ದೇವಸ್ಥಾನಗಳಲ್ಲಿ ಈ ಆರೋಪಿಗಳು ಮಾಡಿದ ಕಳ್ಳತನ

* 2018ರಲ್ಲಿ ಉರ್ವ ಪೊಲೀಸ್ ಠಾಣೆ ವ್ಯಾಪ್ತಿಯ ಅಶೋಕನಗರದ ಮಾತಾ ಚೌಡೇಶ್ವರಿ ದೇವಸ್ಥಾನ

*2019ರಲ್ಲಿ ಎಡಪದವು ರಾಮಮಂದಿರ

*2020ರಲ್ಲಿ ಸುರತ್ಕಲ್‌ನ ಕುಳಾಯಿ ಪಾಂಡುರಂಗ ಭಜನಾ ಮಂದಿರದ ಸಮೀಪದ ಸತ್ಯ ದೇವತಾ ದೈವಸ್ಥಾನ

* 2020ರಲ್ಲಿ ಸುರತ್ಕಲ್ ಠಾಣೆ ವ್ಯಾಪ್ತಿಯ ಕುಳಾಯಿ ಕಲ್ಲುಟ್ಟಿ ಪಂಜುರ್ಲಿ ದೈವಸ್ಥಾನ

*2021ರಲ್ಲಿ ಸುರತ್ಕಲ್ ಠಾಣಾ ವ್ಯಾಪ್ತಿಯ ಹೊಸೆಟ್ಟು ಕಲ್ಲುಟ್ಟಿ ಪಂಜುರ್ಲಿ ದೈವಸ್ಥಾನ

*ಹೊಸಬೆಟ್ಟು ವರ್ತೇಶ್ವರಿ ಕಲ್ಲುರ್ಟ್ಟಿ ದೈವಸ್ಥಾನ

*ಕುಳಾಯಿ ಕಾವಿನಕಲ್ಲು ಕಲ್ಲುಟ್ಟಿ ದೈವಸ್ಥಾನ

*ಕಾವಿನಕಲ್ಲು ಸತ್ಯದೇವತಾ ದೇವಸ್ಥಾನ, ಬೈಕಂಪಾಡಿ ಮೀನಕಳಿಯ ಕಲ್ಲುರ್ಟಿ ಪಂಜುರ್ಲಿ ದೈವಸ್ಥಾನ

*ಮುಲ್ಕಿ ಠಾಣೆ ವ್ಯಾಪ್ತಿಯ ಹಳೆಯಂಗಡಿ ದುರ್ಗಾ ಪರಮೇಶ್ವರಿ ದೇವಸ್ಥಾನ

*ಕಾವೂರು ಠಾಣೆ ವ್ಯಾಪ್ತಿಯ ದೇರೆಬೈಲ್ ರೇಣುಕ ಎಲ್ಲಮ್ಮ ದೇವಸ್ಥಾನ

*ಉಳ್ಳಾಲದ ಮಾಡೂರು ಕೋಟೆಕಾರು ಅಯ್ಯಪ್ಪ ಸ್ವಾಮಿ ಭಜನಾ ಮಂದಿರ

*ಸುರತ್ಕಲ್‌ನ ಕುಳಾಯಿ ಧೂಮಾವತಿ ಮೈಸಂದಾಯ ದೈವಸ್ಥಾನಗಳಲ್ಲಿ ನಡೆದ ಕಳ್ಳತನ

* 2020ರಲ್ಲಿ ಕಾವೂರು ಪಂಜಿಮೊಗರು ಬಳಿಯ ಮನೆ ಕಳ್ಳತನ,

*2021ರಲ್ಲಿ ಬಪ್ಪನಾಡು ಬಳಿಯ ಮನೆ ಕಳ್ಳತನ,

*ಉರ್ವ ಠಾಣೆ ವ್ಯಾಪ್ತಿಯ ಅಶೋಕನಗರದ ಮನೆ ಕಳ್ಳತನ

ಬಯಲಿಗೆ ಬಂದದ್ದು ಹೇಗೆ?:

ಅಶೋಕ ನಗರ ನಿವಾಸಿಯೊಬ್ಬರು ನವೆಂಬರ್ 10 ರಂದು ತನ್ನ ಮಗಳ ಮದುವೆ ಮಾತುಕತೆಗಾಗಿ ಮನೆಗೆ ಬೀಗ ಹಾಕಿ ತಮಿಳುನಾಡಿನ ತಂಜಾವೂರಿಗೆ ಹೋಗಿದ್ದು, ನವೆಂಬರ್ 12ರಂದು ಬೆಳಗ್ಗೆ ಬಂದಾಗ ಮನೆಯ ಗೇಟ್‌ ತೆರೆದು ಮುಂಬಾಗಿಲನ್ನು ತೆರೆಯಲು ಪ್ರಯತ್ನಿಸಿ ಹಾನಿಗೊಳಿಸಿರುವುದು ಕಂಡು ಬಂದಿತ್ತು. ಕಿಟಕಿ ಮೂಲಕ ಮನೆಯ ಬೆಡ್‌ ರೂಂ ಕಪಾಟುಗಳನ್ನು ಬಲಾತ್ಕಾರವಾಗಿ ತೆರೆದು ಕಾಪಾಟಿನಲ್ಲಿ ಇರಿಸಿದ್ದ 6,86,000 ರೂ. ಮೌಲ್ಯದ ಚಿನ್ನದ ಆಭರಣ ಕಳವು ಮಾಡಿಕೊಂಡು ಹೋಗಿದ್ದ ಬಗ್ಗೆ ದೂರು ನೀಡಲಾಗಿತ್ತು. ಈ ಕಳ್ಳತನ ಪ್ರಕರಣದಲ್ಲಿ ಭಾಗಿಯಾದ ಆರೋಪಿಗಳ ಪತ್ತೆಗಾಗಿ ಮಾಹಿತಿ ಸಂಗ್ರಹಿಸಿದ ಮಂಗಳೂರು ಸಿಸಿಬಿ ಪೊಲೀಸರು ಈ ಇಬ್ಬರು ಆರೋಪಿಗಳನ್ನು ಡಿಸೆಂಬರ್ 3 ರಂದು ದಸ್ತಗಿರಿ ಮಾಡಿದ್ದರು ಎಂದರು.

ಆರೋಪಿಗಳನ್ನು ಕೂಲಂಕಷವಾಗಿ ವಿಚಾರಿಸಿದ ವೇಳೆ ನಾಗ ನಾಯ್ಕ ಈ ಹಿಂದೆ ನಗರದ ನಾನಾ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿನ ದೈವಸ್ಥಾನ, ದೇವಸ್ಥಾನಗಳಲ್ಲಿ ಕಳ್ಳತನ ನಡೆಸಿರುವುದು ಬೆಳಕಿಗೆ ಬಂದಿದೆ ಎಂದರು.

ಆರೋಪಿಗಳು ಕಳ್ಳತನ ಮಾಡಿದ ಪ್ರಕರಣಗಳಲ್ಲಿ 18 ಲಕ್ಷ ರೂ. ಮೌಲ್ಯದ 406 ಗ್ರಾಂ ಚಿನ್ನಾಭರಣ, 10.40 ಲಕ್ಷ ರೂ. ಮೌಲ್ಯದ 16 ಕೆಜಿ ಬೆಳ್ಳಿ ಆಭರಣ ವಶಪಡಿಸಿಕೊಳ್ಳಲಾಗಿದೆ. ವಶಪಡಿಸಿಕೊಂಡ ಒಟ್ಟು ಸೊತ್ತಿನ ಅಂದಾಜು 28.40 ಲಕ್ಷ ರೂ.ಗಳಾಗಿವೆ. ಸೊತ್ತನ್ನು ದಾವಣಗೆರೆಯ ಜುವೆಲ್ಲರಿ ಹಾಗೂ ಆರೋಪಿ ಮಾರುತಿ ಎಂಬಾತನ ಚೆನ್ನಗಿರಿಯ ಜುವೆಲ್ಲರಿ ಹಾಗೂ ನಾಗ ನಾಯ್ಕನ ಮನೆಯಿಂದ ವಶಪಡಿಸಿಕೊಳ್ಳಲಾಗಿದೆ.

ಭದ್ರತೆ, ಸಿಸಿ ಕ್ಯಾಮರಾ ಇಲ್ಲದ ದೇವಸ್ಥಾನ, ದೈವಸ್ಥಾನ ಹಾಗೂ ಮನೆಯಲ್ಲಿ ಯಾರೂ ಇಲ್ಲದ ಸಂದರ್ಭವೇ ಆರೋಪಿಯ ಟಾರ್ಗೆಟ್ ಆಗಿರುತ್ತಿತ್ತು. ಆರೋಪಿ ಮಾರುತಿ ಈ ಹಿಂದೆ ಆಟೋ ಚಾಲಕನಾಗಿ ಕೆಲ ಮಾಡಿಕೊಂಡಿದ್ದು, ನಾಗ ನಾಯ್ಕನ ಜತೆ ಸೇರಿ ಸ್ವಂತ ಜುವೆಲ್ಲರಿ ಅಂಗಡಿ ಮಾಡಿಕೊಂಡು ಆರೋಪಿ ಜತೆ ಕಳ್ಳತನ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾನೆ. ಆರೋಪಿ ತನ್ನ ಜುವೆಲ್ಲರಿಯಲ್ಲಿ ಕಳ್ಳತನದ ಸಾಮಗ್ರಿ ಇರಿಸಿಕೊಂಡು ದಾವಣಗೆರೆಯ ಜುವೆಲ್ಲರಿಗೆ ಮಾರಾಟ ಮಾಡುತ್ತಿದ್ದ.                                                                                                                                                                                                                - ಎನ್. ಶಶಿಕುಮಾರ್, ಪೊಲೀಸ್ ಕಮಿಷನರ್, ಮಂಗಳೂರು