಾಯಿ ವೃದ್ಧ ಐತಪ್ಪ ನಾಯ್ಕ ಈಗ ಶುಚಿತ್ವದ ಕೆಲಸ ಆರಂಭಿಸಿದ್ದಾರೆ. “ಹೀಗೆ.. ಕೋರ್ಟ್ ಹೇಳಿದೆ.. ನಂಗ್ ಯಾರೂ ಗತಿಯಿಲ್ಲ.. ದುಡಿಯದೇ ನಂಗ್ ಹೊಟ್ಟೆ ತುಂಬುವುದಿಲ್ಲ.. ಆದರೆ, ಈಗ ಕಷ್ಟ ಆಗಿದೆ ಅಂತಾ ಮಾಧ್ಯಮವೊಂದರ ಮುಂದೆ ಐತಪ್ಪ ನಾಯ್ಕ್ ಅಳಲು ತೋಡಿಕೊಂಡಿದ್ದಾರೆ.

ಹಣ ಉಳ್ಳವರು ಶಿಕ್ಷೆಯಾದರೂ, ನಾನಾ ದಾರಿ ಹುಡುಕಿ ಬಚಾವು ಆಗುತ್ತಾರೆ. ಆದರೆ ಬಡ ಐತಪ್ಪ ನಾಯ್ಕರಿಗೆ ಬಂಟ್ವಾಳದ ವಕೀಲರೊಬ್ಬರು ಸಹಾಯ ಹಸ್ತ ನೀಡಿದ ಪರಿಣಾಮ ಹೈಕೋರ್ಟಿನಲ್ಲಿ ಕಠಿಣಶಿಕ್ಷೆಯಿಂದ ಪಾರಾಗಿದ್ದಾರೆ. ಆದರೇ ಈ ಇಳಿ ವಯಸ್ಸಿನಲ್ಲೂ ದುಡಿದು ತಿನ್ನುವ ಅನಿವಾರ್ಯತೆಯಲ್ಲಿರುವ ಅವರು ಉಚಿತವಾಗಿ ಅಂಗನವಾಡಿಯಲ್ಲಿ ಸೇವೆ ಸಲ್ಲಿಸುವ ಮೂಲಕ ಬದುಕಿನ ಬುತ್ತಿ ತುಂಬಿಸಲು ಹರ ಸಾಹಸ ಪಡುತ್ತಿರುವುದು ವಿಪರ್ಯಾಸವೇ ಸರಿ

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಅಂಗನವಾಡಿಮಂಗಳೂರುಕರ್ನಾಟಕ ಹೈಕೋರ್ಟ್‌anganwadiHigh Court of KarnatakaHigh Court Of Karnataka AnganwadiMangaluru

Up Next

Puttur BJP :ಪುತ್ತೂರು : ಮಾ 11 : ವೆಂಕಟ್ರಮಣ ದೇವಸ್ಥಾನದ ಪಕ್ಕದ ಗದ್ದೆಯಲ್ಲಿ ಬಿಜೆಪಿ ವಿಜಯ ಸಂಕಲ್ಪ ಯಾತ್ರೆ ಸಮಾವೇಶ – 22 ಸಾವಿರ ಮಂದಿ ಭಾಗವಹಿಸುವ ನಿರೀಕ್ಷೆ : ಸಾಜಾ ರಾಧಾಕೃಷ್ಣ ಆಳ್ವ

Don't Miss

ಮಾ 25ರೊಳಗೆ ಬಂಟ ಸಮುದಾಯಕ್ಕೆ ನಿಗಮ ಹಾಗೂ ಮೀಸಲಾತಿ ಘೋಷಿಸಿ – ತಪ್ಪಿದ್ದಲ್ಲಿ 20 ಕ್ಷೇತ್ರಗಳಲ್ಲಿ ಬಂಟ ಅಭ್ಯರ್ಥಿ ಕಣಕ್ಕೆ : ಜಾಗತಿಕ ಬಂಟರ ಸಂಘದ ಎಚ್ಚರಿಕೆ