ದೂರದರ್ಶನ ಡಿ.ಡಿ. ಚಂದನ ವಾಹಿನಿಯ “ಹಲೋ ಗೆಳೆಯರೇ” ಲೈವ್ ಫೋನ್ ಇನ್ ಕಾರ್ಯಕ್ರಮದಲ್ಲಿ ಪುತ್ತೂರಿನ ವಕೀಲರಾದ ಕೃಷ್ಣಪ್ರಸಾದ್ ನಡ್ಸಾರ್ ಅತಿಥಿಯಾಗಿ ಜುಲೈ 30, ಗುರುವಾರ ಅಪರಾಹ್ನ ಗಂಟೆ 12.00 ರಿಂದ 1.00ರವರೆಗೆ ಭಾಗವಹಿಸಲಿದ್ದಾರೆ.

ದೂರದರ್ಶನ ಡಿ.ಡಿ. ಚಂದನ ವಾಹಿನಿಯ “ಹಲೋ ಗೆಳೆಯರೇ” ಲೈವ್ ಫೋನ್ ಇನ್ ಕಾರ್ಯಕ್ರಮದಲ್ಲಿ ಪುತ್ತೂರಿನ ವಕೀಲರಾದ ಕೃಷ್ಣಪ್ರಸಾದ್ ನಡ್ಸಾರ್ ಅತಿಥಿಯಾಗಿ ಜುಲೈ 30, ಗುರುವಾರ ಅಪರಾಹ್ನ ಗಂಟೆ 12.00 ರಿಂದ 1.00ರವರೆಗೆ ಭಾಗವಹಿಸಲಿದ್ದಾರೆ.

alt="Ad Widget"/>

ಅನಿಕೇತನ ಎಜುಕೇಶನಲ್ ಟ್ರಸ್ಟ್(ರಿ) ಪುತ್ತೂರು ಇದರ ಆಡಳಿತ ಟ್ರಸ್ಟಿ ಹಾಗೂ ಕಾನೂನು ಮತ್ತು ಕೌಶಲ್ಯ ತರಬೇತುದಾರರೂ ಆಗಿರುವ ಕೃಷ್ಣಪ್ರಸಾದ್ ನನ್ಸಾರ್ ರವರು ಕಳೆದ ಹಲವಾರು ವರ್ಷಗಳಿಂದ ವಿದ್ಯಾರ್ಥಿಗಳು ಮತ್ತು ಪೋಷಕರು, ವಿವಿಧ ಸಂಘ ಸಂಸ್ಥೆಗಳು, ಮಹಿಳಾ ಪರ ಸಂಘಟನೆಗಳ ಸದಸ್ಯರು, ಸೇವಾ ಸಂಸ್ಥೆಗಳು ಮತ್ತು ಸಾರ್ವಜನಿಕರಲ್ಲಿ ನೂರಾರು ತರಬೇತಿ ಕಾರ್ಯಕ್ರಮಗಳನ್ನು ನಡೆಸಿದ್ದು, ಮಾನವ ಕಳ್ಳಸಾಗಾಣಿಕೆ ತಡೆ ಬಗ್ಗೆ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಪುತ್ತೂರು ತಾಲೂಕು ಕಾನೂನು ಸೇವಾ ಸಮಿತಿ, ವಕೀಲರ ಸಂಘ ಪುತ್ತೂರು, ಕರ್ನಾಟಕ ಪತ್ರಕರ್ತರ ಸಂಘ ಪುತ್ತೂರು ಘಟಕ ಮತ್ತಿತರ ಸಂಘ ಸಂಸ್ಥೆಗಳ ಸಹಯೋಗದಲ್ಲಿ ವಿಶೇಷ ತರಬೇತಿ ಸಪ್ತಾಹಗಳ ಮೂಲಕ ತಾಲೂಕಿನ ವಿವಿಧೆಡೆಗಳಲ್ಲಿ ಜಾಗೃತಿ ಮೂಡಿಸುವ‌ ಕಾರ್ಯಕ್ರಮಗಳನ್ನು ಆಯೋಜಿಸಿರುವುದು ಗಮನಾರ್ಹವಾಗಿದೆ. ಅಲ್ಲದೇ ಬೆಂಗಳೂರು ಆಕಾಶವಾಣಿಯ ಮೂಲಕ ಹಲವಾರು ಕಾನೂನು ಮಾಹಿತಿ ಕಾರ್ಯಕ್ರಮಗಳಲ್ಲೂ ಅತಿಥಿಯಾಗಿ ಭಾಗವಹಿಸುತ್ತಿದ್ದು, ಸಾರ್ವಜನಿಕರಲ್ಲಿ ಕಾನೂನು ಕುರಿತಾದ ಜಾಗೃತಿ ಮೂಡಿಸುವಲ್ಲಿ ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಿದ್ದಾರೆ.

<>

ಸಾರ್ವಜನಿಕರಲ್ಲಿ ವಿಶೇಷ ಸಾಮಾಜಿಕ, ಶೈಕ್ಷಣಿಕ, ಕಾನೂನು ಹಾಗೂ ಆರೋಗ್ಯ ವಿಷಯಗಳ ಕುರಿತಾದ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ದೂರದರ್ಶನ ಕೇಂದ್ರದ ಡಿ.ಡಿ.ಚಂದನ ವಾಹಿನಿಯ ಪ್ರಸಿದ್ಧ ನೇರಪ್ರಸಾರ ಕಾರ್ಯಕ್ರಮದಲ್ಲಿ”ಮಾನವ ಕಳ್ಳಸಾಗಾಣಿಕೆ ತಡೆ” ಕುರಿತಾದ ಕಾನೂನು ಮಾಹಿತಿಯನ್ನು ನೀಡಲಿದ್ದು ವೀಕ್ಷಕರು ಭಾಗವಹಿಸಿ ದೂರವಾಣಿ ಸಂಖ್ಯೆ 080-23542599, 23542699 ಮೂಲಕ ತಮ್ಮ ಪ್ರಶ್ನೆಗಳನ್ನು ಕೇಳಬಹುದಾಗಿದೆ.