ಪುತ್ತೂರು : ಸೆ 17 ಏಕ ವಿನ್ಯಾಸ ನಿವೇಶನ (9/11) ಅನುಮೋದನೆಗೆ ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ ಅನುಮತಿ ಕಡ್ಡಾಯಗೊಳಿಸಿ ಹೈಕೋರ್ಟ್  ನೀಡಿದ  ಆದೇಶದಿಂದ  ಸಾರ್ವಜನಿಕರಿಗೆ ಉಂಟಾದ ತೊಂದರೆಯನ್ನು ಪರಿಹರಿಸುವ ನಿಟ್ಟಿನಲ್ಲಿ, ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿಯನ್ನು ತಾಲೂಕು ಕೇಂದ್ರಕ್ಕೆ  ಕಳುಹಿಸಿ ಗ್ರಾಮಗಳಿಂದ  ಬರುವ 9/11 ಕಡತಗಳಿಗೆ ಶೀಘ್ರ ಅನುಮೋದನೆ ಸಿಗುವಂತೆ    ಸರಕಾರ ಮಾಡಿದೆ. ಇನ್ನು ಮುಂದೆ ಅರ್ಜಿ ಸಲ್ಲಿಸಿದ 12-15 ದಿನದೊಳಗೆ ಕಡತಕ್ಕೆ  ಅನುಮೋದನೆ ಸಿಗಲಿದೆ ಎಂದು ಶಾಸಕ ಅಶೋಕ್ ಕುಮಾರ್ ರೈ ಹೇಳಿದರು.

ಪುತ್ತೂರು ತಾಲೂಕು ಆಡಳಿತದ ಸಭಾಂಗಣದಲ್ಲಿ ಏಕ ನಿವೇಶನ ವಿನ್ಯಾಸ ಅನುಮೋದನೆ ವಿಚಾರದಲ್ಲಿ ನಗರಾಭಿವೃದ್ಧಿ ಪ್ರಾಧಿಕಾರದ ಆಯುಕ್ತರ ಹಾಗೂ ವಿವಿಧ ತಾಲೂಕು ಮಟ್ಟದ ಅಧಿಕಾರಿಗಳ ಸಭೆ ನಡೆಸಿ ಅವರು ಮಾತನಾಡಿದರು.

alt="Ad Widget"/>

ಸ್ವಂತ ಜಾಗದಲ್ಲಿ ಮನೆ ಕಟ್ಟಲು 25 ಸೆಂಟ್ಸ್ ಒಳಗಿನ ಭೂಪರಿವರ್ತನೆಗೆ 9/11  ಮಾಡಿಸುವ ಸಂದರ್ಭ ಫಲಾನುಭವಿಗೆ ಸಂಬಂಧಿತ ಅಧಿಕಾರಿಗಳು ಕಿರುಕುಳ ನೀಡಬಾರದು.  ಸರಕಾರಿ ರಸ್ತೆ ಸಂಪರ್ಕ ಇರಲೇ ಬೇಕು ಎಂದು ಕಡ್ಡಾಯಗೊಳಿಸಬಾರದು,  ಜಮೀನಿಗೆ ಸಂಪರ್ಕಿಸುವ ಖಾಸಗಿ ರಸ್ತೆಯನ್ನು ಪಂಚಾಯತ್  ರಸ್ತೆಯಾಗಿ ಮಾರ್ಪಾಡು ಮಾಡುವಂತೆ ಒತ್ತಾಯಿಸಬಾರದು ಎಂದು ತಾಕೀತು ಮಾಡಿದರು. ಇನ್ನೂ ದಾನ ಪತ್ರ ಮತ್ತು ಪಂಚಾಯಿತಿಯಿಂದ ಎನ್. ಒ. ಸಿ. ಕೇಳಬಾರದಾಗಿಯೂ ಸೂಚಿಸಿದರು. ಇದಕ್ಕೆ ಅಧಿಕಾರಿಗಳು ಸಭೆಯಲ್ಲಿ ಒಪ್ಪಿಗೆ ಸೂಚಿಸಿದರು.

<>

ಈ ಹಿಂದೆ 9/11 ಗೆ ಅನುಮೋದನೆ ನೀಡುವ ಕಾರ್ಯ ಆಯಾಯ ಗ್ರಾ. ಪಂ ನಲ್ಲಿ ನಡೆಯುತಿತ್ತು. ಹೈ ಕೋರ್ಟ್ ಆದೇಶದ ಬಳಿಕ ಇದು ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ ವ್ಯಾಪ್ತಿಗೆ ಬಂದಿದೆ. ಯೋಜನಾ ಅಭಿವೃದ್ಧಿ ಪ್ರಾಧಿಕಾರ ಕಚೇರಿ ಜಿಲ್ಲಾ ಕೇಂದ್ರಗಳಲ್ಲಿರುವುದರಿಂದ ಗ್ರಾಮೀಣ ಭಾಗದ ಜನರಿಗೆ ಅನಾನುಕೂಲವಾಗಿರುವುದನ್ನು ಮನಗಂಡ, ಕರಾವಳಿ ಭಾಗದ ಎಲ್ಲಾ ಶಾಸಕರು ಇದಕ್ಕೆ ಪರಿಹಾರ ಕಂಡುಕೊಳ್ಳಲು  ಕೆಲ ತಿಂಗಳುಗಳ ಹಿಂದೆ ಸಭೆ ನಡೆಸಿ ಸರಕಾರಕ್ಕೆ ಅಹವಾಲು ಸಲ್ಲಿಸಿದ್ದರು. 

ಬೆಳ್ತಂಗಡಿಯವರು ಮೂಡಬಿದರೆ ಪ್ರಾಧಿಕಾರ, ಸುಳ್ಯ- ಕಡಬ- ವಿಟ್ಲ ಪಟ್ಟಣ ಪಂಚಾಯಿತಿಯವರು ಪುತ್ತೂರು ಪ್ರಾಧಿಕಾರಕ್ಕೆ ಅರ್ಜಿ ಕಳುಹಿಸಿಕೊಡಲು ಈ ಹಿಂದೆ ಸೂಚಿಸಲಾಗಿತ್ತು. ಇದೀಗ ಇದನ್ನು ಇನ್ನಷ್ಟು ಸರಳೀಕರಿಸಿ, ಪ್ರತಿ ತಾಲೂಕು ಕೇಂದ್ರಗಳಿಗೆ ವಾರದಲ್ಲಿ 2 ದಿನ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿಯನ್ನು  ಕಳಹಿಸಿ , ಅವರ ಮೂಲಕ ಅರ್ಜಿಗೆ ಅನುಮೊದನೆ ಕೊಡುವ ಪ್ರಕ್ರಿಯೆ ಮಾಡಲಾಗಿದೆ.

ಅರ್ಜಿ ಸಲ್ಲಿಸುವ ಬಗ್ಗೆ

ಜನರು ಸ್ಥಳೀಯ ಪಂಚಾಯಿತಿಗೆ 9/11  ಕೋರಿ ಅರ್ಜಿ ಸಲ್ಲಿಸಬೇಕಾಗಿದೆ. ಆ ಆರ್ಜಿಯನ್ನು ಪಂಚಾಯತ್ ತಾಲೂಕು ಕೇಂದ್ರಕ್ಕೆ ಕಳುಹಿಸುತ್ತದೆ. ಅಲ್ಲಿಗೆ ವಾರಕ್ಕೆ 2 ಬಾರಿ ಭೇಟಿ ನೀಡುವ ಪ್ರಾಧಿಕಾರದ ಸದಸ್ಯ ಅರ್ಜಿಯನ್ನು ಪರಿಶೀಲಿಸಿ ಅಗತ್ಯ ಕ್ರಮ ಕೈಗೊಳ್ಳುವಂತೆ ನಿರ್ದೇಶಿಸಲಾಗಿದೆ. ಒಟ್ಟಾರೆ ಪ್ರಕ್ರಿಯೆ 12-15 ದಿನದೊಳಗೆ ಮುಗಿಸುವಂತೆ ಶಾಸಕ ಅಶೋಕ್ ರೈ  ಕಟ್ಟುನಿಟ್ಟಿನ ಸೂಚನೆ ನೀಡಿದ್ದಾರೆ. ಹೀಗಾಗಿ ಅರ್ಜಿದಾರರು ಅರ್ಜಿ ವಿಲೇವಾರಿಗೆ  ಪ್ರಾಧಿಕಾರಕ್ಕೆ  ಎಡತಾಕುವುದನ್ನು ತಪ್ಪಿಸಲಾಗಿದೆ.

 ಕಟ್ ಕನ್ವರ್ಷನ್

 ಕಟ್ ಕನ್ವರ್ಷನ್ ವಿಚಾರದ ಕುರಿತು ಮಾಹಿತಿ ನೀಡಿದ ಶಾಸಕರು  30ಅಡಿ ರಸ್ತೆ ಬಿಟ್ಟು ಆ ಬಳಿಕ ಅಭಿವೃದ್ಧಿಗೆ ಬೇಕಾದ ವ್ಯವಸ್ಥೆಯನ್ನು ನೀಡುವ ಕಾರ್ಯ ಕೆಲವೇ ದಿನದಲ್ಲಿ ಸರ್ಕಾರ ಮಾಡಲಿದೆ ಎಂದು ತಿಳಿಸಿದರು

ನಗರಾಭಿವೃದ್ಧಿ ಪ್ರಾಧಿಕಾರದ ಆಯುಕ್ತ ವೆಂಕಟ ಚಲಪತಿ ಮಾತನಾಡಿ “ಹೆಚ್ಚು ಕಡತಗಳಿರುವ  ತಾಲೂಕಿಗೆ ಹೆಚ್ಚಿನ ಸಮಯವನ್ನು ನೀಡಲು ಸೂಚಿಸಿದ್ದೇವೆ. ದಾಖಲೆಗಳ ಸಮಸ್ಯೆ ಹಾಗೂ ಪರಿಹಾರದ ವಿಚಾರದಲ್ಲಿ ಡಿಡಿ ಹಾಗೂ ಜೆಡಿ ನಿತ್ಯ ಪರಿಶೀಲನೆ ನಡೆಸುತ್ತಾರೆ. ಸ್ವಂತ ಬಳಕೆಯ 9/11ವಿಚಾರದಲ್ಲಿ  1 ಎಕ್ರೆಯ ಕೆಳಗೆ ಸ್ಥಳೀಯ ಪ್ರಾಧಿಕಾರದಲ್ಲಿ ಅನುಮೋದನೆ ನೀಡಲು ಅವಕಾಶಗಳಿದೆ. 2ಎಕ್ರೆ ವರೆಗೆ ಮಹಾ ನಗರ ಪ್ರಾಧಿಕಾರ, 5 ಎಕ್ರೆ ವರೆಗೆ ಮೈಸೂರು ಡಿವಿಜನ್,  ಅದಕ್ಕೂ ಹೆಚ್ಚಿನ ವಿಸ್ತೀರ್ಣದ ಜಮೀನುಗಳಿಗೆ  ಆಯುಕ್ತರ ಕಚೇರಿಯಲ್ಲಿ ಅನುಮೋದನೆಯನ್ನು ಪಡೆದುಕೊಳ್ಳಬೇಕಾಗಿದೆ. ಜನರಿಗೆ ಸಮಸ್ಯೆಯಾಗದ ರೀತಿಯಲ್ಲಿ ವ್ಯವಸ್ಥೆಯನ್ನು ಮಾಡಿಕೊಡಲಾಗುವುದು ಎಂದು ತಿಳಿಸಿದರು.

ಮೈಸೂರು ವಿಭಾಗ ಜಂಟಿ ನಿರ್ದೇಶಕಿ ಪಂಕಜ, ಡಿ.ಡಿ. ಹನುಮಂತಪ್ಪ, ತಹಸೀಲ್ದಾರ್ ಪುರಂದರ ಹೆಗ್ಡೆ, ಪುತ್ತೂರು ಯೋಜನಾ ಪ್ರಾಧಿಕಾರ ಸದಸ್ಯ ಕಾರ್ಯದರ್ಶಿ ಅಭಿಲಾಷ್, ನಗರ ಸಭೆ ಪೌರಾಯುಕ್ತ ಮಧು ಎಸ್. ಮನೋಹರ್, ವಿವಿಧ ತಾಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿಗಳಾದ ನವೀನ್ ಭಂಡಾರಿ, ರಾಜಣ್ಣ, ಭವಾನಿ ಶಂಕರ್ ಮತ್ತಿತರ

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:

Up Next

Brijesh Chouta : ಕ್ಯಾ|ಚೌಟ ಅವರ ಅವಿರತ ಪ್ರಯತ್ನದ ಫಲ – MSEZಗೆ ಭೂಮಿ ಕೊಟ್ಟ ಜೆಬಿಎಫ್ ಕಂಪೆನಿ ಕುಟುಂಬಸ್ಥರಿಗೆ ಕೊನೆಗೂ ಗೈಲ್‌ ಇಂಡಿಯಾದಲ್ಲಿ ಉದ್ಯೋಗ; ಸಂಸದರ ಮನವಿಗೆ ಸ್ಪಂದಿಸಿ ಗಂಭೀರ ಸಮಸ್ಯೆ ಬಗೆಹರಿಸಿದ ಕೇಂದ್ರ ಪೆಟ್ರೋಲಿಯಂ ಸಚಿವಾಲಯ

Don't Miss

Subhadra Murder case ಸುಭದ್ರಾ ಕೊಲೆ ಪ್ರಕರಣ: ಕೇರಳದಿಂದ ಪರಾರಿಯಾಗಿ ಮಣಿಪಾಲದಲ್ಲಿ ಅಡಗಿದ್ದ ದಂಪತಿ ಸೆರೆ